叁樓火鍋 (已結業)

前排一向好鍾意打邊爐嘅女朋友爸爸帶我地去呢間位於尖沙嘴站A2出口旁邊嘅新開樓上火鍋店「叄樓火鍋」食，整體用餐體驗非常好，向大家推薦一下。餐廳嘅裝修好古色古香，餐具都好有特色，環境都好乾淨舒適。女朋友一家都係好鍾意食蟹嘅，聽佢爸爸講，佢就係見到Openrice上邊有其他朋友喺呢度食咗個好吸引嘅松葉蟹冬瓜鍋，所以好彩嚟呢度試吓。以下係我地當晚order左嘅食物：松葉蟹冬瓜鍋：雖然隻蟹唔會話超大隻，但勝在肉質鮮甜，而且都好飽滿。由於有隻咁靚嘅蟹熬湯，個湯底當然好鮮甜啦！食到咁上下，店員會幫手處理個冬瓜。啲冬瓜吸收曬啲精華之後真係超好食呀！雞軟骨南乳雞翼：炸得好香口，味道醃得啱啱好，係令人食唔停口嘅小吃。手切牛小排：啲牛好新鮮，牛味十足，而且脂肪比例啱啱好！手工丸&餃：賣相好吸引，而我食嘅墨魚丸同埋鳳城水餃都好足料，口感彈牙，食得出真係好新鮮。蔬菜拼盤：有好幾款蔬菜，當中嘅粟米非常甜，其他菜都好fresh。鮮炸響鈴：廚房啱啱炸起，所以攞上台嘅時候仲係熱辣辣同非常香，食落去口感相當唔錯。烏冬：雖然都食得好飽，但係見到湯底咁鮮甜，所以都決定加個烏冬。啲烏冬索曬啲精華，味道絕對冇令我哋失望！

去完澳門返香港，落船後即刻喺尖沙咀揾野食，凍凍地梗係去打邊爐啦😆朋友仔推介咗間新開嘅火鍋店「叁樓火鍋」，呢度嘅裝修好有宮廷風格，仲有2間VIP房，仲可以唱k同打麻雀添，下次準備約埋成班friend一齊黎玩返晚✌🏻不得不推介今晚點呢個招牌湯底💯瑤柱冬瓜鮮蟹肉鍋宮廷式嘅煲，兩邊有龍頭出晒煙，上枱時已經好吸睛，上面鋪滿蟹腳，底下就係一大個冬瓜，裡面加入粟米、京蔥、雞髀菇、冬菇、秀珍菇，湯底非常鮮甜，我同朋友仔同飲咗兩大碗😆之後夾起晒啲蟹腳，滿滿一大碟，認真係真材實料，蟹肉鮮味十足，必點👍🏻👍🏻👍🏻奇妙炸雲吞實在太肚餓，我地先點咗個小食，店員推介嘅炸雲吞，雲吞皮炸得酥脆香口，大大粒餡料飽滿，咬落去食到爽口彈牙嘅蝦肉同豬肉，再點上沙律醬簡直係絕配手切本地牛拼伊比利亞豚肉牛肉帶有雪花紋路嘅脂肪，色澤鮮紅，牛味香濃，口感較爽及有嚼口，豚肉肥瘦適中，入口肉味濃帶有油香，肉質細嫩多汁，兩款肉類都非常高質，根本不需要太多調味已經能夠品嘗到肉類本身嘅鮮味響鈴即叫即炸嘅響鈴，炸得酥酥脆脆金黃香口，放入湯底三秒即刻拎起，吸滿鮮甜嘅湯底又不失酥脆嘅口感韭菜餃拼牛丸、蝦丸韭菜餃皮多薄餡料多，粒粒都非常飽滿，韭菜特有

哩間火鍋店既環境古色古香，連打邊爐個爐都係條金龍黎, 仲會有噴煙效果有d記憶點。麻辣鴨血鍋拼味菜胡椒豬肚雞兩個鍋都好多湯料，麻辣湯必食鴨血同冰豆腐，特別係豆腐索湯一流。胡椒豬肚雞都幾重胡椒香，豬肚入味彈牙。沙薑雞腳咸咸香香，加埋面頭d榨菜，咬下咬下幾過口癮。至尊牛拼盤有齊唔同部位，最中意本地手切鮮牛，牛味香濃又嫩口，牛白肉都好正淥到佢口感爽脆。仲有牛展牛舌都好ok，成盤肉都係新鮮有質素。仲有手打鮮牛丸，墨丸，自家製係真係鮮味d韮菜餃同埋雲吞都大粒多餡，韮菜餃好香🥬最後梗係要食埋個烏冬同蔬菜盤!! 烏冬就用麻辣湯，索哂麻辣味超正! 菜就同豬肚湯，解一解辣，perfect🤙🏻

微微的秋意，又令到我好想打邊爐，故與風先生到尖沙咀覓食，試一試新開業的叄樓火鍋，餐廳位於堪富利士道，港鐵尖沙咀站A2出口步行2分鐘到達；餐廳裝修以中式古風為主，用餐時仿如置身古代，很喜歡那些通寶地磚，忍不住打卡；瑤柱冬瓜鮮蟹肉鍋 -有10款湯底可選擇，是晚想食清一點，選擇了瑤柱冬瓜鮮蟹肉鍋 。［雙金龍鍋］一上桌不斷的噴煙，非常吸晴，湯底清甜帶輕胡椒味，無味精；-鍋底用料足，蟹選用了時令長腳蟹，有驚喜，蟹肉鮮甜，再配以冬瓜、瑤柱、冬菇、雞肶菇與粟米，非常豐富美味，推薦安格斯牛-肉質鮮嫩手打鮮牛丸-牛肉味濃韭菜豬肉餃-大大隻，皮薄餡靚響鈴-新鮮即炸，上桌時仍熱哄哄炸雲吞 -皮脆，餡料飽滿帶汁配奇妙醬蔬菜拼盤侍應們服務用心，有留意客人用餐進度，主動更換餐碟與加添湯底，亦好主動介紹了，餐廳有兩間VIP 房，有卡拉OK 提供，最夜可到凌晨兩點，最低消費6,000-HKD，兩間房更可以打通，容納20-30人也可；總結：叁樓火鍋位置極佳，用餐環境舒適，食材新鮮高質而且選擇多，服務用心，與風先生非常滿足地，捧着肚子離去

位於尖沙咀堪富利士大廈三樓，有間以宮廷式裝修，幾有氣派的新店火鍋，遇著天氣轉涼，打邊爐就最岩，我哋一於去烚吓烚吓👏🏻。先來個雜菌素清湯底先，上枱已聞到好香，湯底清，但材料非常之多，仲好有氣勢添😆，點解？因為個火鍋器皿有個龍頭，仲要識噴霧，真係夠㗎世👏🏻👏🏻。打邊爐食肥牛一定唔少得，這個至尊牛拼盤真係賣相靚，種類多，材料正（手切本地牛、手切金錢展、頂級安格斯、霜降牛粒、牛舌、牛白肉）真係無得輸🫰🏻。仲有佢地既炸響鈴，係即叫即炸，食落脆卜卜，夠新鮮👍🏻。另外有個必吃小食-大澳蝦醬單骨雞翼，外皮炸到金黃色，而且好香蝦膏味，脆口野真係一食再食，姐係百吃不厭🤣🤣🤣。另外佢仲有大房可以預訂，大事大節一班人黎食都幾正👍🏻👍🏻

#fafafoodblog尖沙咀 #fafafoodblog打邊爐🍴瑤柱冬瓜鮮蟹肉鍋 368 蚊超大兜 超大個冬瓜 瑤柱足料 冬瓜既清爽配埋瑤柱既咸香 仲有粟米 雜菇等等 飲少少湯 再要黎打邊爐 正🍴雲吞 水餃 韭菜餃雲吞蝦肉好彈牙 餃皮爽 韭菜餃好新鮮 🍴伊比利亞黑毛豬 手切牛🐂🐷黑毛豬肥瘦適中 豬肉味濃而不腥 食落好軟林 牛肉肉味香 肉比較多過脂肪比較少 所以食落好香濃🍴大澳蝦醬單骨雞翼78 蚊🐥小食雞翼 單骨 方便食 雞整得好香脆蝦醬味濃 好正既佐酒小食🍴響玲48 蚊好香脆既即炸響玲 要黎打邊爐正🍴蔬菜拼盤88 蚊🥬有新鮮粟米 蕃茄生菜#冬瓜 #火鍋 #打邊爐 #手切牛 #水餃 #雲吞 #韭菜餃 #豚肉 #蟹肉 #粟米Score 平均分<8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~ #叁樓火鍋尖沙咀堪富利士道11 號堪富利士大廈3 樓~~~~~~~~~~~~#f

我最近到尖沙咀的堪富利士大廈三樓，品嚐了一家火鍋店叁樓火鍋的美食。這家店位於堪富利士道11號，地理位置很方便。我這次點了他們家的招牌菜瑤柱冬瓜蟹肉鍋，價格是368元。這道火鍋的份量非常足夠，裡面有大塊的冬瓜、香菇、粟米、蔥和主角蟹肉。整個火鍋的湯頭非常鮮美，蟹肉的鮮味充分融入湯底，讓每一口都極具風味。另外，我還點了牛肉拼盤，裡面有安格斯牛肉和本地手切牛肉。手切的牛肉保留了原始的口感，入口時能感受到肉質的鮮嫩和牛肉的豐富風味。散發出濃郁的肉汁。牛粒口感有嚼勁，此外有手工餃，保留了食材的原味。除了火鍋，我還點了他們的菜拼大盤，裡面有各種新鮮的蔬菜，讓我在享受火鍋的同時也能補充營養。最後，我還試了他們的單骨雞翼，這是一道邊吃邊等火鍋滾的小吃。雞翼經過蝦醬醃製，入口酥香辣味十足。由於醃製的關係，這道小吃有著濃郁的鹹香味道，非常美味。總的來說，我對叁樓火鍋的用餐體驗非常滿意。他們的菜品豐富多樣，份量十足，味道鮮美。無論是湯頭的鮮甜還是肉類的口感，都讓我感受到了細膩的烹飪工藝和食材的高品質。如果你也是火鍋愛好者，我非常推薦你來這家店品嚐一番，相信你也會有一個美味的用餐體驗。

今日去咗一間好有風味嘅火鍋店，位於尖沙咀堪富利士道嘅一座大廈嘅3樓。入到去發現裝修別有洞天，係一個比較古色古香嘅風格。店內每張枱都係圓枱，位置比較闊落，非常鬆動。入座後店員會放低個調味盤，值得一提既係入面既蒜油係佢地自家制，用黎做醬油碟一流，好香！我地叫左個鴛鴦鍋：麻辣鴨血粒粒蜆鍋-好足料，有唔少芽菜、鴨血同蜆，啲蜆好乾淨唔會食到沙。重芫荽皮蛋滑豆腐濃湯鍋-超大量芫荽，岩曬好荽之人，鍋內豆腐真係超級無敵滑！頂級安格斯牛肉打邊爐一定係叫安格斯牛肉，牛味濃厚，肉質細嫩又唔會靭。伊比利正豚肉肥瘦均勻，食落彈牙，味道鮮香。鮮蝦雲吞併韭菜餃：粒粒飽滿大隻，皮薄爆餡，雲吞方面食到原隻鮮蝦，而韭菜餃就充滿撲鼻而來既香味。手打鮮蝦丸併鮮牛肉丸：夠彈牙軟滑，蝦肉唔會打得太碎，入口仲食到少少顆粒感。響鈴：係新鮮炸出嚟嘅，上枱時仲熱辣辣，而且聞到一陣陣油香味，超邪惡。蔬菜併盤：有4種菜款，包括粟米、蕃茄、白菜仔同油麥菜，都好新鮮，尤其係粟米好甜，粒粒肉都好飽滿。小食-奇妙炸雲吞：炸完既雲吞再配上胡麻醬又幾新鮮既組合。最後，值得一提係店員都非常友善，仲會周不時會幫手斟下茶，換下碟！

呢間餐廳新開，朋友上次嚟過食包箱覺得質素幾好！今次同我兩個人嚟敘舊，覺得呢間餐廳都幾有驚喜瑤柱冬瓜鮮蟹肉鍋：這道菜結合了瑤柱、冬瓜和鮮蟹肉，冬瓜圍住啲未熟嘅蟹！住一陣之後職員就會將舊冬瓜切開！呢個體驗唔錯！職員都服務周到！冬瓜入鍋後，融合了整隻蟹的鮮味，使湯汁更加濃郁。每一口都能感受到蟹肉的鮮甜和瑤柱的香氣!超級抵食！出邊一隻蟹都三百幾蚊炸雲吞：即叫即炸，炸皮沒有太厚！有誠意！叁樓至尊牛拼盤：這道拼盤以手切的本地牛肉為主，包括了金錢展、霜降牛粒、牛舌和牛胸爽等多種部位。牛肉超級高級！保持了肉質的鮮嫩和口感的豐富。不管是金錢展的豐富油花還是手切本地牛的嫩滑口感，都能帶給你無比的享受。稻庭烏冬：烏冬好滑，索埋啲蟹汁湯底好正蔬菜拼盤：這道拼盤以新鮮的蔬菜為主！能讓你感受到大自然的美味。蔬菜一啲黑點都冇真係好值得讚。雙拼丸（蝦/墨魚/豬/牛）冇咩粉而且牛丸好多汁！確實幾好食

上網見到尖沙咀依間火鍋店，裝修風格非常有特色，好似去咗宮廷食飯一樣咁特別，仲有兩間VIP房可以喺裏面唱K都冇問題✨麻辣鴨血蜆鍋拼芫荽皮蛋豆腐鍋麻辣湯底不是太辣，花椒八角味非常突出，麻味特濃，鴨血質地好滑，「雪」一聲滑咗入喉嚨，蜆肉亦都好新鮮鮮甜，芫荽皮蛋湯清清地，亦都非常之足料，豆腐超滑，豆味香濃✨鹹香沙薑雞腳雞腳處理得好乾淨，沙薑味濃，而且雞腳入味，蔥，蒜蓉，麻油味非常香✨至尊牛拼盤分別有手切本地牛，手切金錢展，頂級安格斯牛，霜降牛粒，牛胸爽，牛舌，牛肉粒食落好Juicy，好重牛味，金錢展嚟到色澤非常鮮紅，好新鮮，安格斯牛油花旺盛，肉質肥美，口感肥嫩而具彈性，最正係手切牛非常新鮮，牛味極濃，肥瘦適中，牛油脂超香✨韭菜豬肉餃餃子皮相當薄，一啖咬落去，豬肉嘅肉汁流晒出嚟，豬肉相當新鮮，有咬口，韭菜嘅份量十足✨手打豬肉丸，手打墨魚丸必點推介，丸類係餐廳手打，非常新鮮，裡面豬肉和墨魚味香濃，有爆汁嘅效果✨蔬菜拼盤最正係每樣菜都有少少，有皇帝菜，生菜，白菜，蕃茄，粟米🌽，蔬菜都非常新鮮✨響鈴食得出係新鮮炸的響鈴，每一條都好厚，炸得好脆，吸收晒湯底嘅精華，真係好正✨稻庭烏冬烏冬煙韌彈牙，同火鍋係

今日啱啱好冬至，天氣開始轉涼，最適宜打邊爐。今晚就約咗舊同事一齊搵左呢間樓上鋪打邊爐。一入到去俾個門面裝修吸引左，好宮廷式嘅環境，我個人幾鍾意呢款裝修。一齊坐好哂，就叫左個胡椒豬肚雞湯底，一大鍋捧上黎，好有氣派，個鍋兩個龍頭會噴煙，又幾新奇。啲雞件好靚好滑好嫩口，然後叫左個牛肉拼盤，拼盤上面有手切肥牛、安格斯牛、牛舌、牛𦟌、牛柳粒、胸口油，肉質非常非常新鮮，卓一下就食得，好好食，肥牛入口即溶，胸口油爽口彈牙，唔點豉油都好有味，手工蝦丸牛丸菜餃都食得出師傅心機，蝦丸大部份都係蝦肉打出黎，唔會好粉，菜餃大大粒，餡料豐富。另外特別嘅係響鈴，係佢地鋪頭自己炸，唔係交貨果啲材料，一落鍋即刻起撈，好脆好好食！呢餐都食得好飽，下次如果行過清真寺附近，一定一定要上黎叄樓火鍋打個邊爐，食物質素真材實料冇得彈！

適逢立冬，天氣亦慢慢開始凍，當然打個邊爐慶祝下。聽朋友講尖沙咀開左間好嘢，當然約埋朋友食餐好嘅，係位於堪富利士道嘅叁樓火鍋。舖頭主打手制新鮮食材，質素極高- 炸雲吞：香噴噴，熱辣辣，脆卜卜，ok，我準備就緒- 重頭戲 - 牛肉拼盤：超級大嘅一盤，有安格斯、本地手切、牛展、牛舌、牛柳粒、牛白肉，正到飛起。首推本地手切，正如舖頭呀哥講，就算飛機幾快，外地牛肉無論如何都唔會新鮮得過本地牛，食落係滿嘴牛肉味，肥瘦適中，係好耐無感受過嘅真正牛肉味。另外推薦安格斯，係更加厚重嘅牛肉味，比本地牛會略肥，口感非常豐富- 邊爐配料 - 手打牛丸、蝦丸、雲吞拼盤：蝦丸無得頂，爽口彈牙，蝦味鮮甜。雲吞大粒，用料又足，名副其實皮薄餡靚- 響鈴：呢個一定要單獨講下，佢係即炸，真係上到台熱辣辣嗰種，唔多講，呢碟真係多多都唔夠食- 湯底：揀左胡椒豬肚雞，雞係好好味、好鮮嗰種，湯頭留到最後先講，因為佢係越黎越好味，去到尾段真係人間極品，我一個人就飲左5碗哈哈叁樓火鍋開左幾個月，佈局亦特別，有2間房，可以約埋朋友唱卡同打麻雀，係習美食同娛樂於一身嘅大享受，正呀

叁樓火鍋位置係正三樓，勁容易搵。蘸料醬油加炸蔥配辣椒好好味😋湯底特地喊佐鴛鴦鍋，麻辣鴨血粒粒蜆鍋，拼雜菌素清湯，有辣有清甜。點佐三樓火鍋至尊牛拼盤，種類豐富，有牛舌，牛展，牛粒同白肉。牛舌刷十秒左右就可以食，因為切得很薄，味道都幾好。金錢展好新鮮，肉色鮮紅，也是刷幾秒就能吃，蘸上辣椒🌶️醬油冇得輸。牛粒如果可以切再大舊滴就perfect啦。小食喊佐大澳瑕膏單邊雞翼，顏色炸得金黃，未食已經聞到勁香。咬落脆卜卜，雞肉都吳會柴吳會老，一份有四件，物有所值。鮮蝦雲吞裡的蝦肉好彈牙，韭菜豬肉餃餡料也是非常紮實，啖啖肉。響竹比外面賣的要大一些。蔬菜拼盤種類都好多，有最鍾意的番茄🍅烏冬麵煮耐滴更入味美味😋

繼續Happy Friday，聽朋友介紹吓今晚食呢間新開嘅火鍋店。火鍋店好有中國風裝修，座位坐得舒服。眼看整間餐廳雖得5-7張櫈 其實佢哋有1-2間包廂房有得唱k，啱晒收工一大班同事朋友吹水。環境都幾大吓一坐底店員沖泡一壺鐵觀音熱茶比我哋，飲住下單。佢哋湯底都特別，除咗有大路沙嗲湯/清湯，仲有啲足料火鍋湯料，火鍋配料，小食款式都多選擇⭐️瑤柱冬瓜鮮蟹肉鍋+麻辣鴨血粒粒蜆鍋$368 （跟最高價錢計算）要試當然食最特別個個！！ 估唔到湯底真係好足料。瑤柱冬瓜鮮蟹肉鍋真係有蟹腳+蟹件，仲有半舊大冬瓜、冬菇、粟米等等。味道鮮甜好清新，令我諗起屋企老火湯☺️ 味道唔會好咸，湯都飲咗幾碗，粟米好甜！麻辣湯有鴨血、芽菜、沙白蜆，鴨血都幾多舊 ，舊舊都好入味🥰 沙白蜆都多，無沙。麻辣湯都好濃，有啲似台式麻辣 無咁多辣油👍🏻叄樓至尊牛拼盤$438分別有安格斯牛肉、牛胸爽、牛舌 、霜降牛粒、牛展、手切本地牛肉 、肉質很新鮮很嫰 奇妙炸雲吞$78熱辣辣上枱🔥一份有係韮菜鮮蝦餃，皮薄餡都大舊，外皮炸得好脆，再附上沙律醬+砂糖，好味☀️響鈴$48又是熱辣辣即叫即炸，吸收晒兩個湯底精華手打鮮牛丸併鮮墨丸+韭菜豬肉餃

最鍾意去試新嘢😍😍得知尖沙咀新開咗火鍋店當然要支持吓💪🏻裝潢以古色古香嘅中式風格呈現！顯然落足心思！又正邊爐打兼一次過打埋卡❤️. ✨大澳蝦膏單骨雞翼等湯滾起前先chill食住前菜小食先😋惹味又香脆！伴以卜卜脆嘅炸腰果💯💯. ✨雜菌素清湯清清哋叫個素湯鍋😌咁就唔會掩蓋食材原有美味啦！雖然係素食湯底🍄但一啲都唔單調！滿滿菇菌材料😜😜如: 金菇, 本菇, 蟲草花, 秀珍菇, 冬菇 等等等！勁足料！！. ✨蝦丸 拼 牛丸兩款都極爽極彈牙🤝🏻🤝🏻唔係普通嘅雪藏款式🦐🐮. ✨牛肉拼盤🔸安格斯🔸本地手切牛🔸牛胸爽🔸牛展🔸牛舌🔸牛柳粒造型吸睛🤩有乾冰冒哂煙咁啱哂打卡！肉肉嘅質素都好高質👍🏻👍🏻當中Be最鍾意✨本地手切牛 嘅軟嫩肉質 ＆✨牛柳粒 嘅濃郁牛味 & ✨牛胸爽 嘅爽脆特別口感！！.✨響鈴炸得酥脆👍🏻浸幾秒落湯底即刻食得啦!! . ✨蔬菜拼盤豐富纖維🥬份量＆種類都幾多！有粟米, 蕃茄, 白菜, 生菜, 油麥菜…. ✨烏冬煙韌彈牙！吸收哂湯底精華！完美收尾🙆🏻‍♀️. ✨可口可樂正！係懷舊樽裝嘅冰凍可樂😘. ✨茶芥, 醬料✨加一服務費