南瀛水產

把握最後時機，前日就同好友到尖沙咀嘅南瀛水產食咗一餐非常愜意嘅全海鮮晚餐，唔單只味道好、煮工妙，而且食材新鮮，Enjoy~就算餐前小食【味醂魚乾】都做得好有特色，食起嚟魚香味十足，帶點煙韌嚼勁，而且仲係啱啱燒起，係熱㗎！【軟殼蟹沙律】好開胃，軟殼蟹份量好多，炸得金黃酥脆，外面香內餡鮮甜，加上沙律酸汁，胃口大開！【清酒煮蜆】湯底鮮味十足，蜆夠大隻，好食！ 可惜份量有一點點少。【燒海鮮】非常豐富，我地點咗閃亮嘅牡蠣、超大隻帆立貝、活鮑魚同蟹味噌甲羅燒，滿滿鮮、香、味，水準之作！尤其係甲羅燒，蟹肉、蟹膏同鵪鶉蛋，賣相吸睛，滋味滿足。【松葉蟹海膽釜飯】即席喺面前烹煮，熱辣辣。 松葉蟹肉清香撲鼻，加上海膽同櫻花蝦乾鋪滿鍋面，份量十足！【銀雪魚西京燒】做得精美，肉不散，非常香口，厚身皮脆！南瀛水產帶嚟嘅除咗食物好味之外，仲有愉悅暢快嘅滿足！ Cheers~

12月24日平安夜，周圍都book唔到枱，咁呢間有，咪試吓囉😩點知……其實幾句說話可以形容哂……😪😪食物質素普通、份量超級少、價錢都幾貴、職員服務態度差😭😭希望唔好有人再中伏啦！

呢間日本餐廳之前都去過一次，印象非常好，因為嘢食又新鮮而且裝修又舒服，咁就一於再嚟一次啦。今日一上到去，見到有兩台都係日本人，原來日本人都會嚟呢度食，咁就一定好正宗啦。首先我哋就叫咗個刺身拼盤，刺身唔單止切得非常厚，而且食落仲好新鮮，同平時出面嗰啲差好遠。呢個清酒煮蜆唔單止好多蜆，而且全部都好大隻，隻隻都有蜆肉，唔會得個殼。而且清酒都好入味，食完仲更加開胃左。喺呢度我最鍾意嘅就係蟹肉甲羅燒，因為佢好多蟹膏同蟹肉，唔似得出面得少少咁。而且佢有專人幫你燒，咁就唔怕自己燒燶哂啦。而且最近仲有個新出嘅海膽斧飯，喺出面未食過呢樣嘢，咁就叫黎試吓啦。一上枱佢係好似煲仔飯咁蓋住個蓋，等咗一陣就食得啦。估唔到可以有咁多海膽，而且撈埋個飯真係好入味同好香，下次嚟到一定要食呀。呢間餐廳又抵食又靚，啲裝修好似去咗日本咁，啱晒成班朋友聚餐呀。

「南瀛水產」📍尖沙咀一家滿出名的居酒屋，當晚幸運地被安排到包箱位置，私隱度高，跟朋友大聊特聊滿開心的🥰但話說回來，食物不如我預期，整體來說，大概不會回頭😂🙈🙊👉🏻蟹味噌甲羅燒 $78/個店員會在桌邊幫你燒，這道菜在好幾家店都有吃過，其實味道都差不多，但這間讓我失望的是它沒有附任何餅乾/麵包用來墊底的配搭，直接單吃味噌蟹膏真的頗咸的😅😅😅👉🏻壽司盛 $32810件平價又超級普通的壽司……真的不值三百多….👉🏻雲丹蟹肉卷 $228海膽新鮮👍🏻這個好吃👉🏻A5宮崎和牛壽喜燒 $438和牛入口即溶，無可挑剔❤️ 是當晚唯一留下「值得吃」評語的一道菜🙈🙈🙊👉🏻帆立貝殼燒/海鮮沙律/日式炸雞/味琳魚乾/玉子燒/香蒜牛舌以上都普通到沒任何記憶點，直接略過🙈🙈味道：🌕🌕🌗🌑🌑環境：🌕🌕🌕🌕🌑🎈總歸一句：人氣頗高的店，但性價比不高，跟朋友們都覺得回頭機率不大🙈

一入到餐廳，裝修風格好別緻木製嘅橫梁同擺設就好似真係置身日本既居酒屋咁環境好舒服，氣氛好好同朋友又好，同情人都好岩一齊去食 蚧味噌甲羅燒(必點)蟹膏滿滿，上面加埋隻鵪鶉蛋撈勻煮埋一齊燒，非常甘香可能烤過之後味道更加突出，蟹膏嘅鮮味更加爆哂出黎非常值得推介 燒活鮑魚好新鮮，烤完之後肉質好軟，有小小咬口又唔會太un 刺身好新鮮、厚身大件海膽好好味，濃厚嘅海膽味，食落仲有少少甜 其他都好出色每一樣都好好食，賣相又好精緻

尖沙咀出名多居酒屋，今次黎呢間餐廳係有朋友食過介紹我既，餐廳好近mtr,超方便！蚧味噌甲羅燒 $78見到好多人都有嗌呢個，我緊係都要試下😁有專人幫我地燒，好濃郁又唔腥既蟹膏蟹肉，加粒粒蟹籽同鵪鶉蛋A5宮崎和牛壽喜鍋 $438有6大塊和牛！好腍好嫩，可以點蛋汁。個壽喜燒湯好清同唔會過甜，啲菜，菇同豆腐都俾我地清曬大吞魚腩刺身 $2988隻字:入口即溶！油脂好香！清酒煮蜆 $108比較淡清酒味，反而幾岩我，啲蜆無沙，鮮甜香蒜牛舌 $88有5大片牛舌，我個人鍾意較爽口既牛舌，呢個高係好軟腍既肉質鱈魚乾 $78做餐前小食一流，好脆牛油焗一口甜薯 $48我最愛既蕃薯就係呢種小甜薯啦，夠甜，加上細細粒，食落唔會太飽，可以留返個肚食其他野

聖誕假期想食好少少，嚟到呢一間主打日式浜燒嘅「南瀛水產」。裝修格局係日式居酒屋嘅木系風格。員工服務好殷勤，不停主動加水同埋收碟，另外浜燒嘅食物又或者釜飯會全部由員工協助，唔使自己郁手㗎🤗蟹味噌甲羅燒$78蟹蓋入邊有蟹膏+蟹肉+鵪鶉蛋+蟹籽+香蔥，員工細心咁將佢哋撈埋晒一齊燒，味道超香，鮮味十足，味道濃郁，最適合用嚟撈飯！東瀛五點盛$368五款刺身每款有三件，其中包括有三文魚🍣赤蝦、大拖羅、帆立貝同埋油甘魚，件件都新鮮肥美！尤其拖羅，油香滿溢，咬落去成口油～正到爆！南瀛卷$298海膽+三文魚籽+赤蝦+吞拿魚碎形成一個小山丘，掩蓋左下邊嘅軟殼蟹卷物，味道真係好豐富呀～吉列炸蠔$98熱辣辣嘅吉列炸蠔外脆內軟，配搭日式汁酸酸地，好美味！味醂魚乾$78好惹味嘅一款小食，食到停唔到口，每次去居酒屋必食！松葉蟹海膽釜飯$208釜飯簡單來講即係日式煲仔飯，上面有松葉蟹肉、海膽、櫻花蝦同埋薑蔥，大約煲煮20分鐘左右新鮮滾熱辣食得，味道比較清淡需要落啲海鹽吊味，重點就係下面嘅金黃色飯焦，脆脆地好正～

呢間南瀛水產嘅裝修好有日本feel～好似係日本一樣～而且好近尖沙咀地鐵站，所以都好方便❤️不過設左用餐時間，所以食得會比較趕整體評分：7/10味道：7/10服務：6.3/10環境：7/10人均消費：$100-200地址： 南瀛水產 (尖沙咀)尖沙咀金馬倫道5號太興廣場5樓 A5宮崎和牛壽喜鍋：和牛雪花超靚！食落口入口即溶！😍配上蛋液食一流～而且都多蔬菜🥬好健康蚧味噌甲羅燒：店家推介就試吓啦～會即場有專人在隔離燒蟹籽，蟹肉，蟹膏再上加上鶴鶉蛋，好濃嘅蟹膏味！又滑😍😍😍活貝盛合：好多生猛海鮮！ 仲識旭架！生蠔🦪超肥美！ 蜆肉同貝類都鮮甜新鮮，有淡淡海水味，鮑魚質地彈牙有咬口～海膽釜飯：呢個冇想像中咁好食，材料其實都多，但係味道都好淡，唔係太出色

來到普天同慶的聖誕節，我跟好友在尖沙咀觀賞完，璀璨奪目的聖誕燈飾，行完肚子開始餓，好友帶我去了 南瀛水產共享豐盛的晚餐。這裡的海鮮特別鮮甜， 南瀛卷材料豐盛，有吞拿魚蓉，三文魚籽，蝦， 肥美入口即溶的海膽，真令人回味。 小食的 蚧味噌甲羅燒， 我們一路傾訴心事，侍應生一邊幫助我們燒很貼心呢！燒完是香噴噴很濃郁的，如果有多士搭配更好。 這邊的香蒜牛舌， 燒得剛剛好，軟綿綿的不是硬的。我喜歡的銀雪魚西京燒 滑溜溜的。重頭戲來了，海鮮鍋裝滿了大蝦， 鮑魚，扇貝，生蠔，底層有豆腐菇類很多不同蔬菜， 每樣也很鮮甜超喜歡這個鍋。好友超愛吃飯，最後也要叫一客鮭魚親子丼先滿足。

本人預訂app午餐半價優惠，好着數呀，正價半價喎，唔係唔食呀？！不過，都係自己唔好，自以為是，以為人家午餐時段一定會通知你有午餐特價Menu，同埋話俾你聽有八八折添。都係我唔好，抵死囉，埋單先知道隔離枱食得咁豪，原來都抵過自己張單，邊有得怪人哋姐，我自己蠢咋嘛。呢個教訓係，大家唔好學我呀，自己蠢就好啦，人哋點會唔俾個Menu你，同埋唔話俾你聽有優惠姐，與人無由㗎。你真係有食人啲嘢㗎嘛，做生意唔係開善堂喎！呢間餐廳嘅成功好值多啲人去幫襯，等佢越做越有！

年尾特別多飯局, 特別想食好西慰勞一下自己今年嘅辛勞! 今晚朋友就約左小妹去左南瀛水產! 餐廳環境幾大, 周圍都擺左唔同嘅日本清酒瓶, 加埋日式怖置, 感覺优如身處日本咁🌟菠蘿燒酎菠蘿味好濃郁, 入面仲有果肉, 飲落酸酸甜甜幾開胃🌟卡西斯烏龍茶卡西思係一種法國產嘅酒嚟, 混合烏龍茶就變成一種和洋合體嘅飲品, 烏龍茶苦苦地嘅茶味中和番卡西斯嘅甜味, 飲落甜甜地幾特別🌟味醂魚乾魚乾口感微軟煙韌, 非常惹味, 佐酒一流🌟漬物四盛入面有蒜頭漬, 牛蒡漬, 蘿蔔漬同青瓜漬, 整體味道不錯, 青瓜漬爽脆入味有驚喜, 食完其他野用嚟清一清口腔也不錯!🌟特上壽司盛去面有海膽, 牡丹蝦, 帆立貝，三文魚, 吞拿魚, 油甘魚, 深海池魚, 真鯛, 左口魚同吞拿魚手卷, 件件都鮮甜肥美幾新鮮 🌟蟹味噌甲羅燒甲羅燒啖啖蟹膏, 口感軟滑, 鮮甜味美🌟帆立貝殼燒帆立貝幾厚肉, 鮮味多汁🌟牡蠣殼燒牡蠣幾大隻, 肥美鮮甜🌟銀雪魚西京燒銀雪魚啖啖肉, 口感嫩滑細膩, 調味適中, 味道不錯

位於尖沙咀嘅南瀛水產採用日本居酒屋的裝修，而且主打浜燒水產，仲會有專人係你面前即場幫手燒，成件事好有日本feel，食完好滿足，同朋友放工黎食就最正。蚧味噌甲羅燒 $78甲羅燒混和咗蟹籽、蟹膏、蟹肉，將所有蟹嘅精華混合而成，鮮味豐盈，口感幼滑，極之美味，加埋隻鵪鶉蛋，完美😋我地更加 encore咗2次🤭🤭實在太好食啦，最緊要價錢唔貴，出去食有啲要成百幾二百蚊🤭銀雪魚西京燒 $168肉質嫩滑，表皮燒到香脆，魚油很足，放入口感覺到好juicy💦平目刺身 $238平目魚肉外表晶瑩剔透，味道清新味美，肉質鮮嫩爽脆。活貝盛合 $428有蛤、鮑魚、帆立貝和生蠔，每一樣都很新鮮，上枱時還會蠕動。店員加上小小嘅清酒和鹽作調味，盡量保留海鮮本身嘅海水味和鮮甜，絕對係必點之選。試完盛合之後仲點多咗鮑魚同清酒煮蜆食😋係呢度食海鮮真係最好嘅選擇～📍 南瀛水產 (尖沙咀)尖沙咀金馬倫道5號太興廣場5樓

話說呢間高質日本料理已到訪過兩次🤫🤫大囝投訴話點解無帶過佢食喎🤣好啦…考完哂試又仲未有得帶你飛！是晚第三次回訪就同你呢個青少年煙韌吓啦🤣由佢揸fit點菜！. ✨東瀛五點盛 $368有牡丹蝦, 三文魚, 油甘魚, 吞拿魚, 帶子！件件outstanding👏👏鮮甜肥美！我哋一致讚好！！！. ✨南瀛極上刺身丼 $398比起刺身盛無咁厚切但無損美味😋尤其當中嘅甘甜三文魚籽！鮮味海膽！入口溶化嘅吞拿魚腩！令整碗大大加分！share食啱啱好！. ✨蚧味噌甲羅燒 $78有專人烤好奉上❤️蟹膏味濃郁！啖啖回甘！Be食咗兩小啖之後！已經被大囝秒清到想連殼都刮爛嚟食🤣🤣. ✨牡蠣 $78肥大肉厚！帶有陣陣海水鮮味！燒好之後完全無需調味已經無得輸👍👍. ✨活鮑魚 $78超鮮活嘅鮑魚！店員烤好後以少少七味粉吊起味道😍😍肉質彈性十足！又係高分之作！. ✨炸雞軟骨 $58大人細路都會鍾意嘅脆卜卜😁😁食落咯咯聲又惹味！非常稱職嘅香口小食！. ✨白桃梳打 $58一路歎美食一路飲住炭酸飲料勁爽！果味濃但唔會過甜！幾唔錯！！. ✨南瀛沙冰雪糕 $68賣哂芒果…揀咗青蘋果味！🍏酸度偏高！記得連埋中間嚿雲呢拿雪糕食中和番口味

十二月份天氣涼涼哋，節日氣氛濃厚🎉🎊🎁🍺🔔🎄，同朋友一齊喺尖沙咀，佢話想食餐好啲嘅日本菜🇯🇵，問我有冇好介紹，咁我喺冇乜考慮之下，就帶咗朋友嚟呢間喺樓上嘅海鮮居酒屋🏮開餐😆- $78嘅「漬物四盛」：非常喜歡日本🇯🇵漬物😋；呢個「漬物四盛」有牛蒡、蒜頭🧄、青瓜🥒、蘿蔔，味道清新😋；喺香港嘅日本🇯🇵餐廳，比較少將幾種漬物放喺同一個碟上邊銷售（喺日本就好普遍😋），呢個「漬物」真係有小驚喜😋- $88嘅「海鮮沙律🥗」：將三文魚、白魚、八爪魚🐙 等切粒，撈埋新鮮嘅沙律菜🥗，仲加咗酸汁，好開胃😋- $128嘅「鮟鱇魚肝」：魚肝好香好滑😋- $88嘅「燒明太子」：明太子輕輕燒過，中間仲夾住啲青瓜😋，香口得嚟感覺健康😆- $138嘅「柳川滑蛋鰻魚」：滑蛋同都幾厚身嘅鰻魚一齊煮，幾惹味😋- $68嘅「炒雜菜」：蔬菜新鮮爽脆，雖然簡單但係好美味😋- $78嘅「蟹味噌甲羅燒」x 2 : 滑滑哋又有淡淡嘅味噌同蟹膏味🦀，仲幾 creamy 😋，亦都食到有少少蟹肉😋- $78嘅「活鮑魚」x 2 : 鮑魚真係超新鮮，喺火爐🔥上邊一邊燒一邊仲郁動緊，竟然舞動咗大約成分幾鐘，睇到我有啲於心不忍😳，不過味道超鮮甜😋-

估唔到喺呢到咁有氣氛，四圍都充滿唔同擺設餐廳佈置充滿和風氣息，木製的傢俬配上藤製吊燈，風雅脫俗ꕥ蚧味噌甲羅燒$78甲羅燒好正🥳下次要叫一人一個！店員好貼心幫係旁邊燒埋🦀滿滿嘅蟹膏香味濃郁ꕥ雲丹刺身$288賣相精緻😍幼滑鮮甜～入口濃郁的海膽鮮味，非常甘甜之餘一點都不會腥ꕥ南瀛七點盛$598刺身盛合擺盤精緻，有大拖羅、牡丹蝦、深海池魚、三文魚、左口魚、帶子及平目，刺身好新鮮好肥美🙋🏻‍♀️好正～～ꕥ黑松露鰻魚釜飯$188鰻魚飯好特別～以為一上到台就可以食，原來仲要大約15-20mins🌟超級香濃鰻魚味～飯竟然有飯焦👍🏻◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝😋味道：9/10🍽環境：9/10🎖推薦：9/10💰抵食：8/10🍄總括：💖💖💖💖🤍◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝