十和田總本店

營業中

休息中

十和田午餐性價比真係超高高高😍✅$98就有11件高水準壽司🍣, 所有壽司都好好鮮甜，最推介魷魚🦑同甜蝦😋值得一提係餐廳用左好少壽司店會用嘅健康赤醋，比有後期加工嘅白醋健康呢🥰✅$118 鰻魚定食，本來好失望佢剩係得2塊弱弱嘅鰻魚，但原來定食係仲有蒸蛋🥚麵鼓湯🍲同滿滿嘅一碟刺身😍鰻魚好肥美，個汁簡直係亮點呢！刺身有4款咁多，每款都好鮮甜同埋超厚切🦐🐟另外店係好先進地用電子落單，雖然有啲5習慣但或者要培訓大家，再成為一個trend就可以推動環保♻️落單呢

十和田尖沙咀金馬倫道42號華懋金馬倫中心地下好耐無同女友去食日本野，收工附近有間好出名嘅日式餐廳，咁就去食餐好啦。個餐單好多款式揀，花多眼亂，款款都好想食，但銀包筆直有限，揀幾款試下啦！超特選壽司拼盤(配湯,蛋)就咁睇已經流哂口水，有十二款咁多選擇，我就最鐘意三文魚子軍艦壽司，好有口感！三色丼分別係呑拿魚蓉丼，海膽丼，蟹肉蟹膏丼，睇相係咪已經好吸引呢，食埋落肚就感受到咩叫人生幸福時刻，而且好生鮮，一啲腥味都無！秘製豚肉湯烏冬每片嘅豚切到不厚不薄，放入口到食就啱啱好，而且湯底超濃，濃得黎又唔流。最後食埋個蛋蛋甜品同飲埋碗麵豉湯，頓時喺日本東京食緊壽司一樣！哈

星期日當然要岀街食好西喇！今晚嚟到位於尖沙嘴嘅日本菜，好彩一早有訂位，果然full house！証明我哋無揀錯餐廳喇。掃QR code 就可以即時落單，真係十分方便同清楚。三色丼（$188）- 真係一次過滿足晒三個願望呀！分別有吞拿魚蓉丼、海膽丼同蟹肉蟹膏丼。唔知賣相吸引，仲好鮮甜添。雖然三碗丼每份嘅份量唔算大，但食起上嚟都幾多飯，建議二人share，留返個胃試其他食物。超特選壽司拼盤（$298）- 呢個壽司拼盤包埋味噌湯同我最鐘意蒸蛋。蒸蛋十分温漏，入面還有蟹柳和百合，食多碗都得。壽司就有12件，全部都鮮甜肥美，而我最鍾意就係食鰻魚、吞拿魚同埋魚子壽司喇。連個蟹柳都連著蟹柳，証明係真蟹柳。秘制豚肉烏冬（$78）- 本身驚份量唔多所以仲嗌咗個烏冬，但其實食完丼同壽司都幾飽了。烏冬有驚喜，足足有五嘅厚叉燒，仲多過岀面嘅拉麵店。如果烏冬亦都出奇地爽口彈牙，推介👍。

用餐時間：普通星期二 2030作為一間行中高級路線既日本餐廳黎講，空間真係比較窄，坐得好逼，有好大改善空間！份量算多，鮮甜既松葉蟹肉擺滿曬成個碗，蟹肉整體上都高質，除左間唔中食到少少蟹殼碎之外。呢碗飯其中一個值得欣賞既地方係佢用左醋飯黎整，變相我地就唔洗自己調味啲飯，食得方便好多！帆立貝雖然唔多，但係好新鮮，連我平時麻麻地帆立貝既都食得開心。5舊火炙壽司分別係吞拿魚赤身，三文魚，左口魚，魷魚，熟蝦。飯都係用醋飯整既。味道幾好。新鮮整出黎既炸蝦卷，係好食過放左好耐既炸蝦卷好多。蝦肉新鮮，飯已經整左做醋飯，唔需要點醬油。配埋沙律醬食味道一流。新整出黎既雞翼，點都唔會差得去邊！不過味道普通，無乜驚喜。最後埋單連加一$418，兩個人平均每人$209。餐廳食物性價比真係唔錯，不過需要改善既地方係座位可以整得闊啲，等食客坐得舒服啲。

最近我愛上燒左口魚邊😂每次到日本餐廳都會點來嚐嚐🤤今次約朋友到尖沙咀十和田，當然也不例外！👉🏻食物: 4.2/5午餐套餐選擇都頗多，剌身、壽司、丼及烏冬等都仼君選揀，豐儉由人😂▪️火炙左口魚邊丼左口魚邊燒完入口香又軟滑😌，因為都頗大片及有厚度，輕輕火炙外層，中間會比較有嚼勁，不是入口即溶類，但都不錯👍🏻海膽超級鮮甜，沒有異味！▪️壽司拼叉燒烏冬超飽肚之選😆壽司有6件，全部都新鮮👍🏻特別喜愛帶子，十分鮮甜🤤 而壽司飯是啡色，已用醬油調味。叉燒烏冬份量也頗大，毫不吝嗇！足足有3塊叉燒，超飽肚👍🏻

每日返工返學咁辛苦，星期六日一定要出去食返餐好😋上星期去咗尖沙嘴放空鋒哥話想食日本野行到金馬倫道搵間餐廳坐低有鋒哥最愛食嘅茶碗蒸蛋每次去壽司店都必點呢個(如果有)暖笠笠食完會好有滿足感蒸蛋好滑溜，裡面有一片日式魚片高湯配搭令到好有味道而我就緊係食海鮮丼啦！話晒無得去日本旅行，真係好想念食材多到好誇張有海膽、帶子、三文魚籽等第一啖夾起粒帶子食，係非常新鮮！嗰種鮮味係其他餐廳搵唔到😍鋒哥就要熟食，叫左碗味噌牛肉飯原來係分碟開上，即叫即炒嘅牛肉用咗蘿蔔、洋蔥、青椒去吊味入口仲好熱辣辣，配白飯好match!

𝕋𝕊𝕋 尖沙咀 • 十和田總本店🍣📍尖沙咀金馬倫道𝟜𝟚號華懋金馬倫中心地下🔍尖沙咀、新蒲崗➰ 由來自青森縣十和田的日籍壽司師傅主理，按江戶前傳統壽司製法，利用酒粕發酵的赤醋飯，飯粒呈琥珀色，比白米醋飯更富酒香豐醇，能提昇魚生的鮮味。食材從日本新鮮直送到港，日式風格裝修予人感覺簡潔明亮。➰ 🔸午市壽司套餐 $98 🍣午市壽司拼盤有多款壽司，包括三文魚、赤身、甜蝦、穴子、粒貝、飛魚子軍艦、海膽魷魚軍艦、蔥吞拿魚茸卷。壽司拼盤價廉物美，能以親民價格一嚐江戶前壽司的風味，確實不錯👍🏻🔸穴子丼 $108 🍱穴子即為海鰻，在海生的叫穴子，在淡水的叫鰻魚。穴子肉質較軟腍，燒香後配以甜美柔和的醬汁，與米香匹配至極😋

太耐沒有食日本菜，正正可以開放晚市堂食，特意找上朋友出來尖沙咀一嚐久違的日本菜。我選了一間在朋友公司附近的餐廳，看見他的裝修衛生環境也是妥當。為了減少接觸餐牌傳播，他們是使用二維碼來點餐。不能仔細看看食物的照片，我也不是太喜歡，但是無奈下也要接受。一掃他的餐牌，才發覺很多很多想食的東西。但無奈我的胃只有一個，所以我們只可以挑選其中四款。火炙中吞拿魚腩，油脂十足，只是表面輕輕火炙過，中間拿魚腩的粉紅色依然保留。他的壽司飯是經過調味的，有別於一般白雪雪的外表，他是醬油色的，問了服務員為何，他說他們是用原裝赤醋，白醋時其實是後期加工而成，赤醋較健康。所以我把吞拿翻開，在飯上放上芥末。中吞拿魚腩另人一試難忘，下次可以試試它的大吞拿魚腩。火炙壽司拼盤，送到枱上，我要問一問服務員他們是什麼。原來他們是火炙吞拿魚腩，火炙芝士蝦，火炙左口魚邊，火炙三文魚，火炙魷魚五兄弟火炙魷魚，魷魚非常新鮮，不會像咬香口膠一樣。火炙左口魚邊，鮮味十足。火炙吞拿魚腩也不錯，但是我們已經先吃了火炙中吞拿魚腩，先入為主，還在懷念那份魚油香味。朋友喜歡食海膽，他選了一個海膽蒸蛋，本來對他沒有太大的期望，因為海膽軍艦壽司一件也

-🦄十和田總本店 @towada_sushi-較早前都一直BOOKMARKED十和田總本店🤤見到佢嘅壽司款都偏多 同埋竟然有我最鍾意嘅間八於是乎就早咗一星期BOOK定位 然後琴晚去食🤪果然晚市係好多人🙊所以事先訂座係明智之舉😉♦️間八壽司 Hkd28♦️唔多唔少都好失望 本身我好鍾意食間八壽司🤪之前係OMAKASE食到一件令我嘆為觀止嘅間八🙈不過呢款真係差太遠😗油脂感唔夠 又無入口即溶整體來講比較平庸 真心無比較就無傷害😂😂-♦️鯛魚 Hkd26♦️Rating🌕🌕🌕🌑🌑鯛魚壽司好似係十和田嘅春季限定 魚質彈牙☺️油脂感就一般 鯛魚一向都唔係好重油脂感嘅魚鍾意清爽口感嘅話 可以試吓呢款鯛魚壽司😳同埋佢魚身係粉白色咁 真係好有春天氣息呀🌸♦️深海池魚壽司 Hkd32♦️Rating🌕🌕🌕🌘🌑平時食開嘅深海池魚嘅口感都係入口即溶嘅🤤不過呢個池魚就無咩入口即溶嘅感覺...有啲失望😭反而我覺得壽司郎個個池魚仲好食啲HAHA🤫♦️油甘魚壽司 Hkd26♦️Rating🌕🌕🌕🌗🌑油甘魚係超厚切😳咁厚嘅魚身食落口真係好幸福🥰因為太厚身嘅關係 而且佢係油脂感滿滿架😆所以真心覺得佢有丁點邪惡🤣啲油脂好正好豐富☺️同埋你睇吓

一向都中意食日本野，本人就特別中意食火炙既刺身，壽司。我覺得火炙過既刺身油脂特別香，更加帶出食材既鮮味同油份。火炙魚生丼 (秋季限定) ($138)呢碗丼飯都幾大碗，有炙燒蝦，帶子，三文魚，吞拿魚，油甘魚，鰻魚同埋左口魚邊，另外仲有啲三文魚籽。首先火炙既食材全部都揀咗油脂比較重既，火炙過後啲油香好正，基本上接近入口即溶。火炙左口魚邊丼 ($138)唔知大家中唔中意食左口魚，本人覺得左口魚一定要火炙先好食，因為火炙之後係非常滑，入口即溶，超重油香。平時嗌壽司一兩件，又唔夠喉，呢到既然有火炙左口魚邊丼梗係嗌。滿滿既左口魚真係食得相當滿足，除咗左口魚仲有小小海膽，海膽都十分鮮甜。如果呢碗可以再多一兩片左口魚邊就更正，呢碗係可以見到啲飯，相反火炙魚生丼既食材就真係蓋過晒啲飯。提起飯，呢到既丼飯唔係淨係普通醋飯咁簡單，睇相中亦可見到飯本身都已經有啲調味。所以基本上食成個丼飯唔使點額外加鼓油已經食得相當滋味。飯既份量都多，所以基本上食完已經好飽，有機會一定encore同試埋佢既平成卷。

好耐冇食壽司😭因為唔係平日去 所以冇抵食既lunch menu🙈但佢日常menu既款都好正😍呢度又係用QR Code落單~🍣平成卷🐟🥒 $148平時我唔食海膽 但呢個我食到 仲覺得好好食😍海膽算新鮮冇臭味 夾埋海量既吞拿魚蓉同三文魚子好正😋🍣火灸壽司拼盤🔥 $105有芝士蝦 三文魚 吞拿魚腩左口魚 魷魚~火灸左之後既壽司更有魚油香😍一向都好中意火灸 特別左口魚超有油香入口即融🤤壽司飯用左秘製汁所以望落深色d 但反而冇咩醋味...😳🍣櫻花蝦牛油果三文魚卷🦐🥑 $78好特別~卷外面沾滿櫻花蝦仔 重鹹香味但偏乾🙈入面配料濕潤balance番👍🏻牛油果+三文魚實冇死🤣

但係之前成日要排隊今次終於唔使啦行過見到即刻要去試下我食咗佢嘅雜錦刺身丼朋友就食咗三色丼雜錦刺身丼好大碗飯同刺身都好多男仔都夠飽嘅份量刺身切到好大粒同好厚身有口感既有吞拿魚，三文魚，白身魚，玉子，青瓜，蟹子等等非常之抵食朋友叫既三色丼就有海膽丼蟹肉蟹膏丼同埋吞拿魚蓉丼新款都細細碗但係加埋都夠飽嘅蟹肉有好多蟹膏好香吞拿魚用最好多但係好軟滑海膽鮮甜冇苦味朋友食到讚不絕口聽日約咗時間只有90分鐘所以要食快啲啦

星期六lunch嚟食，唔洗等位入去前侍應話落完order可能要等半個鐘先有得食，咁我地都唔算趕時間就ok~張枱有啲細，而且枱同枱之間距離比較近凳下面有籃可以放袋～坐低冇耐侍應就會俾qr code我地睇menu+落單，幾方便炙燒三文魚同帆立貝幾好食，吞拿魚普通，而左口邊魚就有啲難咬蟹肉壽司幾好食，炸蝦卷同加州卷都正常，不過海膽就普通～整體嚟講都ok嘅，不過埋單每人要$300左右，我就覺得貴咗少少廁所幾乾淨

本身一直覺得十和田野食係唔錯，但次次都好，衰一次就足以bye bye!原因是好似比人欺騙左一樣,點解咁講，佢落單用app的 ， 我地選了兩個丼。一個吞拿魚當和一個海膽丼，睇完價錢都覺得幾合理！送到來既時候，完全無言，點解兩個丼個size差咁遠，重點係落單個app 無寫明個size或份量😡以為無寫明既話，應該每一個份量都一樣如我知道係咁細，就叫其他野食好過完全被中伏嘅感覺!請大家要小心，用app落單好容易中伏最重要係裏便冇寫明大細!

同朋友去尖沙咀行完街，諗起有人介紹過十和田話好正，所以就決定去試吓。我地兩個人一人叫左一個set,跟餐有蒸蛋，麵豉湯。壽司set好豐富，有齊曬我地鍾意食既品種，特別推介海膽，好甜好滑，食得出係新鮮貨，必食！另一推薦就係呑拿魚系列，特別喜歡佢嘅吞拿魚蓉小卷同埋呑拿魚腩壽司，魚味濃厚加埋入口即溶，係腦海入咗久久不能忘記壽司飯並唔係普通白醋飯，係加左d 醬油同醋，比較特別，出面好少食到，同我去日本食既感覺一樣，值得一試！如果大家思鄉病發作，掛住日本，不妨可以去十和田黎一轉日本美食之旅