十和田總本店

營業中

休息中

店面亮眼的十和田總本店座落在尖沙咀的繁華地段，單看日系的橫修風格就大概能對餐廳內提供的料理有初步成形的想像。值得一提的是點菜的設計全自動化，menu載在ipad裡，由選擇到落單都可以一手包辦，隨時加單的操作十分方便食客。料理的分類十分貼心仔細，前菜、主食、小食、甜品任君選擇。前菜先要了刺身沙律，刺身的分量十足，配搭清新爽口的沙律菜和獨家醬料，開胃可口。主食選了兩款壽司拼盤，海貝拼盤有多款貝類搭配，口感味道俱佳。超特選拼盤性價比最高，多款特色魚生壽司，足料新鮮，還配送麵豉湯和蒸蛋。小食比較出彩的是明太子雞翼，金黃的外皮加上鮮味濃郁的明太子內餡，外脆內軟亦別有風味。海鮮丼也份量十足，賣相精美。吞拿魚蓉軟滑可口，拌上米飯很是滋味。整體而言，出品優質的傳統日式料理，份量可觀，性價比中上，值得一試。

點解會去食：2019-03-11 平時成日都行開尖沙咀，見到有間好有誠意，感覺好日式的餐廳，今日見有時間，咪去試下佢囉！食物新鮮程度：⭐⭐⭐⭐️活鮑魚：真係生架，一夾佢嗰下，佢谷實喎！好搞笑凡立貝：鮮甜肥美又大隻鰻魚：肥大肉厚，燒汁豐沛火炙左口魚邊：係我的至愛，火炙左令佢的油份充分發揮出來穴子：好長呀！好似成條魚喺度咁。同鰻魚質地唔同，比較淋，配埋個汁都好味平成卷：睇個名唔知係咩？諗住試下。上面有魚籽同海膽，鮮甜，一咬就爆汁，好爽呀！仲有啲吞拿魚。成舊擺入口，好滿足燒明太子雞翼：釀左明太子喺雞翼入面，飽滿，好有口感，雞翼皮脆脆地，幾香口炸雞件：炸粉夠薄，雞肉嫩，juicy!鰻魚飯：對鰻魚個人喜好強烈，所以試個鰻魚壽司，見佢幾厚又好味，忍唔住要再叫個鰻魚飯食。一大塊厚片鰻魚。好正呀！食物驚喜程度：⭐⭐⭐⭐️最欣賞係壽司飯唔會好大舊，壽司入面已有wasabi ，幾細心。用平板電腦落單，好方便，又可以睇返點左咩。—————————————————服務員態度：⭐⭐⭐️⭐️🌟一間咁有格調嘅餐廳，服務係日式的貼心！—————————————————最重要系。。。我會唔會再去？重遊指數：⭐⭐⭐⭐️🌟

我又黎喇~今次係畀FD 話我成日自私食, 今次畀佢捉左我黎一齊食DINNER~想當初第一次黎呢度, 係佢帶我黎家... 之後佢就冇再黎過但就成日唔抵得我係度放毒我地今次叫左個吞拿魚拼盤 $298一次過有齊哂大TORO, 中TORO 赤身同埋腩蓉細卷...好邪惡, 赤身麻麻地, 其他既好正~ TORO真係冇得輸, EVEN 個細卷都好好味.夠哂多料.呢個真係要讚既, 次次都黎個三色丼, 個吞拿魚腩蓉好正~ 我本身對腩蓉冇乜感覺~不過呢度既腩蓉 我可以!!!再黎係我既最愛呀!!! 貝類呀~~初時有爭扎叫貝類拼盤定叫TORO 拼盤既. 最後我地揀TORO, 再散叫貝同其他野... 我地既策略正確~然後朋友話未試過蟹膏, 好想叫個蟹膏沙律, 畀我叫停左佢...只畀佢叫左呢個蟹膏蟹肉軍艦... 佢係咁話正~~~ 下次食三色丼啦你.XDD前面個件灸燒左口魚壽司, 略嫌燒得未夠香.然後有D 是日SPECIAL... 睇完之後, 決定叫 佐木壽司試下.白魚黎, 清, 爽~再叫左個小食, 明太子雞翼, 調味GOOD, 唔會過咸~ 最後我地再ENCORE 再個中TORO, 作為圓滿既總結~食落去真係好幸福

某日同朋友約去尖沙咀行街, 估唔到心有靈犀話要再食多一次十和田.... 上次食過番尋味咁話！我地order 既野同上次有d分別... 試下新野嘛... 朋友唔食三文魚, 我自己獨食叫左三文魚三味壽司同埋三文魚刺身.... 非常新鮮同埋肥美... 厚切... 食完我已經飽左一半.... 但又心思思叫多左個蟹肉蟹膏手卷... 蟹膏見到都流口水, 味道鮮甜.. 配埋白飯簡定絕配.... 最後朋友仲叫多個火炙牛肉烏東, 本身話飽既佢都食左大半... 得返少少比我... 見佢咁樣唔使試都知好味... 估唔到我地第二次唻都冇令我地失望！推介大家一定要試

我經常出沒於尖沙咀。有街行，有野食，早前，我地去試左間食壽司嘅，感覺良好！坐得舒服，食物有質素。活鮑魚：爽口彈牙，有鮮甜味凡立貝：鮮甜肥美，新鮮肉質唔散開鰻魚：暖暖地，好厚身，加埋個汁好惹味火炙左口魚邊：五大最愛吃壽司之一，火炙嘅香焦味加埋左口魚邊嘅肥魚油，恰到好處穴子：好長呀！好似成條魚喺度咁。同鰻魚質地唔同，比較淋，配埋個汁都好味平成卷：睇個名唔知係咩？諗住試下。上面有魚籽同海膽，鮮甜，一咬就爆汁，好爽呀！仲有啲吞拿魚。成舊擺入口，好滿足燒明太子雞翼：釀左明太子喺雞翼入面，飽滿，好有口感，雞翼皮脆脆地，幾香口炸雞件：炸粉唔算厚，雞肉嫩，多汁鰻魚飯：由於好喜歡食鰻魚，試左個鰻魚壽司，見佢幾厚又好味，忍唔住要叫個鰻魚飯食。一大塊厚片鰻魚。好正呀！最欣賞係壽司飯唔會好大舊，壽司入面已有wasabi ，幾細心。全程用平板電腦落單，好方便，又可以睇返點左咩。

今日同朋友行完街係尖沙咀搵食，好耐冇去過十和田，大家都想食日本野 ! 正 ~~好在今日唔駛等位，我地坐 BAR 台，都 OK 呀 !! 舒服 ~~ 但放野就唔太好放 !!我地叫左 吞拿壽司拼盤，有大拖羅 x 2 / 中拖羅 x 2 / 赤身 x 4 / 魚腩蓉卷 X 6，大拖羅都真係入口溶哂 ... 完全講唔出咩味道 ~ 哈哈 !! 反觀中拖羅我大愛，魚味夠，都係入口溶，係溶得慢好多 !! 哈哈 ~~ 赤身最濃味 ~~ 最開心既個腩蓉卷 !!! 超好食 !! 開心 !!再黎就係 蟹膏，呢件會唔會太正呀 !!! 人間極品 ~~ 火灸左口魚邊，我覺得佢可以再燒油，魚油可以再濃厚少少 !! 不過依家都好正 ~ 好有入口即溶既感覺 !! 但我個腦全部都係蟹膏呀 !!!!再黎就係 帆立貝 / 赤貝 ~~ 十和田既貝類真係勁新鮮 !! 全部都勁鮮甜 !! 又爽口 ~~ 我地見到隔離枱話有 TODAY SPECIAL，冇理由唔問下架嘛，最吸引就係呢個伊佐木，魚身好有咬口，鮮甜 !!我地開始飽飽地 ... 但我好想再 ENCORE一件，就叫左今晚最美艷既 中拖羅 !! 呵 ~~燒明太子雞翼，燒得好脆口

係條街度被佢既裝修吸引左入去，晚飯時間好多人。店鋪用iPad點野食，有圖俾人睇所以都幾方便。除左刺身同壽司，亦都叫左個三文魚飯。朋友都覺得好抵食！冇諗過佢都幾大份！唔錯！

今天到了十和田晚饍，跟朋友點了三款菜式。櫻花蝦牛油三文魚卷三文魚配牛油果味道一向不錯，特別於以櫻花蝦作面，吃來脆脆的感覺，份量頗大件，且有六件。吞拿魚壽司拼盤有四款吞拿魚，每款都十分新鮮，不得不說吞拿魚腩及有脂肪的魚腩很滑，吃時真的像溶在囗內𥚃，不用鼓油來吃完全吃到了鮮味。三色丼 (包括以下三類）吞拿魚蓉粉紅色的吞拿魚蓉，賣相吸引、份量亦多，食入囗很滑溜，配飯相當不錯。蟹羔跟蟹肉同樣賣相吸引、吸引的是一大pat 的蟹羔，有d意外有蟹羔吃，蟹肉已經完全去骨，十分方便，羔跟肉連同飯一起吃，很香囗。海膽相比對上兩款，海膽份量當然較少，但跟飯的比例還算可以，海膽有少許腥，不過還算可以。整體而言，環境很衛生，上菜很快，所以下次再光顧時可以吃完一碟才再點菜。

同朋友不約而同地想食日本菜，壽司店係不二之試。香港越來越多omakese既壽司店，定價固然係有返咁上下。剔除廚師發辦既壽司店，好似得返少數普遍壽司店。十和田總店已經食過兩次，今次黎到食左好多野。佢既定價略高（相比係德x壽司）而且份量都比較精緻，大多既壽司係每一件下單，而不是兩件。吞拿魚盛合（$298）中拖羅既質素麻麻地，切得比較薄，又有筋大拖羅就固然出色帆立貝（$38）很失望、因為上檯一刻，見到佢係只有半粒帆立貝，亦唔係好鮮味 肥美 定價也太高了平成卷 （$138）好出色，佢係海膽吞拿魚蓉青瓜卷，一客有六件，每一件都好飽滿，好足料呢個比較抵食炙燒刺身丼 佢係寫明秋季限定，但呢個時間仍然有供應飯量好夠，炙燒海鮮既香味好濃烈。海鮮有：魷魚 蝦 吞拿魚 三文魚 帶子 左口魚邊 鯖魚 白身魚好滿足，只係魷魚有啲格格不入。其他散叫壽司都不過不失。埋單$840 其實都係中價定位、而且水準唔太穩定下次都要諗下係咪繼續支持。因為同一條街有兩間大排長龍既廚師發辦立食店定價比十和田再低一點，再唔保持水準、客源不保了😢😢😢😢

放工後與男友於尖沙咀食壽司。來到十和田總本店，這裏點餐是用iPad的， 十分先進，點餐後，食物超級快就到。 吞拿魚壽司拼盤有三款不同吞拿魚的部位，每個部位都很好吃，件件沒筋，魚味濃。較肥的兩個魚腩部位，魚油十分甘香，肥美有點入口即溶的感覺。壽司總共有八件，小卷則有六件。三色丼分別有海膽丼，蟹膏蟹肉丼，以及吞拿魚蓉丼，十分精緻。每個丼飯的材料都很足很澎湃，堆得滿滿的像一座小山。海膽鮮甜，沒有很多腥味，入口即溶。蟹膏甘香，蟹肉啖啖肉，與蟹膏混合一起吃很鮮甜。吞拿魚蓉很肥美，完全冇渣。材料下面的飯是暖暖的，軟硬適中。不要小看這三個迷你丼，份量很足，吃過十分滿足。櫻花蝦牛油果三文魚卷壽司卷有六件，外層鋪滿了櫻花蝦，很香口，裏面的牛油果軟綿，綿密口感，配上撈了少許沙律醬的三文魚，感覺清新，三文魚大大粒，新鮮肥美，很不錯。總括而言，今餐的所有壽司丼飯都十分新鮮，魚肉鮮甜肥美，很不錯。

今日Lunch Time和同事來十和田試試。餐廳用ipad點餐,方便快捷。點完餐,上菜的速度亦快。午市壽司定食$98, 有多款壽司, 賣相吸引。壽司有三文魚,火灸左口魚, 火灸原條鰻魚, 海膽, 吞拿魚,甜蝦等等。三文魚和吞拿魚壽司都算肥美甜蝦壽司鮮甜火灸原條鰻魚壽司最觸目,鰻魚長長,好大條。吃時要分開幾口才可以吃完~同事點的鰻魚飯, 配味噌湯和蒸蛋$98同事十分滿意蒸蛋, 細緻滑溜味噌湯鰻魚飯賣相亦相當靚, 我亦嚐了同事的鰻魚, 實屬肥美。

星期二晚上唔算多人，係尖沙咁已經試過好多日本餐廳喇，今日又試新野。呢間壽司店已經開業有一年半，外面經常排著長龍。落單後食物好快到，基本上全部壽司都真心非常非常新鮮🤗🤗真係好難得鰻魚唔腥，無骨，整得咁好😍😍😍滿分！ 個蒸蛋都令我喜出望外呀，出面大部分蒸蛋做得一般，食幾啖就算，而呢個係會想追加☝🏻☝🏻👏🏻👏🏻👏🏻👏🏻👏🏻🍣🍱🍣🍱整體性價比好，價錢唔算貴，好合理！推介建議最好book枱，尤其星期五，六，日外面都排滿人！

今天和家人經過尖沙咀 到了食飯時間有點餓又是吃貨出現的時間🤤 看到這間餐廳被吸引了門面日式風格進到店裡面還給人一種寧靜的感覺我們太早去了😂 趁未到飯市就會小一點人店員小哥很快便招呼我們 這個是用平板自助式下單而且很容易操作 點單的動作也很容易枱子上面還有抹茶粉可以沖來飲🤭我這個抹茶控又怎會放過呢~🍵·雜錦魚生丼(配味噌湯,蒸蛋)🍣有多種魚生的切粒鋪在飯上🤤 材料很多耶~魚生很新鮮 咬落去很有滿足感😋這個份量也挻多的 食到很飽飽哦而蒸蛋新鮮熱辣辣很棒棒噠 很滑身·午市套餐(配味噌湯)🍣有多款壽司 其中還有海膽及帶子耶~饅魚還很長長的切條這餐食到很飽 份量又多🤤 下次可以再來品嚐

同標題一樣 it’s our second time ! 香港咁多餐廳, 好少可會有一間我同朋友都鐘意, 真係會有一定返去食既衝動！我地今日就早少少六點半去到, 餐廳都已經有三分一既客人, 今次我地order左d上次冇試既野, 先唻一定係我必叫既蒸蛋, 好滑蛋味好香, 甜甜地真係好鐘意, 我自己唔好三文魚所以就order左火炙和牛壽司$58.00一件, 但絕對對得住價錢, 望落好似生生地, 但估唔到食落口一d都唔”銀”, 牛油果種香味配埋壽司飯非常滿足, 再唻叫左海鰻卷$88 就六粒, 估唔到都好足料, 海鰻一d都唔腥, 而且冇咩軟骨, 非常高質! 我地最後仲share左個火炙牛肉湯烏冬$88, 日本烏東彈牙就唔使講, 配埋火炙牛肉非常香口, 本身話share我都忍唔住食哂咁制, 第二次唻依然keep到高水準! 好滿足呀!

尖沙咀的十和田總本店一向口碑不俗，今晚便相約友人一同試試。餐廳環境舒適，光潔明亮。刺身沙律有大量新鮮魚生，配搭爽甜沙律菜和酸甜醬汁，清新開胃。海貝壽司拼盤配搭獨特創新，貝類爽口鮮甜。超特選壽司拼盤跟麵豉湯和日式蒸蛋，飽肚之餘又十分抵食。海鮮丼有海膽、貝類、甜蝦、吞拿魚茸和甜蛋，材料豐富。明太子雞翼屬必食之選，雞翼外皮香脆，肉質細嫩，和惹味的明太子很匹配。吉列生蠔同樣是外層香脆，蠔肉細嫩鮮甜。日式炸雞分量十足，而且是新鮮炸起的，吃下充滿啖啖肉汁。十和田總本店水準穩定，難怪人氣一直高企！