勝香園

營業中

休息中

11月14日, 呀菲好想食蕃茄麵, 咁我地特登黎到勝香園, 未黎都知會大排長龍, 好在等咗唔係好耐就有得食~ 雖然我地都係食d例牌野, 不過好似食極唔厭, 所以唔駛睇menu已經可以叫野食~::: 茄牛麵 ::: $19蕃茄照樣十分新鮮, 咬落好多汁, 甜得黎少少酸, 好開胃! 湯底雖然係用麻油丁麵嘅味精粉, 不過又冇搶咗蕃茄嘅鮮味~ 最欣賞佢冇落茄膏, 茄汁等等去人做茄味! 牛肉都好新鮮, 都幾彈牙~ ::: 茄旦牛通粉 ::: $25旦牛配茄味道實在一流! 比普通煎蛋有層次之餘又比茄牛味道豐富! 通粉煮得軟稔不失彈牙口感, 索埋鮮味番茄湯底無得彈~ 正!::: 檸蜜脆脆 ::: $8每黎親我地都會叫黎食~ 蜜糖香甜而又加上d檸檬汁, 酸酸地刺激味蕾~ 另外朱仔包又烘到好脆, 黎到即食熱辣辣~::: 凍華田 ::: $11凍華田就不過不失, 唔夠濃但係好夠凍~凍朱要整得好飲都係好難…雖然又露天, 又要排隊等位, 野食唔叫做平, 但係食得出佢地整作用心, 又保留到香港大排檔風味~ 係我地食過最好食嘅蕃茄麵!

一天與同事在下午來吃lunch, 當時已是點半過後, 但人依然多. 好不容易坐下, 便叫了招牌食物茄牛麵, 也等了好一陣子麵才端上來. 坦白說, 常看這兒的食友大讚茄牛麵如何好吃, 對這碗麵也實在是有一點期待的. 未吃麵, 只來喝一口湯, 的確, 湯是很鮮甜的, 但到吃牛肉時就大大的失望了, 毫不鮮味, 感覺是跟茶記沙嗲牛麵的牛肉沒有分別, 麵質也不特別, 吃完一碗盛惠22元的茄牛麵後, 感覺是不外如是吧了, 雖則湯底是鮮甜, 不過, 本人的老媽也可同樣煮出這樣優質的番茄湯底呀!!!! 可能我已吃慣老媽的優質出品, 故對勝香園的番茄湯底相對來說就覺得無甚特別了, 我只能給予一個OK面, 也應該不會再有下次了, 一碗無甚特別的麵收我22元, 不值呀!!!!!!!

今日行程緊密，又要去聘珍樓拎年糕，又要去睇牙醫 (><)，不過依然要食餐好既! 記得上一次黎勝香園好似已經係year 2 既事，今日就決定黎呢度食啦! 由聘珍樓行上去都要一段頗長既時間，今日又熱，行到我汗流浹背。黎到既時候大概二點，剛剛過左lunch time，即刻有位，yeah! 不過唔好以為過左lunch time就無人排隊，我一坐低幾分鐘後又有條隊出現啦，真係非常受歡迎。見到佢貼住張紙寫住年廿八收爐，直到初九先開呀，所以大家呢兩星期唔好去呀! 如果唔係就撲一場空架啦。一坐低叫左碗茄牛蛋麵，再加杯熱奶茶! 都等左十分鐘到先有得食，熱奶茶茶味香濃，好甘，亦有奶味，唔會太甜，正! 不過今日好熱，早知叫凍野飲啦，哈哈。茄牛蛋麵份量頗大，D麵煮得好好，唔會好淋，煙煙靱靱有咬勁，真係唔錯! 蕃茄好多又係煮到淋淋的，新鮮好味! 湯底酸酸的，非常開胃，我看見很多人也將它的湯一喝而盡呢! 牛肉有肉味，唔會好靱，亦唔會淋到好似落左一大堆梳打粉咁。最正係隻蛋，真係煎得剛剛好，唔會老，個黃一咬落去即刻流出黎，勁香呀~~之後由於唔太飽，叫多個奶油多，但係佢整左奶占麥多俾我，不過都一樣好好食

叫左茄牛面，奶油脆脆，咸檸七，兩人share都夠飽 茄牛面($22) 好多茄，差不多有兩個蕃茄，好鮮，無味精!!!! GOOD!!! 奶油脆脆($8) 好脆好正又底食!!!! 咸檸七 ($12) OK!!! 都唔錯!!! 雪碧係大支裝，兩個人都夠飲 不過大排檔坐得唔夠舒服，如果轉入舖位會更舒適

勝香園的食評多的是，有讚有彈，本來多我一個唔多，但都有d野值得寫下。以前在平日午膳後來，多數都不會滿座。但最近兩次和少奶在下午兩點幾來到，都全場滿座，而且最少有十多人排隊，要等上十多二十分鐘。我和少奶都會問：乜d人唔駛返工咩？定係呢度已經變成第二個蛇竇？話雖如此，我和少奶都幾鍾味呢度的番茄湯底和脆脆，所以都願意等。阿姐真係好忙，食物也要等一段時間，尤其係脆脆，但我地幫襯咁多次，都未試過漏單，一句講晒，有拖無欠，只要你肯等，就唔會失望。這天老婆要茄蛋麵，番茄湯一貫濃郁，難得個麵軟硬適中，不會過淋。我的茄牛通也好味，醃過牛肉仍有咬口。另外叫了一個檸蜜脆脆，水準穩定，包面永遠都是烘得金黃香脆。招呼方面，由於客多伙計少，有時要自己執生。座位安排真係有d亂，排隊既，只要唔係打尖，見度有位就要自動自覺坐埋去。當日見到有兩位後生仔，伙計唔叫佢就呆呆咁企响度，到阿姐佢行過，佢地只識得捉佢話兩位，跟住阿姐咪話囉：「自己搵位坐啦。」坐低左亦唔好諗住有人會得閑自動招呼你，要主動舉手叫人落單，如果唔係，有排你坐呀。不過，咁樣又唔等於無招呼喎。這天我杯奶茶來到時，阿姐會主動提醒我張枱有d斜，要小心放好杯茶。到我

星期六三點幾黎到美輪街，九記同勝香園都排長龍，見九記條龍較短，又未食lunch，先去九記食轉腩河再過黎食茄牛通人手極短缺嘅大牌檔仔，兩三個阿姐serve十幾枱，仲要枱枱都係撘枱，上菜速度比一般大牌檔係慢，但又唔係趕住走，ok啦！1)鮮茄牛肉通-唔知點解我呢碗特別少鮮茄，唔知係咪落單時要叫多茄呢？唔緊要，好食嘅話總有下次嘅！淨飲一啖茄湯，又唔算好濃，有d似屋企煲嘅薯仔蕃茄湯嘅味，連埋d通粉牛肉一齊食先好味！最後d湯都飲哂2)油占多-係厚多士，正！好想食多件，但驚等得耐，下次先啦　！3)檸七- 正常，佢寫明話所有檸檬飲品已預先篤左，但我又唔覺喎！

今日特登出來搵野食～ｌｅｅ　間野成日都聽人介紹．．今次終於有機會．．會一會佢～星期六黎都預左要等位０家啦！但冇諗過咁多人囉！！真係好長龍～但一場來到都要試下既～等左我諗大半個鐘吧！終於有位啦！我叫左個茄牛蛋通＋咸檸七　（因為ｌｅｅ個好多人飲呢）我個ｆｄ叫左個茄牛餐肉麵　＋凍奶茶我地仲叫左個檸蜜脆脆　（唔知有冇記錯名）．．．麻麻地．．個包好食．．我覺得我０個個通粉好好味呀！！嘿嘿～又大碗ｗｏｒ！熱辣辣整出來好美味！！　有機會一定要再試～ｙｕｍｍｙ！

其實是上次來九記才發現原來大名鼎鼎的勝香園就在對面!因自己駕車的習慣是從不記街名,搭車時便變了人肉GPRS!向司機指示轉左轉右,鬧出過很多笑話!這天於午飯與下午茶中間的時間來到,眼見也只剩下一兩個座位!坐下望左望右不用看餐牌也知什麽是招牌!鹹檸七----雖然用的是雪碧不是七喜(常覺得七喜的"氣"是勁D嘅)在杯底的鹹檸檬已經篤到出晒味!味道極濃,快速喝完半支,將餘下的倒進杯內也依然有鹹檸味!牛油檸蜜脆脆----奶油太普通所以試牛油檸蜜,極香脆的麵包(咬下去真是有聲音發出)配上牛油+檸蜜的味道效果真是一絕!蕃茄鮮牛肉蛋通----吃這類特色的湯底通常會選擇配通粉吃,因為喜歡啖淡也有湯的感覺.牛肉嫩滑、荷包蛋煎得邊位脆中間有少量蛋汁,通粉煮得有咬口,湯底有蕃茄甜味不會太酸.簡單的食材用心烹調最容易打動人心.幾位女仕無論多忙也好,態度是總令人有親切的感覺.雖說秋天打後吃大牌檔不會汗流狹背那麼辛苦,但試過這次後就算大熱天時,也不會介意滴著汗來吃!

i thought this restaurant was not so special,because the dish very common.Something i wondered 蓄茄通心粉 the 蕃茄more than noodles...=_=The impressive was 豬仔包 ,this one was so crispy and deliciousThe noodles i can do it in home unless i miss this restaurant =]

又是美好的星期一假期，當然不能浪費，朝早起身就出發周圍行下﹗前日無端端諗起呢間勝香園，都有成兩年幾無食過，搭車去到中環一路行一路問人，終於都俾我搵得番﹗時值12:30pm左右，人客已滿瀉，幸好一個人等位並不難，唔洗五分鐘見有人走就即飛身入座﹗兩張四人枱拍埋竟然可以坐到十個人，真係蔚為奇觀，見到來呢度既食客都應知有呢個安排，大家都無咩怨言，不停大叫待應阿姐快快幫手落單﹗待應姐姐忙得不可開交，叫佢十次九次都聽唔到，也許太多工作要做分不了心，所以佢一行埋黎我地全枱人都絕不放過，一次過落哂所有單﹗佢地又要出餐又要落單又要執枱又要安排食客入座，真係難為了家嫂，勁就勁在佢地雖然忙，不過落單一張都無漏喎，落完單十五分鐘左右我地成枱既食客都有野食喇﹗見到全枱食客都叫檸蜜脆脆，本來我都想食不過又怕食唔哂會浪費，如食家在一家可以share一個呢﹗我要了鮮茄牛肉腸仔麵，麵佢話係出前一丁，不過食落比較幼身，口感較遜，唔似我地平日吃開的一丁麵，如下次再有機會吃的話一定轉回吃通粉﹗成碗麵紅紅的，未吃已可聞到陣陣鮮甜的茄香，先喝一口湯，滿口鮮甜極之開胃醒神，蕃茄味極濃，我愛其天然新鮮的蕃茄味道，不會又加糖又加鹽似的

一月六日(星期三)我病了兩日!今日是第一日番工!吃點比較清淡的東西吧到了勝香園!早一點去但是都很多人等了又等等完位後,等執檯,等落單=.=''足足等了半個小時才落到單由不肚餓.變到餓了我吃了炒蛋牛肉蕃茄通味道好,蕃茄湯依然很濃牛肉很新鮮下次有機會試試他們的蕃茄牛肉麵吧

臨過大海前, 朋友帶我黎食呢間大排檔.如果係值既, 要等要排隊要食風 我都唔覺係問題.但係, 食過之後, 我真係唔明點解仲有咁多人會願意等over 半個鐘去食佢既茄麵.我同男友第一次黎, 見到咁多人等位, d野食緊係好正.等左around 35-40 mins, 有位坐啦! 好期待!雖然等佢地執位都等左1-2個字, 不過如果d 野食好味, 就冇所謂啦!我叫左茄蛋麵, 男友要左餐肉茄蛋麵, 一個fd 就要佢最愛既茄牛麵, 而佢女友就叫左茄腸通.一食, 老實講, 真係有驚不過冇喜.個麵太生, 好難食, 我覺得我自己煮既出前一丁口感更出色. 可能係佢地要一次過煮over 10人既份量, 火侯好難平均到掛...蕃茄可以話都夠新鮮, 但味道真係冇乜特別, 自己係屋企都煮到, 冇難度喎.蛋, 這個ok. 有d蛋汁, 唔錯. 不過好多茶餐都做到.男友個comment同我一樣, 覺得唔值得要"等" 位去食佢d麵.我地都要左個蜜糖脆脆, 我覺得味道口感可以, 但不能話係出色.Final comment 係, 我試過一次就夠.

其實經過勝香園好幾次，因為男朋友最憎等位，所以都無試過，但就成日聽人講蕃茄湯有幾好味。今日下晝天陰陰，又自己一個响中環，不如自己去撞下彩啦，果然一去到就好容易搵到個位，但你坐得低唔代表你可以好快食到野，因為要等機會搵阿姐落單的。之前聽朋友講過要食哩度就要有耐性，咁我就等等等一位阿姐送野食上檯俾人時，即刻order期待已久的茄牛通及檸密脆脆。我見到有其他人不斷大嗌執檯寫野都無人理，其實你越心急佢地就越係唔理你，真係要俾耐性等機會架！ 可能我成日自己想像個茄牛通d湯有幾好味，試完之後同我想像一樣，所以唔係特太驚喜，不過食到咁濃味的蕃茄湯，就真的只此食到，通粉同牛肉好淋，整體都好回味無窮，可以再試。 最最最好味一定係個檸蜜脆脆，我幾飽肚都食晒成個，點解可以炸得咁香脆之餘質感又唔硬呢？個檸蜜甜甜酸酸咁，我諗再食多個都得！由於我坐坑渠邊，係有陣臭臭味傳出，但面對這令食指大動的食物，我唯有叫自己唔好吸呾大啖氣忍一忍。希望我下次仲有機會食多次！

零九年十一月下旬新年的首個食評，由勝香園開始吧！鐵皮屋經歷了不知多少個寒暑，日曬雨淋，寒風無減客人興志，想來的還是要來，蓮姐與另一位姐姐還是老樣子以高效率招呼客人，熟客的口味她們會一一記下，有著街坊人情味。三寶湯米配豬扒蛋，一杯熱鴛鴦。三寶其實是唐芹、蔥及蒝荽的組合，撒在肉湯上令湯底變得清幽起來，味道也多添層次，湯花過心機去煮，帶著肉甜，當然也滲有微量湯包粉的味道，較坊間「丁麵湯包」湯底，來得有誠意很多。嗯，屬於本土的心之味道，是值得支持的，更多人情味、手作仔味道分享＠http://foodxfile.blogspot.com/2009/11/blog-post_26.html

吃完云吞面，去了H&M扫货，然后呢，自然想到去胜香园。两个人share咗：茄牛蛋面我最爱的柠蜜脆脆咸柠七茄牛蛋面，喜欢他的番茄。同埋个汤嘸味精。牛肉和面都是大路货。柠蜜脆脆，自己试过几次都没有他们做的这么味道中和。拿捏不好柠檬的份量。咸柠七，我们都很中意。（其实玻璃瓶的汽水是比胶罐的好喝）难等位。好多游客都不知要排队，直接就站桌边。落单竟然漏掉我的柠蜜脆脆，要后补。