十和田總本店

營業中

休息中

而家無得去日本去食壽司，成日心思思，上網睇到尖沙咀嘅十和田總本店評價唔錯就入去試下!今次就點左一個北海道帆立貝松葉蟹丼，而家正直係秋冬時間，靚蟹當造季節!蟹腳肉鋪滿飯上，配以北海道三文魚子及帆立貝刺身，味道好夾，如果係蟹迷就唔好錯過！另外仲點左D壽司試試~點小得我最鐘意既三文魚!三味分別是火炙三文魚、薑蓉配三文魚和WASABI配三文魚~呢度嘅三文魚色澤新鮮，非常肥美，魚油豐富，口感嫩滑!另外都點左秋天必食嘅就係鯖魚三點! 入口魚脂香滿滿，只要蘸少許壽司豉油已很不錯~ 食完之後覺得呢間壽司店好高質，價錢仲要好合理，CP值高!已經成為我係TST既飯堂之一~

因為疫情冇得去旅行，有時真係好掛住去日本食好西🥺所以一直都係香港搵好多好味嘅日本嘢，報復式消費！今日嚟到平時喺金馬倫道大排長龍嘅十和田🍣唔係講笑，平時呢間野七點嚟嗰陣已經要排10幾個人，今日好彩早放工唔使等好耐，大約15分鐘就有得入嚟食嘢啦🎈店內裝修都幾大，都容納到30至40人，亦都隔咗版做足安全措施，食飯都安心啲☝🏻壽司吧枱會即場有師傅包壽司同切刺身，師傅做嘢都好快，落單冇耐就有得食啦！佢哋係掃QR code落單嘅，方便之餘又唔怕漏單。另外我特別鍾意佢哋隻碟，確實幾有日本風味🇯🇵三文魚三味壽司🍣因為我哋太肚餓忍唔住叫咗兩份，分別有火炙、碎薑、同芥末。三文魚好新鮮好甜，其中我特別欣賞師傅握嘅飯，非常實冇鬆散嘅感覺👍🏼壽司飯入面係赤醋飯，好有日本風味🍣三文魚刺身、帆立貝刺身🐟刺身新鮮，三文魚油花均勻，帆立貝勁鮮甜，一啲雪味都冇☝🏻刺身非常厚切，一啲都冇偷工減料，勁滿足！平成卷🍘呢道菜簡直就係邪惡嘅化身！平成卷內有青瓜，吞拿魚蓉，在喺面頭加上三文魚子、吞拿魚蓉、同海膽。色彩靚得來之餘整體味道都非常之夾，特別值得一讚係啲海膽入口相當creamy🤤三色丼🇯🇵呢個組合勁吸引呀！三色丼有海膽丼、蟹

平時行過尖沙咀見到依間壽司店好多人今次終於有機會試吓入到去見到有張吧枱 裝修擺設幾日本風首先叫咗個超上壽司拼盤拼盤款式好多 海膽食落都幾甜吞拿魚亦都有啲驚喜 食落好軟身值得一提係佢啲壽司飯 顏色同平時有唔同可能係用嘅醋比較特別 飯嘅溫度亦適中另外叫咗個三文魚親子丼 三文魚份量一啲都唔孤寒食完啲生冷野當然要叫返啲熱野叫咗明太子雞翼同炸雞明太子雞翼少少辣幾香口當然食得炸雞要配返杯燒酌今餐食得好滿足而家平均每人都係二百幾蚊非常超值

尖沙咀金馬倫道食店林立，無返咁上下水準都好難生存到，今次試既係高人氣壽司店「十和田」。係門口已經覺得充滿和式既裝修風格。試左三色壽司丼飯，吞食魚蓉切得勁碎，食落口有好香既魚油味，海膽極新鮮清甜，味道有即開即食海膽個種甜美，真係好食到無得輸，松葉蟹配埋蟹膏拌飯又係好鮮味，最正既係壽司飯係茶漬飯，本身已經有淡淡嘅豉油香味，一個三色飯，試到咁多種口味，好正！因為我好鍾意食炙燒既野，於是點左炙燒壽司丼，估唔到碗飯係大得驚人，仲要有好多種炙燒刺身，有三文魚腩、吞拿魚、左口魚邊、帶子、海鰻、劍魚、虎蝦、尤魚，好欣賞Wasabi 係即磨個種，食落好攻鼻，真材實料，食到好飽，連杯熱綠茶都幾好飲，真係好味又滿足既一餐！

疫情關係都不能外遊，總是記掛著日本，今日來到十和田總本店，主理交由日籍壽司師傅負責，難怪經常客似雲來，人氣高企。十和田總本店裝潢簡約，簡單得來甚有日式風味。只要用店中提供的QR code便可輕鬆下單，非常方便。三文魚三味壽司/蔥吞拿魚腩軍艦三味分別係三文魚腩、碎薑三文魚腩同火炙三文魚腩，當中的壽司飯加入了醬油漬，不用沾上醬汁已吃到其最鮮的味道，三文魚油脂比例豐富。愛吃三文魚的你，又點可以錯過。蔥吞拿魚腩軍艦吞拿魚腩軍艦加入了香蔥後，更能帶出吞拿魚綿綿的魚香口感。三色丼三色丼中已包含了三款口味：吞拿魚蓉丼，海膽丼及松葉蟹丼，一次便滿足了三個願意。吞拿魚蓉丼入口軟綿，魚味香濃，值得一食再食。松葉蟹丼滿滿的蟹肉加上大量的蟹膏，令鮮甜的蟹肉更添美味非常Creamy。海膽丼海膽顏色金黃，富光澤，入口即化，味道鮮甜。超特選壽司拼盤(配茶碗蒸及味噌湯)拼盤中已有齊多款不同的壽司，相當豐富：包括有牡丹蝦，三文魚籽，海膽，赤身，玉子，穴子，蟹腳，吞拿魚蓉卷等等...長長的穴子非常吸引，相當厚身，入口幼嫩，帶有陣陣香甜味；三文魚籽粒粒晶瑩剔，非常飽滿，一咬已爆出其一咸香味；牡丹蝦非常大隻，爽口彈牙，膠味十

呢一年冇得去日本，就成日都好想食日本嘢。🇯🇵🇯🇵今次推介呢間十和田就夠晒正宗，原本一心諗住食大家都好推介嘅三色丼，點知竟然已經冇哂，但係都仲有好多其他好吸引嘅丼。午市套餐其實唔包麵豉湯或者前菜，只係有一個丼飯，但係當個飯一嚟嘅時候你就會覺得都好抵食呀！今次叫咗海鮮丼，又有海膽、吞拿魚、三文魚子、蝦、帶子，全部都好大件好新鮮，一個女仔其實就食唔晒㗎！而且食得出好新鮮！✨另外，朋友叫咗北海道帆立貝松葉蟹丼，都係成本都鋪滿哂蟹肉同有幾大舊嘅帶子！下次希望試到三色丼啦！

想試十和田總本店好耐!!今日去開尖沙咀，一於去食lunch~位於尖沙咀金馬倫道，位置方便。Lunch set有好多選擇，包括壽司套餐、丼飯、鳥冬等等。火灸左口魚邊丼配日式茶碗蒸+麵豉湯左口魚邊爽口肥美，經火灸後更濃郁甘香，滲出甘甜魚油，入口即溶!珍珠米飯粒粒分明又圓渾。香蔥吞拿魚腩丼配日式茶碗蒸+麵豉湯吞拿魚腩剁碎後香滑軟綿，切得夠細滑，啖啖充滿脂香，珍珠米飯粒粒飽滿有咬口。日式茶碗蒸口感滑嫩鮮甜，蛋香味濃厚。麵豉湯濃郁鮮美，鹹度剛好。

Walk in見到好多人食，所以去trytry.最好食係櫻花蝦卷，超好味👍去呢間，一定要try,色，香，味都👍👍👍其他sushi部分就可以有待加強。三文魚，幾隻口味都match得唔錯。三色丼要下次try, 見好多枱都叫你地都去try try la😊.衛生，干淨，服務員都好笑容座位方面，舒服嘅，可以慢慢坐收銀果邊我見到有好多好似幾得意嘅酒，埋單行埋去先留意到，所以今次冇飲到。下次去飲反2杯先，嘻嘻😊

呢間十和田之前一直想試下 今次終於嚟食啦 平日夜晚都好旺場 想食要早d搵位 而家佢menu轉哂做QR code落單 都幾好丫 可以減少接觸個餐牌 太多選擇唔知食咩 先叫左個超上壽司拼盤 咩都有唔洗煩 原來係配埋蒸蛋同面豉湯ga 一個人食一定夠飽 有9舊壽司（赤身 三文魚子 海膽 玉子 甜蝦 蟹子...） 6舊吞拿魚蓉卷物 原來呢度d壽司飯係有色ga 不過食落又唔覺有咩特別分別 每舊魚生都好新鮮 另外有個三文魚親子丼 有大量三文魚呀 滿足哂我呢個三文魚控嘅慾望 食極都仲有三文魚 飯量亦好多 最尾淨左少少飯添除左壽司類之外 佢嘅小食都令我地好驚喜 炸雞 同埋 燒明太子雞翼 剛剛炸起 好好味呀 炸雞入面仲係好juicy 而雞翼入面釀左明太子入去 味道好夾好好食 野飲仲叫左杯日式燒酌 配埋壽司食一流呀下次嚟一定要試下佢嘅小食

裝修走日式簡約風格，以木系為主題，氣氛舒適和諧。超特選壽司拼盤 ($298)一客有10件壽司，好豐富咩都有，包括: 牡丹蝦，三文魚籽，海膽，赤身，中拖羅，玉子，穴子，蟹腳，吞拿魚蓉卷等等，壽司造型工整， 米飯入口不死實。長長嘅穴子壽司，肉質幼嫩，醬汁香甜濃郁。中拖羅厚切鮮美，順滑油潤，油分適中而無筋，入口即溶而魚味濃郁。吞拿魚蓉魚香濃郁，軟滑甘香，每一啖都係魚脂濃香嘅滿足感。三文魚籽粒粒晶瑩剔，色澤明亮飽滿，一咬爆汁，味道咸鮮。海膽味道鮮甜，入囗即溶。三色丼$ ($188)分別有吞拿魚蓉丼、海膽丼同松葉蟹丼。吞拿魚蓉份量既澎湃，口感軟綿幼滑，再加上香蔥芝麻，令原本味道層次更豐富香口。海膽有光澤，鮮甜細滑，入口即溶。蟹肉堆到好滿，賣相吸引！入口蟹肉鮮甜，蟹膏味道濃厚creamy。

一家人太耐冇食日本野之前早已見到十和田好多正評知道佢有做set lunch當然約好家人 齊齊平日食lunch餐廳又企企理理乾乾淨淨  令人好放心之前冇寫開食評所以冇mark menu的習慣但粗略記得 壽司set 係98左右個餐真係超抵食CP值超高除開都係10+ 一件壽司咁高質素 真係抵食奈何打工仔閒日好少話 特登食日本野吞拿魚飯超大碗分比屋企人食 我都食唔曬男人食都未必食得曬仲有個茶碗蒸呢個三色飯有蟹膏 海膽 同 吞拿魚完全係港人首選！（冇記錯 188左右）一定會再來食set lunch！

朋友問起我尖沙咀有無日本菜推介，我一定推介十和田總本店。依間日本菜長期都好多人光顧，我建議大家最好要book枱。😋-十和田嘅壽司飯同其他日本餐廳有啲唔同，係啡色，用咗酒粕發酵，比起一般壽司飯更香，聽聞係江戶前傳統壽司製法。首先，次次我都會叫三文魚三味壽司，滿足我依個三文魚控，當中包括火炙三文魚，三文魚配薑蓉同三文魚配山葵。今次嘅三文魚比之前嘅切得更大件，好滿足！我最鐘意食係三文魚配薑蓉，因為啲碎薑做到入口即溶，好正！🙆🏻‍♀️-另外，依家秋冬係靚蟹當造季節，都叫左個北海道帆立貝松葉蟹丼($148)，將蟹腳肉鋪滿飯上，配以北海道三文魚子及帆立貝刺身，充滿鮮味！除左壽司、刺身之外，都想揀啲熟食。我地揀左鰻魚飯($98)，好似便當咁，味道都唔錯。🙆🏻‍♀️-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 十和田總本店 (尖沙咀)📍 尖沙咀金馬倫道42號華懋金馬倫中心地下

難得平日放假 梗係要去食好西🤗去左食啲平時想食但食唔到既嘢✌✌估唔估到係咩呢🤔😄就係抵食性價比高既午市套餐🤩(返工荒山野嶺永世都唔會食到😆🙄)·▪午市壽司套餐(配麵豉湯)  HKD$98哩個set有11件手握壽司🍣件件都份量十足 好大方🤗Annie最鍾意係鰻魚反卷🐠鰻魚醬汁甜甜的 魚肉軟腍👍而壽司飯本身已加份醬油就咁加少少wasabi都夠味☺·▪雜錦魚生丼(配麵豉湯&蒸蛋)   HKD$108份量好巨型 勁大碗🙀🙀鋪面既角切魚生粒滿到見唔到飯粒😄🤩角切魚生仲要係厚切 啖啖肉好有口感🤤包括：三文魚、吞拿魚、帶子、油甘魚、三文魚籽、蛋2個人開心share都夠 食完好飽好滿足~

小編真金白銀自費食呢間餐廳，仲要係請朋友生日飯，真係好想推薦俾大家呢間餐廳，尤其是呢段肺炎時間飛唔到鄉下，-三文魚三味壽司 💰38三味分別係火炙三文魚，三文魚配薑蓉同埋三文魚配山葵，超級正可以一次過食晒3種口味嘅三文魚。重點係38蚊其實都無乜好講-赤蝦壽司（一件）💰38超級大隻又夠晒彈牙。-火炙三味壽司 💰78左口魚、吞拿魚同三文魚，三者經過高溫槍洗禮後，分別獨有油脂出晒嚟，大佬點頂得順好味到反晒白眼。-櫻蝦牛油果三文魚卷 💰78香口櫻花蝦鋪滿外層，裏面嘅居然放軟綿牛油果，小小沙律醬同埋三文魚陪襯 ，口感豐富到小編差啲係張檯熱舞。-牛油果壽司（一件）💰15用料簡單但口感同味道絕對唔簡單，當晚覺得最有驚喜一件壽司。-三色丼 💰1881）鮮甜海膽單食就已經好正，但如果加小小豉油撈埋粒粒飽滿飯一齊吃，大滿足！2）粉嫩吞拿魚蓉，入口相當之軟綿綿。3）蟹膏和蟹肉呢個組合已經到無法挑剔地步。-火炙牛肉湯烏冬 💰88薄切軟腍牛肉經過火炙之後，成完烏冬充滿滿滿油香，而且佢地嘅烏冬絕對唔嘢少，因為小編起碼放咗十分鐘先食，但依然保持到煙韌口感。

平凡的星期一，做完產檢未係好肚餓，正在猶豫食咩之際，見到呢間日本餐廳都幾多人出出入入，我經過咁多次都唔多覺眼有呢間餐廳，咁不如就入去試下啦! 餐廳空間好大，坐得舒服，每張椅下面仲有個籃俾你放袋，讚職員態度親切，快速地放低熱水壺，檯面有抹茶粉，自己沖幾濃都得。仲有QR Code 自助落單。Menu有貴價刺身拼盤，亦有平價烏冬/丼飯/卷物/小食等等，超多選擇，因太多我都冇Cap 哂圖喇 火灸牛肉湯烏冬 ($88) – 份量頗多，有兩大塊厚牛肉，唔會有筋同完全唔韌，火灸過後味道更香更濃厚。烏冬彈牙爽口，配埋大量昆布，口感一流。 湯底夠清甜，唔洗加任何調味都夠哂味 牛油果壽司 ($15) – 第一次試，口感似三文魚好特別，啱哂唔食得魚生既孕婦 (即係我)。壽司飯本身已調味，加埋牛油果香味，出奇地夾。三文魚刺身 ($48) + 吞拿魚壽司 ($22) – 價錢唔貴，新鮮亦溫度適中，刺身好厚身，帶有少少筋，入口即溶勁正。吞拿魚充滿彈性，肉質爽口。鰻魚飯 ($98) – 一打開蓋成陣香口撲埋黎! 份量適中，賣相好似平平無奇，但肉質鮮嫩，性價比頗高。烤的味道偏濃，蒲燒醬汁亦好出色!! 大推!!