北京樓 (新都會廣場)

昨天晚上 ， 我們四個人 ，六點鐘左右 walk in入去 ， 目測 好多張枱， 因為時間尚早，可惜我們只 被安排坐在 一張細圓枱 ， 呢個size ， 我見到 兩個人 都係坐呢個size嘅枱 。 食食下飯，見到其他比較大嘅圓枱， 都只係坐三人。昨天是星期四，不算人多，尤其是我早來。 我懷疑酒樓 只會留位給 相熟的客人 ，就算你兩個，只要係相熟嘅，就可以坐好大張枱。 我平時返工喺金鐘嗰邊，有食過 嗰邊嘅北京樓。 相比之下， 呢間葵芳 食嘅味道差一啲 ， 只是一般屋邨酒樓level。 例如他的黃金蝦， 濕立立的，不是乾身。 他們的魚也很細， 肯定不會再去食。浪費時間。…查看更多

六點就入去食晚餐，點咗北京填鴨，京蔥爆羊肉，松子黃魚，蘿蔔酥，除咗道填鴨，其他都好快可以食得，味道唔錯，羊肉同黃魚好好味，個北京填鴨差唔錯四十分鐘先有，食咗一半已經好飽，有啲膩，所以最後打包走🤣仲加一個兩蚊銀就帶埋個鴨架走...可以煲冬瓜湯～下次會再嚟飲茶用晚餐嘅…查看更多

一家人今晚選擇到新都會廣場北京樓晚飯，作為某消費獎賞app會員，特意選了某消費獎賞app會員尊享的《北京填鴨 4 人套餐》，七點十分左右我們完成點餐，接下來的情景讓人瞠目結舌。上菜速度快得離譜，比快餐店還迅猛，眨眼間菜就像潮水般湧來。向部長反映後，情況竟毫無改觀，依舊毫無節奏地急著上菜，桌面瞬間被塞得滿滿當當，餐具都擺放不齊，狼藉一片。又不是趕收工，真係好不知所謂。而且各樣菜式味道麻麻，海參花膠海皇羹沒有味道，北京填鴨簡直超級失望，打住北京樓，應該北京填鴨係主打菜，竟然超級‘’鞋‘超級乾，連普通酒樓的基本水準也達不到，只是想同部長反映食物問題，但對方態度惡劣，對美心集團這次是徹底失望了，一家人想開開心心，坐得舒服食餐飯，估唔到差過茶餐廳，一定一定不會再來。…查看更多

同经理讲片皮鸭的问题似牛肉乾。他居然话一片两片冇嘅其他部位都係咁好食。唔知攞咗对什么发筷撩下撩下。其实我愿意都是想他好希望他改变改进。点知換来佢嘅态度佢嘅行为係唔会改啲,食就食唔食就罢就。经历咗这样咁恐怖嘅遭遇,你识问我全家人以后怎么可能會再来这间北京楼啦。还有我已经对全线美心集团嘅食府失去了信心因为他管理上发生好大问题。…查看更多

🍜如果你鐘意北方菜，北京樓一定係一間唔可以錯過嘅餐廳。佢哋嘅每一道菜都充滿地道風味，同時帶有精緻嘅烹調手法，以下係我試過嘅菜式逐一分享。ᑦ꒰ • ༝ • ྀྀི꒱ᐣ凍豔雙拼 🥢 呢道前菜絕對係一個完美嘅開始。酒釀醉雞帶住微微嘅酒香，雞肉滑嫩而入味，令人一試難忘；海蜇頭清脆爽口，咬落仲有輕微彈牙感，兩者配合得啱啱好，令人胃口大開！ 黃金鹹蛋蝦球 🍤 呢道係北京樓嘅招牌菜之一，真心令人食完想再叫多一碟！外皮炸得香脆金黃，蝦肉鮮嫩彈牙，仲有鹹蛋黃嘅濃郁香味包裹住，鹹香而唔膩，啖啖都係享受，停唔到口！ 燒北京填鴨 🦆 北京填鴨真係冇令我失望！鴨皮燒得脆口，鴨肉鮮嫩多汁，每一啖都充滿香氣。配埋甜麵醬、青瓜條同埋京蔥，用薄餅包住一齊食，層次感豐富，好似瞬間去咗北京咁！ 灌湯小籠包 🥟 呢個小籠包做得好出色，皮薄餡多，湯汁豐富而鮮甜，咬落去湯汁即刻喺口腔中爆發，濃郁嘅肉香同湯味完美結合，係點心系列中嘅皇牌選擇，食完仲想再啖。 松子魚 🐟 松子魚外皮炸得金黃香脆，魚肉鮮嫩入味，配埋酸甜醬汁，味道清新而唔膩，仲有松子嘅香氣提升咗整道菜嘅層次感，酸甜嘅味道令人食完之後心情都變好咗！ ᑦ꒰ • ༝ • ྀྀི꒱ᐣ✨ 北京樓嘅每一道菜都做到色香味俱全，無論係經典嘅北京填鴨，定係創新嘅黃金鹹蛋蝦球，都可以睇到廚師嘅用心同功力。呢度係一間可以同朋友或者家人一齊嚟享受正宗北方美食嘅好地方，絕對值得一試！ 👍…查看更多

北京樓算是我的兒時回憶，今次光顧實在有點失望，尤其是片皮鴨。片皮鴨要等90分鐘，冇所謂啦，好嘢梗係要等嘅。當碟片皮鴨到嘅時候確實有啲驚訝，冇show俾我哋睇隻鴨，冇喺我哋面前片皮，碟鴨好細碟(我們叫了一隻鴨)，未食已經睇到乾蒸，食落皮又唔脆，另外白色皮又冇蒸籠熱住。實在令人失望。不過其他餸都算好食，例如鳳尾魚，內軟外脆。蔥油餅多蔥又夠鬆脆。…查看更多

特登和朋友去北京樓食羊肉腸湯麵， 當然同以前嗰種感覺有啲唔同，但始終有返七八成，滿足咗我嘅味蕾 同埋為食。普寧豆腐配特別醬汁都算唔錯 ，不過就當然冇臭豆腐咁濃啦。 下午茶時段我叫咗蝦餃， 計埋加一大約四十幾蚊都算唔錯， 啲蝦夠 彈牙。小籠包就真係有少少驚喜，真係灌湯㗎。 但質素比以前好多年前嘅北京樓就真係冇得比，當時啲灌湯味道同埋肉質都贏而家。 但係 最近都好難食到真係有灌湯㗎喇。三十幾蚊蒜蓉蒸魷魚冇得輸， 叫咗個迷你蠔烙我覺得好好食，因為唔會太濃 啲蠔都好新鮮。灌湯餃雖然算係收得平三十幾蚊，但係 我覺得爭少少又講唔出.....但整體嚟講下午茶都算唔錯㗎喇。…查看更多

葵芳新都會廣場的北京樓，平日午餐時段都要等很久才能夠有枱，今日去到取飛，只需要等一張枱就有得食，真的很不錯，兩個人安排坐4人圓枱，感覺很寬敞舒服，餐具有花朵圖案，很優雅漂亮，茶葉是有茶袋裝好，飲茶時不會飲到茶葉的，茶味香濃，而點心種類多，亦有前菜小炒及套餐可供食客選擇，點心材料新鮮，今日所選擇的蝦餃，白灼秋葵，煎藕餅，叉燒腸和灌湯餃都很滿意，各款點心內裡的餡料非常豐富，蝦肉爽口彈牙，服務員亦很有禮貌。…查看更多

之前喺中環金鐘食北京樓，一向覺得幾高質，今次嚟到葵芳食，服務同整體質素不如理想。👌🏼北京片皮鴨 6:30嚟到叫， 7:30先至到。而且隔籬檯都等咗九個字，證明唔係單獨個案。味道方面都唔錯嘅，鴨肉都有肉味，個皮偏少少肥，唔係整得好脆嗰種，夾埋一齊就幾有油香味。夾包嘅份量都足夠，如果可以熱住，令佢冇咁快凍就更完美。整體來講味道唔錯，但係上菜速度需要改進。😋生菜鴨肉鬆鴨肉鬆炒得幾香口惹味，少少偏鹹，但係可接受。生菜嘅份量都OK，夾埋食清新得來又惹味。👌🏼蟹粉豆苗 豆苗炒得夠香甜冇草青味，不過就蟹粉味唔係特別濃郁。個人覺得就咁清炒豆苗應該已經好好，唔需要特別加錢再加蟹粉。❌😓二蝦鍋塌豆腐 呢個最失望，成碟餸嚟到係室溫唔熱嘅，豆腐仲少少偏凍。竟然咁大間酒樓可以交啲咁嘅質素出嚟。凍嘅蝦凍嘅豆腐撈埋d 醬油味，唔知想點，直頭係唔合格！😋高力豆沙香蕉 $56炸得唔油膩，外皮好乾爽，食落軟腍腍，裏面有豆沙同香蕉餡。個外皮又有少少厚度，軟腍腍得來又有少少彈牙，又有d 食梳乎厘嘅感覺，味道唔錯。環境： ★★★☆☆ 食物： ★★★☆☆ 性價比：★★★☆☆ 推介度： ★★★☆☆ …查看更多

酒樓環境衛生整潔，而且仲有好多位，環境都好寬敞，令人感覺都好舒服，我早上飲茶，最鍾意就係食皮蛋瘦肉粥，再加個蝦腸同埋秋葵，皮蛋瘦肉粥，好多料，啖啖都有瘦肉同皮蛋，呢度嘅點心選擇都有好多，而且仲有小菜叫添。食物質素好有水準，永遠都唔會失望，而且仲要係大集團式經營。服務態度非常之好，又有禮貌，而且仲可以網上排隊取籌。交通方便，附近已經有地鐵站，巴士站，同的士站等等嘅交通工具。。。整體上我非常之滿意，所以推薦俾大家。…查看更多

因為住附近，都會經常嚟食飯，我最欣賞呢度嘅白烚秋葵，同埋佢嘅鍋貼，仲有蠔仔粥等等，仲有北京片皮鴨，點心亦都同樣精彩，金錢肚，我覺得炆得好腍，容易咬口，而且好入味。全部我都好滿意，我都覺得好食，而且大集團經營，有一定嘅水準，有信心嘅保證。。。鍋貼，肉質鮮嫩，咬出嚟嘅時候有湯汁，而蠔仔粥，新鮮嘅蠔仔，非常鮮味可口。交通方便，附近就係地鐵站，而且仲有巴士站，小巴站，同的士站站等等環境方便，裝修整潔乾淨衛生，只係洗手間比較少。服務方面，店員嘅服務都非常之友善，而且好有禮貌。…查看更多

質素極差，鴨是番炸的，$100半隻也不值。其實美心集團的食物品質也是有眼可見，原材料的質素都差，雪藏凍肉，等，性價比愈來愈差。一些小店的出品都比他們好。只管做月餅，飲食本業愈做愈求其。…查看更多

因為方便…. 同貪佢收得夜 所以選址去左 葵芳北京樓吃個便飯營業時間明明寫至晚上10:30 個晚大概8:50左右到～一坐低 餐牌都未打開 接二連三 經理 侍應就走埋泥 問叫唔叫填鴨 有半隻 唔洗等 因為有半隻比人叫左 廚房趕住收工等等😱我感覺 哩反說話聽一次就夠 唔洗輪住泥講 😓好反感之後真係好似趕收工咁 （個陣明明仲有8成枱有客） 被吹落單…. 叫左個二人餐頭盆好快上 之後就….. 差唔多8:40先有主菜 一次泥三碟中間起碼坐左半個鐘系飲茶….大概10:05左右 酒樓啲人開始執野趕收工 話10:15走得🥶 當時仲有兩枱客未食完 隔離枱啲野食仲遲過我上枱經理已經叫佢快啲爬晒枱面啲嘢食 話要收碗收筷子～ 洗碗要收工個客都有問佢 你啲嘢食擺上枱都冇15分鐘 北京樓幾時做咗快餐店？再過多5分鐘…. 經理竟然熄冷氣熄燈🙀🙀🙀我當下係呆咗, 未走禾 仲有客喎～隔籬枱都鬧經理有冇過分咗啲？ 之後先開返少少燈😓😓😓 最後我好無奈咁走左…. 隔籬枱就選擇繼續坐係人都想準時收工，係人都會想早收工，未到收工時間仲有客人你就應該專業而唔係趕客因為大集團所以仲做得住，如果唔係附近冇其他食肆⋯真係唔會選擇幫襯…查看更多

父親節正日，一家去打算去飲下茶新都會廣場唔係好多可飲茶食肆，而北京樓唔洗等位，就入左去試試$18/位茶費，都唔平，不過入得去都預左蝦餃 $47 - 蝦夠大隻，皮薄叉燒包 $40 - 一籠兩個，不過不失咕嚕肉 $118 - 小菜係有一定水準👍🏻煎鍋貼 $72 - 外皮酥脆、肉餡豐富多汁本身諗住北京樓服務都應該唔太差，但入座開茶後好似無人理咁，枱面亦只有大本Menu，唔見點心紙。之後見到上左碟涼菜，問侍應呢碟可否唔要，而佢既態度好一般...餐廳環境都算靜，適合傾偈。但臨離開前去餐廳厠所，無諗過入面環境仲差過商場厠所...😵‍💫…查看更多

星期日母親節一家人去左北京樓食片皮鴨五大四小叫左個六人餐加炒飯宮保蝦球超大隻滋味三小碟肴肉海蜇頭醉雞素魚翅湯好足料蒸龍躉都好滑啱晒小朋友老人家最後主角終於出場期待已久嘅片皮鴨包鴨嘅蒸粉皮好軟熟啲皮脆肉嫩夠Juicy 個個都食到唔停口最後食埋個紅棗糕甜品滿足到不得了媽媽們三位嫲嫲梗係開心啦梗係開心啦🥰🥰…查看更多