十和田總本店

營業中

休息中

間中經過十和田都好多人，今次平日去一樣咁多人，呢到好多壽司丼飯選擇🍱火炙左口魚邊丼💰$138左口魚邊本身又係油鮨豐富，火炙埋更香更多魚油感，加埋丼飯一齊食好滿足🍣火炙吞拿魚腩💰$48/1件近期大愛吞拿魚，吞拿魚腩本身已經勁肥美😍 火炙埋將更多魚油迫出，油鮨感好正，加少少wasabi可以解膩感更好食🉐🍣蔥吞拿魚腩💰$22/1件吞拿魚腩製成魚蓉，加埋少少蔥吊味，口感好又好味😋🚩十和田總本店 (尖沙咀)📍尖沙咀金馬倫道42號華懋金馬倫中心地下

有朋友介紹十和田CP值幾高揀左日閒日夜晚黎食日式料理估唔到星期三既Dinner都好多人 7點半一入座就已經Full House 點餐係用App落單 好方便▪️蟹膏沙律 - 勁蟹肉蟹膏, 好癲, 唔使講 就咁睇相都知係必食啦▪️火炙秋刀魚壽司 - Seasonal野, 即刻叫左黎試下, 幾好食 無腥味 可以一試▪️丼飯好抵食🤩🤩 其實佢全部丼飯都好抵食亦都好多種類選擇, 由於太貪心咩都想食, 選擇困難症, 結果叫咗三色丼飯, 有齊香蔥吞拿魚, 海膽,蟹膏.👍

去尖沙咀shopping 順便行去食吓日本嘢。去到人氣餐廳竟然無人等位，即時入座，下單係用QR code，見到選擇都唔少。入座後嗌了2個lunch set，加多1個茶壺蒸蛋。餐廳外內面都好有日本風，未有得去旅行，頂住癮先🤣雜錦壽司定食$108，一共有十件分別有帶子，三文魚，蟹子三文魚卷，蝦壽司等等，上枱雖然賣相一般，味道都唔錯。鰻魚飯定食$108，配上茶壺蒸，麵豉湯，小编一路都係唔大鍾意飲日本嘅麵豉湯，點知依個湯又出奇地好飲，真係估佢唔到🙄鰻魚飯講真好好食，飯係用珍珠米煮成，呢個真係好值得推介👍講下個茶壺蒸$28，蛋非常之嫩滑，好味指數拍得住在日本食到嘅料理。

十和田唔係第一次食，再食係因為性價比高，呢到嘅壽司飯係醬油漬，唔係平時既白醋飯。超特選壽司拼盤 ($318)，壽司拼盤會跟茶碗蒸同味噌湯。茶碗蒸夠熱同質感滑，入面有粒銀杏但少少苦，穴子壽司超級長但肉質幼嫩只不過醬汁太濃味～.吞拿魚壽司拼盤($328)有赤身壽司、吞拿魚腩壽司同大吞拿魚腩壽司，油脂豐富，簡直係一大享受～ 另外6件拖蘿蓉小卷都好香口好好食～.驚唔飽既話仲可以有烏冬同丼叫，2個人食拼盤份量都夠，要講一樣野就係張枱太細放左2 碟拼盤都無曬位

十和田總本店 - 尖沙咀又去到尖沙咀搵食，今次就選擇左一間多人推介的日式餐廳，餐廳的裝修都非常有日式風格，而且座位上都非常闊落舒適。每個座位下都安排了一個小籃子可供食客放隨身物品，非常貼心。今次就叫左兩款主食及一款最多人推薦的明太子雞翼。鰻魚飯 108$先講一講鰻魚飯，鰻魚的份量適中，鰻魚本身燒的非常彈牙，個人黎講很喜歡呢個質感的鰻魚，而且鰻魚味道很香濃。米飯方面，用了日本珍珠米，鰻魚汁的味道都非常濃烈鰻魚汁配上珍珠米煙韌的口感，非常好食。吉列生蠔湯鳥冬 88$吉列生蠔都是很多人推介的食品，所以就叫了一份配湯烏冬。吉列外皮炸的非常香脆，薄薄的炸皮包普香濃的生蠔，真的很出色。至於烏冬都很煙韌彈牙，唯獨湯式微微偏咸，但整體都很好食。燒明太子雞翼 48$再試埋多人推介的另一款食品，燒明太子雞翼，飽滿的餡料塞到雞翼中，加上明太子的咸咸辣辣的味道，味道非常豐富。雞翼亦燒得很脆香口，的確很出色，值得一試

📍 十和田總本店 仲未有時間時番鄉下嘅小篇只好走轉十和田, 無論店外定店內，裝修都洋溢着日本嘅氣氛🇯🇵🇯🇵店員亦非常細心有禮🥰刺身拼鰻魚飯(配湯,蛋) $128.0鰻魚肥美，又大塊，配埋鰻魚汁，令你食完一啖，又想再食多啖，好在分量十足，食飽夠曬滿足，刺生新鮮，又厚又大片. 茶碗蒸好滑好鮮甜又熱辣辣.午巿壽司套餐(配湯)$108.0首先要稱讚嘅係佢地自己磨嘅wasabi，非常新鮮，並不是連鎖店嘅攻鼻wasabi,而且啲飯握得好好，每一件都唔會散，而且每件都又厚又大塊又新鮮，完全唔孤寒🥰 總共有8件壽司加3件卷物，分別係三文魚、油甘魚、吞拿魚、帆立貝、三文魚子、吞拿魚蓉、熟蝦、海鰻、蟹肉三文魚卷🍣總結： 食物新鮮又好食，而且份量夠十足，包保你滿足出門口😋😋😋味道 Taste：5/5環境 Ambience：5/5服務 Service: 5/5消費 Spending：$110 /人 Person推介度 Recommendation：5/5

《📍十和田總本店食評》大家印象中嘅日本料理通常都係又貴份量又少🥹🥹！但今日小編就準備顛覆大家嘅想像，分享一間CP值超高嘅日本餐廳，位於尖沙咀嘅十和田總本店🥸！店主堅持嚴選食材和足料新鮮製造🔥，由20多年經驗嘅資深日籍師傅主理，用最傳統的手法，處理每天由日本空運嘅食材，為大家提供多款日本料理、魚生、丼飯等，立即睇吓有幾正啦😎！🔸『火炙魚生飯 - $138』先講講魚生非常足料，份量絕對唔係hea你，而且魚生種類非常多款，亦都十分新鮮，呢個價錢絕對係好高CP值✅！特別一讚火炙後令魚肉嘅油脂香氣更為濃郁，咬落口啖啖魚油湧出去，再配上特製醬油魚生飯，QQ嘅日本米再加分，激讚呀🫶🏻！🔸『香蔥吞拿魚魚生丼 - $128』香蔥吞拿魚蓉鋪滿喺整個魚生飯上，份量起充料，基本上每一啖飯都可以配上香濃嘅吞拿魚蓉，超級啖啖肉！另外，店家怕大家會覺得太膩，特登再加上日本酸蘿蔔，酸酸甜甜嘅味道中和左濃郁嘅吞拿魚味，亦都令味道更加昇華🥳！ 🔸『三文魚飛魚子卷 - $108』足料新鮮製造嘅三文魚飛魚子卷，鋪滿新鮮嘅飛魚子，再選取油脂十足嘅三文魚，不但口感十足，而且超級無敵新鮮，兩者配搭令到鮮味更濃郁，超正😚！🤪 iHu

近排日日食日本嘢，話說今日喺尖沙咀行街又想去想食日本嘢，咁咪上OpenRice search吓，見到呢間店係排最前前，又多好評，咁同女朋友行過嚟食啦，星期日1800，去到見得三台客女朋友已經唔喺度，唔喺度，唔like覺得好伏…. 唔緊要啦，入去坐低地方淺窄縮埋一舊咁坐，佢放埋個熱水煲係我左手邊得4分3張枱食嘢，冇餐牌，真係如果手機冇電，你就揸住張外賣只冇圖睇就咁叫，咁都唔緊要，我哋叫咗碟三文魚🍣，嚟到嚟到係差到個點質素=如爭鮮魚無味，薄皮，個飯手指甲成本問題如果你哋知道咩叫波子壽司差唔多，差過爭鮮火都嚟，真係超級無敵伏，嚇親立即走人，你哋一千個好評俾點黎？個女經理重要好似做大生意敢，同三個係舖正中間staff briefing….之後坐喺收銀側邊張枱繼續講電話，服務態度真係好X，邊度仲咁咁咁叫第二碟係呀，即刻轉場去食第二間，浪費咗兩個人嘅腳骨力。不過要感謝自己只係叫咗一碟。

呢一日約左朋友去尖沙咀食野，係網上做定功課尖沙咀有咩好食既日本餐廳，十和田係尖沙咀鬧市中間，搭巴士或地鐵都好容易到達。入左之後掃左QRCode, 呢間餐廳每張櫈下面都有個籃供客人放私人物品。跟任掃QR code點餐啦，我點左三文魚親子飯，我朋友點左雜錦魚生飯，我上網睇到食評話每個餐都好大碗，就叫多個蟹膏沙律食，到我地個餐上枱時，發覺真係好大碗，食物材料好足夠，食左幾啖原來飯已用醋同日本豉油撈底，所以已經夠味道。我食個魚生親子飯三文魚厚切粒，夠新鮮，蟹子又夠鮮味，大大粒口感吾錯，另外想讚下佢哋既芥辣，用粉溝出黎有包裝既質素👍🏻👍🏻我朋友個雜錦都異口同聲話材料夠，魚生新鮮，食完個飯我地再試蟹膏沙律，真係有蟹味，我食到一粒蟹殼😀食完飲左幾杯綠茶就走左，我會推介俾朋友食，性價比相當抵食。😃😃

經過尖沙咀金馬倫道成日都會見到呢間店，門面好大好靚，今日同朋友入去食個lunch。佢用QR code落單，lunch set價位幾十蚊至二百幾蚊都有，有烏冬有丼飯。今日我地叫左：🔶️午市壽司套餐（配湯） （$108，8.2／10）有十一件壽司，帶子又大粒，吞拿魚壽司都好肥美。呢個set幾扺食。🔶️雜錦魚生飯（配湯同蛋） （$128，8.6／10）超級大碗，唔知係咪我剔左少飯，佢俾左勁多魚生我，啲魚生真係多過飯！堆到成座山咁！成碗飯勁大碗勁重手。佢啲魚生都幾多種類，最特別係佢有鮑魚，都幾爽口鮮味。呢碗飯份量夠兩個人食。😛另外，佢個茶碗蒸好滑好鮮甜👍🏻✏️總括而言，午餐性價比幾唔錯。

十和田總本店 Towada Sushi地址: 尖沙咀金馬倫道42號華懋金馬倫中心地下G/F, Chinachem Cameron Centre, 42 Cameron Road, Tsim Sha Tsui上學啦,又要參與培訓, 課堂過程學到什麼不重要, 最緊要人有出席,好不容易等到放LUNNCH, 成個人即刻醒神,急急腳出搵位搵餐廳食飯。鎖定尖沙咀超有人氣日本餐廳十和田, 由日本師父主理午市套餐 配有麵豉湯$138 火炙左口魚邊飯，燒過後滲出油脂香，有點焦很好吃鰻魚飯連湯,鰻魚很滑入醬汁配飯很惹味。

今日同朋友係尖沙咀行街 唔知食乜好所以就食十和田以前上堂成日食佢啲丼飯今日食左三文魚親子丼啲三文魚依舊多到食完飯都未食完$138 呢個價錢冇野可以挑剔同行朋友食左火炙左口魚邊丼都好食 仲有小小海膽

I went there for lunch yesterday. The price of lunch meal is sensible, around 1xx per one. The steamed egg is worse than the one served in sushiro, quite disappointing. The shashimi rice is extremely good. I can taste and enjoy the oil of the fish while having the rice. I am surprised to see there is urchin on top of the rice. They also taste nice though they don't look good.

去完日本返嚟仍然都仲好想食日本野，可能個心仲喺日本唔捨得返嚟香港（應該係，除非唔係）！ 雜錦魚生丼 $128呢碗飯足夠三個人share，因為底下嘅赤醋飯都好硬實，食落會好有飽肚感，所以冇再多餘叫壽司食。色澤唔算新鮮油亮，但勝在份量多，同埋刺身種類多，頂部嘅三文魚子令整體味道同賣相加返分。鰻魚飯 $108鰻魚汁撈飯一向都無輸；鰻魚肉質比較結實，唔係平時食開一般嘅腍身口感，不過入味。炸雞件 $42幾香口，厚肉大件，咬落有肉汁，再加埋沙律醬通常都好味。蒸蛋 $28 唔夠熱。燒明太子雞翼 $48 微辣、乾身。熟食唔夠熱，職員態度亦有待改善。***明明好多吉枱，但職員要我地出門口等位，一係就話只可比壽司吧枱我地（！？）最後我地出門口等，等完咪又係比返呢啲吉枱我，到我地走都時都並無坐滿，咁點解要為難我地唔比我地入呢？我同行朋友都感覺莫明奇妙。埋單時仲有面色睇。呢間餐廳食物可以但唔出眾，加埋職員嘅態度，有其他選擇。

店舖距離地鐵站好近係尖沙咀b出口一直行就到店舖門口同裡面裝修非常日式今次係第二次黎食上一次試左壽司定食今次就試下佢啲丼先🍣火炙左口魚邊丼 $138左口魚鋪滿晒成個飯 目測有大約十片我order個時都無留意佢有海膽個丼送到黎個陣見到好開心一次過滿足我想食左口魚同海膽嘅慾望左口魚充滿油脂感 海膽都係好鮮甜性價比極高仲有佢嘅壽司飯唔同其他鋪頭佢比較似中式米 好開胃🍣香蔥吞拿魚腩丼 $128層吞拿魚腩厚度差唔多有1.5cm 撈晒成個飯都有剩 吞拿魚腩亦切得好細 唔會有筋嘅口感🐤燒明太子雞翼$48上碟時雞翼熱辣辣 咬開好重明太子味如果入面加埋芝士就更加好