南記海鮮飯店

營業中

休息中

年近中秋, 同埋自己Team的成員去屯門三聖村食返餐, 今次先去榮利買海鮮, 買咗八種海鮮後再向事頭婆R多碟蜆, 然後去了隔近既南記海鮮飯店開飯先講環境, 呢間係屋邨冬菇小食亭, 雖然裝咗冷氣但都唔覺凍, 好彩今晚天氣唔熱所以唔駛邊食邊抺汗; 而環境衛生非常一般, 我的碗仲未洗淨要起後邊枱換另一隻來再由頭洗過先至敢食用, 點菜後食物好快送上啦椒鹽賴尿蝦: 整得幾夠味, 但蒜子好濕, 扣咗少少分豉椒炒聖子及豉椒炒蜆: 呢道既豉椒小炒味道好淡口蒜蓉開邊蝦: 穩陣之選, 但沒有驚喜西芹炒班球: 條班幾滑及新鮮, 整體唔錯蒜蓉粉絲蒸扇貝: 上枱時色水唔多靚, 但隻扇貝好新鮮好大隻, 食落都唔錯辣酒煮花螺: 呢個最唔掂, 食落完全唔辣之餘賣相仲唔多掂, 零分薑葱炒蠔: 又係唔多掂, D蠔唔靚所以鬆D們無咩點幫襯仲食餘幾隻添鹽焗奄仔蟹: 今日既奄仔蟹只係一般貨色, 而且廚房焗既時間唔夠未能入味, 有少少失色總括來講呢間飯店跟我上個月去既嘉彩酒樓比較, 酒樓既處理海鮮方法明顯較出色, 而且環境肯定比冬菇亭好, 下次有機會會去返流浮山, 嗰道平均會好食過三聖村

友人喺3聖村有買慣嘅海鮮檔(忠x記)同食慣嘅食肆,sep 11,10, 5人先1齊跟友人去買海鮮,之後就交嚟呢度,共叫咗 : 1) 白灼麻蝦-友人嘅大力推介-肉色有些微透,而肉質就唔喺好爽口嗰種,喺有點韌性(並非"un"),真的有點難形容-唔好理,味道果真很有鮮味,現在嚟講實在難得 2) 椒鹽瀨尿蝦仔-因為食瀨尿蝦需時,所以食咗1隻就無心機食,味道喺ok的-不過都喺情有獨中大嘅瀨尿蝦 3) 螺片生菜-買完海鮮後,送來了1罐鮑片-所以拎埋出嚟做個菜-正常 4) 豉椒蟶子皇-每人1隻-調味適中,以食番蟶子本身嘅鮮味為主-曾經喺其他食肆食過個汁d味道好甜,成道海鮮味道即刻假晒-所以幾欣賞這家嘅煮法 5) 蒜蓉粉絲蒸貴妃蚌-蒜蓉粉絲部份淡咗些少-不過隻貴妃蚌很有質素,鮮甜-要讚店方就喺掌握蒸嘅時間-剛剛好熟,所以好鮮嫩 6) 椒絲腐乳通菜-都幾大碟-鹹度溫和,有點鑊氣 7) 辣酒煮東風螺-上枱時都唔喺平時見慣嘅浸近螺頂-唔多辣,也不入味 8) 鹽焗奄仔蟹-原來鹽焗方式都幾花時間整-之前嘅菜都接住上得好快,唯獨呢個要等1等-肉質都結實,飽滿,膏也不少,其實質素都已經唔差-不過都唔夠鮮味-可能只有

態度呢, 係好主觀既. 黎得大排檔都唔係要五星級服務. 其他唔講, 我最接受唔到找錢係拋過來枱面.係街巿果邊買左扇貝, 蝦, 東風螺, 蝴蝶蚌, 肉蟹. 交俾佢地整, 冇一樣係好食既. 煮死哂我D海鮮. 成千幾蚊架!!!扇貝 - 蒜蓉粉絲蒸, 一食D粉絲, 硬既? 開頭估淨係自己果隻D粉絲乾左, 食埋雙扇貝, 係未熟透既. 問番D朋友, 原來隻隻都唔熟.蝦 - 本來叫佢芝士焗, 但係佢話冇得焗, 只得煮. (唔知樓下網友點食到芝士焗龍蝦, 唔通去左唔同鋪?) anyway, 芝士唔覺芝士味, 得個咸字.東風螺 - 白灼, 至好食呢個, 因為完全唔駛技巧. 但係佢連D辣椒醬都唔好食, 酸酸地既.蝴蝶蚌 - 油塩水煮, 冇咩特別, 原汁原味. 又係同個廚既功力無關既.肉蟹 - 避風塘炒蟹. 隻蟹好甜好好食. 全靠佢生得個殼夠厚, 冇俾佢煮死咋. 佢又係煮到勁咸.另外係佢度叫左幾個餸:蠔餅 - 係炸既, 超油, 我夾左一大舊, 但係食唔到蠔仔. 只係得炸粉.椒塩鮮魷 - 咸, 未食過咁難食. 普通酒樓都做得好食過佢多多聲. D魷一D都唔鮮, 面頭層粉都唔得.蝦醬通菜 - 極咸, 成碟冇食過.

拿住一袋二袋,由海鮮檔買來的海鮮來到興記,可惜全院滿座,只能夠外賣燒鵝,拿到去冬菇亭內,另一間檔口"南記"開飯.同興記相比,南記仍有空檯,心想大家同一屋簷下,水準應該差不多.將所有海鮮材料交給飯店加工,另外再叫一碟鴨舌,最快上是白灼九節蝦,來自南中國海的九蝦,白灼是最佳的做法.那種鮮甜的味道,絕非養殖的基圍蝦可比.當大家高高興興剝著九蝦之時,突然店員走過來說:{唔好意思,師傅一時手快,將你們的瀨尿蝦,用左椒鹽來做.}當堂一盤冷水照頭淋,我們本來是要求油鹽水做法,本身的瀨尿蝦是活生生新鮮貨色,有什麼理由要用椒鹽做法?但蝦是我們帶來,而店方的一時錯手.難道要他們賠償?在此情況之下,唯有無奈接受,但一定要免卻油料費.來自東南亞一帶的瀨尿蝦,每隻肥大肉厚,蝦膏甘香如咸蛋黃,肉質爽甜,用油鹽水或者蒸也是最佳做法,如今看見鋪滿蒜粒的瀨尿蝦,慨嘆所托非人,本來好一隻瀨尿蝦,被椒鹽恨恨地強姦.買了些海魚,再聯同蜆,細小的瀨尿蝦,一同滾湯.便成為地道的海龍皇湯.用海鮮來滾湯一定甜.但煮的時間不夠,湯的味道有點"到喉唔到肺",如果煮得耐一點,味道一定更好.喝完湯便到豉椒炒聖子同蒸鮑魚.

到興記失手,無位,但又買左海鮮,唯有過隔離的「枝記」,枝記俾牆角二人小枱,怪怪的位置,最後南記俾既位,較好(雖然無冷氣),也決定在此加工(@$35斤)。上湯龍蝦e麵底,唔油膩,色水唔奪目,上湯汁味道亦偏淡。清蒸奄仔蟹,幸好我地揀既蟹都ok,清甜。椒鹽賴尿蝦,一上枱….吓?點解椒鹽咁濕潤既?咁大隻蝦,佢只係同我地分左兩節,咪o拿o拿聲叫佢剪開四份啦。但係味道真係唔係椒鹽law!似豉油皇喎!唔識整,幾靚既材料都o徒晒!食物又黎得慢,食菜仲慢!一早叫左碟灼菜芯,催左幾次,侍應無奈說：「係呀!叫菜, 個鑊廚房掛住整晒海鮮先。」死得啦!D海鮮都食晒喇,碟菜黎到都無意思啦!哼….碟菜就係呢個時候送黎!大大碟,根本食左幾條,要包走喇。

我3月8日 同家人一行8人去南記食海鮮 問佢有冇位 就話「冇嫁...有排等」但係轉個灣就已經有兩張空枱咁我地去海鮮檔 自己買左800幾蚊 有魚 大扇貝 懶尿蝦 ... 之後仲送左一袋2斤海鮮做海鮮湯之後叫汽水 叫幾個人 全部等陣先 等極都冇.... 忙就係咁咩?之後大部分食物都係一般 覺得唔好味tim ! 咁新鮮既海鮮可以煮到一d鮮味都冇呢樣都唔緊要 最離譜係海鮮湯!!!! 得咸水味! 2斤海鮮 煲到得咸味?一個師拉用一條魚 煲都啖啖鮮甜啦我地叫侍應過黎 我地話 「大哥 俾兩斤游水海鮮你地煮 得咸水味有冇搞錯呀? 你唔信拎碗黎俾你試下!」 佢話 「呢d係師父既事 唔關我事 咁呢度多人嘛 咁難食你同師父講囉 我都係打份工 $200一日.....」多人就俾d咁既質素人地食呀? 仲有起d客面前吐糟? 我地俾足錢佢煮 又難食又要受佢氣

早幾年男朋友屋企人做節試過依度O既"芝士焗龍蝦仔"....一直諗諗不忘......今年幸運地可以再嘗...實在未出發先興奮....事隔幾年水準仍然保持到.....仲有直得一提佢D小炒都好正......雖然今次無叫...但我記得佢O既"砵酒焗蠔"都好正!

星期六一行六人去左附近既海鮮檔買左d海鮮拎去叫佢整.. 等既時候係就係耐左d.. 因為實在太多人啦.. 但唔明既係.. 一早叫既海鮮遲遲未到.. 但之後加既小菜就唻得好快喎.. 真係令人費解??? 算啦.. 講番當晚食左d乜啦.. 有... ... 豉椒炒蜆.. 陳皮鮑魚.. 芝士焗龍蝦伊麵底.. 蒜茸粉絲蒸扇貝.. 清蒸老虎斑.. 小炒皇.. 白飯三碗同埋一支啤酒.. 味道都算唔錯既.. 最鐘意係芝士焗龍蝦伊麵底.. 雖然味道係淡左d.. 不過d伊麵吸哂d芝士汁.. 所以係好味過d龍蝦既.. 哈哈.. 不過當晚就真係貴左少少囉.. 我覺得.. 唔計自備海鮮d錢.. 叫佢煮je都要三百五.. 前排自己買.. 自己煮埋都唔駛咁多呀.. 連埋海鮮d錢要差唔多成千.. 但又唔係食到好飽飽喎.. 我諗得六成飽ja... ... 下次都係唔好自己買.. 叫佢個d餸會仲抵添... ...

因為0係屋企附近, 所以一到冬天就必定黎呢度食煲仔飯。呢度仲係冬菇亭大排檔, 好有風味, 而且價錢大眾化, 成家黎食都係百幾蚊食飽飽。講返煲仔飯, 必叫係黃鱔煲, 因為唔係好多地方有得食, 而且煲仔飯煮得剛剛好, 香到不得了, 又有少少飯焦, 正﹗另外田雞, 白鱔同埋臘味都非常正, 次次黎都食幾碗飯。