十三少 (已結業)

啟德站從未踏足過，友人最近搬入啟德一帶，當然要去八卦下，順道跟她食午餐。友人帶路去食酸菜魚。餐廳離地鐵站只兩分鐘路程，非常方便。裝潢都幾新式，可惜玻璃外風景全是地盤，在發展中。滋味二人套餐：涼伴土豆絲一絲絲好爽脆，有麻香，開胃，前菜好選擇。十三少酸菜魚主菜出場了，好大碟啊！建議先飲湯，酸酸辣辣勁惹味。魚塊嫩滑，滋味。麻婆豆腐這款有別於一般的，有豆豉原素，配白飯一流。紅糖糍粑第一次食，軟糯有點似年糕，不錯。

十三少之酸菜魚 🐟今日去啟德站探friend,👯‍♀️到了十三少食lunch ,當然要order 招牌菜酸菜魚了！ 酸菜魚份量十足，超大碟,🍚🍚🍚送飯絕配！ 🥣湯底以鱸魚熬製甜甜的，配料豐富；🌶最鍾意酸菜、厚切筍片😚; 魚肉很多，大片大片滑滑的，令人大口大口的吃停不下來！ 椒麻皮蛋～金黃色晶瑩剔透，入口即融；樣子可愛又好味！🐣口水雞🌶～ 醬汁濃厚，灑上大量芝麻，🐔鷄件滑滑的肥瘦適中，香濃正宗的川味特色！👩🏻‍🍳甜最後來個即製紅糖糍粑，軟糯香甜，真美味！

今日去左間九龍城新開的餐廳食飯，見佢係食川菜的，而且環境裝修都好靚又好優雅，所以我哋就入咗去試一下佢哋嘅酸菜魚🤤我哋叫咗個二人餐，分別有一個涼菜、主菜和一個小菜，非常豐富。我哋嘅涼菜就叫咗椒麻皮蛋，本身都好鍾意食皮蛋，佢哋有麻辣味嘅皮蛋就更加惹味‼️用嚟送飯就非常正，佢哋每一粒嘅皮蛋都好入味，調味非常出色。小菜方面我哋就叫咗口水雞，佢嘅口水雞份量都非常之多，真不愧為專食川菜的菜館，佢嘅口水雞辣味非常足夠，而且都係好惹味的！至於主菜我哋就叫咗個酸菜魚，酸菜魚也是非常吸引，酸度同埋辣嘅程度都非常能夠接受，鍾意食酸菜魚嘅朋友一定要嚟呢度試吓！去魚嘅數目都好多，除咗與之外都仲有其他小小嘅配菜👍🏻🥰

在疫情封關的這兩年，除了令不少家庭分隔兩地外😔更令愛北上的港人錯過不少特色美食，例如食完非常上癮的酸菜魚，名店太二、鱘龍記和祿鼎記等也未有緣再會😐 不過亦因此造就了不少本土的酸菜魚品牌冒起，最近上位最快的就肯定是這家十三少，已經有6間分店，最近來到啟德插旗⛳在街坊group也引起討論，因為啟德也早已有酸菜魚餐廳，今日就來一試他們的實力是否足已在此立足🧐 位置有點不起眼，在商場的最邊緣一棟的1樓，在地產鋪中間走進去乘電梯。轉眼就來到一個新天地，鮮豔的花卉壁畫配上霓虹燈💡感覺時尚新派，午市黃金時間來到已經人頭湧湧，幸好餐廳貼心安排了坐位讓客人等位之用。 雲石面的餐桌配上藤椅背很有舒適感，不過景觀就麻麻😕因為啟德仍是在持續發展中，有不少運作中的地盤。餐廳兩邊盡頭各有一間包廂供聚餐之用，聽說還有卡拉OK系統，可惜疫情復燃，唯有寄望盡快有機會重開🙏 餐牌有正常午市套餐，價位落在$5x~$7x💰有酸菜魚、口水雞和各式特色川滬小菜配飯或米線。難得來到當然要叫招牌二人餐($348)，由頭吃到底才知道質素如何，有涼菜、主菜、小菜和白飯😚 🥒蒜泥青瓜 | 7.5/10涼菜有三款選擇，椒麻皮蛋、涼拌土豆絲和

屋企附近開咗間新嘅酸菜魚，比起另一間少咗陣化學味，賣相出色，餐廳環境亦更企理乾淨。由於停晚市，我地5點去到食個early dinner，時間緊逼我地就嗌咗二人餐，希望廚房可以快啲出餐等我地有多啲時間食，好在啲餸菜真係嚟得好快，我地5點8就食完走埋。二人餐有唔少自選配搭，本身每人有一小碟土豆絲做前菜所以我地就揀咗蒜泥青瓜，味道清新，青瓜爽甜，蒜唔會太大味啱啱好。主菜自然要揀酸菜魚，魚肉唔可以話超嫩滑但勝在無骨，湯底都唔會過鹹，有種住家嘅天然味道，可惜冇薯粉，不過個湯撈飯都正。小菜除咗餐牌寫嘅之外仲可揀口水雞，味道辣中帶甜，雞肉嫩滑，而且加咗大量芝麻好香。嚟呢類餐廳自然唔少得叫糍粑，夠煙韌，擺耐少少都未至於凍晒硬晒，唔錯～

来食過幾次晚餐，平均一個頭點都要過$200，相比之下lunch就抵食好多，同埋出品lunch都唔會輸蝕俾Diner，份量都好足，晚餐就反而覺得份量好似細咗啲，我係好鍾意食川菜嘅，所以總體上來講食物嘅出品評分都算性價比高。午餐套餐跟一個飯一個涼菜同埋一杯熱嘢飲，基本上賣相好好，所以基本上係我飯堂，一個禮拜最少幫襯兩次🤣

前幾日去咗呢間新開嘅食酸菜魚同水煮魚嘅專門店度食飯，一去到門口已經聞到好香嘅水煮魚味道，佢成間舖頭個環境好大好闊落，坐得非常舒服，而且窗外嘅環境開陽，喺度食飯唔會有一種侷促嘅感覺，望一望餐牌，價錢亦非常合理化，我哋叫咗佢個二人餐嚟試吓，呢個二人餐有一個涼菜一個主菜同埋一個小菜，再加每人一個白飯，我哋叫既涼菜係椒麻皮蛋，呢個皮蛋同一般出去食嘅皮蛋好唔同，佢應該用醋浸過啲皮蛋，所以食落有啲酸酸嘅味道，非常開胃而且佢嘅椒麻麻麻辣辣，辣得非常過癮，皮蛋顏色方面晶凝通透，睇見都想食，而主菜方面，我哋叫咗酸菜魚，呢個酸菜魚一大盤非常足料，入邊有好多酸菜，仲有少少辣椒，而且侍應同我哋講佢哋嘅湯係熬製咗好耐，建議我哋可以食之前飲一啖湯先，而且佢話佢哋係用鱸魚，無骨啖啖肉，我試完一啖湯已經覺得非常濃郁，而且佢哋嘅魚肉非常之鮮嫩，最重要係冇骨，啖啖既魚肉食落口非常有幸福嘅感覺，另外我哋叫嘅小菜係麻婆豆腐，呢個麻婆豆腐用嘅豆腐非常之滑，而且麻麻辣辣嘅調味，拎嚟送飯簡直一流，食呢個麻婆豆腐完全可以食多兩三碗飯，總括而言，如果大家想食一啲有質素嘅酸菜魚或者水煮魚不妨去呢一間試吓。

啟德有好多新樓盤，約左朋友睇樓，睇完之後就在呢區搵野食，老實講，選擇不多，見到有十三少酸菜魚，感覺幾穩陣，於是就上去試吓。餐廳都幾大，樓底好高，通風不錯，整潔大方。中午食飯時間勁多附近返工的人幫襯。我哋今天會食2人套餐，好抵食，佢個酸菜魚勁吸引，基本上枱枱都有order呢道菜。跟白飯，酸菜魚送飯一流，大大盆，相當滿足，店員介紹話系新鮮魚煲湯，建議可以先飲少少。酸菜魚唔辣，如果想食辣可以order水煮魚。好鐘意豐富的魚片，肉質鮮嫩扎實，酸菜，萵筍等配菜令成道菜口感豐富。川味豬手，入味好冧，可惜肥左少少，不過川麻蓋過肥膩，好易入口，食完不會滯。椒麻皮蛋，糖心Q彈，送飯一流。最後我哋加左一份紅糖糍粑，非常值得推薦，外脆內軟，尤其喜歡裹住一層黃豆粉再點上紅糖漿，好好味。

啟德是一個新發展地區，地鐵也現已啟用，位置相當便利。步出站外已有落成的高廈住宅，不遠處的二樓商埸有餐飲區，乘電梯往二樓，見到十三少的名字，有點兒肚餓，在窗口位旁邊卡位坐低，景觀開揚。這個餐廳以重慶酸菜魚為主題。下午時分我地點選了二人餐，先來前菜一小碟土豆絲，帶點微辣幾開胃；而涼拌小食就點了椒麻皮蛋，皮蛋選取松花蛋，蛋白呈黃竭色，晶瑩剔透。之後服務員端上一大盤小辣酸菜魚，已令人垂涎欲滴，首先先品嚐用鮮魚熬製而成的湯底，鮮味無窮，一片片滑溜溜的魚肉，無骨無刺，老幼佳宜進食，配入酸菜、花椒、尖紅椒、姜、薄片、大根、萵荀；酸辣的味道令人倍感開胃，配合白飯變成湯飯，胃口立馬大增；乾煸四季豆，油鍋慢炸摘去老筋的四季豆，可保留水分不過乾，加少許肉碎，尖嘴紅辣椒增添四季豆更清甜脆嫩，相當誘人的下飯菜。食過這頓四川著名的酸菜魚，很有滿足感😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

黎到啟德唔知食咩好，見到呢間個二人套餐幾多野食，有前菜，主菜，小菜，二碗白飯同甜品椒麻皮蛋有少少流心🤤🤤 大細就比平時食開細舊啲，細細舊食落好方便，唔會太辣，開胃前菜之選！十三少酸菜魚份量比想像中多，兩個人照夠食，店員建議飲個湯先，果然好鮮甜！酸辣味道比例合宜，好飲得黎又惹味，魚肉同酸菜都好多，魚肉好滑嫩，而且無骨😋豬手小食試左豬手，炆得好淋，骨膠原好豐富紅糖糍粑口感好煙銀軟滑，唔會太甜，上面灑左豆蔻粉，想食甜就加黑糖，好好味！

今日去啟德工作，lunch 不知道吃什麼的時候，見到有間川菜館，原來是十三少🤭啟德分店環境優美，座位非常寛闊👍🏻椒麻皮蛋麻麻辣辣, 食落好惹味。川式口水雞，口水雞賣相好靚。雞件份量唔少，肉質鮮嫩唔肥，上面加芝麻，底下是青瓜條，好惹味，伴飯一流！十三少水煮魚，看見都已經好辣🙈滿佈乾紅椒和紅色的辣油🙈🙈魚肉有鮮味，寛薯粉好煙靭爽彈，好入味🙊甜品糍粑，黃豆粉灑面，口感煙煙靭靭，沾醬汁更好味😋

今日陪朋友去啟德睇樓, 趁住晚市禁堂食前, 就係附近搵間餐廳醫下肚。鄰近啟德港鐵站開咗間十三少, 主打酸菜魚同埋麻辣嘅餐廳, 太耐冇食過酸菜魚, 正好入去食餐。新開餐廳地方整潔, 裝修時尚, 再加上超大玻璃窗, 視野寬闊, 陽光透入, 感覺舒服。價錢唔貴, 尤其【十三少二人套餐】HK$348自選涼菜、酸菜魚/水煮魚、小菜, 配兩碗白飯涼菜 - 椒麻皮蛋:晶瑩剔透, 金黃色皮蛋外層彈滑, 軟心蛋黃, 沾上辣油凍食, 開胃刺激。小菜 - 口水雞:口水雞肉質偏實, 個汁好似花生醬般杰, 辣得惹味, 面層灑上大量芝麻, 更添香口。大三少酸菜魚:可選唔辣/少辣/大辣, 揀咗少辣, 辣度岩返香港人口味,湯底以鱸魚、鰂魚熬製而成, 味道更有魚香; 鱸魚肉質超嫩滑, 份量多, 而且冇骨, 可以放心整件入口; 湯底中更配有酸菜、青笋片、杏鮑菇片、秀珍菇、野生椒、鮮花椒、干花椒、干辣椒同埋芝麻, 酸辣惹味又開胃。套餐+HK$28 追加甜品-紅糖糍粑即炸糍粑外層鬆脆不油, 熱辣辣, 口感軟糯, 點紅糖食, 清香甜甜地, 正好中和口中嘅辣。

今日到啟德穩朋友，中午到新開十三少食午餐。餐廳寬敞明亮，一排窗戶對外，座位舒適，係傾嘢好地方。餐廳多數係食辣，我哋嗌佐酸菜魚-中辣（辣度自揀）：滿滿一盤，湯底濃郁酸辣香味撲鼻而來，魚肉片大舊且肉質鮮嫩無骨，配以泡菜、萵筍、菇等配菜，口味酸辣可口。酸辣土豆絲：用紅油拌，色澤光亮，微辣爽口。麻婆豆腐：呢道體現佐麻、辣、鮮、嫩、燙。呢幾道菜好開胃，慫飯啱啱好。甜品紅糖糍粑：外脆內糯，口感Q彈軟糯，配上紅糖漿同黃豆粉，幾好食。

啟德商場開咗十三少，終於有酸菜魚食喇午市黎到有午市套餐，好抵食，五十幾蚊就有個餐，但因為太想食酸菜魚，決定叫二人餐二人餐可以揀酸菜魚/水煮魚，可以揀1款小食，1款小菜，仲有埋甜品，二百幾蚊有咁多樣野都幾抵食酸菜魚: 每片魚肉都切得好薄，厚度好平均，魚肉味道好鮮好滑，重點係無骨。而個酸菜湯底好夠味，好酸，少少楜椒的辣味，好開胃，好啱餸飯食涼拌皮蛋: 正常發揮，麻油味同花椒味好出鹵水豬手: 意外地好食，好入味，好香花椒味，唔會死咸磁杷: 炸得好香脆，入面好軟糯

之前食過大角咀店覺得唔錯，可惜已經結業，知道啟德會開十三少一直都好期待，所以一開業即刻同鍾意食酸菜魚既朋友黎食！餐廳空間感都幾大，樓梯高，唔會有壓迫感，坐得幾舒服。2個人直接叫左個2人套餐，唔洗諗咁多而且價錢比散叫抵好多！筷子座用左花生代替，好有趣，最後仲可以食埋粒花生。一坐底侍應就上左一碟炸豆俾我地，食落好香脆，好岩用黎送酒！涼拌土豆絲作為一個前菜，土豆絲分量都幾多，切得好幼好平均，食落酸酸辣辣，好開胃！川式口水雞侍應話係新加係套餐既小菜，所以套餐menu上暫時都未見到。一開頭見到個汁好紅以為一定好辣，但食落又唔算好辣，加埋大量芝麻，好香好惹味！酸菜魚最期待嘅主菜，2人份量一啲都唔少，上菜時店員介紹呢度既湯底係每日用鮮魚熬製，所以建議我哋可以飲咗湯先再食魚，湯底清甜，酸辣味道配合得好好，魚肉好滑，而且啖啖肉無骨，配菜蘿蔔、萵荀同雞髀菇吸收晒湯底既精華，好入味！紅糖糍粑套餐加$28就可以食埋甜品，即叫即炸，食既時候仲係熱辣辣，外脆內軟，食既時候點埋紅糖醬，甜甜地，幾好食！2人套餐份量都多，完全係可以食到飽，而且味道好食，好滿足！