功德林上海素食 (世貿中心) (已結業)

5月31日同同事兩個人嚟食晏.叫咗兩個午餐,有例湯,飯餸.叫咗涼瓜鰻魚,本來想叫咖喱薯仔煲,但阿姐話要等好耐,起碼半個鐘,所以叫咗糖醋排骨.d味道都ok,我本身食得淡,覺得個涼瓜鰻魚鹹d.朋友食素,有d出奇佢點解點呢兩味,因為我自己就鍾意食素就食素,自己就唔會點d扮肉既餸,但朋友點餸,我又無乜所謂,點知原來朋友話就我,怕我唔食慣素!本來$22個餐,好似好抵,但加埋茶芥小食加一兩位總共七十幾蚊!

香港呢間我就未食過啦, 反而就試過上海總店. 我覺得上海o個間個香菇素菜包好好味嫁!唔知香港呢間有無呢?

我去過尖沙咀個間，地方幾逼，唔係坐得好舒服。"送" 上得好快，要快快食唔係會凍晒!價錢好貴，我請老豆，媽咪同細妹一齊去食lunch，叫左幾個"送" ，盛惠$496!!!食完落樓睇到張相先發現頭先碟鮑魚菇變左普通秀珍姑，但照收鮑魚菇價錢!!

太貴la, 素菜又唔係咩貴價o野, d 味道好普通, 比起o的佛堂自已友煮...真係麻麻..食特色lo ! 環境有o的迫, restroom又要去樓上, 麻煩!

這餐廳位於銅鑼灣，交通十分方便。但食物就只係一般貨色，同其他齋舖沒有太大分別。我不覺得有什麼上海特色，加上價錢都有番咁上下，所以都只係「去過就算」o個隻。

又唔係好好食o者,一般啦!可以的話,怕且唔會揀佢!

香港甚少有上海齋食, 它給人一種新感覺, 上海齋有別於一般齋菜, 很特別, 不知道如何講出, 但要試冷麵, 它有很多種配料由你自己配搭

午市的客飯幾好食 一來價錢不太貴, 加上素菜又有益 整齊上都算不俗 唯獨最大問題係環境不太闊敞

老闆是不是上海人就不得而知，但菜式就原全是上海特色。那個冷麵的醬料真是大堆頭，有成六七種之多，香氣撲鼻。豆腐水餃是從未試過的，不可想像豆腐也可做水餃。還可吃到臭豆腐添。估不到呢! 其餘毛豆炒飯、百頁及甜品都甚具上海風味，而且味道一點都不寡，不感想像自己是在吃素。店內環境光明潔淨，侍應亦殷勤推介菜色，就算是第一次都不怕點不到好菜色。