影片
更多
2022-10-10
134 瀏覽
食日本嘢，就諗起想試吓呢間十和田。嚟開尖沙咀，就順便去試下，朝個聖。裡面嘅環境好舒服，好日式、以木同簡樸為主嘅裝橫。店員態度都好好，好熱情，亦好專業（例如，當我哋問海貝壽司拼盤有咩壽司嘅時候，佢哋能夠即刻答到哂D每件壽司嘅名！）食物方面，一於試哂佢嘅壽司拼盤同埋丼。海貝壽司拼盤 $278，包括 平貝、帆立貝(2舊)、鳥貝、蠑螺、粒貝、鮑魚，仲有一款唔記咗係咩名。每一件貝刺身都好新鮮，好少食到咁鮮嘅貝類刺身，特別係佢嘅帆立貝，係新鮮嘅帆立貝，鮮甜度非常之高。鮑魚亦非常爽口。整體嚟講好啱鐘意食貝類嘅人，一定會食得出個分別同埋鮮味。而佢嘅壽司都係有事先調味的，唔駛點樣額外加好多醬油都已經好夠味。三文魚親子丼 $138。超級足料！啖啖三文魚，而且係油脂度平均、香濃嘅三文魚，加埋一大堆三文魚子，真係每一啖都好豐富，好足料！Bonus係佢嘅餐具係一套襯好的，日式餐廳的細節都做得好精緻，係一餐味覺同視覺都好滿足嘅晚餐！
裡面嘅環境好舒服，好日式、以木同簡樸為主嘅裝橫。店員態度都好好，好熱情，亦好專業（例如，當我哋問海貝壽司拼盤有咩壽司嘅時候，佢哋能夠即刻答到哂D每件壽司嘅名！）
食物方面，一於試哂佢嘅壽司拼盤同埋丼。
海貝壽司拼盤 $278，包括 平貝、帆立貝(2舊)、鳥貝、蠑螺、粒貝、鮑魚，仲有一款唔記咗係咩名。每一件貝刺身都好新鮮，好少食到咁鮮嘅貝類刺身，特別係佢嘅帆立貝，係新鮮嘅帆立貝，鮮甜度非常之高。鮑魚亦非常爽口。整體嚟講好啱鐘意食貝類嘅人，一定會食得出個分別同埋鮮味。而佢嘅壽司都係有事先調味的，唔駛點樣額外加好多醬油都已經好夠味。
三文魚親子丼 $138。超級足料！啖啖三文魚，而且係油脂度平均、香濃嘅三文魚，加埋一大堆三文魚子，真係每一啖都好豐富，好足料！
Bonus係佢嘅餐具係一套襯好的，日式餐廳的細節都做得好精緻，係一餐味覺同視覺都好滿足嘅晚餐！
張貼
