十和田總本店

營業中

休息中

好耐都冇去日本，好想食壽司同刺身，所以今晚約咗個鍾意食日本嘢嘅朋友一齊食吓好西。每次經過都會見到有人等緊位，今日都唔例外，不過好在人唔算多，等咗陣就有位。餐牌喺部tablet入面，仲可以順便嗌埋嘢食，都幾方便。次次去食日本嘢都會嗌枝豆食，呢度嘅枝豆都幾大份，鹽都好夠，唔會好淡冇味。鹽漬檸檬壽司拼盤，拼盤入面有帶子、魷魚、鯛魚等。因為加咗檸檬，所以刺身味道會更加鮮甜。另外呢度嘅壽司同日本一樣，飯比刺身細，更加可以食到多啲刺身嘅味道。另外仲叫咗吞拿魚、三文魚同埋活鮑魚壽司。吞拿魚好濃魚味，三文魚好香魚油味，而鮑魚食到好鮮甜嘅味。初初以為三色丼係迷你份量，點知原來一啲都唔少，食完已經好飽。三色丼分別係有海膽、蟹肉加蟹膏同埋吞拿魚蓉。海膽鮮甜，蟹肉加蟹膏嗰個味道唔會太濃，蟹肉食落好清甜，而吞拿魚蓉有好濃嘅魚味道，連埋壽司飯一齊食特別惹味!呢度嘅壽司飯本身已經有壽司醋，味道都好夠，所以食的時候淨係加芥末已經夠。估唔到呢個價錢都可以食到日本壽司嘅感覺，正!

最近愛上吃日本菜，今日難得跟男友出尖沙咀，一於決定試試<十和田總本店>。由於我地六點來到，所以不需排隊，而且餐廳座位很多，環境非常寬敞舒適。今次我地叫了超特選壽司拼盤($298)，平成卷($138)，三文魚親子丼($118)同三文魚刺身($48)。超特選壽司拼盤：配有蒸蛋及味噌湯，另有12款壽司，包括呑拿魚，鰻魚，海膽，拖羅，玉子，呑拿魚，蟹腳，牡丹蝦，三文魚籽，間八，赤貝，呑拿魚蓉卷物。每款壽司飯的比例不多，而且一點也不鬆散，不會導致一夾即散的情況！更令人驚喜的，是一大條長長的鰻魚，魚肉非常嫩滑香甜，而且很有光澤感及油光。而我個人最愛的是海膽壽司，非常鮮甜美味，入口即溶！平成卷：其他地方較為少見的卷物，卷物上配上呑拿魚蓉，海膽及三文魚籽，材料非常新鮮。咬一口，滿滿的呑拿魚蓉配合鮮甜海膽，再咬一口，爆汁的三文魚籽，三款食材味道非常的夾，令人滿足的卷物！三文魚親子丼：三文魚刺身比我想像中的多，滿滿的三文魚蓋在丼飯上，當然亦不少得三文魚籽。整個丼飯的份量非常充足，完全填飽了我的肚子，抵吃

久仰餐廳大名!!餐廳俾我第一個好印象唔係佢既食物質素, 而係....去相唔該!! 竟然見到有導盲犬係入面!!!其實講左好耐, 好多餐廳都歡迎導盲犬同佢既主人去惠顧!但我真係第一次見到, 而且我入坐既時候, 餐廳經理還特意提醒我們, 小心唔好踩到導盲犬條尾如此有善心的餐廳, 絕對值我表揚!!所以我地決定大食一餐!!先來一客三文魚刺身! $48, 價錢相宜, 質素佳, 新鮮, 厚切!!然後又點了一客平成卷! $138 這是什麼? 簡單來說就是有海膽的卷物, 鮮甜, 份量十足!! 不過有芝麻, 如果唔喜歡既就要留意了!之後又叫了一個三文魚親子井, $118 海量的三文魚生片!! 其實點了這個不用點三文魚刺身!! 因為真係份量十足!!! 超抵食!!!最後點了一個招牌超特選壽司拼盤!! 入面有多款壽司!! $298! 其實性價比很高! 因為用既食材都絕佳!! 又好味!!最後我和女朋友都食唔晒... 所以打包走了!!整體而言, 餐廳好高水準, 不論是食物方面還是服務態度!!我想我們會再回來!!

女朋友推介就過來吃，雖然全店滿座，竟然一枱大陸人都沒有，在尖沙咀金馬倫道這個地段實屬難得！二人枱位置很少，壽司盤又大，勞煩店員不停收盤。這裏有抺茶粉供給自己沖，落幾多都得。松葉蟹三味壽司主打的蟹腳鮮味一般，不過幾多肉；蟹柳又是很大份；蟹膏和蟹粉肉軍艦最正，濃厚極了。火炙三味壽司吞拿魚第一，口感最細膩，溶溶地；三文魚都幾肥美；左口魚反而生食好味啲。蝶魚邊平時很少吃，魚味不重，口感幾特別。三文魚子三文魚子份量有啲少。黑松露鯛魚丼配黑松露都幾特別，鯛魚質感較韌，味道幾新鮮，黑松露味道很濃，加埋酸薑片三種味道各有千秋，不過飯粒不喜歡，想要純白飯。這個價錢的壽司來講都幾好吃!

很久沒有在這裏晚餐，因為平時都很多人不想排隊，今晚聚會之後早放晚飯，就和朋友來吃飯。座位非常狹窄，枱與枱之間距離亦都很少，不過座位下可以擺放書包，不錯的設計。火炙三文魚都幾肥美，而且厚切很滿足。熟八爪魚夠煙韌，加芥末好吃！玉子手卷紫菜淋得很快，玉子微甜，這一個壽司飯我不太好，還是喜歡純白米飯加壽司醋。燒明太子雞翼超大隻，中間爆滿明太子，辣辣地很惹味！難怪很多枱都有點。蒸蛋又是必吃的，很嫩滑的蒸蛋，有點加入了蟹柳和嗚門卷的味道，配壽司豉油好好味，不過有粒白果超級苦，減分，不應該加白果！豚肉生姜燒飯燒汁很濃，豚肉份量很多，冠肉有點乾身，不過洋蔥和豚肉配飯很夾，亦都很飽肚。食物相對價錢不錯的，但是地方太狹窄，枱面完全沒有位置放食物。

平日大概一點半來到餐廳人唔多，空間大。友人揀黎食午餐，店內有多款午市套餐。係用IPad 自己點餐既。經過一輪內心掙扎，我決定叫凡立貝松葉蟹丼。$148( 配湯同蒸蛋) 午餐黎講是小貴唷，不過少見有蟹食就試下。友人就更豪，食番個刺身定食($198 配湯同蒸蛋) 蛋同湯先到蛋內有菇，魚蛋同蟹柳，相對元氣既蛋冇咁咸，夠滑。叫做水準普通。湯就係帶有小小甜味，有豆卜同海帶。蟹飯先到🤩凡立貝大大粒鮮甜蟹肉同三文魚子都好食，而且海鮮既份量好夠，飯量多，我係食唔晒啲飯。( 有兩啖食到有兩小粒蟹殻)飯是有調左味既飯，有海苔香香地既咸味。我覺得係唔錯架！🤗相對而言，剌身就較為普通，冇話有乜驚喜。白飯就真係白飯，不是壽司飯。感覺就唔特別值得叫哩個啦。

不難發現尖沙咀金馬倫道的這家日本餐廳經常大排長龍，主打優質壽司，更由日藉師傅主理。今日做完facial後還要等朋友收工，所以決定邊排邊等，差不多二十分鐘就被安排入座。內部裝修甚有日式風格，吧檯位置還可以看到師傅做壽司。除了一般壽司主食外，餐廳門前有列出廚師推介菜式，以海膽為重點。【燒明太子雞翼 $38】雞翼經過去骨處理，裡面釀了滿滿的明太子，讓雞肉完整吸收了明太子的鮮味。炸過的雞翼外皮焦脆，肉質嫩滑多汁，口感豐富，值得一試。【火炙壽司拼盤 $98】拼盤一客有5件指定壽司，分別有芝士蝦，魷魚，吞拿魚，左口魚，三文魚。其中最突出的包括三文魚和左口魚邊。火炙三文魚豐膄嫩滑，經火炙燒至半熟，魚味更香。左口魚邊火炙後油香四溢，甚為肥美。【火炙牛肉湯烏冬 $88】安格斯牛肉有三大片，經過炙燒後多了一份焦香。烏冬質地彈牙，加上湯地清甜，若除了壽司外想多點一個熱食，這烏冬也是不錯的選擇。【超特選壽司拼盤 $288】一共有十款壽司，拖羅、魚子、松葉蟹腳、牡丹蝦、海膽、星鰻等等不同種類，還有吞拿魚蓉卷，應有盡有，適合2人份。另外壽司拼盤還配上茶碗蒸和味噌湯，非常豐富。【三色丼 $168】三色丼的大小跟茶碗

今日收到通知話加人工，就叫老婆搵間餐廳食飯慶祝下。呢到用ipad落單幾好，有哂圖樣顯示夠清晰，唔使怕侍應落錯or落漏單。大吞魚腩剌身 佈滿精緻既魚油花紋, 口感入口即化, 油香四溢而又鮮甜無比, 完全唔膩。海鮮丼CP值超高，一碗有齊海膽、吞拿魚蓉、油甘魚、玉子、魚子、蝦同帶子，剌身新鮮，款式多兼份量好足。老婆一見到三色丼就雙眼發光，3個小盅上分別鋪滿海膽、一球吞拿魚蓉同好似小山甘高既蟹肉。海膽鮮甜，吞拿魚蓉綿滑，蟹肉上面仲有一大勺蟹膏，超下飯。

之前每次行過呢間餐廳都會見到有人排隊食，跟住每次我都會話我都想試下，所以今晚友人就話帶我黎呢間餐廳試下。餐廳好有日式壽司店的風格，有bar枱也有其他2-4人枱，環境整潔，俾人一種高級的感覺。餐廳點餐是用平板電腦，看到什麼想吃便點就可以了!超特選壽司拼盤($298)，這個壽司拼盤有12件壽司，還包了蒸蛋和面豉湯。壽司方面12款都是不同的款式，包括鰻魚、吞拿魚蓉卷物、海膽、蟹腳、玉子、牡丹蝦、三文魚籽、拖羅、間八、吞拿魚同埋赤貝。這裡的壽司飯份量唔會好多，刺身會好大份，唔怕食唔到刺身的鮮味。鰻魚是很長的一片，唔會好油，有鰻魚的香味。海膽鮮甜，唔會有苦味。蟹腳好鮮甜，而且食得出好新鮮，唔會係急凍過的。牡丹蝦鮮甜彈牙，蝦頭都有蝦膏。吞拿魚好新鮮，魚味好濃。赤貝食落爽口彈牙，味道非常鮮!整體來說整份壽司拼盤都夠新鮮，而且份量十足，好多刺身都係厚切!蒸蛋，壽司拼盤附有蒸蛋，這裡的蒸蛋都幾滑，內裡有魚蛋、雞肉和蟹柳。面豉湯味道剛剛好，唔會太濃或太淡。平成卷($138)，這裡的卷物都有很多不同款式，而今次揀選了這款比較特別的。平成卷用上海膽、吞拿魚蓉同埋三文魚籽製成，海膽的鮮甜加上吞拿魚的魚味，再配上

今日同閨蜜去尖沙咀血拚購物，行到有少少累加上天氣又熱，係附近搵間日本餐廳醫肚先~見到枱枱都叫三色丼，有海膽丼、吞拿魚蓉丼同蟹肉蟹膏丼$178價錢唔貴，每碗小丼上面都鋪滿左餸，好足料！呢到既壽司飯都系經過特別調味，所以唔蘸醬油食都ok～大吞拿剌身有三片，每片都系油脂充足，呈粉白色，入口即溶，超新鮮好味！火炙三味壽司系左口魚、吞拿魚同三文魚呢3款組成，魚肉經過高溫槍洗禮後，魚油脂香濃烈系嘴入面化開，好食！

成日經過呢間壽司店，都覺得好有日本風味，呢日終於嚟一試究竟！簡單既日式裝潢，令人好似置身日本。iPad自助點單好方便。海膽蒸蛋比想像中出色，海膽鮮甜唔苦，蒸蛋滑溜之餘裏面仲有銀杏、菇等材料！壽司加入赤酸，帶微酸香更加開胃！最特別系有唔少素食壽司，例如蔥壽司同牛油果壽司，啱哂素食人士！北海道帆立貝松葉蟹丼份量十足，厚切既帶子夠哂鮮甜，蟹肉都唔錯。甜品要左芝士雪糕，出奇地香濃芝士味，質感又幼滑，滿足！

平時都習慣食元氣，因為幾乎周圍都有分店，但適逢今日係朋友嘅生日，就去Openrice搵呢間十和田試試。十和田距離地鐵站大概十分鐘路程，亦都幾易搵。一入到去，侍應安排我哋坐，然後比咗部Ipad我哋落Order。不過感覺部Ipad嘅反應有啲慢。到嘢食嚟到嘅時候，見到一件件壽司已經流晒口水。講真嘅係壽司唔算太貴，最緊要當然係好食! 尤其佢嘅三文魚刺身同中吞! 非常肥美! 蒸蛋亦都好好味，但價錢同元氣板長差唔多。小小不足係Wasabi唔夠味，一掂豉油就好易化開哂。同埋枱我覺得有啲細小，其實都擺唔得多野。不過整體當然係非常滿意!

今日同朋友喺尖沙咀做完facial就打算係附近食個晚飯，經過見到依間日本餐廳好似唔錯，就入去試吓啦。餐廳真係幾受歡迎，要等一陣先有位。裝潢舒適簡單，而且客人可以自行用平板電腦落單，夠晒環保又方便。實在太肚餓，見價錢又唔係好貴，所以我哋都叫咗好多野食•火炙壽司拼盤$98有五款壽司，經過炙燒後魚生嘅油份都逼晒出嚟，非常香。而左口邊魚壽司最得我歡心，入口即溶！•超特選壽司拼盤(包味噌湯及蒸蛋)$288份量好大，而且各款壽司應有盡有，包括燒鰻魚壽司、吞拿魚壽司、大赤蝦壽司同松葉蟹棒等等，燒鰻魚好香大赤蝦又大隻又鮮甜！蒸蛋嫩滑又香！•三色丼$168有三款丼，包括有香蔥吞拿魚腩丼、海膽丼同蟹膏蟹肉丼。每款都小小碗，份量啱啱好，可以輕鬆試哂三款口味！吞拿魚腩丼油香重，海膽夠鮮甜，蟹膏蟹肉丼味道好濃而且口感豐富！•燒明太子雞翼$38表面燒得非常香脆，明太子嘅量好多，味道帶點辣，好好味！•火炙牛肉湯烏冬$88食到好飽都係忍唔住想食個熱烏冬，烏冬彈牙，湯底好濃郁，牛肉肉質都唔錯！最後埋單人均$370左右，價格算中位，不錯！

依間係尖沙咀金馬倫道既日本餐廳，外面望入去冇一啲好華麗既裝修。一行入去就被濃厚既日本風裝修吸引到，當中既唔係瑰麗堂煌既感覺，而係一絲絲既平淡。而成間餐廳都被壽司醋既香味籠罩著，個股香味帶起唔少食慾。餐牌方面，有唔少既壽司同魚類。每一種魚都有細分到唔同既部位，感覺十分之專業，而價錢黎講都算偏貴。始終20幾蚊一件壽司黎講，對我依啲窮人黎講，都係有啲奢侈。所以最後決定叫兩個飯，再加少少壽司同小食。先講個兩個飯，一個係蟹肉帶子飯，飯係用赤醋所調味，帶有一絲絲既香味。但可惜係帶子同蟹肉既鮮味唔太出，蟹肉係多既，但蟹香味唔太夠，搞到有啲唔知自己食左乜既感覺。但其實都不過不失，可以一戰。相反個鰻魚飯有啲surprised。我一直以來對鰻魚食又愛又恨，一方面鰻魚既肥美同口感真係令人垂涎三尺，但佢啲碎骨真係好難頂。唔知係咪咁岩今次上黎既部位問題定師傅處理得好，成條鰻魚既骨真係唔太多，食落好正。如果係真係師傅處理得好，我極力推介比大家去試下。而係其他小食方面，分別叫左一啲壽司、湯同埋蒸蛋。壽司繼續係用赤醋飯去整，個size好細，好似去食放題個啲大細咁，但因為用赤醋既關係，令到壽司十分之好食，特別係件和牛，

一家大細，想食日本嘢，見到十和田有set lunch，走入去試下，大人細路都食到飽飽，好味道小朋友最鐘意食蟹柳卷，細細粒，一口一只叫左個壽司set，魚生新鮮，好味叫左個鰻魚飯，鰻魚燒得有啲脆，好香，個鰻魚汁有啲甜甜地，小朋友好鐘意，轉個頭就食晒個飯，仲有個蒸蛋，好滑再嚟多個拉麵餐，跟餐仲有6件壽司，好抵食，個麵湯底夠濃，塊叉燒夠淋，好入味一家4口，午餐食左3百幾，個個都好滿足