叁茶陸飯

營業中

休息中

今晚我們去了荃灣，見這間台灣料理好正好多客人，就入去食晚餐。環境一流，寬敞又舒服，好大的地方，好靚的設計，一邊是金色好浪漫的掛燈、另一邊是一格格的4人坐枱、又有bar枱位；這間餐廳的logo 好可愛，是一男一女的！枱子是淡色的枱椅子食物菜餚選擇好多款式，每種都好吸引；台式飲品都好多選擇，好想試好多種冬天更有火鍋及煲仔選擇，我們叫了一個薑母鴨煲好多好足料，好香的薑味！足料到蓋不上爐蓋了好抵食喔！服務員姐姐好好，主動過來幫我們取起太多的料及湯，讓煲可以更熱更入味足料煲中有香濃薑味、香濃藥材湯底（好多好多薑片）、大大件肥美重鴨香的鴨件、入味香滑枝竹、保身補血原粒紅棗、彈牙有口感鴨血、爽口金菇等，好適合怕凍身子不好的囡仔老人家大大塊鴨肉，濃郁鴨香又口感一流塔香鹽酥綜合拼盤男朋友最喜歡食拼盤，可以同一時間試好多款的小食！好適合的！拼盤有4款小食：塔香鹽酥雞（好香脆又熱辣辣、內面的雞肉好嫩好香、鹽味唔會太濃，野味香口台灣香腸一向都好受愛戴，香味濃、油份剛好、配上蒜片同吃更香又中和油膩感！花枝丸好大粒、內面有一片片一粒粒魷魚，好爽又彈牙！另一個好煙韌的炸甜餅，似糯米又似年糕，甜甜的味道台式牛肉麵一層

早上逛了中染大廈的Ikea, 本來想在Ikea 食午餐，但那裡只有企位🙄 唯有去找其他的餐廳。一落扶手電梯就見到叄茶陸飯，太好了。 一進餐廳看見燈飾，賞心悅目，加上極高的樓底，很舒服。我與姐姐都點了午市套餐。午餐很豐富喔。我點的是三杯雞套餐。三杯雞的賣相很吸引，而且大部分都是用雞腿雞翼做，我最喜歡雞腿，因為肉質比較嫩滑。這三杯雞甜甜的，有點微辣，加上九層塔的香味，很好吃，送飯一流。餐飲可以選紅茶或綠茶。 我以為是純紅茶，原來加了糖，甜度剛好，我很喜歡。 如果喜歡無糖的朋友，記得點菜前走糖喔。 姐姐點的是吉列豬扒餐，套餐都有拌碟，五香花生、拍青瓜、清椰菜，營養豐富且健康。姐姐說她的吉列豬扒比三杯雞還好吃。本來要減肥的她，吃完成個套餐呢！哈哈，不知道她回去後要節食多長時間。 我看她很喜歡吃，也不好意思嘗一下這個吉列豬扒。😂拍青瓜爽脆，少酸辣，最好味。姐姐選了綠茶。因為不知道套餐有菜，還額外加$20點了個燙青菜，我認為的燙青菜是純燙，但這碟生菜加了豬肉燥和醬汁，跟生菜的味道不搭配。生菜還是配蠔油比較好味。打包的時候很有驚喜，紙盒和紙袋很漂亮，而且沒有多收費用。今晚繼續食三杯雞，不浪費。

🐻大人經常行過中染新城，話見到有間裝修幾靚既餐廳，但一直未有機會試一試適逢我地今日行街行到口乾乾，就一於試試佢！🥤🤔奶蓋唔錯，咸香得黎亦夠滑，可惜烏龍茶茶味唔夠，加上糖水過甜，同我地返深圳飲過一試難忘既台蓋相比始終係有一段距離😥可能回憶既味道始終係美好d🚬今次都係路過買杯野飲，由於佢既裝修感覺好舒服，係台式小清新路線，下次有機會試埋佢既堂食，希望可以有驚喜 We Will Be Back.......😎

是日同朋友約好去荃灣行下宜家,行之前就先去食個飯先見到門口都OK就入左去叁茶陸飯食返個LUNCH店員好快就安排左座位個環境都唔錯令人幾舒服佢有D LUNCH SET都唔錯咁有飯有野飲結果我地一人一個SET排骨同三杯雞再加杯南投小農紅茶同凍彰化茉莉綠茶三杯雞--都幾多配料,辣辣地,個汁就唔算好辣不過都幾香口野味,雞都OK,唔會好雪咁排骨--炸完出黎熱辣辣,都好香口,粉漿唔算厚,肉質都唔錯每個SET都有飯,有菜,酸青瓜,蓮藕爽爽地口都幾得意.南投小農紅茶-都有茶香味道彰化茉莉綠茶-正常綠茶都OK

這天去荃灣一帶，朋友介紹這間新式台灣菜餐廳，說環境味道都很不錯，我們便來試試吃個午餐。這天正午時間來到，大概等了15分鐘就可以入座。店子頗大，裝潢以灰白色為主調，掛上燈飾，環境舒服。是日LUNCH SET：台式肉燥飯，附上小菜三碟，可以補充主食缺乏的蔬菜，很不錯！肉燥味道都很好，而且份量絕對夠餸飯，讚小食：麻辣鹽酥雞，份量滿滿，炸得香脆可口！辣得黎忍不住一口接一口食食食飲品：海鹽芝士奶蓋苿香綠茶，奶蓋不夠挺身，很快就溶在綠茶中，但反而溶化攪勻後比較好飲呢。

每次經過8咪半，都比叁茶陸飯嘅門店裝潢吸引住，簡潔文青風，好舒服嘅感覺。由於假日關係，大約排咗半小時以上先有位，但因為其他餐廳都一樣要等，所以唯有硬住頭皮排下隊吧。裡面坐位好寬闊，唔會好迫同嘈，坐得都舒服。🔹招牌排骨飯套餐 $68 加$8 肉燥排骨外層香脆，肉質都幾juicy，不錯！而且肉燥撈飯，使用了半肥瘦豬肉粒粒，汁濃度適中，好好味！白飯熱辣辣，而且好香同軟熟，送飯一流。📍叁茶陸飯荃灣青山公路388號中國染廠大廈中染新城1樓117號舖．．環境分數：8/10食物分數：7.5/10Encore分數：7.5/10

同朋友既下午茶時間，黎到中染新城既“叁茶陸飯”試下台灣菜，環境舒適﹑裝修簡潔，仲有適合一班朋友影相既背景牆。點左兩主食&三小食，首先滷雞翼軟淋得黎又滷得入味；蒜泥白肉用上台式偏濃既醬油膏，加上大量蒜頭就好似有些少重口味；台灣香腸配上蒜片同吃，好味！主廚紅燒牛肉麵，牛肉軟腍入味，湯頭不算濃郁，但麵條幾彈牙，配上酸菜同吃，都不錯！香酥雞排飯套餐既雞排炸得香口酥脆，味道剛好不會過鹹，不肥不膩，大大碗飯夠飽肚！另外，芝士奶蓋係近期大熱，所以飲品都點左海鹽芝士奶蓋炭燒烏龍茶，可惜奶蓋唔夠挺身，影完張相，芝士層好快已經鬆散。其實一開始以為餐廳只有外表，原來整體質素都可以，應該有再試下一次既機會，只係價錢有點略貴。

是日晚餐 叁茶陸飯幾有趣嘅名 係一間台灣嘢由於四點幾先食完元氣下午茶，所以我地淨係叫咗一個肉燥飯同一杯珍珠奶茶 再加蜂蜜黑糖鬆餅其實主要為咗蜂蜜黑糖而去肉燥飯份量都唔小 可以兩個人分啲珍珠多到數唔到呢個認真唔錯 配住雲呢拿雪糕啱啱好 雖然粒黑糖似乎熟過頭 同埋食得多都會膩 食完再飲奶茶變苦咗個環境都唔錯同埋佢地舖面係可以直接買台式奶茶㗎 2018最後一餐晚餐Happy new year迎接新嘅一年我相信2019會更好的

今日係荃灣愉景行完街，突然想食台灣野，行過去中染廠，發現呢到翻新後，吸引左好多食肆進駐，其中「叁茶陸飯」以藍白作主調，木製台櫈配上簡約的裝修，感覺好舒服。呢到嘅菜式由台灣老闆主理，帶左唔少台灣特色過嚟。我今次叫左佢哋推介嘅台式肉燥飯，肉汁豐富，同飯撈埋一齊，勁惹味，驚喜嘅係加左洋蔥，帶出甜甜咸咸嘅味道。配菜有涼拌青瓜，同蓮藕，呢個配搭好細心，肉燥飯會比較油膩，配菜岩岩好可以解膩。另外仲有滷水雞翼，滷得好入味，入口可以即刻骨肉分離。最後唔少得嘅黑糖珍珠奶茶，手工煮嘅珍珠，煙韌有嚼口，茶味同奶味調配的剛剛好，唔會出現搶味。我叫左熱的，飲完即刻暖笠笠。食飽飽，埋單，咁多野食都係盛惠$80, 下午茶時段，真係超抵食。大家係荃灣行完街，不妨過嚟食個Tea, 文青一下。

呢間叁茶陸飯聽就聽過好多次，從味入去食過野，今次係朋友陪之下，星期一晚去試下，當日冇咩人唔洗排隊，可以直接入去有位坐裡面既格調幾好，餐廳內裝修不錯加上新淨，感覺舒服～各樣的餐具、擺設也看得出有用心挑選過我地兩個人分別叫左一人一碗台灣肉燥乾拌面，滷水拼盤(小)，家鄉特色炒飯同埋兩杯珍珠奶茶。台灣肉燥乾拌面黎講算幾好！平時自己都比較鐘意食台灣料理！而最常食既都係肉燥飯，呢個肉燥飯裡面係有半肥瘦既肉，第一啖食落去係好明顯食到啲肥肉，個感覺係超正的，好好味，同埋呢個份量都幾多！會好飽的！佢配埋條菜感覺好似健康左~家鄉特色炒飯(sakura shrimp with egg fired rice)，好香既蛋炒飯，仲加埋超脆身既櫻花蝦乾，好好味滷水拼盤(小)，裏面分別有金錢肚、豆腐、滷水蛋同埋雞翼。豆腐係比較硬身個種，有少少似豆腐干，整體黎講比較一般兩杯普通珍珠奶茶，拍得住外面店既質素，唔錯!

雖然今日係平安夜，但係佢嘅lunch Menu都冇加價，真係幾好。我叫咗香酥雞扒定食，同埋台灣牛肉麵。飲品方面，要左一杯跟餐餸嘅綠茶同埋半價加錢要左杯水果茶。兩個餐都配有前菜，分別係拍青瓜、蓮藕同埋菜。雞皮燒到薄脆，份量夠大，好食。牛肉都有4-5大舊，好淋，不錯。如果湯底再有牛肉味D會比較好。綠茶同水果茶（生果種類唔夠多，味道一般）都普通。

同女朋友出街食飯有時都幾頭痕，辣少少又話食唔到人多少少又話坐得唔舒服。前幾日同佢行完南豐紗廠做左半日偽文青，諗住順道去路德圍附近搵食，但佢又話嫌遠唔想行，諗住食金拱門頂住先佢又話無厘新意，正一呀吱呀左摩洛哥。最後去左愉景新城附近搵到間有百幾like嘅台灣嘢，食落又幾啱佢胃口，佢就係呢間-叁茶陸飯。全間鋪走台式簡約風，環境都幾乾淨。穩穩陣陣叫左比較大路既台式食品，蚵仔煎先。味道又唔錯喎，同我去台灣食既差唔多口味。牛肉麵、肉燥飯份量唔算少，我咁大隻食完都有啲飽。最後循例叫番杯海鹽芝士奶蓋紅茶王埋番個尾，個奶蓋好滑茶味好濃，味道夾得啱啱好，堅係好飲過貢X。第日過番黎呢頭都總算有間穩陣既餐廳應酬下尊貴既女王。

叫咗3個餸，一個燥肉拌面（HKD 48），肉唔好食，面都算ok吧。豆腐皮蛋（HKD 48）,個汁好咸，咸到苦，似係好咸的蠔油。三杯雞（HKD 88）除咗咸，係無味度的 雞完全無味，仲要88蚊係全部雞翼，大佬我唔係叫三杯雞翼。最激氣係我只叫咗3個餸，佢落多咗2個糖水芋丸，叫人改返都無人理，叫到第3個先幫我跟，激鬼死人。我2個人入去明明坐好咗想叫嘢食，又話有3個人入，叫我調位。去到我調完位又叫咗嘢食，佢又話有6個人叫我調，我唔調，我話唔想亂單，而且我2個人，究竟要調到幾時。服務勁差，我已經調過1次比你，無可能人哋入來我就要調走，個場唔係細，點解只係要我哋調呢，同埋我已經食緊，咁樣調來調去唔覺得對客人打擾咩。

今日放假，所以就同咗朋友去荃灣食嗰飯😋。由於我同朋友都好鍾意食台灣菜😍，所以我哋就去咗食叁茶陸飯。餐廳既裝修非常簡約😀，裝修格局係好有台灣文青風，而且餐廳燈光非常光猛，整體環境質素滿分👍。因為好耐冇食過肉燥飯🤤，所以我叫咗碗台灣肉燥飯黎試下，而我朋友就叫咗碗招牌排骨蛋炒飯。呢間餐廳嘅肉燥飯好足料，我將肉燥同飯撈埋一齊食之後，食落完全感覺到啲肉燥仲多過啲飯😳，鍾意食肉燥飯嘅人一定會食得好滿足😝!而我朋友就話啲排骨既肉質非常細嫩，唔會話炸到好乾、好硬，食落口感一流😎。而我哋仲叫咗鍋經典三杯雞黎食，呢度既三杯雞嘅份量真係超多，我哋兩個人都食唔哂。啲雞嘅味道好入味，而且食落仲會聞到好香既麻油味😋，我同我朋友都一致認為呢度既三杯雞係食過咁多間台灣菜黎講，最好食既一間😆。而且我哋仲叫咗碟台灣香腸，啲台灣香腸既辣味啱啱好，就算唔食得辣嘅人都必定會鍾意食🙂。因為我一直都對芋圓情有獨鍾😍，我見到叁茶陸飯既餐牌入面都有黑糖芋圓仙草凍，所以超中意食芋圓既我梗係會試下😆。呢度嘅芋圓食落好彈牙，而且以糖水嚟講，佢唔算好甜，簡直令我覺得食多幾碗都唔怕會肥😎。我覺得鍾意食台灣嘢嘅人，一定要去呢間餐廳試下，相信都會愛

叁茶陸飯今日係荃灣愉景行完街，突然想食台灣野，行過去中染廠，發現呢到翻新後，吸引左好多食肆進駐，其中「叁茶陸飯」以藍白作主調，木製台櫈配上簡約的裝修，感覺好舒服。呢到嘅菜式由台灣老闆主理，帶左唔少台灣特色過嚟。我今次叫左佢哋推介嘅台式肉燥飯，肉汁豐富，同飯撈埋一齊，勁惹味，驚喜嘅係加左洋蔥，帶出甜甜咸咸嘅味道。配菜有涼拌青瓜，同蓮藕，呢個配搭好細心，肉燥飯會比較油膩，配菜岩岩好可以解膩。另外仲有滷水雞翼，滷得好入味，入口可以即刻骨肉分離。最後唔少得嘅黑糖珍珠奶茶，手工煮嘅珍珠，煙韌有嚼口，茶味同奶味調配的剛剛好，唔會出現搶味。我叫左熱的，飲完即刻暖笠笠。食飽飽，埋單，都係盛惠$80, 下午茶時段，真係超抵食。大家係荃灣行完街，不妨過嚟食個Tea, 文青一下。