勝利牛丸

營業中

休息中

N年前食過一次，已經冇咩印象喇，亦唔知叫咩好，見入開嚟元朗整野，就上定OPENRICE睇下食評，好多食家都介紹丸腩河。某日星期一嘅晚上嚟，店內竟然冇乜人，我仲以為會好爆場tim，叫咗丸腩河啦，果然係正，唔怪得之差唔多個個入嚟都叫丸腩河/米啦。雖然碗野細細地，不過難得咁出名都仲係賣緊$19一碗~~

終於也來到晚飯前的最後一站，原來在掙扎要去嘉麗園和勝利，最後還是選擇了勝利，原因是前者有太多食物想試了，一次兩碗實在試得不多，而勝利這邊剛好只有兩樣而已。致電給女食友問了食店的位置，便緩慢地步行過來這裡，來作最後的下午茶"小吃"。<<淨牛腩>>的味道比預期中的不一樣，牛腩的部份雖然入味，但是口感上有點韌。反而牛筋做得十分出色，入味之餘口感煙韌而有嚼頭，真的不錯。至於招牌菜<<手打牛丸>>，完全沒令人失望，口感彈牙不特止，咬下去簡直可以用爽來形容那份口感，還有很多的牛肉汁從肉丸中滲出來，鮮味極了。 最來跟食友提起，原來這裡的河粉也相當出名的滑，又有個藉口再次光顧一次了。接著，我們沿著行人路，從元朗步行過去天水圍，來做點運動幫助消化。

元朗好似有好多好食又出名既牛丸...之前食過嘉麗園...我覺得一般, 尚可啦! 咁諗住試下勝利牛丸啦...之前飲食男女寫到佢好勁咁, 咁我滿懷希望同BB去食我地叫左一碗牛丸米 (我本身諗住食麵...點知佢話係油麵, 我真係O 咀...一間咁出名既麵舖竟然得油麵囉! 而家食車仔麵咩!!) 同埋一碗牛腩麵...加碟油菜...碗牛丸米賣相麻麻...唔緊要...咁呢間野以牛丸大王自稱...D丸好味咪得囉! 點知D丸入口好 "鞋" , 好難先吞到, 完全唔覺得佢彈牙, 質感死實! 牛味一般, o係街市買急凍牛丸仲好食過佢! 仲要唔知係咪因為天氣太熱, 佢D牛丸有D酸味! 個湯底就味精開水! 我自己煮仲好食過佢! 跟住到碗牛腩麵, 佢大大隻字寫住係五香牛腩, 但我唔覺有五香味囉, 南乳味就有! BB 食第一舊o個陣都覺得 "嘩! 乜咁濃味既? 唔通太入味?" 但再食多幾舊之後就越來越口渴, D味精超晒標! 個湯底黑到墨汁咁...飲左一兩啖真係頂唔住...再加埋碟超鹹油菜簡直 "攞你命三千!" 求其o係街邊食碗十蚊牛腩麵都好食過佢! 我真係好唔明, 點解D人會覺得佢咁好食, 其實D人係咪因為佢出名先

自己住元朗成日都會食以前返工放左工自己一個都會專登過去食最鐘意就係叫丸腩河加色再加支可樂牛腩夠林,一d都唔痴牙仲有d牛根,,入口即溶,超正呀!!!丸又夠彈牙!!加埋個超濃味湯底而家寫完個食評都好想即刻去食

這兒的牛丸牛腩，雙拼竟然同價，很抵吃。「食送」放滿碗上，加上有牛腩就會有腩汁，令整個粉麵都不會太單調呢！雙拼都有三粒牛丸和多件牛腩牛根，牛丸果真彈牙兼有牛味，清清的幾好食；牛根起膠，極品！牛腩都算淋，幾入味，不過兩次食過既水準都不一，睇彩數吧？環境都幾逼，地下都濕濕地，吃完不宜久留呢。為了那起膠的牛根，當然想來Encore啦。

6月20日，20:00為了滿足口福之欲，經福田口岸坐綠VAN到元朗。本想試好到底，竟已上舖。便趕緊一試了兩次望門輕嘆，無緣一試的牛丸(元朗的老店，都很早關門)。店給約我的感覺是開陽、簡潔，不修飾(自我吹虛)。要了牛丸米：湯底：清而帶淡淡的鮮。牛丸：牛味極濃，口感不算極彈牙。(尖咀德發稍勝)米粉：清爽，不會拖泥帶水)店內的選擇亦極精簡：牛丸、牛腩、牛筋米粉、伊麵但竟仍客似雲來，這便是實力。

男友帶左我黎呢間鋪頭食野佢要左個牛腩河，我就係牛丸米交換食ｄ牛腩汁好入味喔！我本身唔記得叫佢加汁，（唔加既話我覺得有ｄ淡）之後叫佢幫我加返，佢用左個碗仔裝住ｄ腩汁～～正！不過始終唔大碗，食完仍然好想再食，哈！唔夠飽！

我以前中學時期係元朗讀書(1996年),LUNCH都會去勝利.大個左出嚟工作之後,都好幾年(5-7年)無去元朗喇.於是就同老公去元朗行下,就順便去勝利牛丸食下先,尋找想當年既味道.............!!!外表無變,價錢都係加左幾蚊,真係好抵食. 我食丸腩米,要多根少腩,我會加少少醋,最難得個味道依然無變,D湯好濃,D牛丸真係好彈,我至鐘意D牛腩牛根夠哂"淋",再加支樽裝可樂,真係無得頂 好味之餘,仲有回憶味...........!!!

中午無飯開，故下午好肚餓，就走去勝利食牛丸麵。勝利牛丸永遠保持彈牙好味。油麵雖然不能登大雅，但我已當它為貴格的意粉或拉麵了。

1-6-08 (日)之前吃過由朋友送來的勝利牛丸，口感彈牙，的確是招牌貨。由於當日在元朗巳連吃兩餐下午茶，就買了牛丸回家自製牛丸米、牛丸河、牛丸拉麵……，配上唐生菜，很好吃啊。難怪在元朗已有三間分店， “梗有一間係左近”。

與友人飯局臨時改期，放工後難得地很早回到元朗。想起勝利牛丸只開到每晚七點，便與龍一起去了重溫~　話說中學時期，大家都很喜歡吃的勝利牛丸，當時特別欣賞超級彈牙的牛丸，一個星期至少吃一次!後來去的次數越來越少，對上一次幫襯，好像已是年多前了~ 現在一碗麵，價錢已由$14加到$19，可見這年來物價飛漲。　重溫了丸腩米。雖然名字只有丸腩，但其實內容是牛丸、牛腩、牛根並存的：牛丸仍然彈牙得很，不過牛味相對較淡；牛腩肉質較為瘦實，不太討好，還好所佔比例不如棉口香糯的牛筋多。又，舊時覺得動人的腩汁，現在也沒太大感覺了。　始終，吃過太多美食後，再吃勝利牛丸已經不會有任何驚喜或火花。不過對於這種小店，我還是有那麼一份感情分的，何況價錢始終是抵食嘛!

打邊爐，朋友異口同聲的指定動作是「勝利牛丸」，偶不反對，但就順手買了斤幼切的生河粉作單尾的澱粉質食物。對自己而言，首次吃勝利，非被什麼彈牙牛丸吸引，畢竟唔錯的牛丸為數也不少，反而是被湯中那幼滑的河粉所吸引，幫襯了一斤$80的牛丸，靚姐先肯割愛以$6打一斤河粉作打邊爐之用，又話說這個河粉是相熟的老主顧材肯替其做的，出面無得買，靚仔你有口福了。一連幾聲是．．．是．．．是．．．掛出笑面，捧著戰利品離去，將牛丸、河粉倒來鍋中一滾，前者彈性依舊亦有肉味，不錯吃，河粉太幼太嫩滑了，打邊爐不好，還是乖乖放作牛丸河才是黃道。

這 次 到 元 朗 覓 食 ::::: 第 一 目 的 地 便 是 勝 利 牛 丸 !!店 內 人 頭 湧 湧、好 不 容 易 終 於 找 到 座 位,,,,,,,,一 坐 下 便 立 即 下 單 點 了 丸 腩 麵 、 我 爸 則 點 了 丸 腩 米。牛 丸 有 三 粒 、口 感 彈 牙、一 囗 一 粒牛 腩 和 牛 筋 炆 得入 味、夠 腍 。而 且 牛 筋 充 滿 膠 質 。我 爸 很 少 對 食 物 讚 不 絕 口 的 ,,,,,,,,, 他 也 不 停 說 牛 腩 很 香........看 來 他 對 那 碗 丸 腩 米 很 滿 意 喔~不 過 我 則 略 嫌 湯 底 咸 了 點。

2008年3月29日下午4:00 要去屯門搵朋友, 山長水遠由灣仔去到新界, 當然唔好side車錢, 一定要用盡力去搵好o野食, 先去粉嶺行一轉先, 再去元朗◦ 勝利係第一間試食o既鋪頭◦淨牛根$19 –一食就食到酒味, 我本身唔係好鐘意食牛根, 不過都覺得唔錯◦ 新界d 野真係平d, 淨牛根如果響灣仔, 唔收你三字頭呀!淨牛丸$19 –同群記差唔多味, 都幾好食啊!去下一間o羅!

嚟到元朗咁遠，特登去勝利買一斤牛丸返屋企。冇錯，牛丸係幾彈牙，不過成八十蚊一斤好似貴咗d。一句講晒，都係因為出名。