更多
2025-05-02
40 瀏覽
今日終於食咗勝利牛丸嘅三拼河,分別有牛筋、牛腩、牛丸。去之前有上OpenRice做定功課,見到有人教路,記得叫扣底。咁我就叫咗個三拼河扣底,而我老公就叫咗個三拼油麵冇扣底。兩個麵嚟到,明白到點解要扣底,因為個碗真係好細,唔叫扣底真係會冇晒湯,我見隔籬枱食食吓要另外叫俾多碗湯佢。Ok,都係講返碗麵先。個湯好深色,亦冇其他人講到咁淡,但亦都唔會有驚喜。牛丸有三粒,係滑身嗰隻,好味但唔係我鍾意嘅質地;牛筋好腍,味道不過不失;牛腩係嚡口嗰隻質地,冇乜牛味,牛腩就唔係好推介,大家去可以淨係嗌牛筋牛丸就可以。不過食三拼,其實只有一兩舊牛腩。如果去開元朗可以一試,特登入去食就唔需要啦
張貼