占師傅 (已結業)

適逢假期出街遊走醒起之前有間勁有人氣既過江龍占師傅還掂經過尖沙咀一於買返舊返歸嘆下先坐落喺加拿分道既小店開頭認為都仲會好多人排隊好彩過到黎人都唔算多仲可以等3點出爐出爐仲可以睇大師傅賣弄技術可以將咁大底蛋糕均勻分件同保持美感需要好熟悉既技巧既然第一次黎就叫個原味蛋糕最穩陣仲有芝士同肉鬆未食已經聞到陣陣蛋香食落夠鬆軟亦夠彈性唯一可惜係招牌師傅烙印話壞左所以無logo有點美中不足下次再帶買其他味道嗰陣師傅logo會出現返啦

經過見到人龍好奇一試古早味既枕頭蛋糕！因無員工指示要排隊，好多人經過見到店前無人就衝上前。幸好醒目既食客見有人龍就好自覺地走去龍尾排隊。因為每人限買兩個，所以就買左原味（$50）同芝士味（$60）試下。唔知係咪人多，蛋糕連公仔都未印上去就入盒俾客。買完蛋糕剛拎上手就忍唔住試左一舊仔，覺得好鬆軟但無咩蛋香，有少少失望！而芝士味除左蛋糕底部有芝士，食落咸咸地外亦無咩驚喜！其實真係唔值得排隊去買！

今日隔離組有同事慶功完成大project ，想多謝我哋幫忙所以一開完會就落咗去買k11對面古早味占師傅去慰勞下大家！其實聽就聽得多試食都係第一次炸，見到之前好多報章雜誌都有報道。。好似話佢係台灣好出名，但原來出世喺馬來西亞等等。。。咁唔講咁多試食先，我理得你邊度邊度，好食先最緊要！今次同事請嗰個係芝士流心蛋糕，芝士味其實就唔係話好突出，不過其實個質感真係唔錯，好香同好軟林林，蛋香味十足！聽講都係＄60一個，依家紙包蛋糕都賣到$8個啦，呢個仲要即叫即做，係有啲誠意既

占師傅較早前要大排長龍，今日已經唔見咗條人龍，既然唔需要排隊，咁就要行入去買番個枕頭蛋糕試試，睇下喺馬來西亞傳過嚟香港嘅蛋糕店得唔得。行到入去店員好有禮貌咁去問我哋要邊款蛋糕，佢哋有3種選擇，蛋香原味、流心芝士同海苔肉鬆。個人比較喜歡芝士呢個口味，原本想賣埋原味，但見個蛋糕Size真係唔細個，個蛋糕可保存3日，怕食唔哂會浪費。店員遞個蛋糕俾我時真係熱熱地，而且芝士及蛋香一陣陣咁漂上嚟，非常之香。喺街度試食一啖，食落真係好軟墊好香蛋味，而芝士亦融融地，占師傅真係唔係浪得虛名，可以話係齒頰留香。如果下次再經過，真係要試埋另外兩款~

其實，當晚食完花丸後，還買了一樣有趣的蛋糕。這款蛋糕產自大馬，去到台灣，最後來到香港。這款蛋糕叫，枕頭蛋糕。在大約半年前，我母親也在台北食過，被她稱為，其中一樣想再食的食物。在寫這篇食記前，我上網起了這件蛋糕的底。 由大馬總廚，從台灣把古早味帶到馬來西亞，做成口感輕盈的枕頭蛋糕。材料非常簡單，只有雞蛋、麵粉、牛奶、砂糖及菜籽油。食完花丸，剛好經過在香港尖沙咀的分店，剛好肚還有空間，又想食甜品，所以立刻去看一看。人未到，已聽到「鈴，鈴，鈴 」, 原來，占師傅，在蛋糕出爐時，就會利用聲音吸引四周的途人。我就是其中一個。當晚，「占師傅」的枕頭蛋糕只有兩種味，芝士味、原味。最後，我選了芝士味，六十元一個。回家，急不及待用微波爐，叮了三十秒，拿出來，一切，芝士立刻流出，芝香撲鼻，正！入口，果然鬆軟得如女性的胸部一樣，配合芝士，不用兩秒便食完了整個，絶對是我食過的最鬆軟的海棉蛋糕。這個大馬枕頭，果然軟熟，下一次再試其他味道。

夜晚好早食飽飯, 在附近行下時, 見到有剛出爐的蛋糕, 計上一次冇人排隊但要等25MINS先有蛋糕出爐之調頭走經驗, 今次見條龍不是太長, 又有蛋糕出爐就排隊買啦!點知等下等下, 想買原味既我到排到時, 只剩返流心芝士 ($60)售賣, 因為唔想等既關係, 最後我都選擇買一個走!由於真係新鮮出爐, 摸到件蛋糕真係熱辣辣, 冇理由咁新鮮唔食架....雖然好飽, 但都要搵個地方坐坐黎味嚐呢個軟熟枕頭蛋糕!搣開中間, 真係見到有流心芝士架, 蛋糕入口的確好鬆軟可口, 而且有濃濃的雞蛋香味, 連埋咸咸的芝士味道一齊食有雙重享受!

新年後的工作日路過台灣過江龍蛋糕點，出爐蛋糕嘅香味驅動著身體走蛋糕進店內，在走進店內的一刻方發覺毋須排隊，所以再毋須任何考慮立即買一份唔洗等嘅芝士蛋糕。返到公司切開後香味引致如狼似虎嘅餓鬼同事四方八面蜂湧以至。蛋糕芝士味唔算濃，但蛋味足以印證用料十足。枕頭般軟熟招牌賣點都冇花冇假，以烘焗方式製作出如蒸焙般軟綿綿的口感真係有返兩度。不時排隊先買到可以理解。只不過個人都係較喜歡鬆脆口感的蛋糕，好彩今次唔洗等就試到。

好難得外出工作早收工，呢個時候最啱搵d 平日要排隊既野食試下😆，腦海中立即諗起呢個古早蛋糕。去到見有幾個人排緊，雖然唔係好知咩名堂，不過有理無理排住隊先再研究。一路排一路睇d 評價真係好壞參半，有d 話好普通似紙包蛋糕，有d 就話無芝士味。個心洧一洧諗緊好無走人。不過見佢啱啱開張，排兩粒鐘都有人排，而家應該唔使點等～咁試一次都無損失既。等左15分鐘，就聽到"鈴鈴鈴鈴鈴聲", ～～蛋糕出爐喇！每次出爐有兩底蛋糕，原味同流心芝士。目測一底大約切到十件，每人限買兩盒，唔怪得之前要排餐死。不過佢個蛋糕望落又真係幾似枕頭😆，其實一盒都幾大舊。最後買左流心芝士味（$60),一拎番屋企立即開箱😍拎到番黎好似有小小縮水，不過都仲係好大舊。開頭切左個邊位黎食，食唔到有芝士味，不過個蛋糕真係好鬆軟，勁有彈性，而且蛋香味濃。佢個密度好高，食落好飽肚，唔會係一陣風果種。但啱啱食呢一角味道應該接近原味，感覺就真係會比較普通，好彩無買原味。側面其實都幾多芝士，但唔可以用流心黎形容。✨底部既芝士最多，但其實已經係凝固變硬了，不過就咁切黎食芝士味都幾香濃。✨再食多件，今次食到芝士味喇，食落咸咸香香夾雜住蛋香味，又唔會

第一次來，買之前問吓店員意見，邊隻味好食？可以存放幾耐？放入雪櫃or唔使放入雪櫃？放咗入雪櫃會唔會冇咁鬆軟？個店員好似唔係好識咁，完全冇product knowledge! 之後我話咁我試吓原味啦，佢話要等10分鐘，咁我就出去行咗5分鐘回去，點知原來排哂長龍！咁點解個店員唔直接同我講要排隊呢？話明第一次，唔識，提醒吓個客人都好正常啫！原來一次只做到一板幾個蛋糕，唔怪得要排隊啦！賣完果幾個又話要等半個鐘！gimmick!!蛋糕蛋味甚濃， 即食係軟綿綿，雪過之後就唔知喇。蛋糕放入雪櫃可以留三日。完！其實香港有好多賣蛋糕的，都好好食！如果要咁樣等，我又唔會返轉頭囉，因為自覺真係好普通，同一個紙包蛋糕咁上下！（純粹自我感覺)

在台灣飲食節目上火紅火熱的枕頭蛋糕，不多花巧，卻收獲極高人氣 除了古早味的銜頭，如棉花糖般鬆綿軟彈的質感伴上陣陣蛋香也是其獨特賣點 雖然每次一見都食指大動，但暫無到台灣一遊的時間，幸好占師傅滿足我的好奇心 店面及工場不大，以致供應口味及數量有限，但不影響來者食慾及執著，不時築起長長人龍 原味 $50最純粹簡單，氣孔細密，軟綿綿又夠濕潤，而且不油不黏 帶點蛋香，甜度點到即止，儘管實在非空氣蛋糕，但吃多一點也無半點膩滯 當晚未有一次清光，放在雪櫃一整天後竟只有最外層變得乾身，蛋糕中心依然綿潤 不過如須貯存在雪櫃內，最好還是封保鮮紙，也儘量不要切塊，以保留蛋糕的水分

收早經過，八點幾唔駛排隊，緊係即刻買個返去品嘗，只有原味，啱晒，最鐘意原味。全程車聞住好香既蛋糕味，可惜返到去已經凍咗，但都一樣軟綿綿，蛋味超香，個個朋友食飽飯都忍唔住呢個香味要食返舊不過緊係新鮮出爐熱辣辣最香最好食啦

每次經過呢度都會聞到好香蛋糕味，但見到條長長嘅人龍就即刻打退堂鼓。。今日12點左右經過，見無咩人排隊嘅？收銀嘅職員面話四分鐘先出爐！唔係唔等呀嘛分別有原味同芝士味脹卜卜，隔住玻璃都覺得鬆軟🤤買左原味 & 芝士味。注意 : 每人限買兩條原味芝士味芝士味並不是流心！ ！！其實真係食唔出有芝士，實物與圖片有點不符但係呢兩件蛋糕依然蛋香味濃、軟林林，好好味👍👍👍👍👍👍***** 建議唔好對芝士味抱太大期望。反而原味更值得一試呢！

第一次行過，見唔係好多人就排隊，排左10分中到，聽到其他人話出緊芝士味，要原味就繼續排。所以我上前諗住俾錢買芝士味，點知俾後面排緊原味d人嘈，話咩味都係要排隊🤷🏻‍♀️最後冇買，唔食冇損失

喺隔黎間清玉買完野飲，諗住行返入K11，點知比一陣蛋糕香氣擋住左我嘅腳步🤤望入去見到啲裝修幾簡單，好有台北果啲古早味蛋糕台feel。然後就排隊等買啦，我地諗住食芝士味，價錢係$60。就黎到我地時先發現，我地兩個人全身加埋得$59，所以要跑去㩒錢😂咁艱難先買到，好彩都好味嘅，不過原來佢嘅芝士只係放一片喺個底度蒸，唔是太好食，我本身仲幻想係流心嘅添。但overall都幾香同幾軟熟嘅。我諗原味應該好食啲。

去年，過江龍來到香港落地開花分杯羹的食店太多，如走馬看花，叫人印象深刻的不太多。 其中一間，剛開張就已經排到七彩，叫人買其招牌作會叫苦連天的占師傅，就的確叫飲食市場有股熱潮。 如果你對大馬有認識，除了富爸爸和咖啡包以外，占師傅絕對是人所共知的勁旅。 當然，有人以為這品牌係來自台灣淡水，但千萬不要誤會，只是，在台灣佢再發揚光大吧。 這天因天氣寒冷，排隊的人少了，於是，自然想試下，不用十分鐘便買到。 即叫即做，有三隻口味，我買了一盒蛋香原味，和朋友於晚飯時分享。 的確，即整的蛋糕香噴噴，漲卜卜，叫人想起了如迷人的女性身軀，只不過香水用上雞蛋，牛奶香，糖來調較。 如果說女性的身體的漲卜卜，你可以知道占師傅有幾正。記得，漲卜卜唔係肥。 吃下去的味道一流，鬆軟而香滑，甜度剛好，送上咖啡奶茶一絕，最適合下午茶吃一兩件。 八個人很快便吃完，可惜太蠢冇買多盒，另外流心芝士和香港的特定鹹蛋味道也是值得買一盒來試。 下星期大寒，就應該有機會不用排隊再去試一件，希望大家有心人都可以像我不用排餐懵啦。 占師傅 尖沙咀加拿分道6C號集友大廈地下6號舖