北京樓 (新都會廣場)

營業中

休息中

診著未有限聚令，兼當店名物北京片皮鴨仲有特價，於是同屋企人一行四個人去左北京樓食晚飯。。片皮鴨有半價，當然一定要點，另外我地仲叫左脆炸黃花魚，即蒸小龍包，同埋烤羊🍖腿。今次隻鴨有d肥，不過佢有切埋肉，所以都還好，最愛佢鴨個粉皮，係超薄，同軟熟，整體而言，有特價係好抵食。。至於脆炸黃花魚都脆，外脆內軟，口感一流，不過個人會希望炸得再脆d,。另外，小龍包都不過不失，入邊都有好多湯，但皮可以再薄d會更好

係新都會買野送左幾張$50現金卷咁就即管去試下啦叫左個2人餐，提早1個鐘打去order入去拎外賣時，唔知點解要客人自己行過隔離潮庭比錢，比完錢又要再行返去北京樓拎外賣，呢件事完全可以由員工代勞，不過算啦，食物方面真係一試難忘，結論係唔會再食。個雞絲粉皮有薑粒係入面好怪，同平時食既好唔同然後連個粟米羹都可以淡而無味，真係無話可說個醉雞無乜酒味又過甜，肉質極差，唯一個咕嚕肉同炒蝦球係正常，完全唔明白咁既質素都可以，原本想試埋個片皮鴨，依家可以唔駛試喇。

被半價吸引咗嚟 之前都有朋友介紹過北京樓嘅片皮鴨 但一直都帶行動 今次半價就去一試！依到唔係係客人面前片 會少咗嘢睇 刀功都幾好 隻鴨都等咗好耐 食晒其他嘢仲等咗陣先到 半價係絕對值得一食嘅 個麼麼皮好對唔會好”銀”胃 隻鴨唔會太肥 油脂岩岩好 亦都唔會太乾身 好食另外嗌咗小籠包 不過不失有湯汁個皮都正常唔係太厚。個酸菜魚幾好食 冇骨 夠酸 唔太辣。唔記得個蝦叫咩名 淨係記得個粉好厚 但個蝦本身係幾彈牙 個汁都不錯 唯獨個炸粉要改進下⋯除咗片皮鴨做緊半價 晚餐堂食都有折 快趁有折可以嚟試下

公司清大假同媽咪去葵芳嘆茶食點心❤️佢一直話唔想地方太嘈，擇北京樓岩晒佢，環境靜靜地，枱與枱之間夠闊落，坐得好舒服！總共分三個時段，早茶和下午茶的價錢係最平，而我就係11:20～2pm午市時段，限時90分鐘，點心價、茶位、前菜費相比之下會貴少少。兩個人食唔到太多野，叫少少點心就夠😋『蝦米腸粉』腸粉煎過特別香口，但略嫌焦塊偏硬，我同媽咪食時需要吐走焦塊先得『菠蘿叉燒包』賣相一般，麵包幾挺身，表層菠蘿皮脆口，食時依然會黏住麵包唔會跌到散曬，加埋叉燒內餡加倍滿足😋『豉汁鳳爪』份量多，腍身入味，輕輕咬就皮骨分離『山竹牛肉』咬開發現內裡幾多馬蹄粒

2020年6月10日最近網上見到北京樓做緊優惠，不過每一間分店優惠都有所不同。主餐牌低至六折，推廣日期暫時由即日至6月19日。在葵芳新都會廣場分店，星期一至四晚市主餐牌可享六折優惠，而星期五丶六丶日及公眾假期晚市主餐牌可享68折。當晚一行四人，不過等位都等左半個鐘左右。黎到北京樓當然要食北京填鴨，而且仲有半價優惠，非常抵食。另外叫左一份上湯大蝦燴伊麵，有4隻大蝦，爽口彈牙丶好新鮮丶好大隻蝦。韭黃炒鱔糊丶北京醬爆雞丁都唔錯，好入味。全部都大大碟，唔會因為有折而縮水。店員有禮貌，環境舒適。

今日黎到葵芳飲下午茶，冇諗過呢個時候都仲甘多人，新都會兩間茶樓都等位，最後北京樓快d,,未試過北京樓飲茶，出乎地覺得好味﹐特別啲煎炸野，檯與檯而家距離寬左，感覺良好，唯一就係d侍應好快收起啲嘢，好似成日想快啲趕人走咁

個個都話北京樓好食，就連我個外國返嚟嘅朋友都聽過呢個名，所以今日佢約我出嚟飲茶就選擇咗去葵芳嘅北京樓試吓佢係咪真係咁好食，不過我覺得都只係普普通通一般貨色。。。其實呢間野都幾隱蔽，要去新都會廣場上到5樓再穿過空中花園平台先搵到。。唔係好就腳。屬於貴價菜，普普通通整個菜肉水餃都要七八十蚊，相比起其他茶樓兩個大點都唔使呢個價錢。。。點心收費都可以接受，不過主要考慮因素係食物素質。坐低開完茶先就會送上開胃菜，唔使講就梗係收錢㗎啦，$20碟，有啲酸菜青瓜豆卜花生，係就係幾好食，不過夾埋一齊食就唔係好夾...酸菜味濃，青瓜清淡，雖則都係好爽脆，但夾埋一齊食就有種互不相干嘅感覺🧐我都唔係好識形容總之就怪怪地菠蘿叉燒包，送上枱嘅時候都仲熱辣辣㗎，菠蘿皮脆，包都好軟熟，不過味道偏甜。。叉燒餡比例好少，叉燒肉質鞋口而且唔香叉燒味，餡料味道都係偏甜，整體感覺就係得個甜字。反而呢個沙律明蝦角就唔錯嘅，不過我認為可以玩一個器皿去present,呢隻碟明明可以裝到四粒，你就搵個位去放沙律醬，感覺上不太presentable ，話晒都$35啦⋯⋯不過味道唔差嘅，鮮蝦爽甜仲有汁，熱辣辣勁脆口即叫即炸，皮唔會太厚，唔

好聲好氣咁等食填鴨，未食嘅填鴨已經塞爆左了！話說等位，遲來嘅反而編去內面坐，都算啦，拿了張飛，枱都比埋，出一出去搵屋企人，D 女 支客叫住我「喂！小姐你個位呀，你唔要我比人啦」呀姐我離開一分鍾你assume 我唔要？分分鍾食過千落樓你喂我？本小姐條氣唔順，你做乜 marketing 我唔會理，態度唔規舉我會用返錢去一間OK 的食。真正的收返D皮啦你

北京樓是美心集團旗下，但由於經常陪屋企人去食，一早已經食厭左。食物方面: 今次點了片皮鴨(half)/小籠包/黃花魚片皮鴨:皮薄鴨靚，但比較多油，皮既數量OK，去到最後幾塊有機會出現無皮有鴨的情況小籠包:多汁，一上時，汁仍很熱最驚喜既係：黃花魚:無骨既黃花魚塊，加豆腐係下面，一齊食落口，真係好食冬瓜盅：真係有個冬瓜離上湯，唔錯，飲落無咩味精味不過，北京樓D檯排到好逼，而且都幾難book 位 (相比起旁邊既潮庭)，同埋而家2019-07月，好似用HSBC信用卡俾錢就有300蚊coupon for 下次用

前一晚同朋友傾緊食乜好 平時一向冇主見嘅我突然話想食北京填鴨 於是佢就陪我去食前菜超多料 有豆卜 木耳 青瓜 咸菜 花生 辣辣地好好食 邊食邊飲茶邊睇Menu 最後叫左4樣野椒香麻油雞(唔知有冇記錯)見Menu上面有辣椒標誌 而平時又成日都食口水雞 咪諗住試下新野 點知完全唔辣 得少少少少麻嘅感覺 味道Ok嘅但唔係我地諗個樣野小籠包佢個樣已經話左比你知佢係有幾咁皮薄多汁 次次夾小籠包都要小心翼翼 好驚唔小心大力左就會整穿佢 佢呢個皮薄得黎有靭道 輕鬆夾起 佢嘅餡到湯汁冇令人失望 絕對唔係得個樣北京填鴨(半隻)全晚嘅重點!!! 一上台個下覺得半隻原來咁少 唔理啦食左先算 每塊餅皮都有張紙墊住 令佢地唔會痴埋一齊 個皮好軟熟 食到尾凍左都冇變乾變硬 個鴨略嫌皮太少 配料醬汁就正常水準 個醬汁好夠味 啱晒我呢個重口味人士拔絲香蕉個賣相唔係太討好 一夾仲要冇拔絲 到底係憑咩叫拔絲香蕉🤔 唔止賣相 佢嘅味道都唔討好 冇外表冇內涵嘅一個甜品

放假同屋企人去左葵芳行街，順便飲下茶傾下計。呢間茶樓入到去裝修都唔差，環境唔算吵，不過好似無開冷氣咁，商場仲涼過入面。小籠包6隻⭐️⭐️⭐️⭐️我就覺得佢個小籠包好正，皮薄多汁，呢個算係水準比較高😍連我男朋友咁嘴刁都話可以叫多籠。豉汁鳳爪⭐️⭐️正正常常不過不失，不過我舅母就話好好味，唔會太鹹，又蒸得岩岩好，最主要入面既花生夠大隻又多🤔銀魚仔肉餅飯⭐️銀魚太硬身 得四條放左係面頭，肉餅又無咩味咁，飯就唔乾身既😪五個人都係食左$4xx都算抵

公司開會之前，一定會食飽飽後才去開會，今次秘書就選了北京樓，讓我們先吃個豐富午餐。北京樓在香港已經有很多年歴史，最出名的菜是北京填鴨(又名片皮鴨)，所以今次都点了這道菜。 每次上菜之前， 侍應必定把原隻漲卜卜的烤鴨拿到客人面前，給他看看，然後才把鴨一片一片的片出來放在碟上，客人就可以把鴨片放在薄薄的皮上，可以選擇加上醬汁，大蔥，青瓜等包好一齊吃，非常美味。松子魚，也是很多人會点的菜，把魚炸好再加上甜酸汁，非常醒胃。另外小籠包~薄皮內包著很多汁，好味。

食物：松子黄魚：魚肉很干很硬，以$228呢個價錢真係好細條，汁很少。太興做緊$59一條，好食小小。北京填鸭：全部菜黎晒，最後先上，顏色很淡，似未烤夠時間，肉干，好似食緊湯渣。青葱麻香雞：賣相很吸引…………但一夾啲雞，有血水。

父親節爸爸話想要片皮鴨但同時又想食小籠包嗰d咁我同家人就決定喺北京樓慶祝父親節當日叫左：酸辣湯 - 老公係酸辣湯專家，佢話味道普通，不太足料小籠包 - 成晚最好嘅食物，包入面嘅湯仲係熱，值得一讚鍋貼 - 皮太厚，無特別嫩雞煨麵 - 雖則嫩雞煨都係清清地，但未至於會一d味都無吧？賽磅蟹 - 一樣，都係冇味.....回鍋肉 - ok，正常不過不失沙律蝦 - 超貴，上面沙律醬係綠色嘅，食落係芥辣味，但完全食唔到蝦味............當以上嘅野食到8899之際，我地隻片皮鴨都仲未到，催左三次終於黎了，點知....隻鴨色水完住唔靚，食落一d都唔香又係完全冇味，仲有d鞋。而個皮就係凍嘅😭😭😭完全失望嘅一餐

媽媽生日想食中菜所以最後決定咗食呢一間北京樓而且我哋有信用卡優惠所以一致決定去呢間食飯。北京樓當然佢嘅北京片皮鴨，他鴨皮比一般餐廳多啲脂肪，如果你鍾意香口，你會中意，但系我們麻麻地，我怕肥！ 而且佢嘅片皮鴨醬會’傑’身一點!! 我們仲叫左媽媽最愛的松子魚，她話系家好難整，要用好多油，所以岀街食必叫的！ 松子魚份量好少，幾個人食，好像一人一啖就沒了！ 而且菠蘿椰果等的配料得少少，夏天好想食，人人爭住食的，所以感覺不夠！ 小籠湯包 Ok，汁多，肉甜！