十三少 (已結業)

食咗咁多間酸菜魚，，都係13少最好食，第一次食係喺香港仔，今次就去咗佢哋啟德嘅分店，我哋叫咗一個二人套餐，包括一個酸菜魚，d魚超級滑，辣度啱啱好，一個涼拌土豆絲，估唔到味道几好，另外一個麻婆豆腐，好滑好香同埋另外加咗$28食個黑糖糍粑，一如既往的好，呢間舖可能新開着嘅關係啲服務都唔錯會不定時幫你斟水

十三少今個聖誕節凍凍地，起身想食啲暖胃嘢。咁啱去朋友屋企開party 之前，喺啟德站附近就有間酸菜魚😍裝修都幾modern, 雲石色系為主。二人餐有前菜、主菜加小菜。主菜當然揀咗酸菜魚，魚嘅份量都幾多，好嫩滑，最緊要無骨😆味道唔算太辣，比起之前試過嘅酸菜魚，呢間唔算太濃，仲可以食到魚嘅鮮味。魚湯底都仲可以就咁飲。配菜仲有萵筍、香菇、酸菜，送飯一流👍🏼前菜有椒麻皮蛋，係白皮蛋，晶瑩剔透，撈埋香辣青椒，好開胃。小菜有口水雞，冷盤超入味，仲有滿滿芝麻鋪面，又多一個層次。$348 呢個價錢都算合理，加$28 試埋甜品紅糖糍粑。熱辣辣、煙煙韌，加上紅糖同甜甜地既醬油，成碟都清哂🤤好飽好滿足。

雖然自己好鍾意食辣🌶但生左小朋友之後成日為左就佢咩都要走辣😪今次襯聖誕假同老公出走去拍拖剛巧屋企附近開左十三少急不及待就Order左2人餐前菜嘅土豆絲酸酸辣辣超級開胃#椒麻皮蛋 同平時食嘅皮蛋唔同，係透明色，好特別#麻婆豆腐 唔算好辣，送飯食勁正#十三少酸菜魚 嚟到重頭戲，魚肉好嫩加埋有蘿蔔、菇、萵筍，全部都勁吸湯汁，加上湯底真係用魚湯，酸麻辣都食到！而且仲勁大兜添！#紅糖糍粑 叫餐可以用優惠價加購，我地又未食過就即管試下，原來即係炸糯米條，食落好煙韌，食到停唔到口！跟餐仲有2碗白飯添，樣樣送飯都咁好食，差d想叫多碗飯呀🙈

近年麻辣美食大行其道🔥，要喺芸芸川菜餐廳中突圍而出確實不易新派川菜餐廳「十三少」，不論食物或裝修都費盡心思，令人印象深刻☺️.一入門口，已經被招牌霓虹燈吸引住，非常耀眼🤩店內空間廣闊，以日式簡約風設計，一排落地玻璃令室內明亮非常✨有幸被安排靠窗卡位，望住啟德外圍食飯，心情都開朗啲😆.午市二人套餐👯‍♀️💰348加一.🍴涼拌土豆絲🥔作為前菜當然就係要令人挑起食慾，呢道菜完全達到❗️土豆絲口感夾脆，味道酸酸辣辣👨🏻‍🍳烹調時加入蒜蓉，提升香味，非常惹味😋.🌟🍴十三少酸菜魚🐟作為餐廳招牌菜，果然無令人失望😍一上菜都呆咗，估唔到咁大盆🤭湯頭濃香，酸、麻、辣味恰到好處，油潤但不膩🤤酸菜魚灑上菊花，令湯頭帶點淡淡的菊花花香味🌼鱸魚嫩滑🐟，食落好有鮮味配料亦非常豐富，有萵筍、蘿蔔片、乾菇值得一提，酸菜非常爽口又濃味😙出於好奇下問侍應，原來餐廳用咗老壇酸菜+潮汕酸菜😲所以可以做到酸味、口感兩者兼顧👅.🍴麻婆豆腐🌶正宗麻婆豆腐，又麻又辣🤣叫之前真係有心理準備，佢嘅口味唔係港式麻婆豆腐，唔會有偏甜嘅感覺鍾意食麻辣嘅朋友仔啱晒你相反食唔到辣嘅朋友仔就唔好叫啦😅.🌟🍴紅糖糍粑💰$28（跟餐）見$28咁平就試吓佢，足

疫情返不了內地，對川菜的想念卻一刻也沒有停息。香港近年開了不少新的川菜餐廳，但質量參差不齊。好彩終於被我找到一間可以媲美內地川菜的餐廳啦，我願稱之為“香港川菜的天花板”。最初是在元朗分店食酸菜魚，味道令人永世難忘，食材新鮮，味道平衡度掌握得非常好，酸菜和魚一樣好吃，那時一下子就愛上了這家店。啟德店在家門口，一直期待著它的開業，終於被我等來了這一天，迫不及待過來做第一個顧客。12點出頭到店，已經坐滿了三分一的人，原來有這麼多同我一樣喜歡這裡的人。新店裝修非常小清新，還有兩個可以唱K的包房。這次一個人，點了麻辣香鍋，不出意料得全部吃光。大廚廚藝了得，麻辣鮮香樣樣俱全，芝麻的點綴，起到了畫龍點睛的作用，十三少果然從沒有讓我失望過。啟德新店加了一些京滬菜，看菜單非常有嘗試的慾望，明天再來讓我這個羊肉愛好者試試川菜做法的羊腩。對了，這間店離地鐵站也很近，出站之後走幾分鐘就到了，交通非常方便。