北京樓 (新都會廣場)

營業中

休息中

今日同屋企人食晚飯，黎到北京樓，環境清靜，服務員都好好，有禮貌！同家人食飯大部分都係上年紀既人，所以中菜岩晒佢地，坐底後就睇睇餐牌！'食送'菜種類都算多！花多眼亂見到有北京填鴨！價錢比出面算平既於是我地就叫左一隻試試佢！事因要等九個字時候先食到，即叫即整！果然新鮮！賣相都不錯！鴨皮脆脆又多汁的，食完一舊又一舊！未停過手推介度糖醋排骨甜甜酸酸，十分開胃！雖然係前菜，但份量都算多，食多幾舊都無所謂！茶樹菇翠苗食完油膩野，來一個清菜！啖啖清香加上茶樹菇，口感非常不錯！而且仲有菜湯，令到菜苗不會乾爭爭！推介度上海炒年糕！味道不過不失，不過沒有驚喜！肉絲粉量都算多，但個汁味道比較淡，可能我食開比較濃味推介度總括而言，北京樓既食物都中上評級，價錢略高但勝在都值得，有機會大家都可以試一試！

朋友請食飯，選舉了北京樓，因想食北京田鴨，同埋之前聽人的食評都不錯。就試一試吧。店內台與台之間好寬闊，坐得舒服，之後點了北京田鴨：有點失望，肉眼睇，皮已經唔脆，似鹵水鴨就甘望落去，雖然食落皮都仲有少少脆，但北京田鴨既皮唔脆已經唔合格。甜酸魚：值得一讚，酸酸甜甜好醒胃，魚炸得好香脆，但肉質仲好滑。揚州炒飯：炒得不錯，飯粒分明，夠味道。高力豆沙：炸得不錯，入面有香蕉同豆沙，好鬆軟炸得整體不錯，係北京田鴨失分。

諗住開開心心一家人食下飯，點知一入門口已經心知不妙，企左係門口五鐘無人理，入到去收銀同佢講四位，佢俾張紙仔我，但我一路行都無人帶，要自己搵枱號。叫野食嘅時候見啲侍應又冇乜嘢，心諗應該都OK啦一路食嘢都冇乜大問題。咁我哋叫咗個雞燉翅，佢話要等一個鐘，咁都正常嘅魚翅都要等啦。等左一個鐘多啲，諗住叫佢上個魚翅，佢竟然同我講已經上咗，我哋全家都來左話冇上過喎，佢即刻入廚房佢問， ，有個經理走出嚟，佢竟然話:煲個魚翅嘅時候個煲列咗，要重新煲過，要再等多六七個字。咁我即刻cancel啦，再叫佢上個拔絲香蕉，當我見到個拔絲香蕉嘅時候，我當堂成個人呆左，點解？因為我從未見過咁嘅樣嘅拔絲香蕉。雖然其他嘅嘢食已經唔好食，諗住有個好食啲嘅甜品，點知最後更加失望。你跟北京樓我永遠都唔會再去食！

自從去完北京後，滿腦子都是京菜官府菜，特別是想吃北京片皮鴨吃北京菜的店有很多，但想到方便就腳泊車就最好找家商場內的，難得北京樓的分店遍佈港九，選了葵芳新都會商場的這家北京樓，晚飯時間七點多要等一會位，只等了大概五分鐘就有位置坐下開茶後急不及待先點一隻鴨兩個人吃不到太多但還是點了前菜小食開開胃海蜇爽口彈牙，配以花生醬和辣椒，相當醒胃片皮鴨一食，刀工不錯，厚度適中，不會太肥膩，配以青瓜京蔥醬汁更是絕妙但略嫌太慢上菜還有價錢偏貴清清的茶解濟消脂🍵滿足的片皮鴨之夜

特登book張枱同屋企人晚上撐枱腳。呢間未裝修之前，食過好幾次。今次係裝修後第一次食。感覺沒什麼分別。仍然都有我最鍾意食嘅鹹酸菜，花生，雲耳，青瓜。真係好好食。當然不是送喇，要計錢的！小蔥蝦仁炒飯由於我地屬飯桶一族，不能沒有飯氣。所以就叫左呢個小蔥蝦仁炒飯。d飯粒炒到一粒粒，完全沒有痴住。飯粒好爽口。但略嫌不太夠鹹。不過屋企人就覺得夠味。乾炸小黃魚呢個小黃魚係今次黎嘅目的。因為屋企好中意食魚。而呢度炸嘅小黃魚，又香口，又酥脆！魚肉又嫩滑。一點油的感覺都沒有。真係好正！翡翠芙蓉三鮮見隔離枱食梗一道菜好像好吸引。問左部長先生，原來係叫翡翠芙蓉三鮮。話有蝦，帶子，西蘭花， 蛋白，胞片。見幾吸引，所以叫黎試下。果然沒有失望，味道不錯。送飯食一流。不過覺得似螺片多過胞片。。。奉送醋。用來點蛋白食，可減低滯的感覺。小龍包黎得梗係要食小龍包！因為係我飛彿！呢度小龍包嘅肉味都算幾濃，包內又有湯汁。不過皮説不上夠薄。但整體還是不錯。我一個人吃了5隻😁。不過小龍包還是要趁熱食。因為有一兩隻，放到凍左先食。包嘅頂部已變得有點韌。但由於我太愛小龍包，所以照食可也😁

補祝朋友仔生日，同佢係葵芳睇完戲搵返間餐廳食晚飯，但因為睇完戲已經接近10:00, 朋友仔又鍾意食中菜所以就來呢間食，入到去好彩未收工，10:30 last order就拿拿聲叫左幾樣野食，朋友仔好細食揀左擔擔麵同小籠包一齊share食，我梗係話唔得啦生日一定要食好d既但佢堅持唔比我再叫，最後經過爭取後就比我叫多一客蜜汁火腿同芒果布丁，食物黎到，小籠包keep住水準多汁juicy, 擔擔麵都好食但今次可能廚師重手左⋯好辣呀，食左兩小碗就投降了，最好食就係個蜜汁火腿連埋塊脆片同夾包一齊食真係好好味呀，最後甜品就一般無咩特別，下次都係要早d食，食到中途成間酒樓得返我地一枱仲食緊，d職員就不停係度清潔執拾地方，攪到我地都唔好意思阻人收工，快快手食完就走勒。朋友仔下次你生日我一定會plan好d時間同行程架。

本來唔係食e間！排緊第2間！屋企人係話去間野啦 唔洗排 煩左陣頂佢地唔住 就入去食啦！ 點知有驚喜！！ 回鍋肉！看似普通！ 食落比一般慨出色！ 香味飄飄 味道濃郁 d椰菜冇炒到淋晒！鍋氣充足！係連鎖餐廳食到d咁高質慨回鍋肉真係好滿足 鍋貼~~就真係麻麻~煎得唔夠香！ 肉涵 味道唔夠 ！又冇肉汁 真在係低於一般連鎖店慨質數！希望改善！ 炸銀綜卷！炸得夠香 ！夠脆 ！內在都鬆軟慨 ！但係浸炸時間唔夠 導致炸慨外層深度唔夠！好快d水氣就令到外層淋左 可以再好D！成餐最好食慨！ 煮得岩岩好 ！d皮冇過硬過淋 ！e下好重要！太淋就會令到d汁淡晒！太硬又會搞到唔係好點到d汁！ 肉涵就一般~真係一般野！講反個抄手汁e個靈魂啦 ！個汁係徵辣！甜中帶點點咸！再加埋d沖同芝麻！撞埋一齊 所產生慨化學反應！完完全全刺激到味覺 ~帶出左同好多連鎖店唔同慨味道！！！本來想比好評 不過比鍋貼拉低晒d分！期待下一次再食！我可以比反個好評佢啦

這頓開年飯我們兩TEAM人大部份人都有出席，約有16個人吧。反正公司給了二千元的美心集團現金劵，我們就好好利用這二千大元，去了葵芳新都會的北京樓吃這開年飯。美心集團的貴價中菜遍佈全港，有數十品牌，幾百家分店，可說是總有一家在附近。這北京樓聽就聽得多，去我也是第一次去。簡單為幾道菜點點評，鍋貼和小籠包等的小吃非常多汁，餡料頗鮮甜有肉香，但無奈地我本身不太喜歡這類食品，我對此毫不感興趣。這道應該是糖醋黃魚之類(實際名稱不記得)，連加一索價約$200大元，本以為份量不少，但到來卻只是一尾小小的黃魚，每人也分不到一塊。味道方面，魚肉酥脆，汁料非常香甜，甜甜酸酸般蠻開胃。醬油炒年糕有點像蠔皇炒年糕的味道，主要應該是用蠔油、生抽調味，老抽上色，不感特別。招牌菜北京填鴨，上菜前店員會先拿原隻鴨給我們看一看，我本以為份量不少，可是卻只是小小的一碟，沒什麼肉吃的。首先，麵片太厚太大塊，吃下去滿口也是麵粉味道，實屬失敗。鴨件本身沒有問題，味道正常，但麵片的sourcing請加以改善吧。

突然的晚餐聚會，難得北京樓還接受訂檯，就訂了6點鐘晚餐；酒樓環境一般，檯與檯的距離很少，空間感不足！ 賽螃蟹，一般清淡的，加醋就會變得好味 麻婆豆腐，好深色，都沒有什麼吸引 咕嚕肉，好乾，好硬 麻香雞，都食到有麻辣的感覺，可能是前菜關係，份量都比較少 紅油炒手，都是辣辣惹味的  上海粗炒，沒特別，沒有評語  遲來的片皮鴨，部長都被趨得沒有耐性，悔悔氣的；  豆沙鍋餅，暫不提味道，見到這個崩了一大片的盤子已夠失望了總的是食物是一般，服務就真的大有改善的空間，可能人手不足，伙計，部長們都沒耐性，不友善了！另外女洗手間就是髒得沒辦法使用，要用商場的洗手間！

為咗食北京填鴨，就諗住揾間出名嘅嚟食，點知都係出事，話等45分鐘後，一隻又老又皺皮嘅鴨出現，片埋啲皮同肉後，更加知道隻鴨有幾老，食第一口後吐都吐唔切，勁羶⋯⋯經過討論後，都係頂唔住…換過隻，由經理親自處理，果然唔同啲，希望以後可以保持水準

平安夜吃晚飯打自由波 沒訂位目標是哪裡不用等位就往哪裡吃大概是因為聖誕是洋人節日 大家傾於吃西餐應節所以北京樓還有着好幾張吉枱坐下來侍應自動放上咸菜一小碟 以小碟來說可算大碟照片中的情況是已經吃掉一半 原本可是堆得漲滿的不過咸菜不是免費給的 所以"大碟"份量也沒有讓人覺得賺到了青瓜 花生 雲耳 酸菜 全部做得不錯四種食材達到爽口的質感 花生則多了一份脆尤其酸菜向來是我的至愛 被我獨自吃光了咸菜帶辣 喜歡吃小辣的我當然能接受但其實不放更好 一來不吃辣的人也能吃二來沒有辣 味道更清新 更加能吃出食材原有的味道我認為清新與原味正好突顯涼拌菜式的精髓無錫灌湯小籠包做不做到無錫我可不知道了 但灌湯是肯定的當小籠包安坐於匙子中 破皮後流出的湯足以把匙子注滿然後熱湯和着皮肉一起灌到口中 滿足感還是有的夾起來的時候皮薄而不穿 當然在粗暴對待下還是會破掉對肉饀的印象不深 依稀記得味道不俗 但說不出有什麼特點皮、肉、湯三者處於中上水準 但還不算上盛之作因為還會寄望湯可以鮮味一些 皮再更加薄滑肉能有更鮮明的味道質感四川宮寶雞丁吃起來挺像雞軟骨這可不是讚美 只是說它的肉乾硬得跟軟骨差不多而且還沒有軟骨的脆呢乾

與多年朋友聚餐，不知不覺大家都有所改變（除了外貌）。好耐都無食過北京樓了，品質比起幾年前有所改進，值得再來。1）京都骨2）手撕雞3）粉絲煲4）健康紅米炒飯加上了合桃，超好吃呢5）豆苗6) 小籠包皮薄多汁7）水煮魚喜歡辣的朋友仔可以一試8）片皮鴨

出外用膳時，我們很少到中菜館。這次破例來到這間菜館。這裡的用膳環境不錯，而且服務員均非常友善。一共點了六個菜式，全都令人留下深刻印象。下次來到葵芳，千萬不要錯過

曾幾何時記得這裡還是潮江春的時候，已經光顧過不下十數次，感覺相當不俗。舊地重遊今次已改了牌頭變成北京樓，發現菜單雖略為修飾了一點，但是食物仍然以京滬菜為骨幹。 素鵝, 3.5/5先點了這款素鵝試試看。一向喜歡任何有腐皮的食物，這款素鵝自然最合心意。中間的餡料還有冬菇和甘筍絲，不錯。 無錫小籠包, 4/5小籠包皮薄而湯汁鮮甜，入口剛好是一口的份量，加上肉質相當鮮嫩，效果比之前的素鵝還要好。 炸醬麵, 3/5麵條爽口彈牙，口感比預期中更佳，但是這款炸醬相信是個人吃過之中最為清淡的一款，輕盈的鹹味和辣味在炸醬麵中極其少見，整體上未能麵條的味道變得更加豐富，這款普通。其實還有點其他一兩款菜式，不過可能初開業的原故，落單有點混亂，等了超過半小時還未到下最後決定一併取消。一貫北京樓的水準，起伏不會太大，但是驚喜也不會太多。