勝利牛丸

營業中

休息中

嚟到元朗咁遠，特登去勝利買一斤牛丸返屋企。冇錯，牛丸係幾彈牙，不過成八十蚊一斤好似貴咗d。一句講晒，都係因為出名。

四年前咁大個第一次去元朗, 同事帶我去食呢度食牛丸河, 十分鍾意食..直到依家, 佢\\\牛丸雖然貴左, 但是我去元朗都會買半斤牛丸, 真是好爽好彈牙好正^^十分鍾意

牛丸好彈牙, 牛腩夠入味,湯底這一家,無人能比美!服務係不足,食物還好味,服務定食物,任君去選擇!

三月八日約下午六時來到，九成滿。首次慕名而來。叫左碗丸腩麵$19加支可樂$7。份量足，但價錢唔算平，尤以元朗區計。唔係咁好食，或者我食唔慣呢個style的牛腩，同坊間的湯底有分別。牛筋炆得腍易入口。牛丸好似樂園出品的更好吃。人手足夠，呀姐nice、快手快腳有笑容。環境光猛，地下有少許污漬但可接受。一般摺檯圓椅。今日有些失望。

同輝舊同學團拜前勿忙的一餐,要牛丸米,牛丸河,凍檸茶.印象中好似有六粒牛丸,幾爽,未至於彈牙.碗粉好少,好多蔥菜.檸茶啲茶好濃.

係大埔食完就同大頭去左元朗食牛丸因為我飽的關係,所以只叫牛丸面個面就普普通通啦牛丸就好好味,不過唔值得特登去食囉

牛丸超彈牙，我唔係住附近，但係每個月都會去起碼三次，未試過一定要去試吓!呢排有新款．．．就係魚蛋～～不過我未試過～～

我呢Ｄ港島人難得黎到玩朗, Bu就帶左我黎試下好出名的勝利牛丸, 其實我果陣都唔想食野, 只想坐低飲杯野, 但Bu又係咁話好食, 於是就入去啦, 入到去, 感覺好普通, 又唔算多人(坐左三份二到啦), 我心諗有幾出名呀？之後叫左兩碗淨牛丸, 食左一粒, Oh my god！好好味！粒牛丸好有肉味, 仲好彈牙tim！飲一口湯, 略咸, 唔知有冇味精, 唔理lu～牛丸好食就得啦^口^

約咗肥妹喺元朗等, 早到咗, 見有時間, 又不自覺走咗入去勝利牛丸.真係好耐都冇嚟勝利食嘢啦, 呢間嘢依舊人山人海, 拿拿淋見有位就坐, 食完快D走, 費事要肥妹等.嘩, 又加咗$2, 我人工個%加幅都冇加咁多呀, 真係...見唔係好肚餓, 就唔食粉, order咗碗淨丸腩食根走湯加腩汁唔該.有4粒牛丸, 食過嘅人都知呢度D牛丸係比較細粒嘅, 一啖一粒真係爽, 每次食都係咁彈牙, 加少少辣油仲正. 仲有好多腩肉同筋, D筋腩真係好入味, D牛筋好淋, 好有牛肉嘅香味, 同埋好有豐富嘅膠質, D汁好濃但又隱約有少少甜味, 很有水準哩!

一向標榜獨沽丸腩兩味的勝利也敵不過五豐行加價之餘要加入魚蛋才夠賣不過我們才不會山長水遠去勝利吃魚蛋還是來碗淨丸腩多筋牛丸小小是彈牙的不過如果真的要比我會選粉嶺群記(2006-03-12食評)或者銅鑼灣潮苑(2007-12-18食評)這兩間的牛丸/圓都比這裡有牛味這兒靠的反倒是那個濃得不得了的千年牛腩湯所以筋腩入了味都不錯牛腩也不會太過淋要是喝下一口湯的話除了顯著的牛香(和味精)外還有一陣澎湃的膠質橫豎不夠牛下次淨吃筋腩可以了

難得入去元朗行下，當然要試下聞名已久既勝利牛丸。有涼茶舖阿姐指點，原來勝利牛丸係元朗都有三間，我地係元朗大馬路行行下，本來想過對面個間，點知行左一陣，唔駛過馬路已經見到一間。入到去差唔多唔駛諗食乜，人人都係食牛腩+牛丸(油麵/米/河)，唔食牛者請勿進入，因為全間舖只有牛肉供應。牛腩味道可以，仲可以再腍d。牛丸果然係特別彈牙，size唔算大，可以一口一粒。試左少少佢既辣椒油，都幾辣架，點下d牛丸都幾正。朋友覺得碗麵太少所以叫個蛋牛治，其實同一般茶餐廳既無分別，不過男仔食一碗麵真係唔多夠，蛋牛治都係填肚之選。

有次晏晝我去哩度食野，好失望服務態度差不特止，叫佢俾杯水個樓面可以話「等陣先啦」...叫左碗牛腩河，D湯好鹹而且份量又唔多...完全唔值$17一碗囉

山長水遠走到元朗，當然要滿足下我呢個牛丸怪啦。朋友仔話我聽元朗有2間出名食牛丸既鋪頭，呢度係其中一間。見呢度單雙併都一樣價錢，所以我地2個都要左丸腩麵。一看，麵是油麵，非常合我心水。試一試個湯，是頗濃既腩汁。再試出名既牛丸，的確很有彈性，但牛味不足。相反我就好欣賞D牛腩，非常入味且軟淋淋。下次都係就咁叫牛腩算。

食完B仔涼粉，搵車搭返出九龍，見徐仔見到間鋪即刻「鼠」入去。望一望，原來係聽唔少既勝利牛丸。難得黎到，仲等咩?入去買返斤牛丸先。返到屋企用莞茜、蔥、冬菜等煮牛丸黎食。牛丸入口後，濃烈既牛味充斥口腔，平時果d化學牛丸絕對不能相提並論。再試一粒，發覺原來都好彈牙，一粒過一粒，非常窩心。家人食過後都覺得好好食。好彩買左一斤，慢慢食!咁好食既牛丸，夫復何求?

勝利牛丸D牛丸都幾好味，肉味夠濃同彈牙，但牛腩就比較靭要咬好耐先食到落肚。價錢係元朗算貴，因一般麵店都$10-$12.- 一碗度，而佢就$17一碗，略為唔抵食咁。