十和田總本店

營業中

休息中

今天心情好中午時段就去食日本菜。我們選了這間位於尖沙咀的十和田總本店。我們點了以下的食物。三文魚手卷我們叫了兩客三文魚。三文魚新鮮。份量都算多。整體上不錯。鰻魚飯兩塊大鰻魚配飯。鰻魚汁美常好味，餸飯一流。這個鰻魚飯絕對係飽肚之選😂吉列炸蝦卷共6件熟炸蝦卷壽司，炸蝦好趣口。好易入口。平貝壽司平貝壽司即係新鮮嘅帆立貝壽司，鮮甜度非常之高。亦非常爽口。整體嚟講好啱鐘意食貝類嘅人，一定會食得出個分別同埋鮮味。

尖沙咀日本菜十和田風摩一時，今日有幸黎依到約會一餐。吞拿魚三味壽司吞拿魚·中拖·大拖齊齊有！厚切吞拿魚，肉質肥美，入口新鮮又彈牙，超美味！左口壽司左口物以罕為貴，唔係間間日本菜店會做，入口細嫩幼滑，彈牙爽口，鮮味十足。我推介大家必點！火炙三味壽司三文魚火炙系列，三文魚燒烤起來很香口、三文魚既上層帶點脆脆焦味、產生油份，增加少許油膩感，更香口！火炙左口壽司食完鮮壽司，再食火炙系列另一番滋味，香濃既炭燒味，伴隨新鮮彈牙咬口感，真係好滋味。三色丼一次過滿足您三個願望！由左邊數起，蟹肉蟹膏、海膽及吞拿魚蓉丼。滿到幾乎瀉既蟹肉蟹膏丼，份量超多，入口軟蓉、蟹味超濃郁新鮮；撈埋蟹肉更有層次、昇華了整個味道。一片綠葉盛載既海膽伴隨芥辣，我中意先將芥辣與飯撈勻，最後先倒上海膽；一啖放落口，芥辣先衝擊味蕾、再湧出海膽味道，整體味道很清新！吞拿魚蓉丼更誇張，滿到成座山咁！吞拿魚蓉入口新鮮、啖啖都是滿滿吞拿魚蓉，味道很新鮮及有口感，超滿足！

最近份人好頹 weekend都唔想出街😕上星期日好難得咁碌左出TST同朋友食lunch。我地食日本野！因為人可以頹但野食唔可以頹😅餐廳食材每日由日本空運到港，價錢方面亦都唔貴。火炙左口魚邊丼 $138本身以為凈係得火炙左口魚邊，但原來有埋海膽！正！2樣都係我好鍾意食既😋份量仲幾多下，左口魚邊真係鋪滿個丼飯架。食落肉質細嫩，魚脂甘香，火炙完啲魚油滲埋入啲醋飯到，好好味🤤而海膽亦都幾creamy幾鮮甜。穴子丼 $118朋友因為唔食魚生所以嗌左穴子丼。好好奇點解叫穴子，明明佢同鰻魚一樣樣🤨Google完先知原來有分別！穴子比鰻魚口感更結實，魚既鮮味亦較明顯，脂肪含量凈係得鰻魚既一半，即係食2條穴子先等於1條鰻魚？係就正啦食2碗都無咁肥😂Anyways，穴子燒完有焦香味，醬汁甜甜地，一樣有好多條，食完堅飽！燒明太子雞翼 $48平時食明太子都會覺得好咸，但最近發現左明太子雞翼食落唔咸之餘仲幾多汁添。

🇭🇰十和田總本店·呢間其實我已經食過幾次㗎啦 之前疫情嚴重啲嘅時候佢有做優惠 不過唔知係咪個陣人流少啲 所以魚生就冇咁新鮮🤣🤣我哋近排再去嘅時候覺得佢好似好食左 而且個三色丼好有驚喜😍·三色丼(配湯&蛋)$188佢個三色丼真係超靚 超打卡 而且我覺得佢份量都幾多 因為佢其實每碗嘅飯都好多 而且佢係塞到好滿 所以我哋最後係食到超飽😂😂😂我地係順住佢個次序由淡味啲開始食既 佢個吞拿魚蓉好新鮮 而且都肥美嘅 不過我自己就覺得如果加啲蔥嘅話 口感同埋味道會再豐富啲😎之後佢個海膽都好新鮮好甜 超有驚喜😍不過我自己最鍾意都係最後果個蟹肉丼 佢呢個勁有誠意 超多蟹肉 而且佢個蟹膏又係超甜 撈飯一流🦀️🤤·吉列生蠔湯烏冬(配壽司)$88之後因為我哋唔知個三色丼咁大個 所以我哋仲另外嗌多咗一個set🙊佢呢個吉列生蠔都整得好好食 佢係真係即炸嘅 所以熱辣辣 潮脆 而且佢嗰炸皮都唔會話太厚😌😌之後入面既蠔都好大隻 好creamy🦪·📍尖沙咀金馬倫道42號華懋金馬倫中心地下

難得兩口子食午餐 當然要揀平時帶細路食唔到既日本野 同埋 刺身 🍥🍣🍚當日早去, 所以好彩仲有位~~有Bar 台 亦都月一般餐台佢主力做丼飯類 ,亦有壽司,烏冬之類餐牌用QR code 電子落單每份丼飯都配 麵豉湯 茶碗蒸 茶碗蒸真係好滑 個味又啱啱好 入面有菇 雞肉 同埋 魚卷我地叫左一份雜錦魚生丼佢應該叫魚生山 🗻 堆到魚生成座小山丘!!!食極都係魚生 魚生多過飯 😅 仲要好新鮮。入面真係包羅萬有 一般三文魚 吞拿魚 玉子 仲有鮑魚 蟹子 等等仲有下面白色既我估係墨魚!另外我地叫左 火炙左口魚裙邊丼左口魚裙邊燒一燒之後, 魚香更加出味。好滑好好食!!再加上 佢仲有海膽 成件事都好夾~~佢既丼飯係有味飯 有醬油味撈過既。份量就算男仔食都好夠~~質素一貫咁好,所以會 keep 住幫襯!

年幾前朋友介紹下曾經去過Mikiki果間分店（好可惜現在已結業），印象中佢嘅丼飯係好好味。今日去開尖沙咀又遇番佢（原來係總店），就recall下回憶啦～結果三個字作總結：鮮、味、香，樣樣俱全，佢嘅赤醋飯真係食過番尋味。1）🍚火炙左口魚邊丼 $138 👍🏻👍🏻👍🏻👍🏻👍🏻佢嘅飯係用左酒粕發酵嘅「赤醋」來調味，味道比一般壽司飯更濃郁更有層次感，飯粒分明煙靭有彈性，絕對非一般嘅質素。至於佢個左口魚裙邊，不得了，一入口就散發著陣陣嘅油香，再配搭埋赤醋飯，味吉陽一都話「好美味啊！」另外佢仲有份量唔少嘅海膽，雖然唔係馬冀海膽，但都非常新鮮冇臭味，唔係下價嘅貨色（聽講佢啲食材係由日本空運到港，果然係唔同啲）。咁嘅價錢，有赤醋飯，有超好味嘅左口魚裙邊又有海膽，應該好難搵到第二間可以有同樣嘅質素而平過佢，唔怪得個個食評都話要來試佢嘅丼飯。2）🍣火炙三味壽司 $78 + 🍣醬油吞拿魚 $22👍🏻👍🏻👍🏻👍🏻👍🏻老實講，佢嘅壽司都真係幾貴，就咁4件都已經要成舊水，可能因為係手握壽司，而且食材都係非常新鮮，另外佢都係赤醋壽司，真係都好食嘅，所以係一分錢一分貨。不過我會覺得佢個丼抵食好多了😆3）鹽辛魷魚 $22

十和田總本店 (尖沙咀)📍尖沙咀金馬倫道42號華懋金馬倫中心地下-已經有一段時間冇食過日本野🥹 每次假期經過都要排隊嘅十和田我地終於食到啦！💗餐廳內部用左木系裝修，地方非常寬敞，壽司吧範圍亦都非常之大，坐bar位更加可以幻想自己飛咗去日本食餐飯🤭十和田嘅特色係壽司飯唔係用普通飯，而係用左特製嘅赤醋飯，望落雖然係比較深色，但絕對唔會太酸又唔會太咸，味道恰到好處，仲有助提升左刺身嘅鮮味！-我哋叫咗一個丼飯🍱，一份小食，同幾件壽司🍣🍣👩‍🍳 ‼️火炙左口魚邊丼‼️必食‼️ $138左口魚油脂非常豐富一直都係我嘅至愛☺️ 但可惜好少地方有得食，就算有都可能比較多筋影響口感！但十和田嘅左口魚油脂特別豐富之餘，佢地揀嘅部位完全冇筋，絕對係入口即溶！第一次食咁高質嘅左口魚🫣香濃油脂after taste 又重嘅左口魚配埋赤醋飯絕對出色🤩 呢個飯其實份量唔細！仲要有一大堆海膽，真心抵食⭐️一向對丼飯冇乜興趣嘅我，完全改觀左….😅👩‍🍳 三文魚三味壽司🍣🍣🍣 $42無論火炙三文魚或原味都一樣咁肥美，就算唔係魚腩部份都一樣油脂豐富！滿滿omega 3 真係最大享受😊👩‍🍳 醬油吞拿魚 🍣 $22吞拿魚亦都唔輸蝕，雖

當你去過日本後😗香港地食拖羅😗有邊間好食？呢間十和田接近🫶🏻朋友訂位：人很多，訂咗都要等人齊，好在我吔幾個都準時，約15分鐘有枱，自己叫自己至愛💖拖羅切得大大件、咬落去入口即溶感覺魚油香味同日本當地食接近時令墨魚刺身刀工有口感、食落膠質重服務亦不錯👍🏻會再來

食日本嘢，就諗起想試吓呢間十和田。嚟開尖沙咀，就順便去試下，朝個聖。裡面嘅環境好舒服，好日式、以木同簡樸為主嘅裝橫。店員態度都好好，好熱情，亦好專業（例如，當我哋問海貝壽司拼盤有咩壽司嘅時候，佢哋能夠即刻答到哂D每件壽司嘅名！）食物方面，一於試哂佢嘅壽司拼盤同埋丼。海貝壽司拼盤 $278，包括 平貝、帆立貝(2舊)、鳥貝、蠑螺、粒貝、鮑魚，仲有一款唔記咗係咩名。每一件貝刺身都好新鮮，好少食到咁鮮嘅貝類刺身，特別係佢嘅帆立貝，係新鮮嘅帆立貝，鮮甜度非常之高。鮑魚亦非常爽口。整體嚟講好啱鐘意食貝類嘅人，一定會食得出個分別同埋鮮味。而佢嘅壽司都係有事先調味的，唔駛點樣額外加好多醬油都已經好夠味。三文魚親子丼 $138。超級足料！啖啖三文魚，而且係油脂度平均、香濃嘅三文魚，加埋一大堆三文魚子，真係每一啖都好豐富，好足料！Bonus係佢嘅餐具係一套襯好的，日式餐廳的細節都做得好精緻，係一餐味覺同視覺都好滿足嘅晚餐！

今日同朋友係尖沙咀見面想搵一間坐得舒服的日本餐廳朋友推介十和田 係佢飯堂佢嘅午餐set由$80-$200都有咁都幾多元化我地就每人叫左一個$108嘅壽司套餐🔆午市壽司套餐（配湯）配有麵豉湯份量上都ok 總共有11件壽司包括三文魚、帶子、鱆紅魚、赤身、三文魚籽、拖羅蓉、三文魚蟹肉加州卷、熟蝦、星鰻店家用赤醋 赤醋比較健康及入口滑順 成本亦較高 此點值得讚賞帶子用最大size嘅帶子 肉厚鮮甜拖羅蓉軍艦入口就融 洋蔥令口感豐富三文魚籽滲出丁點蛋香，又有淡淡的醬油味鱆紅魚鮮味星鰻入口即溶🔆壽司拼叉燒湯烏冬（配湯）除咗麵豉湯 仲有茶碗蒸叉燒烏冬幾大碗 係醬油風味嘅湯底叉燒好入味 吾會好「鞋」店家會幾叉燒用火槍燒一燒 等佢更香烏冬係用稻庭烏冬 好好食壽司方面有6件壽司包括三文魚腩、鱆紅魚、赤身、帶子、赤蝦及墨魚三文魚腩入口油份豐富赤蝦好甜其他麵好好味午餐想舒服少少 呢間都係吾錯選擇

週末路過金馬倫道十和田總本店，突然好掛住佢哋嘅蟹膏，一於衝入去食個快飯；平日晚飯時間超有人氣又長期有人龍，Lunch 去唔洗排隊，舒服好多。三色丼 $188必點～三色丼 有蟹肉蟹膏、海膽、吞拿魚蓉，一次過滿足晒三個願望，三款都好啱食。蟹肉蟹膏：喜歡食蟹膏既話，呢個丼就啱曬！蟹膏味道超級濃郁，下面爆多蟹肉，撈埋蟹膏一齊食超鮮味。海膽：日本海膽肥美好味，入口特別甘香，味道特別濃郁，海膽鋪滿成個碗，味道好豐富，超正！真係誠意十足呀！吞拿魚蓉：吞拿魚蓉勁細滑，完全冇腥味，魚油勁香，一啖一啖連埋京蔥食好香甜。炸雞件 $38炸雞件咬落雞肉好多汁，雞肉鮮味好嫩，新鮮即炸皮好脆，皮脆肉嫩好多汁！吞拿魚（一件）$24食材新鮮吞拿魚，好高質而且充滿油香，用赤醋飯口感好好，唔會散，物有所值，推介一試。綠茶雪糕 $18食完熱辣辣嘅嘢再品嚐一杯綠茶雪糕，甜蜜的作結。

冇得出國去日本🥲🥲又想食新鮮嘅時令刺身和壽司🤤❤️咁就一定要嚟十和田總！！😤依個價格又有日本廚師重點係啲刺身都係好新鮮👍完全絶對係性價比極高❤️❤️❤️

總係會間唔中就想食日本嘢，然後就會醒起十和田😌 平日夜晚都幾full嫁，今次星期日晏就黎到，人流冇咁多，唔使等位就入得。三色丼 ($188)樣樣都想試下既話嗌三色丼一次過就可以滿足晒三個願望😌 唔好以為好細碗，每碗都裝到好滿! 建議由左至右，先食吞拿魚落蓉，海膽，最後食蟹膏。因為吞拿魚蓉係三者之中淡味啲既，不過魚蓉好細滑，配埋蔥好正。而且十和田既飯用咗赤醋飯，本身個壽司飯已經好食，再加上吞拿魚蓉簡直同個飯係一比一分量，真係好滿足。跟住就到海膽丼，海膽好creamy又鮮甜，三個之中最中意呢個🥰最後蟹膏蟹肉味道最濃，蟹膏味道真係好重，同埋一樣好鮮，唔錯。👑火炙左口魚邊丼 ($138)我摰愛呀!🥰 呢個丼飯係我不斷encore十和田既原因🤤 左口魚邊勁重魚油香，火炙過後勁滑入口即溶，魚油簡直係口腔中大爆發，仲要份量勁有誠意。左口魚都有成六七片，加上魚油其實滲咗啲落赤醋飯度，所以飯都好香，真係食到一粒不剩。除咗左口魚之外，仲有海膽添，好creamy，所以呢個丼飯真係大滿足，性價比高🫶🏻三文魚三味壽司🍣 ($42)有兩件三文魚，同一件火炙三文魚。今次既三文魚高唔算好肥美，不過都好新鮮😗

尖沙咀有好多間高質嘅日式餐廳，而呢個價位嚟講，又有日本廚師主理，食材又係日本直送，十和田總本店性價比算係幾高🤪之前都到訪過食佢嘅午市套餐，今次就係同朋友食晚飯～嚟得呢度係一定要食丼飯🍚因為佢哋個飯底係用咗赤醋調味，加埋啲紫菜同飯素，食落特別香😍作為飯桶極力推介所有人過嚟都要食飯😌火炙左口魚邊丼 ($138) 左口魚裙邊經過火炙之後將啲魚油逼晒出嚟，食落去油脂香四溢🤤而海膽份量以呢個價錢嚟講算幾多，入口唔腥幾鮮甜🥰黑松露鯛魚丼 ($128) 一嚟到真係超級香嘅黑松露味😚放入口之後嗰種黑松露味喺口腔入面爆發，真係會食完都齒頰留香😛平時食鯛魚主要都係食口感，呢一間嘅鯛魚食落去新鮮爽口，同黑松露搭配就啱啱好🤪呢度坐落環境都幾舒服，店員服務都算殷勤，講緊係尖沙咀要晚市埋單都係百零蚊一個人，又要有咁嘅質素，真心覺得性價比好高👍🏻絕對推介&會回訪🫶🏻

每次行尖沙咀路過見到呢間野都會見到門口有人排隊有次好奇 上網搵一搵佢咩料先知原來係由廿年經驗資深日籍壽司師傅主理🇯🇵見佢屹立左係尖沙咀都好幾年咁耐都冇食過冇理由唔試下既食完感想係 按價錢計性價比係唔錯的🤗.🍴三色丼 $188 💛8.5/10三色分別係吞拿魚蓉、海膽、蟹膏蟹肉三款平時必叫既一次擁有😍個人建議順住次序由淡至濃食先嘗呑拿魚蓉既綿密口感同淡淡魚油香再品海膽既creamy質感同海鮮甜味最後試埋蟹膏蟹肉既濃厚味覺衝擊享受三小碗逐層帶黎既滿足感🥹.🍴燒明太子雞翼 $48 💛8/10見到雞翼脹卜卜就知落足料外皮燒得金黃而入面冇未熟透既情況而且已經去骨方便食用一啖咬落去就見到滿滿既明太子😋.另外其實仲單點左幾件壽司🍣最先放上枱見到飯既顏色呆左呆點解唔係白色既🤔再次請教google大神先知原來呢間鋪用既係赤醋飯食落比起白米醋飯有微微酒香幾特別😳