影片
更多
2017-07-26
279 瀏覽
改左做千賀水產後都未黎試過，是晚放工後約埋阿爸阿媽黎試下先，食九點時段，一黎平啲，二黎又就啱放工時間入座即送海鮮盤一份，按人頭計，是晚四個人就有咁大盤了。有大蝦，手咁大隻嘅蜆，蠔，鮑魚同蟹蓋，極新鮮同新甜，真係勁正店員幫手剪蝦鬚同燒，個爐細細但又幾好火，燒gas的，要睇住一無gas就要求店員換啦。話咁快已熟左七成，等多陣就食得，蝦肉又爽又彈牙，不點醬料都已很鮮甜，食到阿爸舐舐脷刺身勁新鮮，鮮甜無雪味，份量比足又厚切，encore左幾次。壽司最愛火炙系列，叫左三文魚同鰻魚，encore左好幾round，三文魚好肥美，成口魚油超正。露筍卷又係正野黎，爽脆甜露筍同燒得甘香嘅豬肉一齊食，又鮮又嫩。牛舌也是最愛，厚切爽嫩，少少黑椒調味已經夠。菠菜蛋？唔記得叫咩名了，翠嫩的菠菜吸了蛋醬芡汁好好味，仲有大量蝦籽勁爽口。燒好的鮑魚，熟了size都不少，又爽又鮮甜，咁燒法都無變韌，正呀！仲有叫個蟹蓋又係好味到無野講，蛋汁，蟹膏，蟹柳，蔥等混埋一齊，又甜又滑，仲有濃濃的海味味道，兩個人share剛剛好。甜品櫃又係好多款揀，蛋糕仔，布丁，啫喱等，細細粒剛好可以試多幾款，又綿又滑。仲有不少雪糕杯，甜筒，雪條等
入座即送海鮮盤一份，按人頭計，是晚四個人就有咁大盤了。有大蝦，手咁大隻嘅蜆，蠔，鮑魚同蟹蓋，極新鮮同新甜，真係勁正
店員幫手剪蝦鬚同燒，個爐細細但又幾好火，燒gas的，要睇住一無gas就要求店員換啦。
話咁快已熟左七成，等多陣就食得，蝦肉又爽又彈牙，不點醬料都已很鮮甜，食到阿爸舐舐脷
刺身勁新鮮，鮮甜無雪味，份量比足又厚切，encore左幾次。
壽司最愛火炙系列，叫左三文魚同鰻魚，encore左好幾round，三文魚好肥美，成口魚油超正。
露筍卷又係正野黎，爽脆甜露筍同燒得甘香嘅豬肉一齊食，又鮮又嫩。
牛舌也是最愛，厚切爽嫩，少少黑椒調味已經夠。
菠菜蛋？唔記得叫咩名了，翠嫩的菠菜吸了蛋醬芡汁好好味，仲有大量蝦籽勁爽口。
燒好的鮑魚，熟了size都不少，又爽又鮮甜，咁燒法都無變韌，正呀！
仲有叫個蟹蓋又係好味到無野講，蛋汁，蟹膏，蟹柳，蔥等混埋一齊，又甜又滑，仲有濃濃的海味味道，兩個人share剛剛好。
甜品櫃又係好多款揀，蛋糕仔，布丁，啫喱等，細細粒剛好可以試多幾款，又綿又滑。
仲有不少雪糕杯，甜筒，雪條等，好多都係韓國款黎，試左呢個牛奶雲呢拿味，好味又好飽呀，好大條甜筒飲品自助，有一般汽水，韓式飲品，茶，啤酒等，好多款，又夠凍。
仲有好多正野食呀，擺唔到咁多相咋，軍艦，鍋物，日式料理，天婦羅等，樣樣都好味，食到飽上心口，正
張貼
