力奇四季火鍋 (已結業)

因為天氣冷的原因, 在九龍辦完事, 大家就提議去打邊爐, 我對大角咀一帶不是太熟悉, 友人建議來這裡用餐, 我們6:00P.M準時到達, 幸好不用排隊, 一行10人很高興地坐下不知道為什麼我總是負責點菜, 奇怪的是這店沒有注明食物的價錢, 反正打邊爐來來去去都果幾樣, 於是就隨便叫了十幾樣食物, 本來以為人多可以多點些, 誰知道食物一上桌, 我們就開始後悔了, 每碟都是超大的, 我甚至沒見過拳頭大的雲吞我正在疑惑怎會有這麼大塊頭的食物, 環視周圍每枱都是這樣, 也許是這店的獨有特色吧! 嘩.....不到6:30全店已坐滿客人最後, 我們打包很多食物回家, 實在太多了吃不下, 整體食物是新鮮的, 味道也不錯!

我們大約七點半來到,看見門口很多人,原來店內是沒有人的,是一口氣放客人內進,如果趕不了第一輪就有排等了,雖然我和朋友兩個是不知道,但好好彩也入到第一輪,我們兩個人吃力奇豬肉煲因為客人一口氣進舖,大家一口氣落單,所以等了差不多一小時才有東西吃.,先叫了湯底,但太滿了,先把蕃茄和粟米拎開,,附近有枱客人都問我們怎樣吃@v@事實上的確很多,但這個豬骨湯底令我失望,我喜歡骨煲皇的骨煲因為是軟骨,可惜力奇的是硬骨,沒什麼豬肉和骨是可以吃的,還有四隻雞腳而這裡的侍應完全不能溝通,好像不聽中文似的,有枱客問有冇漏單,佢聽了幾次都聽唔明,最後客人都放棄問了,我們叫了雪梨水,我們吹了很多次,另一個侍應問我們要酸梅湯或是庶汁,原來吹了這麼久都不知我們要雪梨汁,之後他再問我們是否叫了炸魚皮,我們沒有,只再重覆是雪梨汁好吃的有手打蝦九,蝦料很足,反而手打墨丸只是彈牙,卻沒什麼味鯇魚腩都好好吃,超滑的羊肉酥得來不像羊的酥味,但由於湯底變怪了,已不知是那樣出了問題.,我們這湯底,煲煲下有些怪味,所以我們把所有骨和雞腳拎走,擺返一早抽起的蕃茄粟米湯,打算自行轉換湯底,可惜是失敗的,依然有怪味,朋友說可以內裡本身的瓜

平時好少去依種地舖火鍋店, 平時都係去酒樓或者集團式既地方打邊盧.今次第一次黎力奇. 不過有驚喜!!無得book 位, 係出面街等咗好耐. 豬骨煲真係超大個,超多料. 有好多tomato, corns 同其他蔬菜 .加上, D 豬骨真係超大舊!! D 材料滿晒成個煲, 我估成個煲都好重, 拎出黎果位店員要好大力先得呢. haha碟牛肉又係超大碟!!! 搭到好高, 唔似得有D火鍋度, D 牛肉得少少就叫一碟. 牛肉size 夠闊身, 而且脂肪比例岩岩好, 用黎打邊爐一流.依碟牛夠8 個人食啊另外叫咗D 魚旦, 肉圓, 都好好食, 爽口又夠彈!!!D 菜都好大份, 我地叫咗2份食唔晒, 有份完全未食過, 比返D店員.

本身我都唔想講出黎，因為真係好恐怖加嘔心，雖然我唔可以肯定力奇係唔係有其他用途，係先入為主既情況下，真係極端反感。諗諗下，我不如講出我既經歷等大家自己判斷。事源係前幾日同朋友出去食飯，突發奇想，想去食豬骨煲。當然，一講到豬骨煲就立刻想起大角咀，果頭有幾間好出名ga，是是但但都up 到幾間，只不過有兩位朋友就係大角咀人，異口同聲話 力奇豬骨煲 好好食，有去過幾次都唔錯，咁大家就去到大角咀搵力奇。鋪頭幾易見到，因為有個好大塊既banner 掛左係街頭。佢鋪頭入面係好似工廠大廈果d飯堂咁，嗯……好似 快加好(有係葵湧區或觀塘區返工既朋友就知呢間 快加好 係乜ga la) 咁樣既格局。其實對我黎講就冇乜野，咪當佢好似室入大排檔lor，鐵檯膠凳，鐵檯仲要矮身，方便火鍋。第一個問題黎la，冇人接應你ga，你入左去都冇人問你幾位，不過可能太多人，最後要自己搵位坐。朋友Y講過之前要係出面等位，咁即係之前有人叫籌而家冇la，等我仲誤會左幾次，認錯左幾次普通食客係力奇d店員。最後知道店員只係帶圍裙既阿姐幾名，煩左d阿姐好耐叫佢幫手執檯，好心地阿姐就叫左我地去另一間鋪度，因為果邊唔洗執檯。第二個問題，全部野

公司有同事遠道而來，為一盡地主之誼，就帶外地同事黎呢度一嘗地道美食。五個人，叫左一個豬骨煲，兩碟肥牛，其他雜七雜八野。結果係大部份都食得晒既，除左 d 桂花蚌同珊瑚蚌食唔晒要打包外。講下食物 :肥牛 : OK，手切版肉味幾好，美國既機刨肥牛不過不失蠔 : OK，無特別，小弟唔好蠔所以難以評價丸類/餃類 : 手打丸類 OK，餃類正常講下服務 :可以既話想比 0 分。三個鋪位三個門口，中間做執料既，最左邊鋪有位，但叫我地去拎飛，OK 我明。去到最左邊，無人派飛，職員又唔見，咩事？又行過去中間問使唔使拎飛，佢就叫我過左手邊搞 ... 搞一大輪，結果係唔使拎飛就咁坐低 ... 咁都得！寫野，叫野飲，追單，呢 d 其他人已經彈到暈，唔講咁多了。講下價錢 :五條友埋單成千八銀 ... 家陣係叫左唔少野，但唔係 d 咩特別野同貴價野，四個人聽見都呆左。以前響到叫埋鮑魚都係 2xx 落樓，乜家陣貴左咁多？不過佢又無計錯數，吹佢唔漲，只怪自己無留意價錢。總結 :超高消費 0 服務，中左六合彩先會再黎。

我係一個好中意打邊爐既人，呢日約左朋友食飯，朋友推介去食力奇火鍋，本身都真係唔係太想去呢間，因為地點唔係太方便，但朋友話好想去試下豬骨煲，所以唯有照去啦...去到旺角再轉的士去到都已經8點幾，都幾多人，得近住廁所有張細台，唯有坐大台同人地搭台啦搵位坐底左，大家都好肚餓，快快叫野食啦，點知叫左好耐都冇人理我地終於有人見到我地啦....哪哪聲叫野食啦，仲要一次過叫曬D野食，費事又要等等等呢個係值得讚既，切的夠薄，都好有牛味仲叫左金菇、生菜、炸魚皮我知好多食肆係唔會將菜洗得好乾淨，都係求其用水沖下就算呢度離譜到用水沖下都唔會，似係菜檔拎返黎直接擺上台俾客食，一打開棵生菜好多泥，叫人點食丫

星期六GIRLS NIGHT有人提議去打邊爐話LI 間好好食好啦好啦 知道環境唔係好好, 不過試一試如果你要求食野既地方要有返一定既整潔度, 舒適度, 同有少許格調或裝修咁你千萬不要考慮LI 度一坐底前後左右都係NON LOCAL 既客人客人同侍應都係講普通話, 超嘈已經唔覺得自己係香港食緊飯加上坐係將膠椅, 身處白磚牆廁所裝修既餐廳心情立即下沉搞左好耐, 完全冇招呼下,好辛苦先搵到張ORDER 紙, 自己行去比侍應過左15分鐘, D 碗終於都黎但D 豌筷完全洗唔乾淨, 又因為LI 度係0 服務, 我地要行入果個濕都嘔既廁所洗碗再等左15分鐘, 火鍋終於出場, 但係冇配料!然後又等左15分鐘, 終於上左一碟手切牛肉非常厚但味道.......然後又等左15分鐘, 終於上左一碟雪花牛肉好大碟 係會令人見到後心花怒放既牛肉係好大份既. 但一份係$245好啦食左半個中肥牛究竟其他配菜去左邊?????基本上LI 間野係每15分中先上一碟野完全食到燥底5個人共吃了魚皮, 栗米, 蘿白, 2碟牛肉, 珊瑚蚌, 豬紅同芝士丸所花既時間係3個鐘先上齊仲要取消左個手打丸同水餃D間野份量係比較多味道十份普通

早一個月已經約好今日一家人去「力奇火鍋」拾下拾下。。20：00pm 入坐，都知依到所有野都自助無招呼嫁喇！但最估唔到出菜都咁差囉。起碼等45mins先黎第一碟貴花丰，比你吊命三催四請先再黎牛肉！等到真係火都黎埋。都唔明火鍋店又唔洗開爐煮。淨係執野出黎都可以咁慢既！同個出菜既小姐講啦！答都唔答一句完全無視人囉！屋企人個個都火滾呀！等足2個鐘先食得3碟野！邊有火鍋店咁做生意嫁？食龍肉都無味啦埋單話走竟然話要收$14xx囉！有無搞錯連未出既野都計埋數汽水又收多，真係勸大家真係要check清楚d單呀！依間「力奇火鍋」就算開到咁大又點吖d野平又點吖？！內部亂到爆，出菜又慢，完全唔休做既心態。　我諗如果繼續等我地8點入坐起碼要食到12點囉。。。真係勸大家去前要諗清楚，你有咁多時間等先好去

十分足料嘅豬骨煲!!! 因為配料太充足, 所以要將部份夾起先可以放其他食物...羊肉片油脂分佈OK, 又夠羶... 正嘢!! 蛹蠔新鮮大隻, 淥極都唔太縮水... 堅得!! 桂花蚌冇俾流嘢, 條條新鮮大條~ 爽口~ 最令人欣賞嘅地方係佢每碟食物都用西洋菜墊底... 比起普通嘅生菜更有誠意 真係O晒嘴 比乒乓波更大粒嘅雲吞同水餃... 隊多2粒都唔使食其他嘢~初頭以為咁大粒一定會好難熟同唔知入面Hea住啲咩材料啦~但食落口又好OK喎, 肉同蝦分佈平均, 又唔會塞得太實的的令到口感冇晒~真係估佢唔到~ 我覺得呢個真係must試 縱使今次有抱期望去, 但都冇失望咁出返嚟嘅...因為佢個湯底確實係唔錯...其他嘢經過個湯底淥完之後完全淰晒豬骨鮮味,就算唔點豉油直接入口都好OK~

環境還是富有 “特色” 的。 就是所有東西都是自助的，沒有裝修，也沒有服務。 場內只有膠椅、木枱和打邊爐。 要留意的是在點菜時你可能要問清楚價錢。 因為無論在點菜紙上，還是在牆上見到的食物名字，都是沒有附加價錢的。 我們則反正還是要付鈔，還是不問價錢就叫了食物。 有點膽博膽吧。 可能太早入座，點了的豬骨煲等了大半個鐘才上桌。 上桌時還是以前的大堆頭。 我們又是要將很多的食材先放一邊，才可真的打邊爐。 要說的是蔬菜的品種跟以前有點不同，有點亂來的感覺。 而且，豬骨和豬手的數量已大大的減少了。 味道則還是一樣。 而我卻覺得可以多一些胡掓，縱使可能會有不同意。 再來的是美國肥牛肉 (大)。 當然又是大堆頭。 但牛肉的大堆頭又是以冰凍的卷曲造成。 牛肉本身質數就是差，是極普通的肥牛。 珊瑚蚌。 就是普通的珊瑚玤。 還可以怎樣嗎？ 說分量算了吧。 手打丸。 是真的手打丸。 但其實最好的只有墨魚丸。 蝦丸會在滾湯中散掉變成多粒小蝦丸，而鯪魚丸則粉嫌過多，而且魚肉方面有點異味，相信是用了不太新鮮的貨色造成。 但件頭真的很大，有乒乓球的大小呢。 其實，吃落會比較辛苦，所以不求大而求適中會比較好。 在力

一向只活躍於港島區的我，今次因相約了九龍區的朋友，經他們介紹跟說服下，終於”唔過海”的我半推半就的跟他們來到 ”力奇四季火鍋”。幸好有九龍區的代表帶路 ^.^，我們才不至於大角咀的某某街角迷路。加上天黑路暗，實在不知道自已身在何方，更加不知道車子該往何處走。終於成功地泊好車，一行３人很快便入座 (大概是因為那是平日吧!)　我們點了豬骨煲、鮮牛、小蠔、肉眼根、三丸。豬骨煲，力奇的豬骨煲真是遠近馳名，豬骨、蕃茄、薯仔、白蘿蔔、勝瓜等等。滿滿的一盤，就是連蓋也沒法蓋上，想要騰出空位來灼其他食物也不容易，要先征服面前的小山丘才可！真的非常豐富，要是情侶二人前來力奇，只是點了這個豬骨煲也能吃得飽飽。 各樣材料也挺新鮮的，湯也是奶白色的，好不吸引！但要說說他們後加的湯，雖然同是奶白色，但較鹹，下次或許只加清水更好。朋友說力奇火鍋出名吃海鮮，美國桶蠔和鮑魚都是首選，我們的美國桶蠔屬於小蠔，當然另有巨型版的啦，他們叫大蠔，閒說大蠔的size跟一隻手掌一樣大，真的不簡單！美國桶蠔鮮味不錯，而且新鮮！以往吃火鍋都是選肥牛，但自從某次到朋友家中試過鮮牛後，便發現火鍋與鮮牛其實也很夾的！當然選料要有一定水平啦

因為得到其中一位同事推介 , 所以決定大班人一齊過黎呢區開餐一行人叫左好多食物 , 炸魚皮真係幾好味 , 豬骨煲好足料-差唔多滿到瀉 , 菜肉餃就好咸 , 肥牛及生蠔不過不失 , 腐皮蝦一般 , 丸類都幾好食 , 其實大部份食物水準及份量都可以 , 而且價錢都算大眾化忽然有些物件係我的頭頂掃過 , 抬頭一望 , 原來有一位穿著粉紅色雪紡超大衫袖的女職員從事樓面工作 , 可能她不是普通伙記 ,所以想著什麼就著什麼 , 火鍋店雖然係明火煮食 , 但係檯上大部份都是生料 , 少數是熟食 , 她這樣的衣著 , 特大衫袖掃完檯面的生肉 ,然後再掃到客人的頭髮上 , 如果她的衫袖不小心勾住檯面的湯煲 , 也會造成人為意外希望從事飲食業既人都要為人為己 , 萬事小心

上星期日一行八個到力奇火鍋店打邊爐，之前去過五、六次，食物基本OK，但建議需要自備碗筷，因為真係頂唔順佢地對於清潔的標準...我地六點半左右到達，無咩人，直接坐低，自己照顧自己，唔駛預有侍應會幫到你。當我熟練地自取調味料既時候，其他客人竟然叫我幫佢地倒水，我幫佢地唔係問題，但無理由搶埋人地份工啦，雖然呢度侍應的工作相信並不包括沖荼、取碗筷、調味料等等，所以當呢度係Hostel個觀感就fit哂。之後叫左個招牌豬骨煲（水準Ok）、大肥牛（都Ok）、珊瑚蚌（一般）、貴妃蚌（一般）及大桶蠔(下面詳述)...食食下…其中兩個朋友仔突然放低筷子，兩人都發現隻生蠔有異味(當然唔係海水味咁高級啦)，其他未食既都即時停低唔食住，果時有9成蠔仲未食。諗住淨係叫佢地換番兩隻就算啦，點知佢地既回覆係﹕無理由，d蠔成桶番泥，唔會有咁既情況。咁係乜野道理？唔通一桶番就唔會有d有事、有d無事？搞左一陣，個侍應同我地講，老世話今次算啦(好似係我地搞事咁，食物有問題係食客的錯)，同我地取消左大桶蠔...“但係要收番細桶蠔既錢”。咁緊係唔合理啦，因為我地9成都無食到（而家又唔係玩俄羅斯輪盤，有機會嗅既你博唔博呀？），最後

沒來力奇年多, 食物質素基本上能夠保持, 但價格飆升了不少, 這晚點的食物不多, 亦沒有點很多貴價的食物, 推算比一年前貴了兩至三成, 以這裡惡劣的環境, 近乎自助式零分的服務, 開始覺得物非所值豬骨煲保持大堆頭的格調, 料是十足的了, 但一開始已經把配料分開放在碟上, 為什麼湯底還是要這麼甜?! 結果就是壞食越甜, 要想辦法加清水 (平常吃火鍋多半只會投訴店家只加清水而不添上湯吧)全晚最好的機切肥牛, 雖則肉味比坊間的手必牛較淡, 但機切的口感折然不同, 其特色在別處難求鮑魚已經升價至$88一隻, 比起早一兩年足足跳升了一倍!!! 這天要半打切片淺嚐已花費了五百多, 折合要十多塊錢一片, 實在有點不值, 也覺沒有早年的那麼鮮甜

終於有機會去勁多笑嘅力奇，今次4個人去，叫咗本地牛，羊拼豬，水餃，雲呑，蝦滑，黑拍葉，豬骨等。本地牛太厚，羊冇肉味不過豬肉眼根就好香，又爽又滑，水餃，雲呑，蝦滑都好新鮮，如果少人去就比6。5 分，但係如果一班人去我會非常推介