影片
更多
2018-03-11
238 瀏覽
夜晚好早食飽飯, 在附近行下時, 見到有剛出爐的蛋糕, 計上一次冇人排隊但要等25MINS先有蛋糕出爐之調頭走經驗, 今次見條龍不是太長, 又有蛋糕出爐就排隊買啦!點知等下等下, 想買原味既我到排到時, 只剩返流心芝士 ($60)售賣, 因為唔想等既關係, 最後我都選擇買一個走!由於真係新鮮出爐, 摸到件蛋糕真係熱辣辣, 冇理由咁新鮮唔食架....雖然好飽, 但都要搵個地方坐坐黎味嚐呢個軟熟枕頭蛋糕!搣開中間, 真係見到有流心芝士架, 蛋糕入口的確好鬆軟可口, 而且有濃濃的雞蛋香味, 連埋咸咸的芝士味道一齊食有雙重享受!
張貼
