南海一號

營業中

休息中

由於喺呢度睇到有$188點心任點任食的優惠。（90分鐘）所以就約咗大年初一去試一試。咁由於大年初一屬於節日佢都有加幅。（$188+$20假日+$25茶位+10%服務費）咁我就要約咗11:30嘅但係呢大約11:15去到呢，咁佢都可以安排到入座，唔需要再等。其實佢個環境都算唔差啦，枱興枱之間都有一定嘅距離。佢上菜嘅速度呢大約會係落左單既10分鐘左右會陸續送上。而佢由於係任食90分鐘限時，咁其實距離夠鐘前既30分鐘會是last order!食物嘅質素就一般般啦！如果唔係年初一嘅話其實同樣價錢應該可以有其他選擇⋯

今日食點心buffet，12:45去到時，門口大排長龍等入座，職員有些手忙腳亂，回覆表示等前一輪埋單、清枱。大約13:05分左右先能入座。之前訂枱要求窗口位，不過安排唔到，最後安排角落位，枱與枱有一定距離，空間闊落。之後order了第一輪，菜式類很快上到，但點心類遲遲不見。之後再order第二輪情況一樣，追問職員只回覆整緊，聽到隔離枱落單話蝦餃已經冇貨。之後差不多夠鐘再追，職員話幫手跟，但話燒賣都冇貨，最後只等到菜苗餃、黑松露粉果、小籠包，冇驚喜而且很細舊，一肚氣！

點心放題，等個坐字，啲嘢食完全無影，超過一半無到，十級劣評，坐咗一個鐘已經話lastorder，但我前面叫果啲有三分二點未見到，都唔駛考慮好唔好食啦，唔駛再幫襯

相信今年的農曆年新大家一定過得比以往很不一樣！團年飯跟開年飯也沒法子外出享用但香港精神是永不能磨滅的！於是各大餐廳也推出不同的團年、開年的外賣賀年菜式，令大家也可以輕鬆舒服適地在家安心吃團年及開年飯！正好南海一號新推出了熱辣辣共六款不同滋味的煲仔菜供外帶，當中包括有古法羊排煲、黃耳竹笙煲、陳年花雕雞煲(半隻)、大根牛尾煲及招牌極品蟹皇翅(兩位起) ，這五款熱煲的價格由＄268～＄368不等！如果選上其中三份或以上更可享有八折優惠喔！查詢或預訂: 2487 3688/ Whatsapp: 5530 1322(24小時前預訂)上星期四我早一天預訂了這個龍蝦湯海皇一品煲＄1280(四位用)，帶回外家跟車公公、婆婆來一個新鮮熱辣的團年晚飯！而我則選了龍蝦海鮮煲之餘再額外加多一個熱煲，搭夠滿＄1500額外獲贈了極受茶客歡迎的自家製如意蘿蔔糕一盒(售價＄108)，另外還有南海一號堂食現金券＄300兩張，即是付出＄1500便回贈＄700食品和現金券真的好開心啊！因為我之前嚐過南海一號質素高的點心放題非常滿意，所以那兩張現金券絕對合我心意！跟車公公、婆婆打完麻雀後晚上便一起開餐吃團年飯喇！打開這個龍蝦

南海一號，已經唔係第一次去了，但過往多數都是去食晚飯，貪其夜景實在壯觀，高居臨下，實在有君臨天下的感覺。可能係疫情期間，高檔餐廳也要做放題，於是昨天便和朋友仔一齊去試吓呢個點心放題。我們分別叫了晶瑩蝦餃、蟹子燒賣、上海小籠包、鳳爪、蝦米腸粉、蘿蔔糕、話梅石榴、鮮果咕嚕肉、麻辣薑蔥炒牛肉、辣子雞球、蟹肉粟米羹、五柳甜酸魚柳等我等，種類繁多，大家也看看相片吧。在一個如此優美嘅環境，落地玻璃，光猛開陽，舒舒服服的食一個午餐，也只不過是200多元，超值了。

友人過來尖沙咀相約吃點心放題，筆者見新意思，一於應約一試。放題$188/位，任吃點心，限時個半鐘。二人限聚令，每張枱二人，分開有一定距離，而且即叫即點，感覺比較安全。蒸餃系列每點一個，就是一粒餃子，可以每樣點一粒，試清楚之後再encore ，不會浪費食物。金蒜蟹肉菜苗餃，蟹子燒賣~從前上酒樓，例必蝦餃、燒賣、魚翅餃，但現今酒樓，往往蝦餃、燒賣，都是頂點或特點，所以嚟到點心放題，可以吃得放任一點。蛋白素苗餃，蝦餃幾款蒸餃系列，餃子皮夠薄，粒粒熱騰騰，正合心意。小籠包，鳳爪小籠包也是熱騰騰，也有高湯，所以吃時小心點，鳳爪夠腍夠入味。乾煸鮮荀肉四季豆，豉油皇炒蝦米腸粉。精美菜色系列，個人建議點咗一份先，試清楚是否啱自己口味先，才番點，因為有些菜色一人份量兩個人都夠吃⋯⋯衆多點心中，筆者喜歡這碟 “乾煸鮮荀肉四季豆”, 醬汁惹味，四季豆炒得爽脆。我們最後除了粥粉麵飯類別沒有點之外，兩個人竟然將整張點心紙的款式通通試齊，所以有時候，食嘢係要有合適的拍檔，遇強越強。但由於初時怕限時吃完要走人，所以忙著吃，沒有拍太多食物照，後來才知，如果未有客人繼續等的話，仍可繼續坐。整體來講:點心質素唔錯，尤其蒸

在30樓的餐館美麗海景，入座在中午職員有禮表示景好的會曬些，或可選其他位。坐位舒適望着港享受。食物選擇不算多，點心足料熱好味，小菜，炒粉，飯小份量都有水準。同行2個10歲以下小孩衹收一人費用

2020年12月閒日book左張窗口位嘅枱，去到時個四眼男waiter帶我去咗一張的確喺窗口嘅位，不過窗口外面並唔係美景，而係有outdoor seats 嘅位置，我問個waiter講，有冇其他窗口位，佢話：「呢個咪係窗口位囉！」我同佢講，但呢個位冇景喎，佢拉長同升高把聲答我：「有！」其實我明白當時已冇哂真正窗口位，但作為waiter，都冇理由咁答個客呱，試問一個出面坐到人嘅窗口位，有乜景可言呢！有都係其他食客食嘢嘅景啦，於是我就同佢講我唔食走咗了！記得之前夜晚都幫襯過，印象中服務非常好，唔知係咪疫情期間將貨就價，要換一批較低質素嘅waiter，所以服務質素搞到差左咁多。貴價餐廳價錢，茶餐廳服務，大家去之前

今天出去尖沙咀，便嘗試到這間餐廳試一試下午茶的點心放題，放題時間是下午3:00至4:30 pm, 我準時3:00入座，這裏除了位置、裝修、及位於高層30樓，可以觀望維港景色，但食物的質素一般！試一次便夠了！侍應在下午四時，已經在每枱收起點心紙，並告知這是last order，接着便開始埋單！我試了以下的點心：蟹籽燒賣蝦餃蟹肉菜苗餃上海小籠包（皮厚冇肉汁）蟹肉粟米冬茸羹（好似水一樣）蔥爆牛肉（只得兩片牛肉）滑蛋蝦仁（只得一隻蝦）海鮮煎蛋角（唔覺有海鮮）芒果果凍凍南瓜西米露蜜糖薑汁糕

所謂「米之蓮一星」，除了環境是可以，食物非常一般，服務就 🤦🏻‍♂️ 價錢雖然不是最貴，但只可以說是完全不值 👎🏼不知道是否現今難請人問題，還是培訓質素問題！每一次放低既點心或菜，都一定係放係我右手邊，如果我察覺唔到，就一定掃左落地下！還有就係差不多每個員工都笑容欠奉，可能係疫情關係，開工少咗，影響收入之故！但食物質素真係唔可能有「米之蓮一星」尤其欖菜肉鬆豆腐，完全食唔到欖菜味道，蟹肉粟米羮就淡而無味，反而有既係鯹味 🤦🏻‍♂️ 比較好既係煎腸粉！

合格的點心放題，精美菜式比點心更出色，粉面都有水準，點心比較小選擇但佢地最大問題係不同點心放在同一個籠去蒸，例如薑汁糕同蝦蛟一齊蒸，蝦蛟變左薑汁味但景觀好好有海景

新一年既早餐想食得開心啲，尋日臨時臨急搵咗一間有點心放題。因為得兩個人食，一般酒樓叫三四個點心已經飽晒，無得食多幾款，點心放題跟人數比，可以試多啲種類。因為早到，同預早希望安排到窗邊位，所以如願以償，可以一邊食野一邊望住維港景，重有陽光普照天氣，完全美好既環境。講完環境講返食物，種類加埋都應該廿幾款，我哋每日都係寫1人份量，務求試晒唔同菜式。蝦餃燒賣正常，菜苗餃好味，啲菜好香，小籠包雖然個皮厚啲但係都好多汁，辣子雞球係我覺得最好食嘅，唔係好辣雖然見到好多辣椒。仲有估佢唔到極薑汁糕唔算太甜但係好重薑味。仲有炒四季豆都好夠鑊氣，我哋叫完再叫。個茶都唔錯，淡淡地好舒服。

今日放假同朋友嚟南海一號嘆下午茶任食都係$188 又有靚view🎡 又座得舒服👍已經有好多人推介，但我想📣介紹不單止下午茶，今次發現佢地有個龍蝦湯海皇一品煲🦞🦐🥗賣相已經好吸引，查問後可以外買自取，我地就預訂一煲同幾位姊妹一齊嘆材料份量十足👍💯適合我地幾個喜歡食海鮮的女人，滿足到鍾意食又怕肥的心態😅啖啖龍蝦肉😍鮮味十足厚肉彈牙👍💯 大隻低食😍另外就係花膠我地最鍾意就係食花膠補充骨膠原入口即溶 膠質豐富呢隻帶子都好大粒😱😱，同隻鮑魚有得比😋 充滿龍蝦湯的帶子，鮮甜好味😘仲有青口和大蝦一樣都好好味👏 我第一次食海鮮煲🥘真係要食材新鮮先食到海鮮的鮮甜味道🐟🦐🦀🦪🦞幾個女人淨係食海鮮已經好滿足還有呢個海鮮味超濃郁的稻庭烏冬😍 簡值好味到不得了因為疫情大家都要留在家中🏡值得推介♥️外買呢個龍蝦湯海皇一品煲🍲🦞🐟🦐最貼身😍係佢地仲包埋兩大支龍蝦湯和個精美瓦煲$1,280全包足4人份量，啱哂我地之後用煮嘢食。仲有送$600 coupon 可以下次再嚟食，十分低讚👍👍💯

唔好意思遲左兩個月先寫食評10月尾媽媽生日, 喜歡中菜所以揀左南海一號, 有靚靚環境同埋靚靚海景~見到佢有個秋之嚐味餐幾抵食, 有媽媽喜歡的翅, 仲要兩位起就OK, 可以另外加多幾樣野就夠哂一家四口share食~餐頭盤有口水雞同陳醋雲耳~口水雞好夠味, 但雲耳就冇咩特別~另外加左青芥末螺花肉同南海沙律, 味道不過不失~呢個都係另加的, 沙茶魚蝦蟹粉絲煲~超好食!!! 好惹味, 會好想撈飯食!!!亦係另加的, 沙律芒果蝦~ 我唔食蝦的~ 但屋企人話呢個必食!花甲~ 味道唔錯~ 不過份量較少~極品蟹皇翅!!! 好好食!!! 好濃蟹味, 又足料!!!好正!!! 呢個都係必食!!!蠔皇原隻鮮鮑魚~ 食材靚自然有水準!燒汁香煎元貝皇~ 好鮮味好好食! 底下係茹墊底~紅燒乳鴿~ 皮脆肉嫩! 好JUICY!竹笙釀鮮蘆筍~ 很正常龍蝦湯泡貴妃飯~ 店內另一皇牌~ 必食!!!! 好好食!甜品係馬蹄露不過冇影相~ 清清甜甜, 但當刻已經好飽食唔落喇~ 

我覺得這個點心放題味道很一般，水準很一般，不值得，試一次就足夠啦。我們 2 & 3 round , 一共點了 12 粒蝦餃 ( 它是以粒為單位 )，只來了 2 粒 ，唉。。。不讓客人吃這麼多蝦餃，就早說嘛，因為其他點心，我點多少，它就來多少，就只有蝦餃。。。唯一好吃就只有 辣子雞丁 和 肉末四季豆 （ 因為是熱的 ）。蟹肉粟米冬茸羹，我覺得在喝 無味道的豆粉羮。這次沒有蝦片 ，不錯 （迫客人一定要的，而且要收錢的 ）漏單和上錯食物的問題非常嚴重。