力奇四季火鍋 (已結業)

力奇四季火鍋，聞名不如見面，但要見一面原來困難重重，因為位置偏僻。一班人，找不到的士，最後步行前往，從太子地鐵站開始尋尋覓覓，幸好最後及時抵達。各位想前往，還是坐的士好一點。雖然我們訂了位置，但來到竟然還要大排長龍，幸好，經過一番理論後，再加上霸王硬上弓，最終還是找到位子。力奇火鍋，全部自己顧自己，零招呼，真是特色之一！點菜由有經驗的朋友負責，所以豬骨煲、炸魚皮、生蠔絕對有點。首先豬骨煲，材料豐富，絕對有睇頭。豬骨和粟米都挺好吃。點了大份肥牛，賣相十分不錯。主角出場：生蠔！實在大得驚人，有我的手掌一般大，口感不俗，不能錯過。至於其它的東西，還可以吧！總括而言，此趟沒白來，一定會找機會再次光顧。美中不足之處，就是訂位服務，既然訂了，最好當然來到便給位子，而那些遲到的，不應該留著空位。

早幾天ｂｏｏｋ了位．．．開６點．．我地就ｂｏｏｋ６點．．．因為聽講佢地好ｆｕｌｌ丫麻～說真的．．就好似之前大家咁講．．佢地既服務態度真係麻麻地～好多都係自己來．．不過算啦！終於黎左２個煲．．我地食左：１．　蕃茄豬骨煲：真係滿到瀉．．好多料呀！！不過我就麻麻地陣味．．似乎太甜，古古怪怪咁～我個人唔係太ｌｉｋｅ但粟米好好味呀！２．　皮蛋莞茜煲：好多莞茜．．不過味道唔算濃烈都叫左好多料．．．好鬼飽．．最想講．．最記得既只係個鮑魚．．用來打邊爐都唔錯ｗｏｒ．．個阿姐話烚１０分鐘．．我地好聽話．．所以一ｄ都唔”ｕｎ”．．都幾好味！　其實一隻２－３個人分都得．．因為都幾大隻．．食完都有ｄ飽～

海鮮叫左珊瑚蚌鱔例牌花枝手打墨滑手打蝦丸,墨丸,令魚球海蝦尤魚加埋其他魚皮,午餐肉,菜,皮蛋,魚付,金姑,雪梨水,啤酒全部都新鮮大大碟淨係個煲都飽一半一定要多人先食得晒海鮮都新鮮又大件

巳經有一段時沒有去力奇打邊爐了.....因為一過7點就會好多人!就算訂左枱都要等.....樓下的食評被彈的多了很多!其實,我都覺得比起以前真係差左價錢亦貴左,衛生都唔係好得........不過一樣噤多人喎........所以都係個句有麝自然香個日我一行二人7點半到逹,黎遠巳經見到有十幾人向門, 再行近啲仲多十幾人加麻有成三十幾人STANBY........黎親都係人山人海,今次宴左唯有同人一齊等啦!攞飛等叫NUMBER時間,佢話會開隔離舖......不過要等吓先!!!!等左十五分鐘我再問佢要等幾內,佢就話差唔多開架嘞!等左大半個鐘終於開嘞.......啲人走在一團好,聽佢叫NUMBER,見每枱入坐客都係五、六個以上......邊有好似我地两公婆噤得两個人呀!啲人差不多入晒去我就問....到我個number未,佢就比左張全場最細唧枱我哋,我老公未坐底就跟住啲人去攞三味啦......未就係(辣椒、香蒜、豉油).......點知豉油都比人攞哂要等囉!茶都要等.......等左一會我見到有個伙計幫啲客人點菜,我都唔立刻拉住佢點啦!如果唔係有排都未野食呀! 蕃茄湯煱底---两個人食唔到豬骨煱

食完之後 第一感覺 火鍋版 既田中 大碟行先 樣樣新鮮7個人 加埋其他 食左 $2000 價錢稍貴 不過真係值仲有基本冇人會叫菜 因為大部份料都用1/3 份菜墊底下次稍作調節 肯定 庶揸既價錢 食出燒鵝脾味道!

兩條麻甩仔食起上來可以好"是是旦旦",不過今日食肉獸地盤朋友想食好 D, 又要多肉, 又想飲杯啤酒...一般豆腐火腩飯當然滿足唔到佢啦本來係埃華街巡下睇下有咩食, 不過依然無 IDEA ...去到街尾, 見到力奇, 大家打個眼色就狗衝左入去好彩我地夠早, 唔使等位就直入, 坐低叫湯底後, 已發現門口人頭湧湧陸續入座真係慢些少都都排隊我地叫左個 鴛鴦湯底, 一邊係沙爹, 一邊係粟米蕃茄個沙爹湯底, 未至於好食過方榮記, 不過都算唔錯了至於粟米蕃茄, 因為主要係食配料粟米...所以湯底味道無乜印象了....食品方面, 我地點左 : 肥牛, 墨魚滑, 炸魚皮, 粟米豬肉餃, 冰豆腐, 仲有隻唔知咩丸, 入面有芋蓉本來想叫埋 "脆肉鯇", 不過地盤仔話唔識食魚, 咁得我一個食都係唔叫了上面既食品, 再加上湯底既蕃茄粟米, 再加埋啤酒 + COKE Zero, 兩條友幾乎食唔晒 而點左既食品, 都係大路野, 唔會有咩好突出我的推介是, 1) 粟米豬肉餃 - 好大隻, 比想像中既"餃"大好多, 小心食唔晒2) 冰豆腐 - 比"小肥羊既更好食, 又可能係呢度湯底好味3) 仲有隻唔知咩丸, 入面有芋蓉

同老人家出城，由尖沙咀中港城乘的士，大約$34。時間大約6:30，仲擔心冇位，但仲有好多枱未有人坐。只有3個人，沒有叫豬骨鍋，叫左個芫茜皮蛋湯底，未有野食，滾起個湯底試下味，同平時係屋企滾唔同，多左D甜味，心知不妙，同以前食個海底椰湯底一樣，好可能放左糖或味精。叫左:肥牛(小) ，屋企人話冇牛味，比起任食火鍋的牛肉還要差脆肉鯇片例牌，呢個係全晩最好味的，有鮮甜味的又脆脆肉鯇手打雙丸: 蝦丸和墨丸，冇諗過比以前差左咁多，鮮味和彈牙指數，都下降了炸魚皮和鮮蝦腐皮卷，唔知係咪上錯，上枱只係腐皮卷，冇蝦架喎~~又費事煩，所以都冇問返侍應，炸魚皮都好食，保持水準貴花蚌和,(山)瑚蚌，爽脆，鮮味不足鯪魚球/毛肚雙拼，鯪魚球唔腥，新鮮味道不錯，毛肚就冇味，又唔爽口，差烏冬1個調味的豉油很咸，覺得力奇加價幅度和食物質素成反比，是日星期日，離開的時候，難怪已沒有以前很多人在門口等位的情景出現。埋單$71X。沒有下次再光臨的意慾。

真係要為呢間野開齋寫食評!!好老實去呢d地方唔會期望有咩服務!但都唔係咁囉!!一早訂左位..去到重好似要乞佢比檯咁!!等左一陣,佢就講左個檯號叫我地行過去,點知係有人坐緊既?!出返去同佢講有人坐緊wor..佢就話,咁要過隔離拎飛等等!!xx##zz咁我訂位做乜?!好啦.終於坐低,野食黎齊,榨野飲要追三次先黎!已經喺追榨野飲第一次叫埋3罐可樂諗住快d有得飲,點知都要連埋榨野追3次先黎!!!!打邊爐地方野飲要追三次係咪做生意架?!?!!野食方面,$78隻既鮑魚,肥牛同蝦滑比較深刻印象d!其餘都無咩特別!環境都係一般火煱場咁..同後面檯既男人互相講左五六次唔好意思,因為唔係佢撞到我,就係我撞到佢...到埋單,計多左3罐可樂!佢搵人過黎望左兩次睇下我地有無收埋d罐! 我地張檯隔離有個"升盤",佢要"裝"下我地有無收埋d罐落去....痴線架?!一隻鮑魚$78,我地叫左5隻..係都同你講黎少一隻鮑魚啦,呃你3罐汽水$27???有無攪錯?!做生意做得咁小家既?!呢間一定無下次!!!!!!

我兄弟生日，指明話要去力奇，之前未食過，結果伏已中，碟碟都好大碟，幾個人飽到嘔豬骨煲 : 建議人少少唔好叫，因為太太太大煲，根本食唔晒，我地食完飽左一半，豬手雞腳已煮熟晒，好入味鮮牛肉 : 鮮嫩，靚美國牛 : 我地三個人，叫左個中，竟然都食唔晒，可能其他野都好大碟啦鮑魚: 既然兄弟生日，豪氣d，一人叫一隻，都係$78，仲好生猛，係咁郁，放佢落個煲時真係有d唔忍心小蠔: 應該係桶蠔水餃: 係咪中左輻射呢? 我未見過咁大隻水餃!!!!! 仲有成隻蝦係入面!!!!! 好好食!!!!!!!!!!!!!!!!!!!!!!鵝腸: 係新鮮鵝腸，唔係急凍，好驚喜雙丸: 好彈牙，蝦丸又係有成隻蝦係入面豬心: 好爽口，切得好薄，好刀工我覺得下次黎力奇，應該要吹雞黎食，多d人可以食多d野，我見隔離抬的麻辣湯好正，下次要試!我見之前有人提到太子女，我懷疑我都見到佢，事關我見到有個著住圍裙的女仔做做下野坐左係我隔離枱食，(伙記唔會咁夠薑掛?) 又真係幾得喎!! 最好笑係佢食食下突然叫我幫佢同佢成抬人影相，我叫staff幫我影相就試得多，俾個staf

其實係慶祝父親節、母親節再加端午節由於一早已book位同埋好早到，所以唔駛係出面等我地今次7個人去食細個果陣，住tuen mum，亞爸大時大節會帶我地去食，果陣時一有得去就好興奮今次我地成班大個曬，再次去食叫左肥牛，魚皮，珊瑚蚌，蠔，脆肉鯇，餃，丸，西洋菜，生菜再加豬骨煲豬骨煲真係大煲到嚇死人材料有南瓜，青瓜，薯，雞腳，大大舊豬骨，馬蹄，茄兩個人食既話叫個煲都夠由於爸爸個記憶仲停留係我地細個果陣....所以碟碟都叫大...點知，而家力奇既大....係真係好大所以最好碟脆肉鯇要帶走(爸爸第二日煲左魚粥,超正)魚皮好快就比亞媽食曬肥牛真係好正，肥得好正佢既雪花分佈非常完美食落去即刻融化，雖然佢係肥，但係食得多都唔會膩珊瑚蚌好多，佢吸左豬骨煲既精華，正~!!!蠔異常肥美，真係兩啖都食唔曬，超大餃好似雪左好耐，要煮耐D丸之中，最好食魚丸同墨丸...不過蝦丸就唔多OK~童年回憶，力奇必食脆肉鯇小時候對脆肉鯇既感覺---佢脆到連片皮都可以脆今日再戰脆肉鯇，驚覺力奇咁多年都可以唯持質數，實屬難得~!!!小B都覺得好美味希望不久既將來可以成家人再戰力奇

衛生環境惡劣，食到我同同事都腸胃炎，又嘔又痾超過十次。間餐廳零服務，牆上標明的飲品基本上咩都無。食具污糟，d杯全部反轉放係張極度污糟的枱上，野食亦不特別新鮮，如果要打邊爐，千祈唔好去

一大班人，打邊爐吹水最好不過一來點了兩大鍋最出名豬骨煲，份量多到WA一聲!!大肥牛 ---- 一片片，疊到座山咁，叫完一碟又一碟手切牛肉----正呀鮑魚---- 切薄片上，好新鮮手打蝦丸---- 有成隻蝦係入面!!爽口彈牙!!手打墨丸、墨滑---- 又好彈牙生蠔---- 好大隻，好鮮甜!!!象拔蚌、珊瑚蚌--- 好鮮甜， 好爽!!炸魚皮、炸腐皮--- 火鍋必吃!!粟米-- 非常甜,好吃^^仲有其他都好好味~~^^食到尾，喝了一大碗豬骨湯精華，鮮甜得滿足^^雖然今餐有點貴($3XX)，但食得好開心

力奇呢間火鍋店，我都幫親過幾次，我一般都會係平日去，假日去真係等位都等死你，不過真係好好食，等下都係值得今次我係復活節期間，同幾個舊同學去，一行五人，自問都好大食，但真係食唔晒，每人$200，抵到暈。南非鮑魚---- 實在太新鮮啦，佢地仲係度郁手打蝦丸---- 有成隻蝦係入面手打墨丸---- 好鮮甜手切牛肉---- 正，同街市嗰d完全唔同，係邊買既呢??大肥牛 ---- 一座山咁，我同行朋友o左咀豬骨煲 ---- 你地睇左咁多相，相信唔使我多講…. 正!!!!!!仲要其他好多，唔多講，我仲可以打包返去第二日煮麵tim。題外話，我今次終於見到太子女啦，去左好幾次都見唔到，佢肥嘟嘟咁，黎收錢時好溫柔好可愛呀!!!! 我仲見到佢刨牛肉喎，我食嗰碟牛肉應該係佢刨架 

今天和家人一行六人到了區內火鍋店光顧.整體環境不錯, 枱與枱之間有一定的空間, 不會坐得太迫. 蕃茄雜菇湯底味淡，菇無菇味。牛脊粒size適中，肉味濃，唔會韌。冰豆腐放落沙爹湯底最正，吸晒沙爹香味。韮菜及白菜餃上枱時餃皮已黏著碟，一夾就穿底，皮較厚，菜肉比例一樣。四寶丸中墨魚丸最彈牙好味。手打烏冬依然煙韌！最後埋單八百幾蚊＋分抵食!!!

Just after holidays, I would be quite busy so better write an English quick report about the experience having dinner in this Hotpot restaurant.Actually very happy to get my old schoolmate call regarding to coming out for a gethering at dinner time during Easter holiday. The same that we didn't have to wait for the table because the old schoolmate, whom I have known over 10 years, booked a table. Appreciated his work very much.Reached the restaurant with no expectation after what I could see and