勝利小廚 (已結業)

勝利---雞少,飯唔夠香,服務差劣,在地就腳。環鳳街-檔的海南雞飯--紀曉華、李純恩、余錦基都話好,雞多且滑,油飯好香少油,酸菜伴碟好好味,三款醬好味,服務好親切,檯較細。

有日一個午餐，行過勝利，見都幾多人食就入去試o下啦﹗叫o左一個海南雞飯，$38，是雞翼部份，要肶要加錢，配上暖暖的淺黃色油飯，唔洗兩分鐘就送到枱上。味道沒有想像之中好，雞肉是算滑的，但沒有雞味，飯太軟。兩種醬汁反而是最好味﹗到openrice才知道有很多負面評價，但中午時份又是門庭若市，仲要等位﹗唔通咁先叫「話題」？﹗

d"冰鮮雞"仲差過街邊d燒臘鋪, 雞肉的味道淡而無味, 肉質根本係"林"唔係滑!油飯得個黃字, 完全無香味!d姐超級無禮貌, 咁唔想做就返去屋企做少奶奶, 何必要黑口黑面去打工呢?主打既菜式都咁差, 其他野都唔洗試啦.....

真係大不如前.... 兩三年前住係勝利道O既我經常苫街買飯食所以時常幫襯勝利小廚當時O既海南雞飯只不過是中等貨因為就近先幫襯佢但係果陣2R大讚好味就多左好多人幫襯好多人都係人話好食佢就話好食完全不知所謂機本上我第一次去食己經覺得d雞肉好"hai" 汁料麻麻飯唔係太好食我食多一兩次之後我就再冇食雞改為食豬扒前日睇狗仔經過我就再比次機會佢... 點知.. 重差過以前.. 求其咬完件雞飯都唔想太食心中出左一句( 搵才叔好過) 講真格離燒味D雞都好食過佢.. 以前夜歸肚餓一定搵才叔依家才叔開埋鋪唔駛得夜麻麻先有得食所以我決定經過勝利道都唔會再幫襯勝利小廚!

一般貨式,D雞肉起定晒,何來滑呢!雞汁及水份流失晒!油飯唔香。服務唔講啦,出晒名....現在一定去環鳳街的檔食海南雞飯,海南雞飯及服務都一流。

同朋友去試左, 食品唔見得好食, 仲要睇伙計面色. 今時今日要食雞飯, 唔需要去呢度lor

睇到黎間咁多食評,無可否認佢既價錢唔算平.要雞脾肉的話,份量仲更加少,而且雞味唔夠.男朋友第一次帶我黎食既時候好食好多.男朋友都話d飯好似唔同左.但佢既雞醬真係值得一讚,撈飯食真係好好味.咖哩飯都幾好.而佢既炸蝦餅都唔錯呀,好爽口,但個價錢就貴左d,第3舊就已經差唔多一碟飯既價錢.態度有時係惡劣左d,但見佢而家係隔離開多左一間,坐得比以前舒服d.

I am also living in Homantin and always walk past this restaurant. I have tried it around 2 years ago and saw that her shop is expanded to be bigger and bigger.I really agreed with the previous comment that the there is 無味in the chicken but the price is not cheap. I always think how come there are so many people waiting outside the restaurant, they are cheated la...Based on this quality, it doesn't worth to eat in that restaurant.

我住係附近都係幫襯過一次,亦都係最後一次食物質素故然重要,但服務態度更加重要!首先海南雞飯,雞既份量好少,完全無味,個碟所謂既油飯乾爭爭硬性十足,要灌水先吞得落。侍應問10句先答1句,成日催落單,食完就催埋單,果個老闆既咀臉簡直黑人憎出左名之後好似唔憂做,排隊食完既朋友都只係好奇心態,如果長遠落去只會唔掂

(22/8)那天為的是試試那海南雞，真的嚐過後未致於將其評級落入那36喊面，而是落入那17面，因有其他菜式平衡。那天雜菜煲、炸蝦球、海南雞（例牌）、油飯，先上雜菜煲，這道菜很難會烹調得不堪入口，生菜、白菜、菜心等配合魷魚、冬菇、草菇、蝦米，原是可以合格的菜，但被一酸再酸的冬菇影響，變至不合格。海南雞是鎮店菜式，當然去試，眼看廚房位掛了很多的雞，每隻公然地陳列，似乎是引此自傲的菜式。本著平常心去試，當作沒有聽過它的名聲，先看其觀，雞肉是瘦削，雞味欠奉，不是大量鹽及味料醃製，但亦吃不出甚麼味，緊閉雙眼去試，你會認為那間餐廳的雞弄得如此，中下水平，不合格。油飯反而是合格的一環，唯欠缺那陣布包味道，但香味仍留有。炸蝦球，意料不及，價錢合理，但蝦球是頗大件，肉質爽口彈牙，表層金黃香脆，待至不熱的時候吃，仍不失美味。就是因為這兩道菜式，還未致於跌入36面，若然以“優、良、常、可、劣”作評級，只能落入“可”級。

food quality is really bad,especially chicken & rice. Also the service is poor.

見近日在網上好幾個討論區,聲討此店之服務,食物水準,小弟唔爭在出黎抽下水.年前某名食家在電台節目中,大力推舉此店的海南雞飯.一傳十,十傳百,無論係的士佬,學生哥,OL,甚至我輩等為食之仕,一樣輪住去潮拜.小小的勝利道,忽然成為聖城麥加.眾善信每夜風雨不改,在勝利小廚門口等位的場面,屢見不鮮.既然大力推舉得海南雞飯,自然地一人一碟.此店的雞飯以泰式做法,醬油當然得辣醬.先講雞肉,正如圖示,雞皮帶黑,雞肉瘦過頭兼無味,下面的油飯,雞油味唔夠.淡出個鳥來.唯一要讚,係盅例湯意米豬錚湯飲得過.其實,真正泰國的海南雞飯,係無湯送的.係傳到來香港,要同坡式爭飯食.才會送埋個例湯比你.傳媒的威力,實在不能小欺.一有咩名人吃過,讚過,報紙介紹過,統統一窩鋒打崩頭擔凳仔排頭位.典型香港人跟風心態.認為名人口味,一定有公信力,連自己的口味,漸漸比傳媒清得一乾二淨,搞到沒選擇,活著是迷惘,新方向需要分清楚."真係唔知做人點至得我又唔知而家興D乜總之報紙寫乜我就信乜電視做乜我就講乜大佬講乜我o地就講乜見倒巨星著乜我就著乜總之老豆食乜我就食乜"喂!傻架?

我雖然住在勝利道，但以後都不會再幫襯勝利小廚，事由有一天下午，我帶著小孩子去吃東西，當時全店只有三個客人，很自然自己搵個位坐低，怎料被店員粗暴阻止，硬要我和其他唔識既客人坐埋一齊食我唔服氣問：全店只有三個人，點解一定要坐埋一齊？店員木無表情地回答：其他地方要清潔意思很明顯，你要食，就要遵守我地既規矩！有冇攪錯呀？如此囂張的食店，就算食物好味到識飛都唔幫襯啦，何況唔係！

聽講以前DJ推介後才其門如市！D店員真係好囂張，直情當D客人係嚟乞，因為多人食，所以少你一個唔少！今日幫襯碟蝦餅加杯凍檸茶，都要成４２蚊架，蝦餅到後，要求店員比碟雞醬，點知個男店員冰冷地回答：唔得！雞醬靜係點雞，然後就求其比D放係枱面既豉油我面上的表情直情係：吹咩！係都唔比你呀！嗰D雞醬值幾錢呀，最多咪一個幾毫？駛唔駛咁巴閉？其實的野食愈嚟愈麻麻，仲要咁對客人，怪唔得愈來愈少人幫襯，如此質素的食店如果都可以生存下去，真係對嗰D熱誠待客，以客為先的食店不公平！劉德華話齊：今時今日咁既服務態度．．．．．所以唔好再去幫襯嚟間勝利小廚啦，搵錢咁辛苦，做咩仲要貼錢買難受？

我覺得勁唔得!!! D雞無雞味, D醬又唔好味, 話係油飯, 不過唔多覺似喎.......又無湯. 總之, "唔掂"!