北海道爐端 (已結業)

去完日本返嚟就約左朋友食飯，咁啱要去荔枝角買野就去了D2place揾野食，今次嘅餐廳位於D2 place嘅2期, D2 Two! 由於個場依然比較新淨,同埋人流較少，餐廳嘅佈置好有身處日本嘅感覺.. 全木的傢私，仲有各種不同嘅日本酒😍😍餐廳亦都有提供箱房，鐘意同朋友靜靜一聚的都可以選擇我地見好多人食刺身所以都order左一板海膽&三文魚刺身! 無令我地失望，兩款刺身都非常新鮮，我frd仲話想encore tim! 跟住我地叫左個牛肉鍋，由於果日天氣都幾涼下，一個熱哄哄嘅火鍋正好添暖仲叫左個軟殻蟹手卷&左口魚壽司，食材都新鮮! 荔枝角的餐廳質素都唔錯呀! 期待下次再嚟

今日去左荔枝角想去食日本野，入左黎商場入面既餐廳，講起發現商場入面都幾多不同既手作店，有機會黎開既朋友都可以入黎睇睇。室內環境不錯一開始叫左中拖羅，刺身質素都算不錯，拖羅都好香！之後有華美雞串燒四食，有雞腎，雞皮，雞肉同雞翼，其中雞皮好脆，上面鹽燒都好香！腎味道都好濃，雞肉同雞翼都係多汁既。燒花魚真係要推介一下，雖然佢冇燒到連骨頭都脆晒食得到，但佢入面正正係好juicy好多油好香好岩送酒！份量好大條，值得一試。酒煮大蜆比唔夠鮮味，令個湯都唔係好夠甜。煎餃子比想像中普通，唔夠脆身出面，但入面都多料既。奄鶉蛋32蚊都幾多粒，出面個醬汁幾好，又係一款送酒菜。我本人其實好怕日式雞肉卷同丸，怕佢好鬆散，但呢到燒到佢既汁收乾左，加上雞肉卷入面好實在又有唔少軟骨，味道不錯。最後係飽肚既拉麵，食落辣辣地都幾惹味。我同女朋友分別叫左兩款酒，酒單同其他居酒屋一樣種類繁多，根據自己喜好去揀就好，梅酒方面我覺得黑糖梅酒都不錯，黑糖味都幾出。總結呢到比較清靜，串燒技術好好，好適合黎飲杯野吹下水既場合。

和朋友放工後到 D2 place 取頸鏈，順便在附近吃晚飯，搜尋過附近餐廳後，決定來吃居酒屋，貪佢有梅酒岩晒女仔們飲下酒食下野，荔枝角唔算多人流，所以呢度真係好過出尖沙咀食。鵝肝壽司 $62只有一件壽司真的不夠喉，因為鵝肝煎得可口甘香，點綴少許黑松露醬令味道更有層次。中拖羅 $168有3塊厚切的中拖羅，魚油十分豐富，但唯一不足是有些少筋位。華美雞 4串 $122來自日本的雞腎、雞皮、雞肉和雞翼烤得剛剛好，尤其是雞皮香脆無比，味道堪比在日本屋食過的酒屋雞串，大推! 醬油燒鵪鶉蛋 $32非常神奇的一道菜，明明是平平無奇，但醬油味道和甜味在放入口咬幾口後會出晒來，本身無咩味的蛋黃又變得滋味，令人再想食多粒。煎餃子 $78沾上醋食是最好味的，餃皮帶點脆，內馅主要是肉。鹽燒花魚 $98帶來驚喜的烤魚，不會太乾，魚肉結實鮮嫩，似是燒前已醃製過，連魚皮食好香口。汁燒雞肉棒 $32雞肉加雞軟骨的成品，入口口感幾好。黑糖梅酒$48 可選加冰或soda 水，選了加冰，很濃的黑糖味。

難得今日黎到荔枝角D2 Place，除左睇手作仔，當然要搵正野食下啦～今次就揀左呢間北海道爐端燒啦！！餐廳環境唔錯，有2間獨立房間，如果三五知己食飯就啱哂啦。望一望餐單，見到有多款酒可以選擇，仿如日本居酒屋。豬骨湯豚肉鍋 ($168)－ 雖然鍋細細，但豚肉分量十足，而且軟滑，仲可要求加豬骨湯底，keep 住果味道，值得一讚！網燒安格牛 ($188) - 比一般的更鬆軟，易入口，而且會cut 好先上枱，好貼心！特上壽司set ($192) ＆ 刺身併盤 ($278) － 識食就食海膽！滿足感大增，飯同魚生比例恰到好處，魚生新鮮！

朋友約出來吃飯，今日公司要佢突然OT一陣。 咁就約去佢公司附近商場D2食飯，方便佢一陣收工就可以快速到。 在D2見到有間日本餐廳，門囗掛起一排日本燈籠，入口有日文寫餐牌，好有正宗日本居酒屋風味。 我哋見到餐廳佈置到咁似樣，應該食物也不太差卦。 入到去坐也算舒服，服務也不太差。 但食物就有點失望，日本餐最重要刺生質素非常一般，炸日本生蠔吉列外層炸到有點硬。 原條明太子燒就非常好味，明太子雞翼及芝士意粉也不過不失。

食好西唔一定要油尖旺嘅！朋友喺附近做嘢，話附近有間有heart日本餐廳，就叫我嚟一齊dinner喇！為咗食好西，當然答應喇！D2喺荔枝角站一出，行一陣就到，非常方便！門面都好有日本風格，離遠都見到！重點係有人畫出粉筆畫！好可愛亦好吸引囉！環境都好好，唔會好迫，坐得好舒服㗎！餐具都係襯好嘅！仲要隻隻杯嘅花紋都唔同！今日凍凍地，叫咗個鍋物嚟食！黑豚肉鍋（HKD168）~呢個係標準set嚟嘅！可以自行再加錢追加配料，但其實已經好足料，所以我都無加，啲豚肉好靚！有時掛住傾計淥耐咗都唔會"鞋", 而烏冬都係靚貨，淥幾耐都有煙韌嘅口感 ，抵讚！精選刺身-五種（HKD278）~其實佢仲有個三種set可以選，會平少少HKD178, 但人人都鍾意多啲選擇㗎喇！所以我地叫咗五種的！件件都厚切新鮮，每款有2至4件，份量好足呀！網燒安格斯牛扒（HKD188）~嘩！好淋呀！本身已經係靚牛，仲要燒到牛肉剛剛好熟，帶少少粉紅色！有3款調味料可以自行添加，分別係黑椒汁、炸蒜同檸檬汁！我覺得只係食原味都已經好好食喇！明石燒風雞蛋卷（HKD68）~「明石燒風」應該係指它被淋上一點點湯汁，所以見到佢唔係乾爭爭，口感更為順喉

朋友叫我去這間北海道爐端燒食晚飯，話這間店好有日本居酒屋feel , 黎到之後的確如此，真是介紹得好原來重有私人房，下次訂位時記得要求 😃😃餐牌上的壽司推介，我地點選左三文魚子和火灸鰻魚，的確又新鮮又美味串燒非常惹味，白鱔皮🔥得很香脆，厚切，入口肥美，而燒牛舌令我垂涎三尺🤤，有厚度兼且剛剛熟，好有口感，忍不住食都最後都encore 多一串網燒安格牛也非常好味，份量也不少，牛肉味十足，雖然是薄切，但口感也相當滿足最愛天婦羅是用薄薄的脆漿炸成，入口有少少脆但又食到食物的本身的味道，👆🏻睇下薄脆漿兼大大件，無🉐️彈

預訂左位，提早到左，想當walk in入，提早食，但知道我訂左位，話冇位，要求我要跟預定時間入，但後面慨客人冇book位，walk in俾佢入，問番佢點解佢重話唔係俾佢入，只俾票佢拎籌，但我地一走就見到佢即刻俾佢地入

朋友的琴室就在商場附近，等她放工後一起來這間北海道爐端燒小酌一杯。餐廳的環境也相當別緻，一律以木色為主，簡約、舒服，有置身日本的感覺。玉子蛋燒是朋友點的，我覺得賣相亦不錯，玉子燒得剛剛好，口感嫩滑，微甜的。油甘魚鮫是我點的，外皮烤得金黃，香脆的表面又沒有帶走魚肉的肉汁，每一口肉皆是鮮嫩的，我和朋友連一粒魚肉都不想浪費。至於串燒方面，我們點了大鱔、牛舌、帶子、露荀，每串看起來也燒得金黃。大鱔和牛舌燒得剛好，不會乾身，仍保持嫩的口感，咬一口皮是香脆得聽見「咯咯」聲的。最後一個抹茶心太軟是我們的壓軸，滿滿的、大大粒紅豆，不太甜，如果有流心流出會更好，旁邊有些脆片、雜果乾可以混合吃。我和朋友都頗滿意這頓晚餐，又是二人談心的好地方。

今日午餐去咗荔枝角啲D2 place嘅北海道路端燒食間鋪頭裝修都幾特別同喺日本嘅餐廳可以話大同小異午市套餐大約每份$100左右我同幾個朋友點左兩份鰻魚滑蛋飯同埋炸豬扒當配冷稻亭烏冬佢哋前菜有中華沙律，醃菜，蘿蔔，生菜沙律同埋面豉湯當中中華沙律係最好味嘅其他味道都還可以生菜沙律配一啲酸醋都幾開胃最後飲嗰個面豉湯味道啱啱好，唔會太咸食完前菜，等差不多10分鐘，主菜就上來啦首先要試吓我嘅炸豬扒丼 呢度嘅炸豬扒炸到恰到好處唔會太燶，外皮仲係金黃色豬扒上邊配上滑蛋同豬扒嘅口味都幾夾因為核彈本身有點甜味配上少少鹹嘅炸豬扒咬起上嚟可以同時享受香脆同埋柔軟嘅感覺之後到稻庭烏冬啦 呢度嘅烏冬可以揀熱烏冬或者凍烏冬而我今次就試咗凍烏冬烏冬質地煙銀，食落好有口感配上一個熱嘅炸豬扒丼食落有出乎意料嘅味道另外朋友嘅鰻魚滑蛋飯鰻魚醬汁濃郁 肉質鮮美配上新鮮熱辣嘅滑蛋一啖一口飯三重享受價錢係日本菜來講算係適中午餐時段都可以食到好飽，值得推介！

因為行左幾間都唔知食咩好咁見到裝修ok特別 openrice又comment ok就試下主要係唔想再行但由頭到尾服務態度都係唔好 直頭係感覺差一入門口問有無訂枱 已經黑黑地面跟住話無都照可以入 ok la但係行到入去臨坐低果下先再問個半鐘交枱有無問題都就坐低左啦 算 叫野食全程無望 又唔覆單 落完轉頭行走左野食黎到係唔錯ge 都幾香炸雞熱又脆波子氣水仲買一送一tim跟住本身兩個人坐4人枱ge單邊waitress一行埋黎就話唔該坐返打對面 講完又即轉頭走左宜家唔係去茶餐廳食tea下話？ 有收加一嫁wor要求態度好d可以吧？跟住炸雞有沙律菜伴碟見d炸雞食哂就即話駛唔駛幫你收收我都未答已經拎起左隻碟咁唔知佢手指有無掂到就已經唔想再食啦 ......最緊要以上講唔係同一個waitress 係3個唔同人唔會再去

本來見到有咁多好評，期望好大，結果好一般。我哋叫咗幾串串燒，有雞翼，白鱔，冬菇，牛舌。但係雞翼勁細隻都要$40幾蚊，仲要食到有少少雪味白鱔同牛舌相對好味啲，入味啲。冬菇就好普通啦⋯⋯我地重叫左啲燒物，叫左個燒魚鮫，但係第一啖一食，就發覺佢唔熟重凍凍地，唯有叫佢再燒過。至於其他份量都比較少，樓面侍應唔夠人，真心唔明白點解評分咁高。不過啤酒幾好飲。第一次黎食，非常失望。希望將來會有進步，如果唔係都好難有人食第二次同埋我發覺原來要俾一個評價，係需要寫200字以上先可以比到

今日同朋友去咗荔枝角d2 place 行街，晚餐就去咗北海道爐端燒食，呢度嘅裝修都幾有日本風味，好似去咗日本食野咁啊。呢間餐廳都幾多選擇，要揀一陣先揀到。炸芝士年糕：呢個炸年糕上枱時熱辣辣，一咬落去啲年糕好煙韌，仲有淡淡的芝士味，非常唔錯，食一個就啱啱好，因為有少少油。鹽燒三文魚腩：呢個三文魚腩都好好食，肉質好滑，好香三文魚味，又唔會燒到太老，仲有啲肉汁。明太子雞蛋捲：呢個雞蛋捲都幾有驚喜，佢入邊都幾多明太子，仲有少少沙律醬，食落去真係幾好食，而且個蛋仲好滑添。火炙左口魚，鰻魚壽司，帆立貝壽司：個火炙左口魚壽司入口即溶，正！鰻魚壽司就好香，而且無骨。而個帆立貝真係好新鮮，一啲都唔腥，都幾好味。雞蛋豬骨拉麵：叫咗個拉麵食，都幾多叉燒，啲叉燒幾好味。如果拉麵唔算太淋，正正常常。人均消費大概$250 。

樓下有得直接泊車！正選擇好多！選擇困難！好鍾意佢嘅甲羅燒，好鮮甜！蟹膏同蟹肉比例係perfect池！我最最最愛嘅海膽呀！新鮮，鮮甜！大滿足呀！雖然係細細片，但好甜呢wasabi octopus, 味道係好正！可惜太太太細碟啦！完全唔夠食，見個tea spoon 嗎，真係好少呀！不過都係因為好食先會希望大碟d嘅。海鮮sukiyaki, 海鮮都算強嘅，佢嘅湯底好甜！底食！第一次黎， I will come back again!

有好多好多好多好多國食選擇有刺身，有燒嘅，有sukiyaki, 應有盡有海膽$128一底，超平！自己係出面買都唔止啦！海膽完全冇苦味！新鮮！正呀海膽三文魚籽手拳，食到底都仲有三文魚籽！足料！正呀原條燒明太子！勁香！不過提一提大家！明太子係堅咸！配飯食一流！燒長腳蟹有d失望！好乾燒甲羅燒！蟹肉勁爆多！啖啖肉好滿足炸軟殼蟹！值得一叫，內裹juicy! sukiyaki $188! 底死又飽肚今餐真係大滿足！！