影片
舒舒服服嘆新鮮火鍋料！.天氣涼咗又係時候邊邊佢！呢間樓上火鍋擺盤夠晒排場之餘，食材都好新鮮㗎！師傅會先端上一碟六兜調味料自由mix醬，湯底要咗瑤柱冬瓜鮮蟹肉鍋，清甜鮮味，另一邊要（小）麻辣鴨血粒粒蜆鍋，醒辣暖胃！.1️⃣叄樓至尊牛拼盤（$438）有齊本地牛、牛胸爽、金錢輾、安格斯、牛舌、牛柳粒，全部新鮮切起，牛肉質地嫩滑有濃郁牛味.2️⃣墨丸，鮮牛丸、手工餃、雲吞（$208）丸類爽口彈牙，牛丸亦有顆粒感，食得出係手打，手工餃皮薄餡多，食落巧C服.3️⃣響鈴（$48）即刻炸起熱辣辣，浸湯幾秒索晒湯汁上返碟仲保持到少少鬆脆口感，超正！.性價比：🌕🌕🌗🌑🌑美味度：🌕🌕🌕🌕🌘獨特性：🌕🌕🌕🌑🌑
繼續閱讀
係咁凍既天氣我最成日諗起既活動除咗食煲仔飯就係打邊爐😇依間私房菜邊爐啲湯底同料同唔錯☺️瑤柱冬瓜鮮蟹肉鍋（單點：$368）甜到hi hi，啲蟹腳食極都仲有，真係淨食依邊啲料都飽飽地xd 麻辣鴨血粒粒蜆鍋（單點：$228）都好多蜆，不過實在太辣我唔係食咗太多就停手🥵料來講我覺得依度既手切本地牛（細，$258）都唔錯，上菜成碟野仲要噴唒煙咁勁打cardable😂 手打豬肉+墨肉丸（$58/4粒）+鮮蝦雲呑（$98）配埋鮮炸響鈴（$48）都係唔錯既選擇，食完個人已經飽唒，浸落啲湯索唒汁後真係勁入味🤤如果多人去可以一次過包埋佢哋既vip房，有得全包價一次過打邊爐加唱k都咪話唔爽！
繼續閱讀
今次同屋企人出去食晚飯一今次唔食中菜 揀同佢打邊爐 涼涼地食火鍋岩哂我就先揀湯底 之後就再揀食咩重點：湯底好足料好味 濃郁芫荽皮蛋滑豆腐湯超荽 好足料 湯底好下火 芫荽🌿超多 豆腐皮蛋重慶麻辣鴨血粒粒蜆湯辣椒 鴨血 蜆肉都好多 仲有蜂巢豆腐 湯底已經食得飽🤣🤤Order 左豬牛餃菜樣樣都有😋安格斯牛板腱伊比利亞豚肉 蔬菜🥬拼盤 粟米🌽好甜 蔬菜一定落去芫荽湯度啦 雙拼丸 鮮蝦雲吞脆炸響玲 一浸湯即食 爽味道方面☺️☺️☺️真係唔錯 肉🥩嘅質素好 肉食大王嘅我一定配麻辣湯味 辣住食 過癮有牛味 好食🤤材料新鮮 即叫即做打邊爐邊少得汽水🥤 識飲一定飲樽裝😎zero可樂&忌廉 爽 夠哂gur環境方面😎坐卡位 舒服同埋都幾多人 另外都有包箱店員服務態度熱情友善食到飽就散個步先返屋企
繼續閱讀
我地去完呢間打邊爐，覺得唔錯，推薦俾大家。❤️❤️首先，湯底我地揀左皮蛋芫茜湯，皮蛋芳香微咸，另一個湯底揀左冬瓜蟹肉冬菇湯，湯頭濃郁，冬瓜清甜，蟹肉鮮美，入面有大大隻蟹腳，拆開入面仲有超多蟹肉，果然用料上乘，亦都飲得出係真材實料，呢個湯底一定係100分。🦀🦀我地點左啲餃類，鮮蝦雲吞皮薄餡多，蝦肉鮮嫩多汁，朋友點嘅韭菜豬肉餃包得精緻，韭菜的香氣與豬肉的鮮味完美結合。🥟🥟肉類方面都相當出色，手切本地牛肉質細嫩，油脂分佈平均，淥熟咗之後口感仍然嫩滑，至於伊比利亞黑毛豬肉香味濃郁。🐷🥩食完咁多點肉，要食翻啲蔬菜，點左蔬菜拼盤，仲點左個麵，吸收湯汁後十分入味。🍜🍜最後值得一讚嘅係小食炸蝦丸好好味，外脆內軟，鮮味十足，非常彈牙。🦐🦐
繼續閱讀
新一年第一餐出街食，毫無懸念都係打邊爐🤩 實在太凍🥲 所以又去左尖沙咀附近搵火鍋鋪，又比我搵到一間幾高質！🔥大澳蝦膏單骨雞翼嗌左份小食開下胃，蝦膏單骨雞翼，外皮香脆，肉質鮮嫩多汁🤤 蝦膏香氣濃郁，炸至金黃酥脆，仲要單骨超方便，一啖食哂好滿足🤪🔥雜菌素菜清湯鍋 ＄128岩岩病好無耐，諗住食清少少既湯底於是嗌左依款雜菌素菜清湯鍋🤔湯底有多款新鮮雜菌，上枱已經聞到獨特菌香味，清淡而美味，而且菇種類同份量都多😎 而食到最後菇味亦會越黎越濃！如果係素食者，會更加愛上依款湯🤣🔥伊比利亞豚肉幾厚身，肉同油脂分怖幾勻稱，好新鮮，肉味重之餘亦唔膩口😋🔥本地手切牛本地牛不錯，肉質鮮嫩，每片切得均勻，唔需要特別調味，搭清湯仲突顯左牛肉既原汁原味，入口充滿肉汁👍🏻🔥墨丸，牛丸同平時食既丸好唔同，依種彈牙口感獨特，每次打邊爐如果鋪頭係自家製我都一定會嗌丸，次次都有驚喜😼🔥雲吞，水餃自家製水餃入面有木耳蝦仁豬肉，雲吞入面仲有韭黃，皮薄餡靚，配埋雜菌湯底一流🫡🔥即炸響鈴比較少食即炸既響鈴，脆卜卜，而且腐皮好重豆皮好好食🤭放落鍋度2秒內一定要拎番上黎，如果唔係就淋哂，平時街市買一pack果種包裝響鈴浸極都未淋，真係兩種體驗🤣🔥蔬菜拼盤生菜，皇帝菜，油麥，栗米，蕃茄，全部菜都勁爽脆，超級新鮮，少少黑點都無，翠綠油亮，非常好食🥹🥬🔥稻庭烏冬最後仲嗌左兩個烏冬，因為個湯底太好食，最後清哂枱上既野食😁
繼續閱讀