十和田總本店

營業中

休息中

番工遇到好同事已經係好好彩，由同事變埋做好朋友，更加係萬幸。大家可以一齊入職受訓，互相扶持，都係一種緣份。上完堂直落食埋晚飯，怕左食放題一位好姊妹推介嚟尖沙咀食日本野。每張枱都有一部iPad 落單，每款食物都有圖顯示，大家睇到想食嘅就可以選定再落單，一目了然，好方便。超特選壽司拼盤玉子，長鰻魚，拖羅，三文魚籽，甜蝦，吞拿魚，海膽，蟹棒，吞拿魚蓉卷物等等⋯⋯超上壽司拼盤牡丹蝦，池魚，吞拿魚，赤身，玉子，三文魚籽，海膽，蟹籽，吞拿魚蓉卷等等⋯兩款壽司拼盤質素高質，每款刺身都好新鮮鮮甜，叫拼盤就岩曬多人食，可以試多啲款式。三色丼分別係係吞拿魚蓉，海膽，松葉蟹膏蟹肉。3款都係堆到滿滿的，一座座山，一次過滿足曬3個願望。而我自己最愛蟹膏蟹肉丼，蟹膏嘅甘香加埋香甜嘅蟹肉，不得了。魚生沙律呢個的確非常推薦！魚生嘅份量係超級超級多，完全係魚生多過沙律菜呀，魚生每一粒都好大粒，而且又好新鮮！海膽蒸蛋軟滑嘅蒸蛋再加上海膽，滑上加滑呀，特別好食！食物高質，價錢唔算貴，下次一定要帶老公嚟食多次呀！

今日去左尖沙咀十和田食壽司，餐廳裝修好新穎，好舒股，而且係用ipad點餐，有圖片可參考，好方便。首先選左蟹膏細卷，一客有6件，蟹膏好厚身，食落好甜，味道好濃郁，超正！再黎吞拿壽司拼盤，包括大拖羅壽司2件、中拖羅壽司2件、赤身壽司4件，魚腩蓉卷6件，另外仲有火灸三文魚壽司及三文魚三味壽司。大拖羅壽司好肥美，而且入口即溶，令人回味無窮！赤身壽司色澤光鮮，食落好鮮甜。最後食埋黑芝麻雪糕，配上椰果，好美味！

尖沙咀係美食天堂，今晚同友人黎到位於金馬倫道的十和田。裝修主要用木色為主，未夠7點時人唔太多，但一到7點就開始多人，建議大家先訂位。餐廳用Ipad點餐，圖片係實物圖，唔駛驚唔知係咩黎。揀左個吞拿拼盤，出邊食吞拿好貴，依個拼盤有大拖羅2件、中拖羅2件、赤身4件，魚腩蓉卷6件都係$298，食得過。大拖羅肥美，入口即溶，中拖羅都好厚身，油脂分佈均勻，赤身味道濃，魚腩蓉卷簡單得黎有鮮味。仲叫左個火炙牛肉湯烏冬，上枱已經聞到燒香味，牛肉薄，而烏冬亦都好正，滑得黎又爽口彈牙，唔會淋又唔會酸，份量足，個人覺得值得一食。

呢間十和田，有好多like! 之前就想試，今日男友突然話不如去食，好呀，等我去攞位！六點去到，餐廳仍然準備中，未入得。到六點半，我又再喺門口等。。門口個牌仲係「準備中」，但店員見到我，就開門迎來我這晚市第一位客人😀其後陸陸續續，客人都入座眼見有七成都係walk in, 3成有訂枱七點半前，已full house了但翻枱算快，未見有人排隊前菜，點了一客枝豆，雖然$38,但份量多得誇張！上枱時，仲係熱lat lat的！好鐘意！枝豆上面灑上了少少鹽，其實幾好味超特選壽司拼盤$288 （配麵豉湯同蒸蛋）蒸蛋ok海膽好新鮮。吞拿魚卷好好味，但嫌紫菜已淋，完全不爽脆。鰻魚好好味。松葉蟹口感好，但無乜蟹嘅鮮味。魚子好咸，咬落無嗰種好爽脆爆炸嘅感覺。紫菜同樣已淋，好難咬開。甜蛋硬左啲。其他都可以。火炙壽司拼盤$98呢碟火炙系列，當中最好味係左口魚群邊中間嗰舊吞拿魚overcook左，燒得太熟喇😩另外芝士蝦。。簡直唔想食，好乾。。鯛魚湯$38雖然細細碗，但鯛魚味好香好濃，又夠熱男友讚口不絕，大家都可以試下！😀👍🏻三色吞拿魚$98中間嗰款最好味，肥瘦得宜，有吞拿魚同魚脂香最右嗰款雖然香，但真係太肥太”漏”

香港壽司愈開愈多，有集團也有小店，最緊要好食！開在旅遊區的尖沙咀，人流地段都好，唔知食物點呢？自動化點餐，令客人可以慢慢揀，想食先叫，唔洗成枱嘢！黎到壽司店，食下佢嘅海膽壽司就知新唔新鮮同用料點。海膽壽司多數都係軍艦，首先紫菜唔稔，即叫即整，海膽排得好靚，也大塊，入口唔腥清甜，用料唔錯。試埋三文魚子，粒粒魚子脹卜卜，成口油香，正！既然用料唔錯，就試下佢個燒油甘魚頭，又點左一杯梅酒同燒酌。d皮真係燒到好脆，魚肉嫩滑多汁，邊食邊飲，又傾下計，一級享受！

每次經過金馬倫道，都覺得這間日式壽司店十分專業，充滿和式風味。今次終於有時間來會一會了。十和田採用IPad點餐，版面也十分有創意，已點的餐點會在下方的火車內，送出時火車就會開出，十分可愛。每次到一所必點的就是三文魚和玉子。三文魚壽司真的是有誠意，油花均勻，入口順滑，飯粒也分明，富米香。玉子壽司的壽司是自家製的，相當有heart!味道也很好!此外，也點了一款時令推介－－炸蝦烏冬。想不到壽司店的烏冬也不差，湯底加上昆布湯，滑進口裡，使人感到一陣幸福。炸蝦也很脆，吃完一條又一條。

閒日在到尖沙咀上班，又很久沒有吃日本菜，於是和同事決定吃金馬倫道這間日本菜。由於時間尚早，未到放飯時間，人流不多。餐廳環境餐廳環境舒適，適合和朋友暢談。三文魚親子丼三文魚丼的食材非常豐富，包括有三文魚粒剌及三文魚子等，可以一試綜合各魚類剌身。剌身十分鮮甜，三文魚肥瘦剛好，質地口感也很好。配上微帶酸味的壽司飯及壽司醬油，美味萬分～日式蒸蛋日式蒸蛋質地很滑身，連配料也很滑，特別是冬菇，十分JUICY!!!蒸蛋的水份好高，蛋味濃，味道不會太咸，簡直是高質素的日式蒸蛋麵鼓湯麵鼓湯味道不會太咸，也不錯。唐揚雞湯烏冬唐揚雞湯烏冬的唐揚雞是分開上，可見老闆是細心的。湯底是醬油湯底，咸道適中，烏冬質感雖然不及外間的稻庭烏冬那麼彈牙，但也好食，以這個價錢的日式菜，真的值得一試呢！總括而言，如果想找在尖沙咀吃性價比高的日式午餐，這餐廳推介推介呀～

早前被門面吸引，就是一間好日本地道的壽司平民店，亦看到貼在門口相片上的壽司很漂亮，進去坐底，有自助綠茶粉冲水都几滿意，看菜單普通廿八，三十八一件，甘$98三件 ，$108三件，甘食食下就四佰埋單，因為件頭好细，吾飽嘛，但係一上碟我就覺得吾係麻个蟹膏甘核突既，仲錯誤地叫了兩碟三件壽司拼有蟹膏，仲有个鮑魚壽司吾可以話佢好腥既，跟著上openrice 睇食評，因為点會讚到甘，唯一好食D係帶子同海膽蒸蛋，可能我少食尼種店舖，但係比多少少一定質素好好多，一係直情食平D，一

和朋友經過尖沙咀， 看到這間餐廳的門面都幾靚， 我們又喜歡吃日本餐， 於是便進去吃過午餐😋 裏面的環境都很優美我點了壽司拼叉燒烏冬，配味噌湯和蒸蛋， 味道值得一讚，叉燒很軟身和入味，烏冬也很彈牙，所有壽司都很新鮮😍😍， 蒸蛋很滑👍👍我朋友則點了午市壽司套餐（配味噌湯）， 他都很認同:所有壽司食材真的很新鮮👍👍👍 鰻魚也很入味， 一點也不腥😋👍👍我另外也很喜歡這間餐廳會提供抹茶粉， 我們可以按著自己的口味來沖抹茶👍

今日，我朋友話要帶我去美登利。我心諗，美登利，喺日本喎。我今日未執行李喎。原來，只係去尖沙咀一間好似美登利嘅日本壽司餐廳。知道係食壽司嘅時候，我真係好開心啊！超鍾意食日本嘢！如果日日都係食壽司，我就好開心呢。餐廳超級多人，其實我已經上網睇過佢嘅報導好多次，估唔到真係勁有人氣！三文魚三味壽司$38一次過食曬三種三文魚嘅味道，真係好滿足誒，分別有原味，薑同埋火炙。原味上面加嘅係芥末，食落去同平時嘅差唔多，而薑嘅就有少少辣喉，最好味嘅係火炙，好油呀。玉子壽司$12朋友中意食玉子壽司，我哋叫咗三件，呢度既玉子無一般既咁多汁，囗感實在啲。穴子壽司$38超長嘅穴子壽司，真係我最愛也。穴子係鰻魚魚嘅寶寶，好軟嫩既魚肉！火炙芝士蝦$15放上芝士既壽司，比起普通甜蝦更加吸引！熟蝦$12最平嘅壽司其實只係12蚊一件，都幾化算架。

位於尖沙咀的 十和田總本店，是由擁有20多年經驗的日籍壽司師傅主理的餐廳。餐廳生意非常好，客似雲來，每次經過勻高朋滿座，超高人氣呢。餐廳被譽為 香港的美登利，裝修走日式簡約風格，感覺舒適舒服。位跟位之間頗近，由於人客眾多，當時有點嘈雜呢。採用Tablet下單，每種食品勻附實物圖，方便易用呢。超上壽司拼盤 $248壽司拼盤非常豐富，一人一盆已經有飽足感呢。包括: 牡丹蝦，三文魚子，海膽，蟹籽，赤身，深海池魚，玉子，吞拿魚蓉卷等等。牡丹蝦壽司很大隻，白滑嫩爽。海膽壽司來自韓國，味道鮮甜，入囗即溶。三文魚子不夠圓潤，紫菜很容易因受潮而變腍，建議呈上後即吃哦。深海池魚壽司頗厚切，魚肉鮮美。玉子壽司向來是我的最愛，這裡的玉子是札實囗感，味道不會過甜。壽司拼盤會附上茶碗蒸和味噌湯。茶碗蒸質感彈滑，放上魚蛋卷和冬菇，層次更豐富。蟹膏沙律 $68模仿 美登利 名菜之一 的蟹膏沙律，份量多到嚇死人啦。巨量的蟹膏和蟹肉，單看賣相就令人超興奮呢。啖啖蟹肉，啖啖蟹膏，鮮甜不已，我一個人吃掉2/3，超滿足阿。穴子壽司 $38雖然價格不便宜，但這個長長長的穴子壽司，真的不能不點啊。肉質幼嫩的燒穴子，帶點點炭香，醬

去紅館睇演唱會，最頭痛係晚餐食乜好？自從BG帶我食過金馬倫道十和田總店之後，無晒煩惱！通常預早打電話訂定7pm開餐，食45分鐘埋單，然後漫步經百周年公園去紅館，行吓傾吓偈又可以消化吓，15分鐘好快到！三色丼係我最最最愛，雖然百幾蚊三碗仔飯，但料夠，呢個價錢係值得嘅！最離譜係個蟹沙律，啲蟹膏多到瀉，仲有啲蟹肉又甜又香，一百蚊唔使，份量十足！兩個人仲可以叫多客二百蚊左右壽司set就夠晒，埋單五百蚊有找，晚餐食日本嘢嚟講足料又夠好味，仲要喺尖沙咀，ok啦！

尖沙咀選擇好多，今日收工同朋友貪就腳去附近食日本菜，叫十和田。十和田用ipad落單，好新奇，又可以減少出錯機會。店內環境光猛，光線充足，令人感覺好好，而且桌都夠大，唔會太擠迫。超特選壽司拼盤！係招牌菜，款式好多，有饅魚、甜蝦、玉子、吞拿魚、三文魚、魚子。饅魚體積龐大，乍看之下可以媲美三件壽司，味道唔錯。魚子粒粒晶瑩剔透，咬爆有汁流入中。吞拿魚值得一讚，入口即溶，口感豐富，最重要係夠新鮮，肉冇鬆散。拼盤係一個set，有味噌湯同蒸蛋送。蒸蛋滑嫩，上面點綴小菇，暖融融，食完壽司幫忙消化，剛好。最後當然係需要「啤一啤」啦！枝豆送酒一流，慢慢剝慢慢飲，同朋友傾下計。十和田食物水準高，雖然形式似居酒屋，但裝修符合香港人口味，光猛寬闊，小聚唔錯，推介比大家！

聞說尖沙咀有好多唔錯嘅日本菜，今日同朋友去一間心儀已久嘅日本菜，十和田。店內開揚，好夠光，地方算大，桌上一應俱全，自助模式，茶水、調味料、餐具，而且仲係用ipad落單，非常方便。先叫左萬歲樂加賀梅酒，加冰飲，清爽又清甜，再配上枝豆佐酒，食主菜前先熱身一下。主菜三色丼到啦！一上桌已經眼前一亮，賣相好精緻，令人食指大動。右起係松葉蟹糕同蟹肉丼，口感非常濃厚，蟹肉又鮮又甜。中間係海膽丼，鋪滿碗面，每一口好有質感，鮮味十足。最左係吞拿魚丼，相比其餘兩者，比較類近肉質感，送飯一流！海膽唔過癮可以再加個海膽蒸蛋，軟軟蒸蛋再加上軟軟海膽，滑上加滑，味蕾至高享受。今次十和田最驚喜係三色丼，完全係意外收穫，可以同人share，一次過有唔同享受，下次都會同人黎呢度聚腳！

辛苦左一個禮拜諗住放工食好d,係OpenRice 見到超多好評，就決定今晚食佢啦⋯⋯禮拜五夜晚7點鬆d黎到，已經排緊隊。禮拜五預左周圍都要排隊。不過比想像中少人排隊，排左三四個字就入到去😍用ipad落order，方便有效率👍我地叫左北海道凡立貝松葉蟹丼😍😍😍賣相好吸引，好足料…凡立貝好厚身，食得出係新鮮。蟹肉有d腥，好失望😞由於本人好鐘意食蟹，原本充滿期待，腥都算啦，食食下蟹肉食到蟹殼，仲要食到幾次😭雖然吾係好大舊，不過食得吾放心…不過值得一讚就係料多過飯，$138吾貴又甘足料，食極都仲有好多料👍另外我地叫左超特選壽司拼盆$288，配埋味增湯同埋蒸蛋。食完壽司總括來講係比較失望，質素麻麻。特別係海膽壽司腥到不得了😱味增湯同蒸蛋就係正常水平…