半島漁港/阿翁火鍋館 (南昌薈)

營業中

休息中

我知道酒樓係要做熟客，但係呢間酒樓嘅處理絕對係有問題。🤬🤬🤬🤬星期日12點鐘攞飛，等左1個鐘頭10分鐘都仲未有枱。我開始覺得有問題，埋去睇吓先知道，原來個知客一味放熟人，啲號碼叫都唔叫。個知客打晒招呼個啲，行埋黎就有位，飛都唔使攞。埋去問，仲要態度惡劣，串我話「係無枱丫嘛！兩位枱就有，兩位你係咪入丫？要我就即刻比你。」呢間酒樓我最後都唔會入去，因為我預感只會愈食愈嬲，一間咁樣處理排隊嘅酒樓，出菜都只會係混亂。我亦唔會再比機會佢，呢啲經驗無下次。