北海道爐端 (已結業)

有一個好朋友搬咗去荔枝角某個屋苑，屋企附近有一間日本菜幾好食，座落於D2place，今日去完朋友屋企打麻雀之後，朋友就帶我地去食嗰間日本菜，順便行下呢個好特別既商場。店內裝修好有日本特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：燒山藥日本山藥即係鮮淮山，好好食，又爽口又有益，每一次餐廳有的話，都會必點燒秋葵好鍾意食秋葵因為好爽口，而且有啲黏黏地嘅感覺，好特別燒豚肉蘆荀卷豚肉平好香好滑，油脂滲入蘆筍，加少少海鹽提升味覺，一流豬骨湯叉燒拉麵豬骨湯底好濃好香，叉燒肥瘦剛好，有口感得黎又好滑，拉麵麵質彈牙，整體不俗蟹籽軟殼蟹手卷軟殼蟹一咬落非常之香脆，仲熱辣辣，又一d都唔腥，加上蟹籽，好有口感，又香口，又鮮味，而食手卷塊紫菜都非常重要，要夠脆，呢個即叫即整既手卷紫菜好脆，呢間餐廳手卷既質素非常高，一定要點餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！

今晚肥妹仔去咗荔枝角嘅一間工廈嗰度行街，行完街就順便喺嗰度同肥爸肥媽食埋嘢返屋企。 見到呢一間叫北海道爐端燒嘅日本餐廳，肥妹仔對佢嘅印像都唔錯，所以決定食呢一間。明太子雞蛋捲  $68肥妹仔我真係好鍾意食蛋捲，再加上有明太子，又點可以唔試下呢？佢嘅蛋捲煎得好嫩滑，食落去好香雞蛋味，再加上鹹香嘅明太子，超級好食。網燒安格牛  $178因為肥爸同肥妹仔都係牛魔王，所以見到有呢一個安格斯牛就 毫不猶豫就叫咗一客嚟食。佢嘅安格斯牛煎到非常嫩滑，大概五成熟，肉質非常嫩滑，而且超香超濃牛肉味，唔使點任何醬汁就咁食已經係一絕。酒煮大蜆帶子  $68肥媽鍾意食海鮮，所以就叫咗呢一個酒煮大蜆畀肥媽食。佢嘅酒味好香，而且仲有好濃嘅昆布味，飲落去非常鮮甜。大蜆帶子肉爽口彈牙，不錯。醬油拉麵 $88另外肥妹仔仲叫咗一個醬油拉麵食，佢嘅醬油湯底好香蒜味同豬軟骨嘅味道，非常香濃，而且拉麵麵質爽口彈牙。另外仲有一隻糖心蛋，有啲紫菜同竹筍，食落去好豐富。鹽燒是日鮮魚頭  $68呢一個都係肥媽鍾意食嘅嘢，佢嘅鮮魚頭燒得非常好食，魚肉肉質非常嫩滑，超香三文魚魚油味。明太子燒魷魚鬚  $58肥妹仔食魷魚鬚就食得多，但係就未

野食係無咩問題..普通野質素但係價錢貴，兩人四百蚊食唔飽..完全無服務，成間野得兩個人乜都係佢地搞哂，坐係到勁耐無人理，又無人寫單..叫完又等勁耐先上菜上完菜食完野叫埋單連收錢都無人收......後悔入左黎

今日約了朋友帶同小朋友，到荔枝角新浦點D2 Place ，那裏有很多特色的店舖，加上很多親子玩意，啱曬大人同小朋友消磨一日。行到肚餓，當然要醫吓肚啦，要啱大人同小朋友口味，就決定食日本野，就在D2 Place二期一樓的「北海道爐端燒」。餐廳門面裝修得令人感到身在日本似的，服務員也很有效率，馬上帶我們入內就坐，內裹佈置得更加日本feel。首先叫了一個「松葉蟹棒海鮮鍋」豬骨湯+烏冬半份配有豆腐、金菇、冬菇、時菜，啱曬大人同小朋友，呢個松葉蟹棒並不是用人工蟹柳，而係用上真的松葉蟹腳，無諗過百多元已可以食到呢個質素，加上鍋內有大鮮蝦、超靚鮮蠔、扇貝，還有日本豆腐、日本魚蛋，湯底有濃濃的豬骨味，食完海鮮後再食菜、金菇、冬菇等配料，吸收曬所有海鮮的精華，再將烏冬加入，烏冬入口滑溜，湯汁掛在烏冬上，回味無窮。另叫了一個「壽司set」有八款壽司，包括有肥厚三文魚、鮮味油甘魚、油香吞拿魚、肥美帆立貝、北寄貝、回甘加拿大海膽、超大牡丹蝦、紋甲魷魚。每件都非常新鮮，高質之選。再加一款小食「炸明太子雞翼」，炸得剛好，皮脆肉汁仍能保留，而去了骨的雞翼內填滿了明太子，明太子加上雞肉的肉汁，相映成趣 。

和朋友在d2 place逛手作品，是香港少有有藝術感覺的地方，逛完後吃飯才回家的我們，選擇了一間日本餐廳。看到這裏的人好像很多人也有吃火鍋，所以應該是餐廳其中一種熱賣吧，看到了有海鮮牛肉雞肉火鍋等，選擇了一個比較特別的，他是用鹿兒島雞肉湯底做成的雞火鍋。 雖然價錢會比其他貴上一點，但是吃下時雞肉味非常濃郁，而且雞湯也很香濃，不是一般的味精湯。 除了雞之外配有大量的大娃娃菜及牛蒡、金菇等，另到整個火鍋非常之豐富。回到開始時我們吃了一個沙律及刺身，由於我們不太喜歡吃刺身，所以只是叫了一個相對地好像很便宜的牡丹蝦壽司，兩件只是88元，非常之抵吃。另外我們看到了一個平常不會見到的水母刺身，所以決定一試，朋友說問會不會中毒，非常有趣可愛。原來水母吃起來不是淋之之的，而是很硬脆口的，有點像雞軟骨，再加上一點酸汁，味道也不錯。沙律我們叫了一個軟殼蟹沙律，來到時看到軟殼蟹挺大，一分為四件只賣78元，而且軟殼蟹不會太淋，內裏亦有很多的蟹汁，兩個人每人兩件份量剛好不會太膩。除此之外我們叫了一個清酒煮蜆，清酒煮蜆的湯底味道不錯有濃濃的蜆味再加上淡淡的清酒，沒有很多的味精，但是奇怪的是除了蜆之外看到一兩隻小的

在d2 place看完電影後和朋友找飯吃，d2place內有不同的小店，有選擇困難症的我好不容易的從很多的店舖中選擇了這間日本餐廳，好在沒有選擇錯誤。這間餐廳好像以燒烤為主，所以我們也選了一兩種的燒烤。油甘魚鮫只要68元便可以吃到，非常之抵吃，油甘魚來到時看到大件，果然又抵又好味。 除此之外我們叫了燒蕃茄仔，蕃茄仔沒什麼燒烤的感覺，下次還是吃一點肉類好了。之後我們才發現原來餐廳有一個燒烤套餐，五串燒烤才賣128，下次來一定要一試。另外貪吃的我選擇了一個芝士炸年糕， 那年糕有少許拉絲的感覺，整個年糕煙煙韌韌，雖然炸年糕很難做得特別出色，但是我就是喜歡吃。另外見到openrice很多人推介這裏的網燒安格斯牛扒，價錢是178不算太貴，來到時看到有很多塊，而且生熟度剛好，雖然牛肉味不算十分之重，但性價比很高。食完很多肉之後，朋友堅持一定需要吃澱粉類物質才可以飽肚。選擇了日式炒麵，日式炒麵會有一些椰菜及豬肉，不太濃味的炒麵配上之前的肉類，很快便完成了一餐。 加起來每人200元也不用便可以這樣的飽肚，這間餐廳非常抵吃，味道又不錯下次一定會再來幫襯。

朋友食過尖沙咀的店覺好食，專登過來接我收工話我公司附近有這餐廳分店就約左吃晚餐，去到煮不少人食飯了。幸好還有位可以舒舒服服吃飯，餐牌選擇都有不少而且價錢比心目中平，我地最後叫熱食主。醬油拉麵，湯底味濃郁而吾油身，麵身夠口感，而且仲有不少配菜和肉，食完都幾飽肚。而這裡裝潢都十分日本風，有不少酒類放係度和黑板寫是日精選食物。唐揚小海蝦是朋友專登叫的，蝦香口吾油身，配上啤酒一流，份量都不少，最後都吃不完。是日鮮魚頭，是最愛的油甘魚頭，香口而且十分多魚肉，滲出魚油帶肉的嫩滑好抵食。而這裡的待應都十分好，好快倒水和講解，加分。最後仲忍吾住叫了隔離桌叫的餃子，脆口足料，啖啖肉有少少豉油食仲好味道。

選址近公司附近既餐廳幫朋友慶祝生日買左個蛋糕去幫朋友慶祝先講個食物方面叫左壽喜燒 竟然等左2個字都唔滾叫服務員幫我地換 佢換完個gas後唔到一分鐘又細火返總共用左5個約幾字先食到壽喜燒都算黎戲肉食完哂 我地叫服務員幫我地拎蛋糕啦佢竟然上左個唔係我地既蛋糕問佢需唔需要同對方傾傾換返俾對方啦佢就覆我地唔洗架啦 話對方都食左啦之後話免收我地切餅費 咁我地都算啦開開心心有個蛋糕咪唔嘈咁多轉個頭有個女仔行入餐廳 用好奇異眼光望我地 先發現原來俾左個個女仔個蛋糕我地 好在我地無切到個蛋糕者 唔係真係做左千古罪人啦而個驚嚇應該令我地成班朋友永遠都記得多謝你地 北海道爐端燒荔枝角分店

茘枝角D2 出口，變身商場小市集，工餘消遣就腳又自在，今日專誠到鴨鴨🐥打卡，行前幾步就係北海道爐端🐙🦑🦐🐡眼見餐廳半開放式嘅廂房都坐滿曬人，小小廂房內四人卡座感覺好溫馨，我們冇訂座當然就坐大廳啦，店員招呼一樣週到啊👍五種刺身厚切大大件，新鮮乾爽，處理得宜已經贏了必點串燒，五種唔同味道，熱辣辣香口惹味，隨手一串，傾吓計特別輕鬆👍名字吸引，味道也獨特，醬油略帶甜味，配料亦多，整體效果不俗🍝壽司包括八款不同刺身🍣，件件新鮮，滋味無窮🐙🦑🐡麵底爽滑彈牙，拌著濃厚嘅湯，連配菜都特別好食，𠽌𠽌聲連湯帶麵，極速秒殺左😆😆😆上層啖啖蟹肉，下層是豐厚的蟹膏，輕輕攪拌、蟹肉鮮甜，蟹膏滑溜甘香，超級享受👍👍👍開心到抵當然要以甜品作結,紅豆大大粒，輭綿綿兼起曬沙，抹茶心太軟流心彈出，餅底鬆軟，surprise😘蜜瓜雪糕清新可口🍧，鮮果配搭色彩迷人，最開心係粉紅雪米糍，大大粒像尋寶般被白滑忌簾包着，仲有脆脆粟米片，咁豐富嘅配搭真係無法抵擋😍😍😍估唔到工業區都有咁全面嘅日式餐廳，無論環境及價錢都令人覺得舒服，下次約朋友傾計聚餐，預早少少book個廂房卡座，一定更加滿意😘

荔枝角站D2出口嘅D2 Place係年青人嘅潮流地，仲有好多價廉物美的食肆提供各式美食，「北海道爐端」便是其中值得推薦的餐廳圓形白色燈籠遠遠就看見，好易搵好有特色，店內裝修擺設都好有日本feel，唔知仲以為去咗日本佢哋定時都會有不同的食物優惠推介，大家千其唔好錯，尤其是他們的壽司🍣Set，＄168已經有多款不同的壽司可享用＄278已經有五款不同的新鮮刺身，食材新鮮日本空運到港，深海拖羅、牡丹蝦、三文魚、北海道帶子和鯛魚極上刺身，冇得頂特別推介「串燒五款」只售128元，已經可以試到五款不同的串燒，唔試絕對係你嘅損失呢個「神奇炒麵」，分量足夠兩個人享用，食落甜甜地，非一般的炒麵，好得意好過癮食日本野又點可以唔食返碗正宗拉麵，呢碗豬骨拉麵好正宗好好味，豚肉不肥不膩，湯底清甜甘香松葉蟹甲羅燒，蟹肉份量多到你唔信，松葉蟹肉的香味，令人齒頰留香甜品我哋揀咗「抹茶心太軟」和「蜜瓜小丸子」，連甜品都精緻過人，絕對冇得彈冇得輸，埋單人均消費都係二百多元，唔怪得呢度全晚都咁旺場啦

Angela: 早排肥雞同朋友去咗荔枝角嘅d2 place行街 見到有間餐廳叫北海道爐端燒咁肥雞又入去試下啦當然而家知道呢一間喺尖沙咀有分店但係荔枝角呢間呢肥雞就未試過 入到去肥雞嗌咗個明太子芝士蛋捲 咁呢個蛋捲呢一送到嚟熱辣辣的明太子醬爆開非常之惹味 再嗌多個豬軟骨拉麵啲豬軟骨熱得都幾有味道拉麵呢就普普通通啦麵質 再嗌多三樣串燒一寸係雞洗一次牛舌一寸係大蔥雞肉嚟跟住去咗牛舌嗰全非常之出色其餘嗰兩次都普通 朋友再嗌多個三文魚刺身 再嗌咗個醬燒八爪魚呢一個肥雞個人覺得就偏鹹雖然八爪魚冇咩未答覆樣子醬汁食羅紀野口長啲孜然粉 之後嗌咗個鮮貝湯唔知係咪佢哋洗得唔係好乾淨嗰啲扇貝入面仲有啲沙食落去呢搞到一啲沙粒影響咗啲口感 再嗌咗明太子沙律呢一個真係不得不讚每一啖沙律都充滿咗明太子嘅香味食落個口索索聲 之後再嗌多個燒魚鮫我諗應該係如下巴嘅位置 呢一個笑得非常之朝香而且肉汁又好多 再嗌多個網燒牛扒一個牛扒食落去呢就普通呀肥仔覺得有少少印之後再嗌多個醬油燒年糕年糕入面有芝士餡咬落去呢暖笠笠有啲芝士味非常之好味 做咩買咗個集八爪魚個八爪魚就冇乜特別那麼多炸粉就是小小淋可能啱啱炸完之後冇索油 再嗌多個

今日同朋友來到這裡行街，原來這裡有不少的餐廳，有間在一樓的日式餐廳而門口寫的價錢不貴就來試試先。入到去裝潢不錯都不少人吃晚餐，今次我地吃刺身壽司為主再叫左少量熱食，沒想到都幾飽肚和抵食。壽司set$168，飯不太大舊但十分有口感又軟熟，有三文魚和油甘魚好鮮甜，北寄貝和帆立貝有口感，紋甲魷魚軟熟夠彈牙，吞拿魚意外勁魚香，牡丹蝦啖啖肉，海膽鮮甜又濃郁，整體成個set十分好味。刺身 三款（吞拿魚，三文魚，油甘魚），鮮甜而口感不錯，每款都有4片，都係$178，而 日本產生牡蠣 $58/隻，口感厚身超濃郁蠔 香，食完仲有蠔味。燒羊架朋友都讚好，羊架厚身以為會好硬，原來一咬十分軟熟，而且醬都十分特別，有點似芝麻醬但配合羊架味道不錯。到串燒叫咗大蔥串和白鱔串，抵食又厚肉，最後再叫多了一串白鱔。

平日Lunch time黎到D2 Place呢間北海道爐端並唔係好多人，所以唔需要等位。最後lunch set我揀左「三文魚及三文魚籽丼飯」（$118）丼飯既整體份量岩岩好，除左主角三文魚同三文魚籽，仲有甜甜既雞蛋絲。丼飯魚生既用料食得出好新鮮，厚切三文魚肥美，味道幾鮮甜，不得不讚下佢既三文魚籽，粒粒晶瑩飽滿，而且份量都好多，食落脆卜卜好甜，一D都唔腥。見到佢餐牌上面除左刺身壽司，仲有好多種類，包括串燒、定食、中華料理等等，都幾吸引。呢間餐廳食身質素高，只係服務員態度麻麻，有D影響心情～

今日同朋友一行4人去左荔枝角D2 place行一行 見到呢間北海道爐端燒就入左去試一試平日關係比較少人 店員好快就帶我地坐低舖面坐位不多 適合2-4人傾下計飲下酒我地一人一個主食加幾款小食先講主食 點了拉麵丼飯和壽喜燒拉麵我地叫左地獄拉麵 雖然叫地獄但感覺不太地獄不算太辣丼飯選擇了三文魚子丼同海鮮丼魚生用料新鮮吃得出與其他主打日本菜的餐廳有分別而壽喜燒則沒有太大分別 不過牛肉很好吃 類似牛頸脊的部分 沒有韌的感覺小食推薦明太子雞蛋卷 熱的雞蛋卷包著明太子不太咸與蛋卷很夾還有招牌酥脆雞塊 像台灣的鹽酥雞但冇咁咸芥辣八爪魚是不錯的開胃小食香酥雞軟骨沒有炸得很油膩明太子魷魚鬚不太咸也不太乾醬油燒鵪鶉蛋適合用來佐酒另外還點了油甘魚同鰻魚壽司 都是好吃的傢伙！不過今次沒有點到串燒 相信用料都會比較特別值得再去

今日咁岩同朋友來到D2 place就梗係要睇吓附近有咩食啦之後上網見到有間有好多唔同種類嘅日式料理 咁就選擇咗呢間首先坐低已經好有居酒屋嘅格調之後我哋叫咗地獄拉麵賣相相當唔錯 而且湯底都幾惹味只係我哋叫咗個牛肉壽喜燒配烏冬個壽喜燒係以火鍋形式上嘅湯底亦都唔錯之後叫咗個燒鵪鶉蛋 配上鹽燒 好好食之後叫咗個三文魚子丼 啲魚子喺口入面一粒粒咁爆 口感好好 而且食得出啲三文魚子係新鮮 一啲都唔腥最後我哋叫咗鰻魚壽司同埋油甘魚壽司都幾好食