影片
更多
2012-03-22
45 瀏覽
上星期日一行八個到力奇火鍋店打邊爐，之前去過五、六次，食物基本OK，但建議需要自備碗筷，因為真係頂唔順佢地對於清潔的標準...我地六點半左右到達，無咩人，直接坐低，自己照顧自己，唔駛預有侍應會幫到你。當我熟練地自取調味料既時候，其他客人竟然叫我幫佢地倒水，我幫佢地唔係問題，但無理由搶埋人地份工啦，雖然呢度侍應的工作相信並不包括沖荼、取碗筷、調味料等等，所以當呢度係Hostel個觀感就fit哂。之後叫左個招牌豬骨煲（水準Ok）、大肥牛（都Ok）、珊瑚蚌（一般）、貴妃蚌（一般）及大桶蠔(下面詳述)...食食下…其中兩個朋友仔突然放低筷子，兩人都發現隻生蠔有異味(當然唔係海水味咁高級啦)，其他未食既都即時停低唔食住，果時有9成蠔仲未食。諗住淨係叫佢地換番兩隻就算啦，點知佢地既回覆係﹕無理由，d蠔成桶番泥，唔會有咁既情況。咁係乜野道理？唔通一桶番就唔會有d有事、有d無事？搞左一陣，個侍應同我地講，老世話今次算啦(好似係我地搞事咁，食物有問題係食客的錯)，同我地取消左大桶蠔...“但係要收番細桶蠔既錢”。咁緊係唔合理啦，因為我地9成都無食到（而家又唔係玩俄羅斯輪盤，有機會嗅既你博唔博呀？），最後
我地六點半左右到達，無咩人，直接坐低，自己照顧自己，唔駛預有侍應會幫到你。當我熟練地自取調味料既時候，其他客人竟然叫我幫佢地倒水，我幫佢地唔係問題，但無理由搶埋人地份工啦，雖然呢度侍應的工作相信並不包括沖荼、取碗筷、調味料等等，所以當呢度係Hostel個觀感就fit哂。
之後叫左個招牌豬骨煲（水準Ok）、大肥牛（都Ok）、珊瑚蚌（一般）、貴妃蚌（一般）及大桶蠔(下面詳述)...
食食下…其中兩個朋友仔突然放低筷子，兩人都發現隻生蠔有異味(當然唔係海水味咁高級啦)，其他未食既都即時停低唔食住，果時有9成蠔仲未食。諗住淨係叫佢地換番兩隻就算啦，點知佢地既回覆係﹕無理由，d蠔成桶番泥，唔會有咁既情況。咁係乜野道理？唔通一桶番就唔會有d有事、有d無事？
搞左一陣，個侍應同我地講，老世話今次算啦(好似係我地搞事咁，食物有問題係食客的錯)，同我地取消左大桶蠔...“但係要收番細桶蠔既錢”。咁緊係唔合理啦，因為我地9成都無食到（而家又唔係玩俄羅斯輪盤，有機會嗅既你博唔博呀？），最後都比我地好辛苦咁爭取到唔洗計蠔錢。
呢次係我地最後一次光顧力奇，要去試下既朋友仔記住小心d同埋自備碗筷。其實，按照力奇依家咁既食物質素、零服務態度、惡劣的衛生環境及咁既價錢，性價比真係好低。服務衛生環境我地仲可以忍，但係連食物都係臭0既就唔得!
張貼