北海道炉端 悦蔵 (已結業)

平時同c 喺中上環一帶食來食去都係嗰幾間，所以今次決定試新野，是但走左入間唔算太貴嘅日本料理，食個定食。(其實佢有另一個爐端燒嘅餐牌可以幾貴)今晚叫左個牛肉飯定食同一個鰻魚飯定食。啲定食同平時你喺呢種日本餐廳食嘅一樣都有沙律，面豉湯，小食。味道都幾好 (畢竟佢都要百幾蚊個餐)，不過聽到bar 枱後面嘅職員都係講日文，就覺得啲野係地道啲。哈哈。嗰牛肉飯就普通，有少少失望。以前食過一個牛肉飯好濃味，啲飯有好濃嘅肉汁，不過呢間個飯雖然有肉汁，但係味唔夠濃。反而個鰻魚飯個味濃啲。鰻魚都算鮮。個汁就偏甜。 我諗下次值得再黎試埋其他。

星期日難得出到中環睇展覽，當然係中環食個靚飯先走啦。假日既中環，雖然比平日冷清少少，但街上都不失人氣，餐廳選擇更加多不勝數 行下行下，見到尼間北海道炉端 悅藏門口企左個親切既日本人招呼，見時間尚早餐廳都有幾枱客人，就有少少信心入去試下啦被親切侍應帶到上二樓就座，入內環境充滿和式氣氛。由於唔係太肚餓，兩個人只係叫左四樣野。首先黎既係，燒茄子，上面好多跳緊舞既木魚 令美味多汁既茄子更多一份香口！跟住黎既係，三文魚牛油果壽司，一碟有八件，每件既份量仲比出面既大 好味既！然後期待食既雞串燒拼盤出場啦！每串係雞既唔同部位，每串各有特色👍🏼出色既！最後黎既，係豚肉鍋。未試豚肉，淨係試湯底已經覺得好好味！！ 侍應更教我地正宗既食法😊整體成餐飯都好滿意 下次黎中環食日本野一定會返黎！！ 食完之際，發覺成間舖都坐滿了，都聽到唔少係熟客黎！食物質素同服務態度抵佢有咁多回頭客既！

Passed this little shop for several times and finally have a chance to taste it last Friday. Shop is small and the bar table on 1/F is so full. My friend and I were directed to the 2/F; a small space with packed seating; yet, I m fine with it as long as the food is good. We ordered Uni but portion is small and I do not recommended. BBQ chicken wings is nice even I am not a fans of chicken wing; i will re order to next time because its crispy skin and juicy meat. We ordered also an oyster pot wit

進入倒數離開「地獄」階段，私下同傾得埋既同事逐一去食散水飯，其實有少少唔捨得返上環的日子，因為原來行山路係好快行到去中環一帶，半山一帶又多細細間既隱世小店，仲要係幾好食，今次揀左結志街一間唔多覺眼既日本菜食lunch。呢間係小店⋯⋯細到係得bar檯同一條巷仔比你過果種，小店黎計，佢每日都有十幾款定食比你揀，都幾多選擇。老闆係日本人，不過放心，佢個menu有中文，唔怕睇唔明，雖然人家請客，隊長都唔會食左人隻車既，點左個海鮮天婦羅+烏冬定食，同事就點左個炸豬扒定食。每個定食都包味噌湯、蒸蛋、沙律、醬菜，加埋個主菜，其實都幾大份，隊長個天婦羅都幾大舊，以魷魚、蝦為主，雖然係炸野，不過一d都唔油，食完張墊紙無油架！至於個烏冬都唔錯，牛腱肉都煮得好林好入味，食埋件腐皮壽司，真係飽到上心口。同事果個炸豬扒都幾好味，塊豬扒唔會話死死實實，雖然唔係厚切，但同樣地都唔會炸到好油。雖然舖頭細細，出面都有客等緊，但老闆都唔會話食完一碟就收一碟果種趕客行為，食得舒舒服服，同埋坐bar檯望住個廚房煮野食，有種日式家庭式餐廳既感覺，重點係食完我無一身油煙味，抽風做得好！

這餐廳非常有家的感覺。我們是中午過來吃午飯，我們所點的菜都看出他誠懇的製造。用料新鮮，菜式雖然簡單，但做得非常仔細，而且味道一流！我們分別點了咖喱豬扒飯，吉列豬扒，跟一般日式吉列豬扒不相同的是他的豬肉薄身，炸得非常香脆，豬肉新鮮，而且炸得一點也不油膩！咖喱醬內也有豐富的洋蔥蘿蔔，絕不是求其的咖喱醬料！日本人老闆非常有心，會不時看看你有什麼需要！處理菜式的都是日本人相信他們也有對食物的一定要求！上菜還非常快呢！想是一個簡單的家常日本菜，值得推介！晚上是居酒屋，也非常期待來試一試！

If you're craving for jap food for lunch in central, chances are you might end up paying $250 or up for a small portioned meal, and probably need to spend another $50 for tea. Nope! that's not the case at Hokkaido Robata Etsuzo. I spent $110, including service charge, for a decent Eel rice lunch set the lunch set came with a salad, a jap steamed egg, miso soup, a small side dish (scallop edge I think it was), and jap style pickles. out of these, I want to highlight the scallop side dish and the

無無聊聊，在soho兩個人搵食，見這日本餐店多選擇，試了這間的“牛肉蕃茄煱”。雖然餐牌寫明二人前，但牛肉份量很少。湯底很鮮甜，配備很多蔬菜及鮮菌。牛肉其貌不揚， 但用此湯很鮮味。結果追加了一份牛，再加了一份烏冬。另外試了“黑豚烤肉”肉味鮮甜。還有個人偏好的酒：“prosecco”下次再去想試串燒傾偈 慢食 好地方

在中環一邊逛逛一邊覓食，原來想落腳的西餐廳滿了，再多走兩圈，來到了悅藏。我們二人被安排坐在上層，冷氣沒有開，感覺有點焗。樓底很矮，鄰桌的食客稍為大聲點交談便會很嘈雜。* 枝豆 *豆夾烚得很焾，咬下去的口感麻麻。* 厚燒玉子燒 *雖然知道餐牌的圖片不能作準，不過落差也太大了吧！像是來了5片玉子壽司上的玉子，而且有放過入微波爐熱過的樣子。感覺很差。* 五平餅 *與我在日本吃過的分別頗大，可能有地域性吧。飯咬下去較散，沒有黏在一起的感覺。* Zeigodai 鯛魚刺身 *這個魚味偏淡，而且師傅的刀功不算好，片得很散。* 明太子薯仔芝士 *全晚最好的一樣菜。

工作關係嚟到呢度食晏，舖面唔算大，全是吧枱位置，但係枱深好長，坐得好舒服。喺香港式嘅日本餐廳食飯都係好逼好逼，目的無疑要開最多嘅枱，賺最多嘅錢，日本人開嘅日本菜總係貼心啲。而且呢度沿用open kitchen，睇住師傳係到煮嘢食份外有味道。我叫嘅鰻魚定食好吸引，魚身好結實，唔會一夾就散，而且都好肥美，鰻魚油香重；鰻魚汁好香濃，而且份量啱啱好，剛剛好沾喺飯同蛋絲度一齊食，但又唔會浸到啲飯濕晒。茶碗蒸食得出係用上雞湯，非以味精調味，蛋味好濃；其他小菜都好開胃，尤其裙邊沙律好少見，唔會滑珊珊，又唔會似食口香膠。友人叫嘅炭燒六線鯛定食，魚身超級滑，用鹽輕輕吊起魚嘅鮮味，睇住師傳喺廚房慢慢夾住嚟燒，工夫都喺晒度，百幾蚊真係太抵食。如果食得辣嘅朋友不妨點下呢枝毫不起眼嘅辣椒油，用油泡住辣椒以為無咩料到，但輕輕一點成個口都痺曬！真係真功夫！

假日食野時間亂晒， 2點幾3點先揾餐廳食晏，响PMQ無合胃口餐廳， 行下行下落左結志街，全條街變左好多。 路口有幾間餐廳一直無試過，左睇右睇呢間套餐好似不錯，仲有好多客。 入門口是居酒屋感覺，師傅在廚房忙，客人坐吧檯，偷望佢地食咩～ 好似不錯。呢度待應似係菲律賓人，要講英文。師傅就似係日本人～ 都幾特別。安排到樓上， 好日本feel唔知係咪餓傻左，叫左份甜蝦壽司後，點左个生蠔煲。。。餓住等个煲滾熟 望住隔離枱食套餐中。。。後悔點解唔點套餐還好个生蠔好新鮮，配少許辣面豉湯，唔錯，豆腐差左點唔夠滑身。 這條街係就是街市，揾新鮮食材應好易。

今日同同事行過去中環食lunch, 同事想食日本菜, 揀左呢間, 仲驚多人一早book左因為我本身鐘意食烏冬,當然要試下烏冬既水準啦等左一陣就上菜啦😍賣相好吸引, 感覺好豐富, 而且份量都唔細 前菜有沙律, 茶碗蒸, 面豉湯, 小食帶子裙邊同腐皮壽司呢度既茶碗蒸比較杰身, 重蛋味, 但就冇其他餐廳整既咁滑 因為我本身都鐘意食蛋香既食物, 所以呢個茶碗蒸更加啱我胃口😋其他前菜, 小食都係預期之內, 正正常常黎到主食啦 我最期待既烏冬😍😍😍😍但一睇個烏冬, 老實講我有d失望 因為食開烏冬一睇就大概知道個面既質地, 我比較鐘意滑身烏冬, 但呢個近睇就見到佢周圍有發左既面粉, 即係唔係我鐘意食果種烏冬 不過唔緊要, 話唔定會有驚喜呢一咬, ummm... 係冇任何驚喜既, 同我預想中一樣, 有d粉既烏冬😔撇開個烏冬唔講, 佢個牛脻肉係煮得好腍好入味既, 個湯底都相當唔錯, 好濃好清甜既牛肉香味, 而且一d都唔油膩, 好一個清湯牛脻肉烏冬而個海鮮天麩羅就係用左魷魚, 唔算油膩, 炸得好鬆化, 但冇左個天麩羅汁好似差敢d整體黎講係中環呢個貴租地段, 以大概$100既價錢食到一個豐富日式定食, 又有

位於結志街巷仔裹，有間隱世小店 好有日本風貌🌸而食物樣式都同日本既食物差唔多 夠精緻☺️牛肉定食 牛肉偏乾 食到有d韌鍋物 係爆多三文魚 🙌🏻冬天食到咁豐富既三文魚肉 好滿足喔👅三文魚🍣認真麻麻 飯比例佔多 三文魚肉切得太薄 冇咩三文魚既口感 但欣賞材料新鮮 而且青瓜雞蛋切得夠齊👍🏻燒牛舌 小編幾鐘意 皆因佢燒得夠爽口 而且黑椒味重 唔油 加上日本燒汁 十分惹味✨ .

位於結志街角一間共兩層的日本和風小店Lunch Set 選擇種類超多，地下樓層更是一橫桌bar 台能邊吃飯邊看著日藉廚師烹調料理整間小店佈局都很和式，全都用上和風牆紙，好日本風情---------🐶吉列蠔定食($98)每個午餐都有配茶碗蒸、沙律菜、麵豉湯和醃菜好喜歡這裡的茶碗蒸，蛋味濃郁細滑沙律菜都很新鮮說到吉列蠔，這裡做得很不錯，炸漿不會過厚能保能蠔本身的鮮味，仍有蠔汁溢出，原汁原味新鮮炸起，伴著珍珠米吃，超滿足，份量足夠！--------小店經常滿座，記得預約訂座！

I picked out two party selections of tuna and salmon for a total of 286 Hong Kong dollars. After 35 minutes the food panda chap arrived with the attached two tiny tiny portions of sashimi. Classic sushi delivery; invariably a complete rip off but this was outrageous. Sent it back, asked for money back. Hopefully fewer people will fall for this kind of nonsense in future and the pricing and descriptions will be a little more intelligent and waste fewer people's time. I am now having to order from

再嚐悅藏, 大家都覺得失望了, 無論服務或食物質素都不一樣了。好明顯一客人真的比以為多了不少!之前食過一次好好食, 今次再訂台來食, 一行7人! 7人台由拚起3張2人台加1張好簡陋的折台而成, 折台的位是沒有坐背, 坐得非常唔舒服, 食百幾蚊野, 坐位都不如茶記???我地有4位叫左爐端烤牛肉定食$128: 有6片烤牛肉, 牛肉嫩滑, 味道好香, 可惜唔夠熱, 上菜時只是微暖, 影響牛肉的口感!!!沙律菜有點點苦味, 不知是菜的種類問題還是不新鮮; 蒸蛋味道不錯, 但是溫溫的, 不夠熱。湯也沒有上次的鮮。味噌燒豚肉定食$92: 豚肉好香味噌味, 但比較硬, 可能煮得太熟, 而且D 汁已經比飯吸晒, 豚肉比較干身。相比應是牛肉好食D!