勝利小廚 (已結業)

人好怪架！有時真係唔好食得咁盡！我好like食海南雞飯，以前覺得呢道幾好食，但係食左'好時'之後，就覺得呢度完全唔掂！人地ｄ雞又滑，飯又香！呢度即刻變左垃圾！唉．．．．．！

我係果頭返學既，所以成日去果到食飯，基本上，係每兩三日就去一次。我覺得d海南雞飯就真係幾好味下，除左海南雞飯之外，d咖哩同d檬粉都好好味。不過，d服務係麻麻地(如果唔係熟客)，而且要等好耐位，仲有如果叫檬粉就唔係人人食得飽。

先說勝利的小菜:梅菜蒸肉餅: 梅菜冇味, 純粹蒸餅唔好食煎旦角: 變了煎旦餅, 好食鼓油王煎大蝦: 實肉花蝦七隻, 聞就好香鼓油味, 食就了一點醎香睇開飯喇都有一段日子, 好多時食評對老牌食店, 如勝利的批評, 都不外乎甚麼伙計態度滿不在乎、催人落單、唔耐煩俾客左問右問等。我個人覺得, 這些其實都只是他們的表面, 當遇見老人家和傷殘人士, 他們大多數都極有禮貎。到這些食店, 自己不是熟客, 開頭伙計確實會幾倔對自己, 但如果作為食客的我們一路保持禮貎肯唔該前, 唔該後, 唔好擺出一副俾錢大晒的樣子, 我咁耐食過咁多間, 個個伙計都還可以, 有些還出奇地好人。我寫這一段是希望其他人都有我的好彩。

第一次去是兩年前聽完電台介紹, 當時人多雞又奀, 印象唔多好。事隔兩年再試雞肶套餐, 今次肉滑飯多, 鼓油同蒜茸汁都好味, 湯又沒有味精。它的油飯似樣, 比「湯王粥后」好, 但雞味始終不及在新加坡當地吃的豐富。

之前食過"好時"既海南雞飯,失望而回之後, 今次走黎呢度再食過..servies就麻麻喇,尤其係0個個似男仔既姐姐,入到去都未坐低就已經俾佢喝住話兩個人要直角坐..大佬..人地黎幫襯你呀人都唔係咁既態度架..好彩其他都冇乜野..叫左海南雞飯..$38.個人感覺雞好食過"好時",起碼有d雞味,但又唔可以話係好好食囉..油飯都ok.但唔知係咪上次係好時食d雞唔好食,所以覺得油飯相對黎講好食..而今次因為d雞過得去..咁d飯相對黎講就變得普通,但都算好食既..如果可以平d就更加好喇...另外凍檸水好似甜左少少...

我們一家人曾到勝利小厨去食飯，覺得D雞飯都幾好味。並不是之前講得那麼差呢!

個雞飯都幾好食~service就............ 好唔得law我知呢間野生意好不過唔使一食完就好似趕客走咁ga食都食得唔安樂檢討下la

去左九龍中央圖書館找資料,到了晚飯時間,想起了好多人也推介過這裡的海南雞飯,上次行過已經想試,今日近近地,一於行去呢度食啦.到達時六點幾,唔係太多人.一行入去,是典型茶餐廳格局.我同豬嫂也是想試海南雞,咁就一於兩客海南雞飯,你喜歡食雞胸肉,我特別跟伙計點說,點比你食.先上兩碗例湯,都ok好飲.好快海南雞飯便上,有雞有飯和2片青瓜,跟上泰式辣豉油醬和甜豉油,一吃下去雞唔係太正宗的海南雞,只是雞油煮雞,但也算ok,飯比較淋身.醬油方面,我比較喜歡泰式辣豉油.我們專心食,好快地我們便清碟,埋單$38 x 2 =$76離開時,7點鐘,門口已經要等位,老老實實,呢間野唔係特別之好,但又唔係差,但要走排隊等食,我就唔建議了,無咩特別,唔值得lor.(飯後順便睇下樓,送你回家,我累極了,於是第二朝早,我可以吃到你煮的早餐,午餐,你煮的,比任何一間店的,也最好味,也最心贴心)

昨日和老公也放假，因爲早陣子看李純恩的文章，大讚勝利小廚的海南雞飯，而且我們兩夫婦是海南雞飯擁護者，所以昨天特別到此店午飯。由於還未到正常的午飯時間，店内沒有太多客人。首先給我們的感覺是服務態度不敢恭維，不算很差那種，但店員是木口木面或者黑口黑面。而食物又令我們失望之極，那些雞件毫無雞味，雞油飯可以一點香味也沒有，前所未有試過“馳名”的海南雞飯是如此差勁。

我上次咪就係問佢地拎餐巾lor，未見過一間餐廳會將的餐巾收埋，想抺餐具、抺嘴都唔得，佢地收埋都算啦﹗佢地又冇紙巾賣既~~~我上次係又叫了幾次D伙記拎餐巾，佢當我透明既，於是我自己行去水吧取，即時有個伙記兇神惡煞："你做乜呀？要餐巾就出聲呀嘛！坐底啦！我當時都係百辭莫辯，叫又冇人睬，自助又比人鬧，滿肚子氣，仲要之後比左的餐巾其它人，又要問佢拎wor~真抵死~佢地呢的咁既態度，間野遲早執笠﹗

我親身體驗過這間的服務態度，有次我見個呀伯落了order 後想要杯暖開水送，叫了幾次D伙記當佢透明，於是呀伯自己行去水吧取，即時有個伙記兇神惡煞："你做乜呀？""要水出聲呀！坐底啦！""漉死你呀！"呀伯百辭莫辯，叫又冇人睬，自助又比人鬧，滿肚子氣，希望不會加深病情，我半安慰半諷刺；"經濟好番，服務係咁架！"就算佢D 點好食，但伙記好似黑社會，又寸又煲煙，當人唔係，收錢唔至在，乜都係假，請都唔會再去。仲有呀，有次我口快叫綠咖喱雞飯，個伙記問：咩綠咖喱？跟住粒聲唔出；我心想：D咖喱唔係紅就綠，都唔知真唔明定擺款。至少問清楚或修正，做生意開多句金口又唔會死，鬧人就多多說話。唉！gigiwan，愈鬧佢愈好生意，好多人唔知繼續去，你吹咩。

上個星期四去完happy hour，都差唔多九點幾，梗係要揾食。我朋友話蘇絲黃曾經介紹過勝利小廚，當然要試一試。可能因為間嘢都好細，所以都要等咗一陣。兩個人要咗一個海南雞套餐，一個椒鹽鮮魷套餐。D海南雞唔係咁好食，有D硬，仲有只係得幾件，唔抵食。椒鹽鮮魷就一般，好似唔得脆口，可能係用得太多粉炸。一句講哂，我唔會叫D朋友去食囉!

係六月二十一日晚上,我係門口等位時,見到切海南個女人身上有,隻爬到女人條頸,個女人只係用手撥左一下,隻又跌返落背脊,個女人唔知道就繼續切雞,手都無洗,之後佢個同事看到話比佢知,佢又係用手撥左隻落地下,之後用腳踩死佢,又無洗手切雞,頭先唔知就無洗手,而家知都唔洗,一d衛生都無,我立即比返個籌佢,果晚食左海南雞d人就中晒蕉.雖然d雞好食,但我永遠都唔會去,我見到d雞都想嘔.

食物OK啦! 學大家話齋,真係唸唔到咩理由要貼錢買難受!!!有一次我同埋我老公去食飯,門外已經好多人,我老公推開個玻璃門,唸住攞個籌排隊啦,點知有條四眼怪就裝起個胸,幾乎要同我老公胸貼胸咁滯,跟住怒啤!! 我哋一時間Au 晒頭?? 咩料呀?!! 原來佢係話我老公好阻住佢派籌,(因為啲籌喺門嘅左邊,四眼怪企喺右邊,我老公就喺中間)出聲吖嘛,又唔係啞嘅!!! 跟住落order叫嘢食啦,大家可以估到我哋受收咩嘢對代!!最好笑係碟飯都未食完,就收咗你隻碟,哎!!呢D都未算!!唔知大家有冇去觀摩一吓佢哋個厨房?? 唔係門面嗰個,係後欄嗰個,完全唔似厨房,似天井多D,係好耐冇清潔嗰隻,黑蚊蚊!有一次我去廁所經過,啱啱D鳴雞出爐,好核突!!嗰D雞係用竹籮裝住,跟住由個賓賓拆件...好嘔心!!

我試過勝利道《勝利小廚》既，佢既海南雞飯係我食過最最最好味既，雞雖然唔係好夠雞味，只係得兩片青瓜加一個好重味精既雞湯，又少雞肉、價錢又貴。但佢地的《秘製泰式醬汁》的確好野味。但就一定唔係正宗既海南雞飯lor~~點會用丫~~~食完之後都好想再去試，不過呢~~~~~大家要諗清楚《勝利小廚》既服務態度真係如傳聞一樣咁差差差差，我未見過的咁低水平既士仔，連收銀個位阿嬸都好寸ka~~~~大家去到，千其要自備紙巾lor~~佢地既餐巾係收埋，有都唔會拎出黎ka~海南雞飯A++湯C--服務H--(少於30分)去呢度食，要有心理準備>>受氣去唔去就真係要諗清楚啦