勝利小廚 (已結業)

每次幫襯勝利小廚都係佢個海南雞飯, 係勝利道o黎講都係一個幾好既選擇!! 其實都算係佢鎮店之寶o黎既, 但價錢都唔係好抵喎....我食過咁多海南雞飯中, 佢唔係最正既一間, 不過係貪佢就腳同足料, 去埋骨o岩晒我, 盒飯又夠大盒, 兩個人share 都得, 係外賣首選呢!!好鍾意佢個酸辣汁點雞, 送飯真係一流, 買外賣時記得話要雞胸肉, 如果唔係實會斬d 雞翼過你!最唔好就係d 伙記個樣太兇, 好似唔憂無得做咁, 想講多句O野都唔敢, 冇以前咁殷勤, 唔知係咪換過老闆黎呢??如果唔係想食海南雞飯就唔駛一定要去呢度o勒, 其他粉麵只係一般!! 如果真係想食到經濟又好食的海南雞飯, 我建議試下尖東好時中心一樓間"好時沙嗲", 呢度既海南雞飯真係好得, 試下啦: P