北海道炉端 悦蔵 (已結業)

星期日難得出到中環睇展覽，當然係中環食個靚飯先走啦。假日既中環，雖然比平日冷清少少，但街上都不失人氣，餐廳選擇更加多不勝數 行下行下，見到尼間北海道炉端 悅藏門口企左個親切既日本人招呼，見時間尚早餐廳都有幾枱客人，就有少少信心入去試下啦被親切侍應帶到上二樓就座，入內環境充滿和式氣氛。由於唔係太肚餓，兩個人只係叫左四樣野。首先黎既係，燒茄子，上面好多跳緊舞既木魚 令美味多汁既茄子更多一份香口！跟住黎既係，三文魚牛油果壽司，一碟有八件，每件既份量仲比出面既大 好味既！然後期待食既雞串燒拼盤出場啦！每串係雞既唔同部位，每串各有特色👍🏼出色既！最後黎既，係豚肉鍋。未試豚肉，淨係試湯底已經覺得好好味！！ 侍應更教我地正宗既食法😊整體成餐飯都好滿意 下次黎中環食日本野一定會返黎！！ 食完之際，發覺成間舖都坐滿了，都聽到唔少係熟客黎！食物質素同服務態度抵佢有咁多回頭客既！