勝利小廚 (已結業)

之前聽朋友講過呢度0既海南雞飯好食,所以之前行過就入去試下啦~中午時間好多學生食飯,又多人放食晏,成間舖超爆.坐底即刻叫個海南雞飯餐食,38蚊,有個飯同一杯飲品.個雞飯同平時食的有d唔同,係圓形碟中舖滿雞油飯,上面再舖5-6件雞胸肉,旁邊就切好2塊青瓜片.醬汁就係泰式辣汁加老抽汁.先講雞油飯,平時食海南雞飯,個飯都好重要,我覺得隨時重要過個雞,佢呢度0既雞油飯麻麻地,太乾身,雞油味又唔夠重,唔知點解咁都叫出名.海南雞都係一般,唔算特別香口同滑,2片青瓜更加係寒酸到極.個辣汁ok啦,但我都係鐘意傳統0既酸辣蒜頭汁同薑蔥油.佢俾醬油...我更加係唔明...38蚊唔算貴,但講到咁出名我就不敢恭維.

呢度海南雞飯的而且確不錯、但態度超差、當Ｄ食客好似唔係人咁、指来指去、Ｄ伙記個個的樣都好悪,好似見到仇人咁、我地都係想醫肚姐、唔駛黒口黒面的、Ｄ地方又唔好坐、仲要最後個啖飯都未呑、他門的眼神已好似叫你起身、我都覚得他門毎日要「登」起個悪様咁多個鐘、都幾辛苦。

海南雞麻麻, 雞油飯唔夠熱,好乾, 雞was tender but no taste so small for $40?I ordered curry chicken breast, the red curry sauce was ok, at least better than 海南雞.

點解會click入黎真係唔記得左，但係見到我家小鎮的車品品榜上有名，心裏滿是安慰。於是繼續search下，好多好地方都有網上食家投票，但係我o係"頭300間餐廳排名榜"上search"勝利小廚"，竟然榜上無名??!!可知每次去到看見店外的人龍、車龍係幾咁唔開心，但係食到佢的去骨海南嫩雞和油鹽飯，加秘製泰汁和甜豉油，基本上係可以另叫4個"靚仔"，將一味菜分4餐食，即：1.海南雞+白飯2.秘製泰汁+白飯3.甜豉油+白飯，和4.油飯+白飯咁囉。(d人唔投佢票，係咪唔想多左人去攪到等位時要再等多半粒鐘呢)

最近晚行開何文田搵個地方食飯,點知去左這間,入到去坐覺得環境好擠迫,有人問我食咩,我話等陣要睇睇先,但見佢好不奈煩個樣咁行開一便,我點了香茅豬扒飯配例湯,等了成二十分鐘至來,個例湯淡到爆得幾舊冬瓜,香茅豬扒飯得一塊又乾又細的豬扒,飯又小得可憐!我想連一位女人都不足夠,收人成三十蚊都唔駛交埋D 寒貨,我見到隔離枱有對情侶叫了海南雞飯好耐,見到人地遲過佢地叫都未有得食,催了幾次都未有人有反應,點知條伙計同佢講“得嘞, 實有得食架喎!”我心諗有無攪錯,今時今日咁嘅服務態度過!而家同你乞食呀?叫你攞 杯滾水飲吓,眼啤啤咁唔多like,實要叫嘢 飲咩而家!見到有個男人,食了很多餸,問吓 佢哋有無tissue,點知伙計同佢講”要一包定一卷呀?”激到個男人彈吓彈吓,俾佢吹到啤一坪聲明!我喺 呢度請各位網友,會員千祈咪幫襯呢間垃圾,免得攬到一吐火!

去過食幾次, 發覺佢既海南雞好似無以前咁正, 肉好薄身, 又唔係太滑, 好似尖東好時個d好味d.......不過佢同好時有d唔同, 勝利個sauce係thai式, 好時係傳統singapore式上次讚過佢d香芧豬夠香芧, 今次order椒鹽豬扒($35跟白飯&飲品) 好鬼surprise, 因為好火喉, 豬扒上面跟有好多乾蔥同花椒, 食落好香辣下,豬扒食厚又無骨啖啖肉, very good, 不過食唔到辣千祈唔好試海南雞麻麻......雞油飯好似唔夠熱同埋好乾身, 小炒反而更好喎!!!!!

2005年1月15日當曰一行三人，點了半隻海南雞($70)紅咖喱牛肉套餐($32凍飲加$2)蒜蓉豆苗($28)一碗油飯($6)。海南雞可選起骨或連骨，當日點了起骨，嚴格來說只是白切雞而不是海南雞，雞雖滑，但很肥。紅咖喱飯，尚算中上貨色。炒豆苗，以此間類似茶餐廳的食店來說，份量實在太少，最離譜是那碗$6的油飯，份量不但少，既然叫做油飯中間竟然混合了白飯(掩人耳目)。還有一樣更令人費解，套餐飯品要在落單時叫埋，如之後叫要收正價，服務態度不見得很好﹏﹏座位太窄，真不明白那麼多人貼錢買難受包括我自己？

以前都幾好味,整整吓 唔好食囉,d雞又硬,嗰 度又唔衛生,我不會再去了!

當年(約2002年)飲食男女介紹之後, 呢度就勁爆! 連非典時期都一樣.呢度以海南雞飯馳名, 而我本身好鍾意食海南雞飯, 加上我住嚮附近, 所以成日黎呢度, 而我次次都係食海南雞飯. 其實以香港的水準來說(當然不能和新加坡相比),已經算係唔錯, 但唔算係香港最好.因我次次都係食海南雞飯, 所以我未試過其他小菜, 但我見D小菜賣相都錯, 應該都好食.

之前去過一次, 成九點都仲有十幾人響門口排隊, 所以放棄左, 但令我更加想試.今次十點幾先去, 終於唔駛等位. 海南雞飯係必試架喇, 另外仲叫左個紅咖哩牛肉飯同金銀蛋油麥菜.我同另外兩位友人都唔覺個海南雞飯有乜特別, 雞無味, 唔算滑; 飯係有少少蒜香, 但佢係乾身果種, 似炒飯, 無乜油水; 兩種點雞既醬料亦唔突出.紅咖哩牛肉飯色水好靚, 但唔香. 金銀蛋油麥菜好多肉碎, 比較油膩.如果咁岩去開果頭, 我覺得三十幾蚊一餐都算抵食既, 不過就絕對唔值得專登去試了.

26/8下午食完雅閣,就來買外賣海南雞飯$38海南雞-好細件好碎好少得好幾件,味道都唔錯,但我覺得都係好時果d正好多(夠大件夠滑夠多件,抵)飯-好味好香正中湯-ok啦但果包醬汁係酸酸地,我就覺得怪怪地,唔點仲好,服務都唔差,都有講多謝.

這家食店根本一無是處,食物不萛好,坐得不舒服,價錢不平,服務欠佳,無端端要排隊等位,到頭來得個嬲字, 人們為甚麼要貼錢買難受?

我係勝利道街坊, 呢間野由佢未賣海南雞飯以經幫襯, 老實講佢的海南雞飯算ok, 從前晚飯小菜套餐亦不錯, 香茅豬扒飯亦好食, 不過態度俞來俞差, 經傳媒報導後更甚, 我以好久無幫襯,最近行過見到好似換哂人, 就買個外賣試下, 當時店外無人, 佢就叫我埋邊等, 跟住有客入來, 佢就好大聲話, 個女人做物架!!! 等外賣出去!!! 有個女人買了半隻雞, 問佢要多些汁, 個伙計叫佢買一支, 個女人攞左袋外賣, 係門口講電話, 個伙計發覺包多左盒飯, 就沖出門口一手搶回個袋話你無飯架! 個女人話以為有飯跟, 個伙計講粗口你就梗係想啦, 跟住就好粗魯咁將個女人盒飯比了我。呢間野只是賣好普通的無骨白烚雞加油飯, 又不是什麼特別東西, 價錢亦不便宜, 跟本不值得是門口大排長龍...

今日經過勝利小廚，就試一試佢地既海南雞飯，油飯好味，可惜雞比較淡，可能是雪藏雞的原故吧! 但也值得一試

每次幫襯勝利小廚都係佢個海南雞飯, 係勝利道o黎講都係一個幾好既選擇!! 其實都算係佢鎮店之寶o黎既, 但價錢都唔係好抵喎....我食過咁多海南雞飯中, 佢唔係最正既一間, 不過係貪佢就腳同足料, 去埋骨o岩晒我, 盒飯又夠大盒, 兩個人share 都得, 係外賣首選呢!!好鍾意佢個酸辣汁點雞, 送飯真係一流, 買外賣時記得話要雞胸肉, 如果唔係實會斬d 雞翼過你!最唔好就係d 伙記個樣太兇, 好似唔憂無得做咁, 想講多句O野都唔敢, 冇以前咁殷勤, 唔知係咪換過老闆黎呢??如果唔係想食海南雞飯就唔駛一定要去呢度o勒, 其他粉麵只係一般!! 如果真係想食到經濟又好食的海南雞飯, 我建議試下尖東好時中心一樓間"好時沙嗲", 呢度既海南雞飯真係好得, 試下啦: P