南海一號

營業中

休息中

環境幾靚，但場面有少少混亂，睇得出缺乏管理，而且員工缺乏training。上到去佢完全唔知我訂咗套餐and佛跳牆，openrice個優惠卷搞咗一輪。佢個茶幾香，有陣花香味，但問pt waitress咩茶佢又唔知，好似發緊夢。不過老實講疫情期間，餐廳做promotion，逼爆booking，又省cost俾唔夠人手就會咁，都情有可原。燒腩仔同佛跳牆好照騙，但味道好好，料都足。講起環境我最驚D餐廳冷氣開到好大，一係好熱，但呢間唔會，係會想坐耐D飲下茶個類。

喜聚南海,歡度一號除左午市點心多人吃,其實佢晚餐都有唔同既優惠餐而家你可以預訂或由開飯喇上面預訂,有晚市優惠套餐330蚊一位,3位起,而家最多坐4個,唔打針,夠曬數包飲品一杯,有前菜冷盤同主食,份量超足夠食前菜鮑魚爽身,拍青瓜脆爽新鮮,陳醋雲耳開胃前菜有辣,香,酸,味道豐富中間招牌脆身燒肉,南海沙鍋翅足料翅身加上濃鮮湯底,味香留存,肉脆帶肥再來一客松露帶子夠大隻,配埋少少松露香,唔錯另上原條蔥油淋海鹽虎班原條魚蒸,肉香有彈性,加上獨特蔥油食法,唔會被豉油搶去肉味既鮮香最後仲有一客南瓜西米露,味甜解油膩

一行八人在母親節到店任食點心，環境方面開掦景觀算，落地玻璃！職員服務態度中規中矩，但好像好急趕想你快啲食完走咁！時間一個半小時，講真都好緊迫，十點五十分到達，十一點落單，起碼十一點二十分先有點心出，點心逐件比，八人每次落單都只會每人比一件，落多一件都唔得，未免太小家！點心選擇少，又出得慢！第二round嘅點心十一點半落單，十二點三先出，第三round果d直頭冇添！所以到夠鐘12:30都冇崔你走！粉麵飯出得最快，比人感覺塞飽你就算！至於味道，只能用普通形容！八人埋單接近$2000，以咁嘅價錢，真係冇下次！

最近見到南海一號套餐菜式吸引之餘又有折扣，於是約埋家人試一試。今次試了魚翅鮑魚餐，一共有8道菜式。🔸川辣口水雞，陳醋雲耳頭盤有酸又有辣的菜式的確開胃，味道唔道。🔸極品蟹皇翅每啖都有蟹肉同魚翅，湯更用上瑤柱，用料好足之餘又提升鮮味，令人好想encore🔸蠔皇原隻鮮鮑魚鮑魚充分吸收了蠔油味道，口感滑嫩有嚼勁。唔錯！🔸金榜醬煮大蝦金榜醬味道有點泰菜味道，少少辣。再配合炸饅頭，好好味。至於蝦肉好爽口又有鮮味，唔錯。，🔸竹笙釀鮮蘆筍即使竹笙吸收了上湯味道味道仍然比較清淡能清除之前菜式既油膩感。🔸龍蝦湯泡貴妃飯龍蝦湯好有鮮味，由龍蝦肉，蝦肉等海鮮及脆米煮成，味道唔錯。當日甜品是紫米露，味道中規中矩。

Very bad service. Will never go there again. Such bad attitude 🤬. Manager is particularly bad. How can staff tell customers not to come? Food service was slow. Tea was cold! Rush slow eaters to hurry up despite customers had to wait very long for food

母親節飯冇母親節套餐！e-mail冇題要預訂!冇掟冇得食喎！都show唔到出嚟邊處話要掟，一味話要掟！其實冇可能做唔到比我哋！態度又差！真係想起身走！以後都唔會再去!

第一次食呢間餐廰，估唔到菜式咁有驚喜！下面喺推薦菜式👇🏻🌟金榜醬煮大蝦 整個金榜醬好出色，個口感比平時食嘅喇沙更濃稠，甜味重但一啲都唔heavy，加上啖啖肉嘅大蝦可以享受個醬汁。開頭驟眼見到個饅頭，覺得奇怪，誰知最尾係會用個饅頭食晒成個醬汁👍🏻🌟極品蟹黃翅係少有機會可以食到嘅蟹黃翅，今日竟然食到。翅嘅口感好實在得嚟又好滑身，絕對唔係平價或者攝牙罅嘅翅！🌟龍蝦湯泡貴妃飯不得不讚餐廳喺出餐安排上真係十分細心，呢個貴妃飯作為最尾一道菜，但作為女孩子，竟然可以食晒！貴妃飯望落顏色鮮艷，味道卻調整得好好，火候同濃度都掌握得好，能夠令成件事平衡得啱啱好。之前已經聞名到訪過Eyebar，今次經朋友帶路先知原來連住嘅係呢間更加出名嘅餐廳！個名係中式，但個裝修格局上又俾人一種好開陽同現代嘅感覺。望住咁靚嘅境食飯，實在太Chill了🎵聽經理講，原來餐廳名源自於古時航行，所以如果細心留意的話，餐廳嘅佈置都幾得意，例如裝卡片呢個擺設原來係指南針。總結返雖然價錢偏向高，但至少都物有所值，都值得一試！

男朋友鍾意食中菜，今日佢生日帶佢嚟食好嘢，揀咗呢個做特價嘅每位$580嘅套餐。全部菜式都好有水準蟹黃蟹肉翅超好味，而且翅嘅份量都幾多金榜醬大蝦好惹味，蝦肉爽口彈牙鮑魚好入味且腍滑有鮑魚味乳鴿燒得皮脆肉嫩，非常Juicy總括而言，這裏的食物質素很高，夜晚嘅海景景色一流，係慶祝生日或者特別日子嘅好地方，食fine dining 中菜首選

南海一號春日好誘人美食滋味餐 每位$330 (3位起)每位敬送橙汁或汽水一杯 (優惠期暫定至月底)請向餐廳查詢久別南海一號,兩年一別,人生也經不少風浪令人感觸不少今次推出了震撼價格的超值滋味套餐$330起,享鮑魚冷盤,砂鍋翅,還有原條杉班?還未計前菜小吃和甜品?位計,3位起,那有什麼吃?冰鎮鮑魚,金蒜拍青瓜,陳醋雲耳脆皮燒腩仔,南海砂鍋翅,黑松露帶子蔥油淋海鹽蒸虎杉班金盞鹿兒島和牛崧珍珠鮑魚糯米飯甜品 :冰花南瓜西米露連甜品享盡美景和美味,超值之選再不訂位,就沒有位了金蒜拍青瓜,陳醋雲耳蒜味淡雅瓜肉脆爽, 雲耳脆厚,爽脆不膩冰鎮鮑魚切成大小相同既鮑魚絲肉質鮮嫩,仍保有爽彈口感脆皮燒腩仔外皮香脆,層層肉質嫩滑肥瘦適中 吃下皮脆，油香滿口近年已經好少食翅因為越來越多餐廳改用其他食材取代湯味道鮮美  翅和食材鋪滿砂鍋啖啖鮮味 軟糯而兼有柔潤醇釅而不失清鮮 滋味雋永食到八點左右,原來而家仲有幻彩香江...對,$330就包括了無敵海景呢~黑松露帶子珍寶級尺寸帶子 兩面煎至微焦金黃味淡雅 不蓋過食材鮮味蔥油淋海鹽蒸虎杉班淋蔥油,而不用豉油去浸魚身這食法可以細味品嚐魚肉既嫩,爽,彈,油香肉質結實飽滿

今日我媽咪生日黎左南海一號食飯啲員工服務好好，嘢食又好味，環境仲要好靚望到個大海景！推介推介我一去到帶位嗰位同事即刻好Nice咁帶我哋去到個位又幫我放好個蛋糕咁我地就係叫左個春日好滋味套餐嘅～我覺得我哋叫呢個套餐真係無叫錯～十分滋味一黎係陳醋雲耳同金蒜拍青瓜，酸酸地又好清涼，好開胃！跟著個燒腩仔個皮好脆又唔會好肥，所以我同我屋企人都好鍾意個冰鎮鮑魚又淋個汁又調校得好好味，正！個南海砂鍋翅10分鮮味！食到停唔到口🤤仲有個魚，真係又滑又鮮甜，我覺得唔洗落豉油都好夠味！我覺得呢個套餐真係好夠食！我地成家都食到好飽咁返屋企🤣真係好多謝啲員工咁好服務，令我媽咪可以係生日有咁開心既生日飯同回憶！

疫情關係已經好少出去食飯，今日一行8人出去食餐好環境好靚嘅地方食晚飯🥣！一入到去已經被超靚嘅景觀吸引住，好快我哋就攞到位！坐低就有個蝦片小食，唔知係咪肚餓關係已經好好味😋開始有嘢食啦！金蒜拍青瓜，陳醋雲耳，爽口又清甜非常好食！再嚟一個脆皮BB豬，好食、南海燉鍋翅，嘩！非常濃郁嘅湯再嚟片皮鴨，好味！ 我最愛😝一條魚蒸虎杉班，我已經好飽了！在黎個鹿兒島和牛生菜包、珍珠鮑魚糯米飯，樣樣嘢都咁好食已經飽到上心口！再嚟多一個冰花南瓜西米露、紅棗糕、紅豆糯米糍， 超滿足🎉有機會一定試埋佢個午市點心🥧

己有年多沒有來南海一號晚膳了，質素明顯地下降了不少。先點了3樣前菜，只有蒜泥白肉比較像樣，其餘都是一般。义燒味道可以，但肉質偏乾和「鞋」，不及翠亨川美味。龍蝦湯泡飯仍然出色，份量略小。還叫了炒菜，味道也不怎麼特別和美味。不過最令人失望的不是食物，而是洗手間設施。洗手後看到紙巾箱內沒有抹手紙，便通知侍應，怎料回覆是「冼手間是沒有抹手紙供應的」。疫情下投放在衛生用品是必需的，連基本的也做不到，真的失望😞。

一行6個人食最新既套餐慶祝生日 已經預早一個星期預訂(枱+套餐) 最後上到甜品 通知都冇 塞咗熱既紫米露俾我哋 但餐牌係寫冰花南瓜西米露 - 發生咩事？擾攘一陣 經理阿姐過到黎一開始已經態度極差 黑哂面 話西米露賣哂 但我哋一早已經訂咗個餐 點解會冇留俾我哋？同埋賣晒係咪應該要單聲 而唔係未經同意就上紫米露？可能席上有人唔食呢？ 經理係咁話 “冇 可 能” 俾到西米露我哋 又話我哋個餐已經有優惠 “冇 可 能” 俾到其他補償我哋 語氣極差 似乎係睇唔起人食減價餐 睇嚟呢位經理都唔係想解決問題 只係想同人鬧交我哋只係覺得廚房出唔到西米露 可以同我哋講聲 而唔係無啦啦迫我哋食紫米露 仲要一副你食減價餐你唔配既態度 咁樣未免太唔尊重最後佢既offer係俾4碗南瓜西米露我哋 差2碗就扣2位切餅費 受咗佢咁多氣 先食到餐單上既野加換黎50蚊優惠 都幾失望

收到傳單「春日好誘人」，見人頭$330菜單又吸引，就試吓一家四口去食。點知中伏，伏到一個點，令我忍唔住第一次OpenRice寫食評!! 😡😡傳單永遠是美好的，但同現實既gap大到濶過太平洋!!! 首先令人嘆為觀止既前菜大雜燴... 青瓜完全零調味，真係新鮮過刺身；黑木耳細碟到每人一啖就食晒；BB豬每人2舊，片皮鴨每人平均2塊半，份量少過去飲；和牛最珍貴，基本上每人半口都無!!! 😡😡魚既鼓油要自己上，但總算對辦! 但鮑魚糯米飯疑似係茶市賣唔晒既珍珠雞!!! 😡😡碗翅嚟到係分好晒，但個碗細到兩啖就食晒，我真係無誇張! 後來見隔離枱，明明得3個人但有一窩上份量正常! 😡😡成餐飯正常既得冰鎮鮑魚... 基本上我成世人第一次去食中餐既set，係成枱人不論老嫩都食唔飽...同場加映辣㷫你系列... 嚟南海一號梗係睇夜景啦，問佢哋可唔可以叫酒飲出outdoor坐，佢話要點嘢食，我明白。但我4個人坐埋一齊一定要我點4款食物... 我頂!!! 😡😡一句說話三個字，「無下次!!!」

不斷試點心放題嘅我，今次來到isquare 30樓，第一次去到咁高食點心😂呢間叫南海一號，個名大有學問，名字靈感源自明代航海家鄭和的歷史性遠洋航行。呢度環境乾淨，光線充足，而且仲有成個維港海景，點心選擇雖然唔多，但係味道都算好食，我地中途勁多要求，服務員都無黑面，好好服務😂，特別要提下我地拎左樽辣椒醬，呢樽豆瓣醬係食落先知好似XO醬咁，唔似出面豆瓣醬一味得個鹹字，用來食炒河粉，星米，腸粉，真係一流，推薦。Btw，話梅石榴，辣子雞球同埋炒蝦米腸粉都唔錯。