北海道爐端 (已結業)

食晚飯，兩個人叫左一個牛肉壽喜鍋$170咁上下啦，無特別唔難食亦唔算好食。追加松葉蟹腳，兩條盛惠$72，同條筷子咁上下粗幼啦。多春魚三條$28，三條一粒春都無，個waitress仲話唔會條條都有春喎。個海膽忌廉炸蟹肉薯餅，熱就好熱嘅，但蟹肉同薯仔嘅存在感極低，咬開入面有最少1/3係空嘅，但個殼都係脆嘅，3粒$72，每粒大約麻將🀄️咁大啦，值唔值就見人見志啦。又唔好剩係彈啦，坐位都ok嘅。但......咁嘅價錢我絕對唔會再去囉

今日約咗個朋友去荔枝角食飯，左揀右揀揀咗呢間望落唔錯嘅日本餐廳，就走咗入去試試。先叫咗個雞泡魚乾，呢個一定冇得輸，夠熱夠香口牛舌，好有牛味，加多幾滴檸檬汁，好正燒日本蕃薯，果然同平時食開嘅唔同，燒完都仲有啲汁，唔會太乾，仲好甜燒三文魚腩，好多魚油 😍 最後叫多個牛肉壽喜燒，有蛋同烏冬跟，正整體味道好，質素高，好有水準嘅一餐日本菜

今日lunch同班同事去左食日本菜，D2 Two唔多人所以好快有位（話說我地係一行9人）一黎到枱上已經準備左沙律同漬物，唔係好酸幾好味。湯等有人父低先拎黎，幾熱唔咸。赤燒一夜干，皮有少少脆，偏喊但要黎送飯幾好味，肉質嫩滑。

每次經過D2 place 二期，都會比依間裝潢非常日式的食店吸引。終於，今晚選擇了在這裡享用晚餐。薑汁豚肉炒野菜 $68非常驚喜，野菜爽口，豬肉味濃郁，食完一口又一口。煙肉芝士奶油意大利面 2人份 $128淡淡芝士味中又混合點忌廉味，偏向日式，少了西式意粉那種油膩感，2人份都足夠4人淺嚐。帆立貝 ，海膽軍艦，三文魚，炙燒左口魚群邊壽司偏細件，味道還可，沒有十分驚喜。汁燒免治雞串 $32鹽燒大蔥雞肉串 $28一客只有一串，沒有很出色，中規中矩松葉蟹棒海鮮鍋 $188這個鍋的海鮮不是重點，重點是這鮮甜湯底帶出野菜鮮味，再加配上的烏冬，熱騰騰的，令人禁不住一口又一口，停不了牛油醬油烤鱈白子 $92有點昂貴，但很想試一次，聞說鱈白子在日本料理上是貴價食材。 入口有一種奶香味，口感很特別，軟軟的，入口溶掉的感覺。還有兩樣食物非常令人回味，可惜沒有拍照。豬骨拉面煮雞蛋 $98鹽燒油甘魚鮫 $82個人認為會再光臨，相近價格，比一間連鎖日式食店出色很多。但有同行人卻認為食物帶有味精。

同朋友過咗嚟D2所以順便一齊食晚飯,見到呢間日本餐廳嘅裝修好有日本風味，所以入嚟試吓明太子卷蛋✨賣相靚，帶有日式卷蛋既招牌香甜同嫩滑，然後裏面包住充滿鹹香嘅明太子！實在太美味了😍左：串燒牛舌，非常鮮嫩多汁又爽口！調味亦非常足夠💕推薦！右：串燒雞皮，第一次食雞皮，原來咁好食，好似薯片咁樣脆卜卜，一啲都唔肥膩！南瓜番薯天婦羅係穩陣好味之選👍🏻日式卡邦尼大蝦意粉呢個真係出奇地咁好味😍忌廉汁非常香濃，裏面仲有煙肉、洋蔥、蒜蓉同埋大蝦，而且意粉好彈牙！回味無窮的一餐😋

星期天晚上，走到荔枝角的D2 place吃晚飯。路過北海道爐端燒，被門前的公仔海報吸引，決定今晚就在這裡用餐了。地方不算很大，但檯興檯次間尚算有距離，保留了一定隱私度。點了4串串燒，分別是冬菇串 - 不會再試，冬菇無味，無咬口，好淋。大蔥雞肉串 - 不會再試，雞肉略乾，蔥面有點燶。豚肉蘆荀燒 - 不會再試，豚肉沒有味道，蘆荀還好。鹽燒華味雞肉串  - 好味，雞肉juicy，鹽令肉味昇華。另外點了芥辣八爪魚 - 味道不過不失，芥辣不夠刺激感。神奇炒麵 - 令人一吃難忘的炒麵，醬汁味道濃郁而不膩，炒麵軟硬度剛剛好，好味！牛肉壽喜燒 + 烏冬 - 絕對絕對失望。牛肉無肉味，湯底無味，配料好，唯一出色的地方是用了皇帝菜，豐富了整道鍋物的味道。

清明節放假，早上行完山，晚上食好野😘雖然我們只有二人，但亦安排坐4人桌，舒服傾偈👍🏻帶子新鮮，海鮮火鍋亦好味侍應亦不時過來幫忙，好helpful 食完更可以逛下D2 place的手作、特色小鋪作散步🚶‍♀️

d2 place開左戲院，睇完戲唔知食咩好，行過樓下，見到有間日本野，食物種類多，又唔太貴，就同一齊去試下喇！餐廳安排左間房比我地，最岩一班人坐低傾下計餐牌種類繁多，好難揀呀！我地生同熟野都有叫🤣🥢炸雞 ［😈😈😈(😈)😈］雞肉好juicy，炸漿好酥脆！正！🥢蟹肉薯餅［😈😈😈(😈)😈］忌廉蟹肉好滑，薯餅外脆內軟，重拾我喺日本食嘅味道！🥢串燒［😈😈(😈)😈😈］我嗌咗大葱雞肉串、牛舌同埋芝士雞肉串，大葱雞肉串同牛舌好食，芝士雞肉串就一般啦～🥢明太子玉子燒［😈😈😈(😈)😈］呢個好好食！玉子燒又香又滑，加埋明太子個味道啱啱好！encore!!🥢天婦羅蝦［😈😈😈(😈)😈］脆漿好酥脆，蝦再大隻啲就好啲喇🥰🥢 雞鍋 ［😈😈(😈)😈😈］呢個有啲清，一般啦～成餐飯整體十分滿意！性價比高！

是日轉工第一日係荔枝角依區返工，本身唔熟依頭，只係去過下D2place知道有幾多野食。咁同事就帶我地黎依間食welcome lunch，我地叫左唔同既lunch set, 不過坦白講選擇就唔係話太多同埋感覺唔係話好日式。拉麵我就麻麻，所以就叫左燒牛肉。黎到個賣相唔錯，食落去d牛係好「林」同醬汁幾好食。不過個set成150蚊，真係唔係好岩日常打工仔平日lunch, 間唔中黎食下就ok既。

呢間係一間食物質素好普通但價錢昂貴，CP值勁低以及服務態度非常之差的日本餐廳，所以我都幾肯定唔會再幫襯呢間餐廳！首先個場明明仲有客（唔計我嗰枱），但係就因為要趕時間收工而倒晒啲茶，到我出聲想再加茶嘅時候，待應只係黑口黑面、態度好差地回應一句「啲茶倒晒啦喎！」，然後轉身走咗去。之後埋嚟收碟嘅時候又問都唔問一句仲要唔要，明明個碟仲有嘢未食完都照收，到我叫住佢話仲有嘅時候仲要黑我面，呢啲係咩態度呀😤😤😤

This is a more popular restaurant in D2 Place.The egg roll tasted really good and smooth.The skewers were nice as well, especially the ox tongue, albeit someone may find it a bit too salty.The cheese spaghetti was creamy but slightly greasy.The dessert was just fair.Overall, the egg roll and skewers surely worthed a try.

這居酒屋經過多次，但都是登門不入，打退堂鼓，今日諗唔到食什麼，就決定一試。食日本菜而沒有綠茶或煎茶提供，這也算是第一間。想怕是居酒屋格局，飲的應該是啤酒吧😂餐牌油笠笠，張檯就黐笠笠，實在太有居酒屋的特色。我跟同事都點選了壽司配冷烏冬定食。沒多久，店員就捧上一餐盤，上面放著沙律、漬物及味噌湯。味道一般，沒有什麼特色。之後便上冷烏冬及壽司拼盤。冷烏冬只是一小碗，並已浸在冷麵汁裡，實在太不講究。壽司同樣沒有驚喜，份量不多，種類也是十分普通的，新鮮情度算是合格。真心講句，這個定食盛惠$128絕對不值，下一次我寧可行遠一點去鮨德，級數實在差太遠了😆

食物一般，刺身一般，拉麵塊叉燒好難食。服務態度惡劣，落單成十分鐘都冇人理，斟杯茶者叫左幾次先有，埋單都要三催四請，d侍應成日住望手機mon,冇下次。俾openrice 食評昆左黎食。

某日同朋友黎到呢間位於荔枝角嘅日本餐廳食晚飯😋餐廳主打食爐端燒，雖然呢間餐廳唔係好出名，估唔到都幾有驚喜wor😗先講飲品，我地order左兩款，一款係乳酸飲品，另一款係蜜桃酒烏龍茶，兩款飲品都充滿果香，非常清甜，蜜桃酒烏龍茶有淡淡酒香，好易入口。食物方面，我地order以下菜式：燒扇貝扇貝肉質鮮嫩，加左牛油同香草燒，非常惹味。明太子玉子燒我個人最鍾意呢道菜因為玉子整得好嫩滑，配上惹味嘅明太子，簡直係perfect match!!海膽刺身海膽刺身都幾新鮮，味道鮮甜，咬落有少少爽口，價錢亦唔算太貴。炸芝士年糕年糕外皮炸得好香脆，芝士同年糕融為一體，食落口感煙煙韌韌，感覺亦唔會好油膩。燒牛舌一啲都唔韌！充滿牛香味，調味鹹淡適中。味噌焗蠔呢道菜因為落左味噌，所以比較濃味。蠔肉鮮甜，都幾有肉地架。蟹腳海鮮鍋物呢個鍋物材料非常豐富，有魚肉、蟹、菌類、蔬菜、豆腐等。蟹腳大大條，肉質結實，鮮甜嫩滑，食得出好新鮮！魚肉亦非常鮮甜，湯底鮮甜，蔬菜🥬同菌類索曬啲湯汁，所以特別好味！呢間餐廳環境幾舒服，食物質素又OK，好適合約埋三五知己黎呢度飲返杯，食下爐端燒喔～

位於荔枝角林立的2樓日式餐廳，地點非常方便。北海道爐端燒，餐廳是以日本裝修為主，可以坐約100人左右，有五間間開的㕔房，每間可以坐上4到6個人。我們選了多款的菜色，包括醬油燒鵪鶉蛋，這款鵪鶉蛋是用特製的醬油燒製。燒茄子，茄子經燒烤後放上堅魚絲，令到茄子有多層的口感。 ，酥炸薯條，薯條經油炸後放上紫菜粉，加上番茄醬，外面非常甘脆。日式飯糰， 日式飯糰我們order了飯內有一梅子，加上有一小片紫菜，令到飯糰的賣相和味道獨特。第二代神奇炒麵，這款炒麵選擇了蘿蔔絲，冬菇絲，當然少不了的是豚肉，加上特別的醬油和日式咖哩炒致十分香口。串燒冬菇，冬菇經串焼後如上堅魚絲，堅魚𢇁經熱力在冬菇面上舞動，十分有趣和好味。日式雞蛋粥，這碗粥真是非一般的雞蛋粥，裡面加了好多材料包括有新鮮的帶子，蝦仁，魚肉和蛋白㷛致軟爛的粥底，非常好味和值得一試。雞蛋捲，當然這款是日本巧手的作品，鳮蛋漿経多層的煎後捲起，經切成6件上枱，和伴有日式酸姜，另到胃口大增。