十兄弟車仔麵 (已結業)

又再幫襯呢間灣仔春園街嘅車仔麵店，因為實在太好食我已經做咗佢哋嘅長期顧客😂希望可以試齊晒佢哋咁多款唔同嘅招牌車仔麵。餐廳嘅環境好闊落，抗疫措施做得好做足！我就叫咗一個柱侯牛四寶，$65唔算貴，一共有齊四款牛嘅餸，五香金錢肚，牛骨濃汁牛丸，柱侯牛坑腩，勁腍牛孖筯。佢哋牛丸真係超級正，入口口感Q彈爆汁！跟住其他都煮得好入味。麵底仲可以自己揀，唔同款式嘅面都有糭有得揀菜底添！之前已食個佢哋嘅鮑汁，已經一試就愛上所以今次就再叫。魚肚炆得好入味，入口爽口彈牙！仲可以QR code落單，好快手就送到嚟，坐得都幾舒服，整體各方面都好滿意呢間車仔麵店。