十兄弟車仔麵 (已結業)

今晚屋企人冇煮飯，我就去咗灣仔呢間春園街嘅十兄弟車仔麵檔填飽個肚！車仔麵檔有好多新式嘅餸揀，我又心大心細唔知食咩好，就揀佢哋嘅招牌款式啦。柱侯牛四寶呢碗以牛做賣點，四寶都係牛嚟，有五香金錢肚，牛骨濃汁牛丸，柱侯牛坑腩，勁腍牛孖筯。牛丸大大粒彈牙好味，牛孖筯同牛坑腩煮到好到好入味又冧身，金錢肚爽口！再配上粗身嘅油麵麵底，食哂好飽肚，咁多嘢食都係$65咋，性價比好高呀❗️見到呢間車仔麵檔都好多人幫襯，但店員服務態度依然好好，效率好高，環境坐得都算舒服，之後會再嚟過。