十兄弟車仔麵 (已結業)

很久沒吃車仔麵，今天跟同事中午出去吃飯就選了吃車仔麵！自選車仔麵（５９元）這個選了菠菜麵，紅燒飽魚，墨魚腐皮卷，蜜汁台灣香腸和墨魚丸，湯底就選了咖哩汁（小辣），雖然是小辣，但朋友覺得挺辣的，那個辣醬有點像ＸＯ醬的，但味道會豐富一點，然後是淡淡的咖哩香！飽魚只是９元，性價比還可以，挺爽滑的！蜜汁台灣香腸是比較特別的一款，不是平常常見的那款，吃起來肉感挺多，還是有爆汁的感覺，豬肉味很香！菠菜麵就是顏色有不同，但跟正常的味道一樣！自選車仔麵（６０元）這個選了米線，蜜汁台灣香腸，極焾豬軟骨，香辣陳皮魚蛋，香辣豬紅，湯底就選了腩汁（中辣）多蔥。因中辣的關係，整碗辣度挺高的，辣得嘗不出湯底的味道！極焾豬軟骨肉質非常軟嫩，但中間又有點脆骨，口感不錯！香辣豬紅非常嫩滑，而且很入味！香辣陳皮魚蛋非常爽滑蛋牙！米線吃起來爽嫩！飲品（１０元）

位置易搵，店舖光猛簡潔，人流都唔少，容納大約25人，坐得算鬆動，唔會好迫。要用自己手機落單，食物價錢方面都唔平✨味道66分，環境68分，服務63分。.🔷麵底($14)🔸菠菜麵⭐️ 咬落有彈性，唔係好稔果種🔸幼麵：一般般.🔷餸🔸玻璃魷($15) 微辣，甜甜地，咬落脆口。🔸韭菜餃($15) ⭐️幾香，皮餡比例剛好，好香韭菜味🔸濃汁牛丸($14) ⭐️牛丸咬落juicy，肉之間有d肉汁🔸滷水豬大腸($13)入味，口感爽滑🔸蠔油冬菇($11)唔太入味，有啲硬🔸咖喱牛柏葉($10)好爽口，唔太入味🔸豬紅($9)⭐️口感少許煙韌，不錯！🔸清甜蘿蔔($9) 夠稔，唔算好清甜。.🔷湯底🔸秘製香辣汁：有蒜香既辣味，幾惹味。🔸自家辣菜脯($2)調味更香口，辣辣地，又爽口。

*💭十兄弟車仔麵灣仔一向多隱世美食🤤今天剛好發現這邊新開了一間車仔麵，環境闊落而且很乾淨😍餐廳是用手機下單的，非常環保而且𝑢𝑠𝑒𝑟 𝑓𝑟𝑖𝑒𝑛𝑑𝑙𝑦✔️自選車仔麵🍜配料有不少選擇，最驚喜是竟然有鮑魚🤯而且麵底可以轉菜底😍再另上一碗清湯，非常貼心❣️配料方面選了鮑魚、牛骨濃汁牛丸、香辣豬紅和蘿蔔，牛丸出乎意料的𝑗𝑢𝑖𝑐𝑦彈牙很重牛骨味🤤而蘿蔔則清甜冇渣😋另外友人則選了牛孖筋、玻璃魷和五香金錢肚，牛孖筋很大件😍煮得軟稔，很重骨膠原😋玻璃魷亦相當出色，很彈牙🤤

👍🏻紅燒鮑魚三餸車仔麵 $60限時優惠！$9就有一隻紅燒鮑魚，抵食😎細細隻但肉質都幾彈牙玻璃魷好爽口，味道正常瑞士雞翼雞皮煮到好軟腍不過瑞士汁味唔算好濃招牌既秘製香辣汁真係有驚喜😍！辣度唔算好強，好香唔係死辣👍🏻蒜味好濃好突出，食完個口👹👹另外既辣醬辣椒味較重，夠辣有後勁，但唔夠香辣汁惹味絕對推薦嗌香辣汁多汁🤩！味道：8/10性價比：6/10-👍🏻四餸車仔麵 $70豬頸肉爽口有油脂香，幾厚肉，咬落唔會乾爭爭好少見車仔麵有得嗌台灣腸，原條上枱，味道正常牛丸係有牛脂粒個種，食落牛味好濃，仲有啲爆汁😛湯底加左腩汁但唔算好濃味飲落有豬骨味，幾好飲😋不過車仔麵黎講價錢偏貴味道：8/10性價比：6/10-📍#十兄弟車仔麵 @tenbros.noodles灣仔春園街地下16號舖

在午飯時間，灣仔的食肆經常很多人，今天經過這家人龍車仔麵店竟然堂食不用排隊，於是就在這裡吃吧！店內以QR code 下單，車仔餸約有40 多款，由$9 至$28。雖然招牌八寶麵看似很吸引，最後還是決定自選。下單後職員會來確認食品及在手機看到已點的餐點。自選車仔麵（$70）菠菜麵麵的選擇頗多，今次選了比較少在車仔麵吃到的菠菜麵，感覺清新泰式炸豬皮豬皮就不太脆，浸下湯中別有風味香辣豬紅軟滑不鬆散，味道可以辣些墨魚腐皮卷咬下去爽口彈牙，也有滿滿的豆香香辣陳皮魚蛋咬下去有質感，辣度比想像中低牛骨濃汁牛丸有油脂粒在牛丸啦，口感很有彈性秘製香辣汁車仔麵的靈魂在汁裡，今次配上必吃的秘製香辣汁，味道層次立即提升。

灣仔真係有好多種類嘅野食有平有貴 應有盡有最近留意到有間新開張嘅車仔麵😏所以就放工去呢度食晚餐.🌟招牌八寶麵 ($55)為食嘅我每次都抵擋唔住誘惑😋見到八寶麵有齊咁多款餸就一定食佢八寶包括牛坑腩、辣魚蛋、豬大腸、豬皮、豬紅、蘿蔔、雲耳同粟米🌽當中我最鐘意牛坑腩 又腍又入味魚蛋細細粒 仲有陳皮味都幾特別豬皮就有勁香咖哩汁 😚見到有魷魚真係好想食 所以再加左$15 香辣玻璃魷 味道都唔錯 夠味又唔會太辣🦑麵底揀左菠菜麵 黎到先知原來係油麵 加入左菠菜感覺更健康湯底就選擇左秘製香辣汁 食落都易入口 之後辣味就有後勁 啱晒好似我咁鐘意辣味又唔食得太辣嘅朋友🌶.🌟自選車仔麵因為想同朋友share 餸所以另一個麵選擇左自選車仔麵餸方面就揀左勁腍牛孖筋 ($12) 果然名副其實又腍又有膠質而且仲有台式豬腩肉 ($12) 夠晒厚肉我亦都好鐘意佢嘅極腍豬軟骨 ($12) 好腍有油香仲唔痴牙至於芝士腸($10)同魚片頭 ($10)就正常發揮至於湯底方面就選擇左腩汁 配埋油麵麵底($14)就好夾🍜.餐廳用QR code 落單 簡單方便📱尤其食車仔麵餸菜花多眼亂電話落單就可以睇清楚慢慢揀

港式美食除咗茶餐廳就一定係車仔麵。十兄弟車仔麵 位於灣仔春園街16號地舖點餐用QR code, 有成超過50個餸揀，個個餸都只係十蚊八蚊，試多幾款都唔肉痛。 用QR code 點野食時 記得先揀好 淨餸定要埋麵，因為 如果揀左要麵，但唔點麵就唔比你落單，要出番去從頭揀過，我就豬左啦。——————————🥢紅燒鮑魚 $9- OMG ! 9蚊隻鮑魚，鮑魚好有咬口好好味👍🏻——————————🥢清甜角切蘿蔔 $9- 清甜無根——————————🥢鹵水豬大腸 $12- 又林又入味，仲清走晒腸裡面肥膏，非常讚👍🏻——————————🥢極焾豬軟骨 $12- 真係好林，成舊軟骨入晒味，仲有2大舊咁多——————————🥢香辣豬紅 $9- 好正常——————————黑豆豆漿 $13- 另外仲有正常豆漿同無糖豆漿，貼心。發現 有好多老人家唔識用QR code 點野食，姐姐好有耐心咁幫佢地點，問得好長細，比like❤️

🚸 今晚想食地道野所以揀左車仔麵，而且呢間配料選擇多，以下係小妹心水推介： 1️⃣炸物拼盤：$52試齊炸雲吞、炸墨魚丸、龍蝦丸、腐皮春卷和紅腸。炸雲吞是廣東雲吞，餡料有蝦仁🍤，墨魚丸都幾足料，呢個拼盤性價比高👍🏻 2️⃣香辣玻璃魷魚🦑:初食辣者都啱食，水魷唔會overcook。 3️⃣香濃小花菇🍄：花菇厚肉又入味，令湯麵口感更豐富。4️⃣瑞士汁雞翼：雞翼炆得淋又入味，係啖啖肉之選👍🏻5️⃣鮑魚仔：加$9就有，好多人都有點，下次可以試試。味道：🔅🔅🔅新鮮：🔅🔅🔅分量：🔅🔅🔅速度：🔅🔅🔅（5🔅為滿分）

成日行過都見到排哂隊，今日就嚟試吓呢間新開嘅十兄弟～呢度有超過40款餸可以揀，用QRcode自己落單，外賣仲有9折(當日都幾多人買外賣)，店員姐姐們會主動協助，服務態度好。我就揀堂食，落單即製，要耐心等一陣。天氣凍，胃口特別好，好肚餓… 介紹返～ 本身揀咗5款餸，突然見到有只係$9嘅鮑魚仔，就加埋佢啦！菠菜麵 $14腩汁 多蔥柱侯牛坑腩 $12 都幾大件，味道正常，但未夠腍，有少少難咬勁腍牛孖筋 $12又係大大件，滑到可以直接吞，建議可剪細件啲咖哩牛柏葉 $10呢款係必點，好耐都無食過咁爽又入味嘅牛柏葉！推介香炸魚蓉燒賣 $10比較少見到車仔麵可揀燒賣做餸香辣豬紅 $9爽滑好味！原隻鮑魚仔 $9限時優惠價仲跟埋幾塊生菜 👍🏻

十兄弟車仔麵位於灣仔餐廳林立嘅春園街地段，由地鐵利東街出口行一條街就到。鋪頭全新裝修，新淨企理。雖然表面唔算出眾，但真係好有誠意，因為佢每樣餸菜配料都花咗唔少心思。🌟自選車仔麵車仔麵底我揀咗撈粗麵，好邪惡但好好味，每條麵都掛汁，啱晒我呢d重口味人士。餸方面有佢嘅皇牌十大推介又係必試之選，今次我一口氣試咗香辣玻璃魷、珍寶炸魚旦同香辣豬紅。因為有兩樣辣餸再加我點咗秘製辣汁，食都都真係有d辣，不過係有層次嘅，辣得黎都仲食到香味同埋甜味。珍寶炸魚旦食落好有口感但又夠軟身香辣玻璃魷就非常彈牙🌟自選淨餸一場黎到叫多碗淨餸再試多幾種餸。有陳皮魚旦、菲菜餃、魚腐同蘿蔔。陳皮魚旦唔係間間車仔麵店都有，陳皮真係好香，值得一試。蘿蔔好甜，又無渣，都係高度推介。

灣仔最近新開左間車仔麵，咁啱經過就去試一試，聽講仲話有鮑魚食㗎😌見到門面都幾企理同埋佢有自家製嘅辣菜脯，仲有新開張$9.一隻紅燒鮑魚佢本身面底都已經好多選擇，除咗基本嘅油麵米線河粉之外佢仲有菠菜麵，我就揀咗最基本嘅油面。蘿蔔豬紅魷魚豬皮呢啲就唔使講，一定係車仔麵嘅必食㗎啦，我自己就好欣賞佢個蘿蔔，因為處理得好乾淨而且冇渣，最怕就係食到啲蘿蔔有一絲絲嘅根，真係黐牙黐死😅另外佢嘅豬紅同埋豬皮都好入味，加埋啲辣菜脯，好上頭😗魷魚超爽口，一啲都唔韌，佢呢度個秘製嘅辣汁同埋咖喱汁都好正，配埋啲魷魚豬皮，爽歪歪😚😚

今日去咗灣仔interview，in完又要趕返出屯門，拿拿臨食個快靚正嘅lunch，揀咗呢間車仔麵👍我叫左濃汁牛丸，柱侯牛坑腩，咖喱牛柏葉同牛孖筋配腩汁加辣汁油麵，另外仲加左佢地自家製既辣菜脯😁牛丸非常彈牙兼爆曬汁，好食！🤤牛坑腩好入味，牛味濃郁，牛孖筋炆得夠淋入口即溶😋秘製辣汁非常香！而且辣度好有層次，唔係一味死辣，加埋店家自家製既辣菜脯就更惹味更加錦上添花😆超多麵底可以揀，仲有車仔麵比較少見嘅菠菜麵可以揀，幾特別👍估唔到求求其其入左間車仔麵都帶畀我咁大驚喜😎👏

之前食過一次了。今次是捉朋友一同來，說是帶他去食鮑魚，實則是我想食個小食拼盤，想搵人分享。小食拼盤（$52）有紅腸、墨魚丸、仿龍蝦丸、墨魚腐皮卷和雲吞，每款兩粒，一個人無辦法食曬。即叫即炸很香口，配泰式甜辣雞醬很惹味。同朋友講嚟食鮑魚並無講大話，紅燒鮑魚$9一隻，爽滑香濃。其它車仔餸有幾十樣選擇，由$9-$15不等，有選擇困難的還可叫個招牌八寶（$55）樣樣都有。今餐我們試了幾樣：牛孖筋和豬軟骨都很腍很入味；牛骨濃汁牛丸爆汁彈牙；瑞士雞翼甜甜地又大隻；蘿蔔很清甜，不過硬咗少少。我和朋友分別選了菠菜麵和淨餸菜底。菠菜麵幾彈牙，口感似油麵；菜底可自選蔬菜。菜底的湯是另上，可以嚐到無味精的上湯。餐廳的秘製香辣汁名副其實，又香又辣，一定要加。雖然今次是第二次來食，但仍有餸未食想試，要再來先得！

今日咁啱灣仔收工，夜夜地一個人，見到呢間車仔面檔新開張，就決定食反碗麵，試下新野。見到餐牌上好多野食簡，每款都好吸引，而家新張仲有優勢，加9蚊就有得食紅燒鮑魚，中意食鮑魚就唔好錯過啦。叫左碗麵，麵食好多種類，而湯底就有四種選擇：清湯、腩汁、滷水汁和咖喱汁，仲要左餐廳嘅招牌秘製辣汁，好香好有層次，唔係淨係死辣，餸菜都好好食，煮得好淋好入味，配埋佢地自家製辣菜脯，味道昇華左都非常出色。餐廳環境唔錯，新開夠大又夠乾淨，灣仔食lunch放工黎食都係好好嘅選咗！

灣仔開咗間車仔麵小店, 地點近我公司, 放 lunch就同咗幾個同事一齊試吓!店員同我哋講, 新開張有優惠, 加$9就可以歎紅燒鮑魚, 相當吸引! 粉麵底有多達9種選擇, 有河粉、粗/幼麵、烏冬、米線等等, 仲有一款幾特別嘅 - 波菜麵。湯底就有4個選擇, 有清湯、腩汁、滷水汁及咖喱汁, 仲可以揀辣度! 我揀咗油麵做麵底, 配豬皮、豬紅、陳皮魚蛋、蘿蔔、玻璃魷魚。陳皮魚蛋有爽彈嘅口感, 充滿辣勁的! 食車仔麵點少得沾辣汁呢~ 小店嘅招牌秘製辣汁夠香辣, 另外, 自家製辣菜脯都好有特色, 香辣味突出, 好惹味, 辣得夠過癮!