勝利小廚 (已結業)

我食過呢度既雞絲湯河、牛腩湯河，仲有香茅豬扒湯河，亦都係不外如是。以一個湯河黎講, 廿幾蚊對我黎講真係貴左少少。先講番個雞絲湯河，好明顯係由海南雞度斬頭斬尾既肉，雞肉冇乜味，好淡!! (完全唔o岩我呢種要食濃味野既人)。牛腩湯河既牛腩，亦只係一般，相比係普通麵舖食牛腩麵既牛腩，可以話遜色。香茅豬扒湯河，我比較滿意，豬扒出奇地厚，分量亦比較多，但略嫌香茅味唔夠濃。至於湯底，我覺得幾好!!順便一提，呢度規舉怪怪，員工也怪怪的。佢地寫明叫餐既話要一齊叫埋餐茶，否則遲左叫就當正價計算，夠奇怪。

出名泰式海南雞飯,套餐連例湯四十蚊.海南雞飯其實不過不失,但係加埋超迫既環境同附送既味精湯,實在大殺風景,不如外賣例牌算.都唔明點解甘多人去,都要排隊架!如要食泰式海南雞飯,我推介九龍城隆姐,正宗,好食又抵食HKD28,要等,但都又唔駛同人搭檯同埋趕住走.

Food not as good as expected. At least not worth that price. We have waited for long before the waitress came and jotted our order. But she went away half way to receive new comers. When we complained, the shop owner scolded at us.

個個話佢d海南雞飯好食，昨天去食過海南雞飯發覺好差。雞一食就知是冰鮮雞又太咸冇鮮味，嗰飯又硬又冇味。失望!

昨晚來食評寫一樣好多人等。十多分鐘到有位，一行七人七餸。要了半隻海南雞--(起骨)雞肉嫩，皮簿唔肥，只是配來的汁不是太好。椒盬鮮尤--好香口又夠熱。西檸軟雞--酸味剛好西蘭花抄牛肉--肉唔多粉，又唔多油，像家庭煮般，good琵琶豆腐--略為散，不過好熱，好香口魚香茄子煲--最熱一樣，全程都熱，味道剛好，不同出面一些店只是咸肉同茄1:1。有多點菜食都好。橙味豬排--幾好食橙味豬排不是我們叫不過我們又唔覺最後食埋。當然阿姐有計錢。但是有點感到給人屈的感覺，因為阿姐自己落單前數了一次我們是六樣食物，但是後來又知我們多了一個菜要我們加番錢，還同我們解釋是計小了我們叫的菜，明顯地她是知出錯唔認。不過食物都ok好食，都會再來，不過留意多一點自己的單就是。每人47元，抵食。

我係睇到Open Rice 食家既食評而慕名幫襯架....九點鐘去到都仲要排隊...短短一條勝利道有幾間食肆...唯獨佢有人等位....犀利呀....果日食左海南雞飯同埋雞絲湯金邊粉...我從來都唔係好食海南雞飯...但係呢度既海南雞飯真係好好食....冇乜骨...差唔多啖啖肉....O岩哂我呢D懶人....而且佢D 香飯唔太油.....一set 連飲品都只係$38....仲有老火湯....我見到檯檯都有order....而果個雞絲湯金邊粉勁多雞絲....食極都仲有...都只係$18.....勁抵食呀....等入座既時候見到有人order 泰式豬脾飯...D 汁好吸引.....下次會去試....

嘩, 估唔到勝利道都會有人排長龍等位食飯,門口個大玻璃窗有好多隻滑滑海南雞"趴"晒係度,好似幾正一個海南雞飯餐四十蚊有找,盒雞油飯好正,唔會話太油,但係又有雞油味,減肥?食完先講啦!!! 附餐有個汁,平日多數都係鼓油汁,但呢度係D酸辣汁,好好味,係THAI式Feel,有d辣架,幾特別!雞就ok啦,幾滑架,但肉地比較少d,皮都唔係話太肥,如果肉多d就正啦!例湯反而令人喜出望外,無味精,好有家庭feel,重有好多渣(雞腳湯,好正)另order一客手撕海南雞湯河,comment都係差唔多啦.平平地, 門口又可以泊車,不過舖頭係大排檔feel,如唔嫌坐得迫迫地都可以一試!!

勝利小廚其實係食泰國o野，所以除o左食雞之外，都可以食下其他o野﹗其中一樣被我發現較好食o既係泰式鳳爪，隻酸辣味很好味，但不足o既係辣o左d，但係如果你同佢講，佢會幫你分開汁上，味覺上會無咁辣的﹗都幾好食……

o的人來呢間勝利小廚通常叫海南雞飯,套餐$38有飲品同湯,地方環境一般,但好多人排隊等食過海南雞飯,因為有時o的雜誌都會有介紹呢間o野,食海南雞飯時,會有一碟仔泰式酸辣汁同豉油,食時張一塊雞肉加小許酸辣汁(唔好點豉油)同一口雞油飯一齊放入口(記得要三樣o野一齊放入口)...嘩...正到暈!慢慢咀嚼,你發現雞油味會慢慢浮出來,同o的酸辣汁有化學反應(怪怪的),但味道又好合得來,加上o的雞肉又軟又滑,食到你歎為觀止,只可惜份量小o左o的,不過海南雞飯真係好正!

著名的海南雞飯並不如想像般好, 雞肉是拆了骨的, 這樣做法其實有問題, 因為根據在下的愚見, 近骨的肉最好吃, 而且在拆骨時, 最好味的肉汁已經流灮, 肉質變成柴皮一般, 再好的雞種, 再好的調味, 也變成白廢o 該店的雞油飯也淡而無味, 伴上的湯也如是, 點雞的汁料說不上特別好味, 三十八元可說是物非所值, 假如要花時間等位, 更是笨上加笨了, 而且座位也很擠迫, 並不舒服, 大家未試過的話, 大可慳返o

係屋企附近,成日都去食~招牌菜係海南雞飯,日日都咁旺場~.仲有紅咖喱都係我既至愛.....服務佢都OK~係有一次太多人,我ORDER外賣,係出面等左半個鍾,佢竟然吾記得,不過佢即時補番比我...人多麻~都係無心之失

我都係睇某雜誌介紹而去試，點知一去到要排隊？仲有成十個人晌門口添，算啦，行一陣再黎啦！轉頭黎到有位，地方簡陋，好啦，開飯喇！叫個出晒名海南雞飯，賣相唔多好，似牒頭飯多d，雞都有8、9舊，但好鬼薄冇乜肉咁，一食時，發覺d雞係熱？？唔同平時海南雞，食落都有雞味，但如果份量多d就唔錯，例湯都唔錯，冇乜味精味。但三十幾蚊唔多抵食囉！都應該唔會再去！

成年前好味好多，依家就大不如前！

月前幫襯過一次，又係睇過某雜誌的介紹，又剛剛經過，所以就試試。其實以三十幾蚊的雞飯來說，呢度算係唔錯，碟頭不少，幾多雞肉又多飯。但如以海南雞飯的標準去衝量就差少少，至少飯不夠油香而雞又浸得未係好滑，好似其他食家話齋似白切雞多D。不過就幾喜歡佢去左骨，淡淡肉的感覺。但呢度的服務就真的係幾差，態度漫不經心，我叫奶茶，竟然俾錯咖啡，仲問我係唔係要換番，結果我問番佢：「你話呢？」

經報章一輪吹捧，呢度成日都好旺場；尤其係週末，往往要排隊等位。但老實講，呢度o既食物水準其實只不過一般~所謂o既馳名海南雞飯，其實似白切雞多過海南雞；冇錯，D雞的確幾滑，個泰式酸辣汁又幾特別，但係雞皮下只得肥膏，冇香味。而且海南雞係去o左骨o既，食落去覺得怪怪地咁。最差係個雞油飯，生米不特止，完全冇雞油香味，差！雖則一個海南雞飯set都係$38，但係嚮呢個坐得唔舒服，冇service同埋唔多整潔o既環境底下，呢個價實在唔算抵食。其他食物係一般茶記水平，不過D炒o野好鬼死油膩。小食反而唔錯，個炸蝦餅幾香，不過一客賣成$35就似乎貴o左D。相中就係海南雞飯。