占師傅 (已結業)

每次經過都勁香濃蛋香味，好吸引！但就係咁，每次經過都勁多人排隊！可能呢排太凍，人流減少左，所以今次我決定去排隊買！好好彩，都唔係等左好耐，幾個字左右！可能係因為剛剛出爐，所以不用等咁耐！門口見到貼著（每人只限買二盒！）一共有三種口味：原味，芝士味，朱古力味(期間限定）而我就買左個原味！好鬆軟，好香濃蛋味，甜度適中！口感有點似兒時最愛的紙包蛋糕！但呢個就會香濃些，同埋口感無紙包蛋糕咁乾身！期待下次買埋朱古力味

周末閒來無事逛逛街，開心又有新發現，尖沙咀金馬倫道新有一間長龍店，好奇行近些看看，飄來陣陣雞蛋香，原來是 Jim 師傅的雞蛋糕，嗅覺隨即發指令，這個一定要買。 取經台北淡水老街古早味蛋糕，馬來西亞籍的Jim師傅把這個當地名物帶來香港，香港人特別鍾意台灣小吃，怪不得排晒大隊， 算一算有十幾廿人再等，一於冇執輸，反正今時今日手機在手，等候冇問題，可做的事多的是！ 鋪面不寬不窄，足夠客人在右方收銀處排隊，左方保持開陽，客人可以看到蛋糕後段的製作過程。 看著廚師壓壓反反，更是期待，原來一底蛋糕只可切成8份，每個準確地五吋闊，想食新鮮出爐，冇辦法只有等。有三款口味，蛋香原味、流心芝士、香港特定的鹹蛋口味，因為製作需時，每人限買兩盒，原味賣$50/盒，其他口味賣$60/盒。 男伴在排隊，我可以四處走，在鋪前瑤瑤樣樣拍下照，不知不覺已經一句鐘，首次光顧，我們買了一個原味的，其實亦冇得揀，因為唔想再等。 剛出爐蛋糕依然新鮮熱辣，細心的紙盒包裝開了孔，我們可以安心帶回家，不會焗出蒸氣變質。 盒上列出成份，基本的新鮮農場雞蛋、麵粉、牛奶、植物油及糖，奇妙起變化，就能焗出美味蛋糕來！ 又名枕頭

見今日早左出尖沙咀，經過無咩人排隊，所以心血來潮試一試！點知完全係中伏。買咗個咸蛋味試，嘩，真係不得了，同普通紙包蛋糕無分別囉，又話蛋糕入面會有咸蛋碎，成舊蛋糕入面一粒都無，蛋糕上面連占師傅個印都無印上去（可能太好生意，都唔理得咁多），只怪宣傳得呢間野太勁

今曰見無乜人排隊，就去買嚟食下，點知勁難食買左芝士同咸旦原味，旦糕質地好乾咸旦原味入面竟然無咸旦碎芝士味得小小芝士完全同張圖唔同囉。我滿懷期待既心情去食，點知個結果係咁。

上網見到尖沙咀賣古早味枕頭蛋糕，早係台中旅行時候已經試過，古早蛋糕純天然製作沒有任何添加劑，蛋味香濃又Q彈，不過今次開舖既係馬來西亞占師傅，香港有限定咸蛋蛋糕，決定放工就衝去排隊!約咗7點食飯，好彩朋友尖沙咀準時收工去排住隊，前面已經排住十幾個人，6點半左右鐘聲響起表示剛剛出爐，由於人龍超長，所以每人限買兩條蛋糕!惡夢來到差兩個就到我地既時候，原來黃金咸蛋已經唔出，既然得兩個限額就唯有原味（$50）同芝士（$60）各一喇!芝士味就係夾三文治既車打芝士，舖係原味蛋糕中間，如果唔係無芝士不歡就建議食返原味，以免影響蛋糕鬆軟程度順帶一提，因為蛋糕用紙盒裝住好難拎住兩盒行街，所以加1蚊買咗個大膠袋裝住蛋糕，不過蛋糕新鮮熱辣放入膠袋焗住，袋裡面全部水蒸氣，個紙盒都爛開晒

喺尖咀上完堂之後, 經過占師傅. 一陣蛋香非常吸引加上眼見人龍都係10個左右. 決定排埋一份. 原來蛋糕全部新鮮即製. 等左40分鐘終於接近櫃枱. 外子一下買左兩個, 一個原味. 一個芝士. 我地仲嗱嗱臨熱辣辣喺K11度開盒食.個人認為芝士味一般. 反而原味非常出色. 要食一定要新鮮即食. 成個蛋糕’蛋香濃, 入口極度軟熟’. 真係會彈彈下. 但值唔值得排隊咁等,就真係見人見致. PS. 個人覺得蛋糕邊位比較好食. Order嘅時候可以request一下

last time, wait for 15 mins for this yummy cake in taiwan. today, i went to tst for dinner. when i left mtr and saw a long queue waiting. only 15 people only and therefore i joined the queue. every 10 mins, a new batch of cakes would be baked. when the cake is ready, the smell was very attractive and really worth to wait here.

熱辣辣 新鮮出爐既現烤枕頭蛋糕🔻一共有三種口味供你選擇😋有原味✨芝士味✨咸蛋味✨今次我就試左原味同芝士味😌（因為試業期間沒有咸蛋味出爐😫😫😫）枕頭蛋糕聞落已經有超香濃郁既蛋香味（真的好香喔～～～😋😋😋）口味單純 香甜鬆軟 ✨✨兩種口味相比下我個人中意芝士味多D👍🏻因爲帶點咸味 比較特別一點😋而原味就比較普通 試過一次就可以了😂（因為感覺跟紙包蛋糕太像了.....不太抵食😂😂😂）

過江龍Jim師傅枕頭蛋糕18號第一日開幕就去朝聖要排成兩個鐘先買到焗1舊大蛋糕要80分鐘大蛋糕可以分成10分小蛋糕可想而知點解要等咁耐占師傅對出爐蛋糕好有要求如果唔係完美佢寧願唔買眼見佢好幾個蛋糕佢都同店員講(這個不好，不賣)好有堅持枕頭蛋糕其實係海綿蛋糕男友話似紙包蛋糕食落去係鬆軟嘅，都好香蛋味不過如果要等2小時就好似有啲耐囉占師傅係用把間尺啊度住黎切每一舊都一樣比例睇佢切其實都係一樣表現黎如果下次唔洗等嘅話都會再買的

其實就係一般蛋糕，然而用的唔係靚蛋，而且芝士味唔好食，啲芝士沉曬底，不如原味。排兩個幾鐘，太辛苦，冇下次⋯⋯⋯⋯另外可能係爐唔夠，產量太低，20分鐘先出一盤，五個人左右就賣要一輪，可能一輪又要半個鐘

今日經過尖沙咀想試下話剛由台灣引入的官材蛋糕。見前面有20-30人排隊，應該不會等太久。但最終等了差不多兩小時先買到。回家試下是否很好味道。但很失望的，只是比較有蛋味，並不是特別好味。而且，芝士味果款並不見有芝士在蛋糕裡面。真的不值得等兩小時去買。

見到fb 講呢間鋪星期六正式開幕，難得經過緊係試下。職員話開幕前係試業，呢日係第三日。放工5點幾去到ge時候有好長ge人龍，職員都提醒10分鐘出一轉，每轉出十個多d，但我排到有間就開幕ge台式飲品個位‘清x’就要等40分鐘 。最後記憶中等左一個鐘多d。試業期間無香港限定ge咸蛋蛋糕。每次一出爐都聞到香味，職員亦會搖鈴。跟住就睇師傅將一大舊蛋糕切開同蓋印其實做法有d似日本個‘叔叔’蛋糕買左個原味（$50)同芝士味（$60）原味送比人無得cm買個陣新鮮出爐，但番到去就變涷啦 盒入面有膠刀附送。切開一件之後見到芝士響蛋糕底部，芝士味濃郁，蛋糕食落似‘Sxlly’蛋糕，但較軟身同輕身，味道較fresh。職員話蛋糕食唔晒要放雪櫃，保存最多三日，芝士蛋糕用中火叮30秒有流心效果。大家都可以試下其實蛋糕係ok,但排一個鐘太耐啦，等熱潮過左再試下個咸蛋味先。