占師傅 (已結業)

喺隔黎間清玉買完野飲，諗住行返入K11，點知比一陣蛋糕香氣擋住左我嘅腳步🤤望入去見到啲裝修幾簡單，好有台北果啲古早味蛋糕台feel。然後就排隊等買啦，我地諗住食芝士味，價錢係$60。就黎到我地時先發現，我地兩個人全身加埋得$59，所以要跑去㩒錢😂咁艱難先買到，好彩都好味嘅，不過原來佢嘅芝士只係放一片喺個底度蒸，唔是太好食，我本身仲幻想係流心嘅添。但overall都幾香同幾軟熟嘅。我諗原味應該好食啲。