影片
更多
2020-11-04
111 瀏覽
餐廳裝修簡約，以淺木色為主調，配以蘋果綠色嘅坐墊，感覺清新。蟹膏沙律，鋪天蓋地嘅蟹膏底下係新鮮嘅去殼蟹肉，蟹膏多到淹沒哂成個碗，墊底嘅生菜新鮮，口感爽脆，同蟹膏嘅綿密口感配合得天衣無縫，印象中上次係用牛油菜嘅，口感比生菜更柔軟嫩滑。海貝壽司併盤，海貝壽司併盤嘅內容係會隨季節性轉換，確保一年四季，不時不食；併盤一共有八件壽司，以下幾款係比較令人印象深刻嘅：帆立貝，帆立貝貝肉厚身而圓大，肉質細嫩，味道鮮甜；壽司飯方面我都係鐘意偏酸一啲。赤貝，赤貝肉質以鮮甜聞名，新鮮嘅赤貝外表呈橙紅色、帶光澤，正如面前所見一樣，入口肉質爽厚脆嫩，鮮味十足，赤貝貝足最常見嘅切法係蝶切，由中間切開攤平，做成蝴蝶造型，令口感爽脆之餘更有更多嘅層次感。象拔蚌，我們經常食到嘅象拔蚌係佢嘅“象鼻”部分，叫虹吸管，又肥又粗，最長可以達到一米以上。象拔蚌的味道，在於它的鮮美，口感上比較鮮嫩、滑溜，略微有啲勁道。喺口入面回味多幾次，仲會感受到一種獨特嘅鮮甜。鳥貝，又名石垣貝，整體呈現漸變顏色，形狀細長，貝足嘅顏色較深，頂端有明顯嘅銳角，形如鳥嘴，此為「鳥貝」得名嘅原因之一。入口係無與倫比嘅爽甜鮮活，稍微點啲日本豉油同芥末一啖
餐廳裝修簡約，以淺木色為主調，配以蘋果綠色嘅坐墊，感覺清新。
蟹膏沙律，鋪天蓋地嘅蟹膏底下係新鮮嘅去殼蟹肉，蟹膏多到淹沒哂成個碗，墊底嘅生菜新鮮，口感爽脆，同蟹膏嘅綿密口感配合得天衣無縫，印象中上次係用牛油菜嘅，口感比生菜更柔軟嫩滑。
海貝壽司併盤，海貝壽司併盤嘅內容係會隨季節性轉換，確保一年四季，不時不食；併盤一共有八件壽司，以下幾款係比較令人印象深刻嘅：
帆立貝，帆立貝貝肉厚身而圓大，肉質細嫩，味道鮮甜；壽司飯方面我都係鐘意偏酸一啲。
赤貝，赤貝肉質以鮮甜聞名，新鮮嘅赤貝外表呈橙紅色、帶光澤，正如面前所見一樣，入口肉質爽厚脆嫩，鮮味十足，赤貝貝足最常見嘅切法係蝶切，由中間切開攤平，做成蝴蝶造型，令口感爽脆之餘更有更多嘅層次感。
象拔蚌，我們經常食到嘅象拔蚌係佢嘅“象鼻”部分，叫虹吸管，又肥又粗，最長可以達到一米以上。象拔蚌的味道，在於它的鮮美，口感上比較鮮嫩、滑溜，略微有啲勁道。喺口入面回味多幾次，仲會感受到一種獨特嘅鮮甜。
鳥貝，又名石垣貝，整體呈現漸變顏色，形狀細長，貝足嘅顏色較深，頂端有明顯嘅銳角，形如鳥嘴，此為「鳥貝」得名嘅原因之一。入口係無與倫比嘅爽甜鮮活，稍微點啲日本豉油同芥末一啖鯨吞，由得佢肆意咁喺嘴入面調皮地旋轉，口味為之特別，瞇埋眼感受嚟自海洋嘅味道，回味悠長。
張貼
