影片
更多
2018-12-29
98 瀏覽
今日係荃灣愉景行完街，突然想食台灣野，行過去中染廠，發現呢到翻新後，吸引左好多食肆進駐，其中「叁茶陸飯」以藍白作主調，木製台櫈配上簡約的裝修，感覺好舒服。呢到嘅菜式由台灣老闆主理，帶左唔少台灣特色過嚟。我今次叫左佢哋推介嘅台式肉燥飯，肉汁豐富，同飯撈埋一齊，勁惹味，驚喜嘅係加左洋蔥，帶出甜甜咸咸嘅味道。配菜有涼拌青瓜，同蓮藕，呢個配搭好細心，肉燥飯會比較油膩，配菜岩岩好可以解膩。另外仲有滷水雞翼，滷得好入味，入口可以即刻骨肉分離。最後唔少得嘅黑糖珍珠奶茶，手工煮嘅珍珠，煙韌有嚼口，茶味同奶味調配的剛剛好，唔會出現搶味。我叫左熱的，飲完即刻暖笠笠。食飽飽，埋單，咁多野食都係盛惠$80, 下午茶時段，真係超抵食。大家係荃灣行完街，不妨過嚟食個Tea, 文青一下。
我今次叫左佢哋推介嘅台式肉燥飯，肉汁豐富，同飯撈埋一齊，勁惹味，驚喜嘅係加左洋蔥，帶出甜甜咸咸嘅味道。
配菜有涼拌青瓜，同蓮藕，呢個配搭好細心，肉燥飯會比較油膩，配菜岩岩好可以解膩。
另外仲有滷水雞翼，滷得好入味，入口可以即刻骨肉分離。
最後唔少得嘅黑糖珍珠奶茶，手工煮嘅珍珠，煙韌有嚼口，茶味同奶味調配的剛剛好，唔會出現搶味。
我叫左熱的，飲完即刻暖笠笠。
食飽飽，埋單，咁多野食都係盛惠$80, 下午茶時段，真係超抵食。大家係荃灣行完街，不妨過嚟食個Tea, 文青一下。
張貼
