勝利小廚 (已結業)

好耐之前去都幾好食，但係唔知係唔係人怕出名豬怕肥，出名左質素真係下降！好似B仔涼粉同田中就係一個好例子…唔想離題…以佢o既份量o黎講38蚊(仲要得例湯)、脾+5蚊實在係過貴，d 雞食落都係同出面各餐廳食到o既差唔多，飯都係一般，都有少少油香，鹵豬脾飯都幾好食，夠入味、夠林…地方就真係太窄喇！o岩o岩食完唔駛十秒就有人收好晒你枱面d 野仲抺埋枱…=.="總結：唔抵食

尋晚九點幾去左呢到試下，可能已過peak hour，唔駛等同埋d伙記都唔算好趕。兩個人叫左海南雞飯&星洲炒米，兩樣都大碟!!海南雞冇"好時"d咁滑，都算幾好，但係d飯就冇"好時"d油飯咁油，而且d雞醬好好味，所以我覺得都試得過。另外星洲炒米都炒得幾好，一d都唔油同夠鑊氣，所以如果有機會都去試下d小炒。

尋晚(29號)同太太經過，見有人排隊，又冇特別想食。結果羊群心理之下，等5分鐘到，就入去。太太叫海南雞餐\跟湯，我要紅咖哩牛跟湯，再加個炒蜆。我覺得海南雞有名大於實，唔係唔好味，但又未至於好出色。紅咖哩牛，牛肉幾腍幾滑，咖哩就唔係幾得，唔香亦冇咩咖哩味。炒蜆比較失敗，可能係大蜆，肉質比較硬，口感麻麻地，味道比較鹹。反而，個胡椒豬肚湯幾好飲！地方細，坐得唔舒服；伙記除落單好似好趕之外，都冇咩。整體okay，冇祈望所以冇失望。

食左海南雞飯& 例湯唔算好食...但又唔難食感受不到出名的地方雞還可以飯很腍又不香...

略看過下面的食評,各人有各人的意見很正常!我就覺得勝利小廚的雞飯好過雞,而等位時間尚可接受,但地方擠迫實在是問題,當然,不可以話去幫櫬係''花錢買難受'',但再去的話也一定不會''花錢買享受''的,所以都係冇下次了!

同隻dog dog 睇開醫生見有間食海南雞飯幾多人排隊,一場黎到照等,大約15分鐘就有位. 二條肥仔安排坐一張好迫的round table. 我同位男仕講可否換闊的位座.點知被人喝:哥哥唔坐有排等你坐唔坐,結果好無耐,祇好照做.跟住好快就有人催我地落單,嘩!唔係掛,餐牌都未睇,就要叫野食,唉!無計,求其二碟雞飯.個碟所為雞飯不知所謂,飯又小雞又冇味.埋單又係,比錢比遲小小都眼昭昭.都唔明個個排隊何解,比錢買難受得啖笑.

由於多人光顧嘅關係, 我想食呢度嘅海南雞飯都係叫外賣. 今日假期咪落鋪食, 大約十二點幾, 我地二個人好彩吾駛等位...但一坐低就俾人催落單(話晒餐牌都有2頁,都俾D時間人睇).結果我地寫咗個兩碟海南雞飯. 首先以$40包一杯吾好飲嘅凍檸茶嚟講, 碟飯真係幾細碟(本人是女仕). D油飯好淋,甚至可以叫爛. D雞嘅味道, 質感同出面食到嘅雞胸無乜分別(食D咁嘅食物質素,都吾知點解要响度迫). 講真好時沙爹嘅海南雞飯好食過佢,抵食過佢啦...呢度D位好擠迫,知道出面多人等, 但都吾駛碟飯差吾多食完,只係停一停手攞紙巾,就想收你碟飯???仲慘過去快餐店食野.衛生方面,今日天氣都吾太熱,但都有蚊係度飛今日食完,我以後都吾會再食.

太太一向愛吃海南雞飯﹐每次有朋友介紹就會慕名前往一試。最近看OR食評時記起勝利小廚都算是一個以海南雞飯為主的話題小店﹐怎能不試試﹖晚七時﹐店不算小﹐但客更多。拿到號碼牌後等了約十分鐘﹐被安排坐於長檯的一角(即兩位各佔檯角的一邊)﹐一檯搭四張單﹐環境很擠逼﹐便打算速戰速決。剛拿起餐牌看的時候﹐像老闆娘的女人即壓迫性地催你下單﹐還未看清有甚麼可選擇﹐"食d咩!?"已問了兩次﹐便打算要了海南雞飯先再算﹐誰不知海南雞飯四字還未說完﹐已再問"仲要d咩!?" 又問了兩次﹐還未想好﹐居然又問"揀左飲咩先啦!"講真當時真想以一個"頂~"字作回敬﹐但還是忍了下來﹐因我腦袋轉數一向都較慢﹐無時間再想﹐便糊裡糊塗叫了個滷豬脾肉飯和凍咖啡。上菜速度甚快。海南雞飯先到﹐是一碟淡黃色油飯上蓋了些去骨雞肉﹐醬油及泰式酸汁則另上。這個飯﹐老實說﹐味道是可以的﹐但實在不特別出色﹐除了雞肉味比好時沙嗲較新鮮以外﹐其它整體都是好時的要較好﹐而且海南雞飯配湯應該是必然的﹐但這裡的﹐選了飲品就沒有湯﹐有點奇怪。豬脾飯份量較海南雞飯多一點﹐而脾肉乃半肥瘦部份﹐伴以雪裡紅﹐淋上滷汁(其實跟甜醬油差不多味道), 肉煮得入味﹐但未算絕

早幾日同男友出旺角搵食...佢提議去何文田勝利道既勝利小廚食泰越菜, 仲話好出名既添...於是就一齊去. 去到間舖門口, 當時只不過晚上7點多d...已經有人在門外排隊, 好在..是等外賣. 不過當時舖內己坐滿人..我地都只是搭台乍！入到去, 個環境同一般港式茶餐廳無異, 地下好"痴立立"敢!吾多鍾意。後來男友話呢度d 海南雞好出名, 所以就叫左碟海南雞肶飯及一碗貢丸+墨丸河粉。等左幾分鐘, d野都黎晒, 於是先試個雞飯...d 雞好入味, 好滑, 不太肥...可能是肶位吧, 不過真係吾錯。但d飯我就吾多欣賞la... 好似煮得吾夠水...好硬, 不過因佢用油煮過就幾好味，但如果改用廣東米可能更有硬口, 更match.到食碗河粉, d 貢丸好彈牙, 而且咬落去好juice...仲吾覺有味精feel, 我個人覺得佢仲正過旺角那間好出名既"樂園"呀...至於d 墨丸, 加左d 馬蹄落去, 好爽口...而且仲好鮮味...真係吾錯。下次再去試下佢其他菜式先^0^

仍是海南雞飯，仍是例湯，但例湯不是白菜雞湯，只是蓮藕煲章魚，理論上不對稱但個湯始終不錯。水準平均，跟上次一樣，但今次覺得沒有上次的好味，因小了一份新鮮及期盼；但整體OK。

聽人講九龍勝利道有間海南雞飯好好食, 星期六又咁o岩行過o個度於是去試下, 由窩打老道一行入去己經見有人等位, 心諗真係咁得? 入到去都坐得幾迫下, 於是叫左一碟海南雞飯同一碟豬手飯. 先講海南雞飯, 份量唔算多, 啖啖肉, 不過係雞胸, 未必人人都鍾意. 油飯唔太油, 唔夠香. 跟飯碟海南雞醬酸左d, 辣味唔夠. 我覺得紅磡差館里"黃金泰"好食d.豬手飯份量足d, 有d雪裡紅鋪面, 豬手幾入味. 我覺得好食過海南雞飯

星期五約八點去到，門口已經迫滿人, 約等左十幾分鐘就有位. 兩個人叫左一碟海南雞飯跟湯同一個薑蔥生蠔煲．湯係胡椒豬肚湯，都幾重胡椒味，不過不失．海南雞飯碟頭唔算多，一個男人食未必會夠飽，飯唔夠香，我相信佢無落蒜頭同薑去煲，雞算滑，但無乜特別．反而個生蠔煲好好味，好香薑蔥，蠔約有十隻，隻隻肥美，我同男友都贊好好味．

試過北角分店覺得麻麻，再試總店，但仍是失望。海南雞飯餐($38) - 要雞翼或脾部位加$5，餐包湯或飲品(咖啡或茶，凍飯+$2)。因為翼和脾要加錢，所以給我的是雞胸部分，肉較鞋和實，也嚐不出什麼特出的鮮味，而且份量連女士都嫌少(可能我大食)。油飯都算香和有味，但我真覺物非所值，應該不會再光顧。鄰檯放了兩大盤待提貨的盤菜，雖有保鮮紙蓋著，但仍有部份菜露在保鮮外紙，而附近又有蒼蠅....

記以前係旺角返工成日會行過黎食飯大約(四年前左右),個時冇咁出名,冇咁多人幫親.今日舊地從游,見到間鋪頭都坐滿晒人,但裝修同伙記冇乜點變,見咁耐冇食過海南雞飯咁就去下呀,入到去就叫左碟海南雞飯.記得以前碟飯同雞冇咁少,足足比個時少左,都算呀,(可能係通貨膨脹呀),但食落去d雞有少少鞋,味道都可以接受,飯就硬左d.服務都係咁落力.........

今晚返OU，卒之可一會勝利小廚出名的海南雞飯；網上不同食評家都對勝利小廚的海南雞飯評論不一，毀譽參半；譽的當然是海南雞飯的美味，只有尖沙咀好時可匹敵，而毀的當然是服務態度；但經今次光顧後，據下面食友阿娘與我一直認為的理論是對的：到這些食店,自己不是熟客,開頭伙計確實會幾倔對自己,但如果作為食客的我們一路保持禮貎肯唔該前,唔該後,唔好擺出一副俾錢大晒的樣子,我咁耐食過咁多間,個個伙計都還可以,有些還出奇地好人。說回海南雞飯，雞油飯絕對可以，粒粒分明，不濃不淡，食到碟盤底不會出現多餘的油份，好野！海南雞烹法不是正宗的海南雞，極其量只是用高湯來浸熟，但此點反而是我杯茶，跟很久之前的新鮮及走地雞的味道一樣；送上的醬油及酸甜薑蓉幾正宗，但始終個人對此興趣不大，只是齋食海南雞已足矣！白菜雞湯絕對沒有放味精，可放心飲用，但失分位是雞湯底略欠濃厚，太清；但整體OK，下次要一會好時來作個比較比較！後話：經常出差食飯點菜，尤其在大陸不知名的食肆，點白切雞都算幾穩陣，冇花考，味道全來自雞本身的味道；味道好的可齋食白切雞，唔好的可點薑蓉補夠；如此簡單的食材，想整到難食都幾高手。但現在禽流感，我想食都未必有人支